海膽仔

营业中

休息中

網上見到不少人推薦，於是同朋友兩人一齊試午餐。我朋友要了一份海膽丼，海膽鮮甜濃郁，最令我驚喜是壽司飯，海膽仔無論是落醋的比例，還是飯的溫度，掌握得剛剛好。(我個人認為壽司飯是壽司同丼的靈魂，烹調得好更有效帶出刺身的鮮美)海膽丼超贊絕對會Encore! 下次想試試握壽司。海膽丼另外跟麪豉湯同沙律，沙律忘記拍照，朋友手速太快。我就要一份牛舌拉麪，牛舌是厚切，同白蘿蔔炖得十分軟淋入味，糖心蛋超好食，整體不錯，但因為個人更喜歡薄切牛舌，算是自己大懵點錯菜，下次想試下豬軟骨。我們另外加配兩個小食，一份是酥炸生蠔，即叫即炸，裡面生蠔個頭不小，吉列裹得剛剛好。好食會Encore的菜式!另一款是牛肉薯餅，其實即是可樂餅，味道尚可，但是對比其他菜式，有點一般。最後是西京燒銀鱈魚，味道尚可，但是油太多。總體來說，餐廳環境整潔舒適，服務態度良好，上菜速度算快，食品質素有保證，會是一間我會再光顧的餐廳。

海膽仔💁🏻‍♀️刺身定食 $128刺身好新鮮魚肉細緻甘甜、滑嫩多膠質甜蝦、帶子好肥美 質感厚實滑嫩💁🏻‍♀️海瞻三色丼 $138海膽一向係深受香港人喜歡的日本食材都屬於幾昂貴的食材海膽刺身營養豐富、色澤金黃今次帶兩款唔同海膽 我習慣將佢原塊放入口先可以感受佢本身的味道一款口感鮮嫩甘甜☺️另一款則濃郁細膩 幾乎入口溶😆💁🏻‍♀️ 熔岩海膽魚餅 $38唔好睇佢外表黑炆炆🫢原來內有玄機外層係彈牙魚漿製的黑墨魚餅一咬開已經見到色澤鮮黃的海膽餡料口感好特別 有漿漿地但唔係好實既質感真係好似熔岩咁慢慢流出來

去完新蒲崗睇傢俬，搵地方醫肚！誤打誤撞嚟到一間原來咁出名既居酒屋！十分有驚喜！先有一個正宗日本麵豉湯！好香濃同足料！大量日本海苔同豆腐！好暖胃！天氣凍飲一飲就暖曬！海膽丼大大件燈黃色日本直送海膽！一個字：鮮！夠曬新鮮！唔洗二百蚊！抵到不得了！海膽三色丼有新鮮嘅海膽同吞拿魚蓉！鵝肝多士極邪惡！外皮脆卜卜，入口即溶，有回甘味！明太子雞翼雞翼係冇骨嘅！比明太子充滿！燒菠蘿新鮮菠蘿🍍甜甜甜燒茄子🍆大量蒜蓉，好好食😇超級有驚喜嘅日本餐廳！食完先知原來咁出名，book mark 左！一定會再黎！

朋友喺新蒲崗番工，佢帶我試呢間日本餐廳“海膽仔”，夜晚6點半去到唔多人，因為多數人未收工，但7點幾時已經差唔多滿座，幾受歡迎呢度嘅食物幾出色，我試咗好幾樣，有丼飯、刺身、壽司、串燒、天婦羅🌟海膽三色丼丼飯上面有海膽、吞拿魚蓉、三文魚籽，每款都好新鮮，叫得做“海膽仔”果然海膽特別正，好鮮甜，完全冇怪味，而個丼飯充滿壽司醋，酸甜度調得啱啱好，撈埋新鮮芥末一齊食更加香🌟燒左口魚邊丼左口魚邊燒得勁香，食入口充滿魚油脂，撈埋照燒汁黎食個飯好惹味🌟三文魚腩刺身有8件厚切三文魚腩，魚味十足，入口即溶，而且冇筋🌟魷魚壽司壽司師傅手勢好，魷魚同個飯痴得夠實，魷魚新鮮爽口🌟牛舌串呢個牛舌好有驚喜，牛舌肉質鮮嫩爽口，食入口爆哂汁，真係想食多幾串🌟雜錦天婦羅有茄子、蕃薯、南瓜、紫蘇葉、海老，炸到金黃色，香脆唔油膩，仲有個成把扇咁嘅炸麵，平時好少見呢餐食咁多野每人都只係大約$250，好抵！食物好味又實惠，我下次去開新蒲崗都會再食

