海街丼 (海濱匯)

Lunch喺海滨𣿬附近揾嘢食，呢一间海鲜日式丼饭嘅餐厅好吸引，所以入去坐低咗。装修好有日式嘅风格，新净又干净，lunch menu好多嘢拣，有海鲜丼饭，亦都有熟食，最后我叫咗佢哋嘅招牌特上海宝丼。一上到枱，呢个海鲜丼真系好丰富，好吸睛，用料上乘，满满嘅蟹肉，可以令到每一啖饭都配到蟹肉，另外佢哋嘅三文鱼子同海胆都好新鲜，鲜甜肥美，两只赤海虾都好新鲜，虾膏都好好味，同其他海鲜一齐食，好搭♥️果然系佢哋嘅招牌丼饭。…查看更多

坐得几舒服，每次想同同事揾个地方坐得舒舒服服倾吓偈，又可以食到啲好食嘅嘢，都会拣呢一间餐厅。价钱嚟讲都算系合理，因为始终呢度系商业大厦，方圆10里又唔系太多餐厅可以选择。今次叫咗呢一个丼饭，鱼生几新鲜，好鲜甜，又有汤又有前菜好抵食，上菜速度都唔错，啲人服务都几有礼貌，加茶加水都好快。美中不足系每一次嚟都一定要排队，如果唔系就真系要好早嚟。同埋某啲枱嘅位个冷气真系特别大，问过职员，佢话系教唔到，只可以坐其他枱。…查看更多

前排系观塘做完野见肚饿但又好想食日本野😚最后我去左海街丼食tea～呢度主打日式丼饭，今次我拣左特上海宝丼，可以变做茶渍饭，食法好特别〰️而且估唔到都几足料，有好多真蟹肉，海胆虽然未算非常鲜甜…但甜虾弹牙又肥美，整体材料相当丰富🥰餐厅超级贴心❤️店员用保暖壶装住鱼汤，我系食左一半丼饭之后再倒入鲣鱼汤，鲜味提升左好多，因为用左保暖壶所以d汤仍然热辣辣🙂‍↕️本身以为透明既系Jelly，但原来系啫喱醋黎架😱店员好有耐心咁讲解食法，餐厅以木系风格返计，座位亦舒适🫶🏻另外佢地既材料都系由日本直送，如果系附近返工既可以一试😌@umimachidon.hk 📍海街丼观塘海滨道77号海滨汇1楼13-14号舖…查看更多

行经海滨汇，试下日式料理做晚餐,招牌菜是刺身同定食，一于试下先～刺身两点（吞拿鱼、带子）$110吞拿鱼刺身：新鲜肥美,入口即溶,搭配醇厚的酱油；带子刺身:带子肉质鲜嫩弹牙,搭配清爽的山葵酱,让人回味无穷。土手煮定食$145里面有牛筋、豆腐、牛肉和魔芋杂烩，牛筋软嫩,豆腐绵滑,牛肉鲜嫩,魔芋软糯,层次丰富,滋味迷人。黑芝麻羊羹芝士蛋糕:黑芝麻香醇浓郁,羊羹绵滑细腻,芝士蛋糕浓郁柔滑,三重口感层次分明。百香果梳打:清新酸甜可口的百香果香气,搭配微微的汽泡感,清爽解腻。…查看更多

今日去开保险公司搞保险啲嘢，就过咗嚟呢头。呢边都几隔涉，牛头角地铁站行过嚟都仲要成8分钟，仲要冇瓦遮头，夏天咁行都几辛苦。横掂离开呢度就顺便喺度食埋嘢，行咗几层净系见到呢间日本嘢就试呢间。叫咗个海宝丼，有油甘鱼、吞拿鱼、三文鱼、三文鱼鱼子、扇贝仔、青瓜等等，海鲜都几丰富同都几多，可以每啖寿司饭都配到海鲜，而且食落都新鲜冇鱼腥味，有时最惊嗌海鲜丼佢会俾啲唔靓嘅部位你。另外个海鲜丼仲包面豉汤同前菜沙律，都够饱肚。…查看更多