👧🏻😋👅🍽✨新蒲崗高質必食小店👍🏻-海膽仔 🇭🇰 新蒲崗衍慶街2-32號新蒲崗大廈地下Q號舖 🇭🇰-🧡高質, 抵食, 海膽仔食海膽當然正, 但其他野樣樣都好高質🧡近門口係師傅處理壽司刺身既地方, 雖然座位係入面, 但行入去時都見到魚生好靚放晒係玻璃雪櫃, 仲有得買刺身返屋食!-🖤🤍🧡倍化帶子吞海膽 $98💯超厚帶子切半夾住爆晒出黎既加拿大海膽, 海膽超creamy, 配上清甜帶子更顯鮮味-🧡💗🧡🤍海膽三色丼 配沙律, 麵豉湯 $138✨三文魚子, 拖羅蓉, 海膽另上, $138黎講份量算超多; 魚子勁新鮮!-🤎🤍燒左口魚邊丼 配沙律, 麵豉湯 $108💯左口魚裙邊厚肉又長身, 每食一啖啲油都係口腔浪下浪下, 燒汁同芝麻平衡左油膩感, 但又唔會搶味, 正-🍤🍄🌱什錦天婦羅 $68✨炸蝦好好多款唔同野菜, 個天婦羅汁唔會太重味, 減輕油膩得黎都能夠突顯食材原味-🖤🧡熔岩海膽魚餅 $38💯外形直頭成舊海膽咁🤣 係冇左啲刺, 皮薄餡多, 入面海膽蓉一咬開都彈晒出黎-

海膽仔是一間我非常喜愛的日本餐廳，位於市中心一個比較偏僻的位置，但這也是它的特色之一，能讓用餐的人感到舒適、安靜，遠離市區的喧囂。進入餐廳，映入眼簾的是一個舒適的用餐空間，燈光柔和，裝潢簡潔雅致。坐在位子上，店員會提供熱茶以及問候，讓人感到非常貼心。讓人最難忘的當然是食物，海膽仔的海膽非常出色，食用過程中可以感受到海膽的清甜與微妙的鮮味，而且不膩口，讓人一口接一口地吃。除了海膽外，期間限定的鵝肝三文魚定食也是餐廳的一大特色，鵝肝味道非常香濃，加上外脆內軟的口感，令人非常滿足。三文魚也非常不錯，新鮮的三文魚帶有豐富的油香，肉質柔嫩鮮美，簡直是美食家的必嘗之選。除了上述這些美食，海膽仔還提供了許多其他常見的壽司、刺身等日本料理，如光滑柔軟的鰻魚、口感豐富的章魚等，每一道菜都讓人驚艷不已。餐廳的服務也非常出色，服務員態度友善，會細心地介紹菜單上的不同食物，並推薦一些口味與用餐時間相匹配的美食，令人感到非常貼心。佢榮登我心目中2021, 2022 和 2023 的我最喜愛日本餐廳, 經過新蒲崗必試。

經過新蒲崗這間日式餐廳，聽聞主打海膽，但比較趕時間便只叫了簡單的晚餐。進內感覺良好，環境光猛寬敞，坐得舒服。店員感度不錯而且效率高。食物性格比非常高，拉麵套餐只是$6x，配埋沙律和麵豉湯。最多可追加2個小食，我點了4切三文魚$3x，三文魚新鮮，而且厚切，非常滿意；另外5件炸餃子$22，炸得來不會界口，很難得。單點丼飯都不用$60，飯的份量能滿足男士的食量，飯和餸的比例剛剛好，牛肉汁出色，豚肉亦不會有腥味。下次再來會試試期間限定的套餐和海膽。

啲位勁窄，冇位擺野，地下都冇，全程要揹住個袋食！如果你買左野就唔駛諗啦，你攬住埋袋野係你心口前面食啦！啲野又唔係特別好食，服務態度又勁差！唔知啲好評點黎，一定唔會再嚟！

去日本除咗食魚生最鍾意食海膽 聽講呢間新鮮又抵食仲要日本直送🛩️行完MIKIKI過去望下個menu 估唔到選擇又幾多❣️牛肉野菜鍋 $88成煲都係蔬菜 金菇 冬菇 上枱嘅時候全部都係生牛肉🐂 淥一淥變色即食 幼嫩嘅牛肉包住蔬菜一齊食 麵底係類似薯粉嘅透明粉條 掛滿鮮甜湯汁 勁好味❣️海膽三色丼+麵豉湯+沙律 $138話晒係海膽專門店梗係要試吓招牌菜海膽 吞拿魚蓉 三文魚籽 放滿面頭 海膽大大pat好新鮮 仲要唔係平價會腥嗰啲 吞拿魚蓉超綿勁濃吞拿魚香味 三文魚籽好似爆珠咁 噴滿口腔 鮮甜多汁❣️牛柳粒鍋定食+麵豉湯+沙律 $98佈滿洋蔥 三色椒嘅牛柳粒石鍋好colourful 賣相勁吸引 用石鍋嘅熱力炒香拌飯🔥牛柳粒一口一粒 黑椒汁煮得好入味 微辣口感食落非常過癮❣️甲羅燒配法包(2件) $68好多人推薦話係抵食之選 估唔到真係幾大份下 蟹殼🦀裝住嘅蟹膏醬搽完兩塊法包都仲有剩 濃郁蟹膏食落鮮甜飽滿但並不油膩 ❣️熔岩海膽魚餅 $38滿到爆瀉嘅海膽蓉 食落微甜同油炸過黑蚊蚊嘅脆皮外層有分明嘅對比呢個小食都幾抵食❣️厚燒鰻魚串 $28兩片軟綿嘅鰻魚片 燒

-🔸一口芝士 $38🔸刺身定食 $128🔸壽司定食 $128🔸什錦天婦羅 $68🔸倍化帶子吞海膽 $98-收工朋友帶路去新蒲崗食日本嘢，第一次食海膽仔，原來又平又抵食，仲要好新鮮高質。朋友推介必食帶子包海膽，勁厚肉嘅帶子夾住海膽一大啖食晒超正！每人叫咗一份定食，刺身有大大隻牡丹蝦、三文魚腩、吞拿魚、帶子、希靈魚等，全部都好新鮮同厚切。壽司有十件全部唔同嘅款式，啱晒心大心細想咩都食嘅人，定食仲包沙律同味噌湯。最後仲叫多兩份小食，一口芝士好香濃好滿足、什錦天婦羅炸粉好薄且脆，用料都好新鮮。依間海膽仔值得encore啊！

原來唔同小區真係幾多好野食🥣呢一日同老公泥到新浦崗拎野成日都聽朋友講好多野食🥢果然真係好多小店老公想食日本野🏮行經有一間叫海膽仔📍決定試下-九龍區小店都比較細，這家估唔到幾闊落🔎同埋人流都比我想像中旺⭐️而且有師傅現場處理刺身，特別有風味✨食物方面，都係有唔同日式食物!🥢老公揀了刺身定食(配和風沙律，餐湯) 🍱有齊三文魚、帶子、吞拿魚等唔同刺身🍣新鮮又肥美😍而且好大份 絕對唔會得好少!加埋和風沙律同麵豉湯，真係抵食!😋-由於我唔太餓，所以我點了海膽三色花之戀🧡呢個卷物以三文魚、吞拿魚等做襯托❣️加埋海膽同蟹籽，正🤩-另外，我地第一次試倍化帶子吞海膽🍣真係好好好肥美既帶子，加埋海膽😝啖啖既油脂美，真係不得了🥳好彩有紫菜襯托，相對會無禁油膩鍾意食帶子既朋友一定要試下!-刺身方面，我地點了三文魚刺身(8切)🧡同油甘魚刺身(4切) 同樣好肥美 新鮮🔎啖啖食到刺身既鮮甜美!🤤-我再點了每次食日本野必食既芝士年糕🍢熱辣辣既拉芝，外脆內軟，好食🧀飲品方面，我地點了木村蘋果汁🍎唔會太甜既蘋果汁!-好滿足既晚上，估唔到真係好抵食!💯當然地點的確唔算方便，可能要搵一下⚠️但如果經過的話，真係值得一試‼️

💛好味指數:4.6/5💛💜回頭指數:4.7/5💜居酒屋風格嘅海膽專門店，門口仲有好可愛嘅無臉男同海鮮刺身，可以外賣攞走又得，堂食都得🥡✅海膽丼$168配料有海膽、海膽同海膽🤣餐廳嘅海膽丼用咗加拿大海膽，都幾鮮甜，呢個價錢算唔錯😉定食仲配沙律同麵豉湯✅倍化帶子吞海膽$98勁大粒帶子夾住海膽！好邪惡😆😆不夠紫菜唔夠脆，可能影相擺耐咗✅關東煮定食$88關東煮好入味🍢最中意一定係蘿蔔🤣就咁飲湯都好好飲🤤✅活赤貝$45係門口見到個海鮮櫃好吸引，開咗兩隻活赤貝，果然爽口鮮甜👍🏻✅牛油果軟殼蟹卷$38軟殼蟹都幾香口，同沙律醬、牛油果嘅味好夾🥑🐻總結嘢食種類多，Cp值唔錯🍣午市仲無加一😝📍海膽仔 (新蒲崗)新蒲崗衍慶街2-32號新蒲崗大廈地下Q號舖

海膽係我地最愛嘅食物，今次我地搵到呢間係新蒲崗嘅日式餐廳，主打海膽😋😋😋 海膽丼定食$168一啖一啖鮮甜加拿大海膽配飯一齊食，非常滿足的感覺😋👍🏻 定食有埋沙律🥗及麵豉湯，抵食👍🏻海膽三色丼定食 $138採用加拿大海膽配鮮味蔥吞拿魚蓉及極香魚油味的三文魚籽，足料又滿足😋 定食有埋沙律🥗及麵豉湯，抵食倍化帶子吞海膽 $98紫菜包住超大粒King Size 帶子刺身再夾住海膽，一啖食到哂3個層次嘅味道😋海膽魚餅 $68香口墨汁魚餅包住甜甜的海膽，美味可口。三文魚籽壽司 $38/2件三文魚籽非常鮮味，食咗三色飯都要再encore👍🏻玉子壽司 $12/2件簡單而幸福的味道！

海膽手卷（2位）$48海膽一叮一聲你都冇，非常之新鮮鮮甜；紫菜好爽脆；店員仲會提醒我哋要快啲食，如果唔係紫菜會變林身、影響口味。燒牛舌 $28 就有四塊大大嘅牛舌😍 盛價比高。而且牛舌非常之彈牙，調味不太醎、加檸檬汁🍋 食好正🦑魷魚筒 $98成條魷魚咁食都幾過癮😌 廚師都唔算笑得太乾身，魷魚入口都彈牙～但唔難咬開，係下酒嘅小食。 🐠燒油甘魚餃 $68冇諗過魚肉外面都可以燒到係有啡色咁呢靚🤎 油甘魚餃嘅肉都幾多，肉味亦都juicy ，用筷子篤開，會有汁咇出嚟🥰 另外仲有個醬油之類嘅醬汁點嚟食，鹹鹹地，送飯都幾夾🐟銀鱈魚定食 $128無得輸的和食料理，銀雪魚肉燒完之後本身都有一陣特別嘅甜味，再點埋QB沙律醬就好惹味，令人食極唔厭😛 🍣壽司類～刺身基本上都係有水準嘅發揮👍🏼 新鮮～～火炙三文魚和左口魚都幾好，有油脂香香。吞拿魚 $18油甘魚 $28灸燒左口魚邊 $32灸燒三文魚 $16

海膽啊🤤🤤🤤🤤 作為一位熱愛海膽嘅人，周圍試食海膽係一件好正常嘅事～今次嚟到新蒲崗呢間海膽仔，一入去已經俾佢好靚嘅裝修吸引咗，睇埋價錢，更加覺得呢一間嘢非常抵食！除咗海膽類之外，仲有好多唔同嘅日式料理，選擇夠多👍🏻👍🏻我梗係叫咗海膽丼啦！配上香脆嘅紫菜，再加埋一啖飯吞落去，真係好甜又新鮮，係幸福的感覺呀我朋友就叫咗個鵝肝帶子三文魚丼，呢個配搭超正👍🏻👍🏻 啲刺身都好新鮮，鵝肝亦都非常之香，食落口好重香味，但係又唔油膩，實在係非常吸引小食方面，我哋叫咗個油甘魚鮫，魚皮煎得好香脆，同時間都保留左油甘魚嘅肉汁，配上酸酸地嘅檸檬汁，真係令人好開胃❤️海膽仔 (新蒲崗)❤️新蒲崗衍慶街2-32號新蒲崗大廈地下Q號舖