海皇粥店 (莊士敦道) (已結業)

週末早上想吃點清淡的，看了openrice看到附近有海皇粥店，過去門店打包。可能因為週末，堂食沒什麼人，買了瓷飯外加油條，瓷飯沒有糯糯黏黏的口感，飯跟乾飯一樣的，瓷飯油條也是軟軟的，不好吃。因看外面廚窗油條蠻不錯，遂買了一根，店員在廚房裡面拿的，有點積油，硬硬的。連鎖店來說，品質有點不足。短時間暫時不會再光顧了，油條一根12塊，偏貴。外面9塊左右都比這個酥脆。

很久沒有去食海皇粥店，小時候家樓下有一間，所以成日食，但係長大左就很少吃今日路過未食午餐就入去食下粥，原本叫特餐的南瓜粟米肉碎粥（正價是$43）又想叫多碟齋腸（$17）店員好心提醒我，現是下午茶時段，如果吾食大碗的可以食下午茶set (兩様加埋，再多一杯熱豆漿都係共$36）Wah ！平禁多！食物方面：腸粉都係一如以往的腸粉正常味道，又不會太散開南瓜粟米肉碎粥，就太少肉碎，太少粟米，不過我原本想食白粥清腸胃，所以都可以接受！（心想好在沒有叫大碗的）豆漿就要自己加糖，沒有味道的！我自己就喜歡清淡的食物，所以我覺得求其平平地一個午餐算ok ！

坐低成幾分鐘都係無人serve, 請問吓counter係咪係度order，就發曬脾氣鬧人，好痴線😫😫😫😫😫😫😫😫😫😫D嘢食其實都ok但員工態度咁差，無謂去受氣，永無下次👎🏿

係open rice 訂咗外賣自取，但去到取食物，又話要 check 返 open rice vs 佢哋自己單號碼，，都算，自己做得慢（已經唔係超多人）又發個客脾氣，話俾時間佢check, 企係度等佢又話我阻住佢其他客，態度差劣！！！

其實粥店來來去去都係果d野食, 不過海皇既套餐食品選擇多，水準又穩定，位又坐得舒服，價錢親民，都係一個好選揀♥️今日叫左個「輕輕的我來了」係迷你粥加個菜仲有半份油炸鬼，好似好少野咁，其實女仔食落都夠ga la。個艇仔粥好好味，個菜係煮耐左，黃左d，個油條呢…..係油左d

我試了生滾肉丸粥  加  油炸鬼生滾, 要等十分鐘.味道一般/價錢要: 港幣三十八 (貴)送: 油炸鬼(半條)  (油利)肉丸粥, 一般疫情:  少了很多人.平時很多人, 要等十五分鐘.

今朝在灣仔附近，諗住食個近中午的早餐，見間舖頭乾乾淨淨就衝左去。可能疫情關係唔係好多員工上班，點餐要耐心等候。本來想叫個腸仔蛋出前一丁，佢話要2:30後先至有。最後叫咗個碎牛粥，齋腸，牛脷酥，菜脯煎蛋豬扒飯同埋杯凍奶茶。五樣嘢五樣都唔得，我已經唔係要求好食只係想正正常常....個粥好鹹，病人食咗都應該會病唔應該叫碎牛，叫塊牛....😳腸粉就交貨，質素係正常偏難食嗰邊個豬扒就好似午餐肉咁，我以為自己叫咗餐蛋飯咁多樣嘢牛脷酥跑出，都唔係好好食㗎啦我覺得下次我會試叫一個白粥睇吓咩料如果白粥都唔得嘅咁咪以後唔使來

喱間海皇d室內装修有d特色，樓底又幾高。提供嘅飲食配搭亦幾多樣化，可算是豐儉由人。是日叫左個【粥你愉快茶餐】，個名又真係幾有創意喎。即係菜乾排骨粥+炒麵+豆漿。個名咁正，食得愉唔愉快先？我就覺得唔太愉快囉。Why？Let me tell you.首先d麵份量係多，但冇乜亮點，純屬大路貨色。到碗粥喇，一入口，嘩，落d師傅同鹽好重手，食完好快會口渴囉。豆漿就一般般喇，甜度都算調得合適嘅。d出品都免强合格喇，咁點解食得唔太愉快先？問题就係最近日日都三十幾度，熱到飛起，諗住入去食吓野涼吓冷氣，點知該店d冷氣温度唔夠凍囉，半冷唔熱嘅温度係幾難頂㗎，速速食完就拜拜喇。該店要跟進吓d冷氣同埋調節吓出品d味道喇。

天氣時冷時熱令到我無咩胃口，呢個時候最岩食粥，格過價後就選了海皇粥店的海龍皇粥$39，不算大碗，不過材料十足，有鯇魚，花生，魚蛋，瘦肉，蝦，蟹柳和油條，口感很豐富，各式各樣都新鮮，魚不太多骨，粥底線滑，以$39來說性價比不錯的，因為相比了數間粥店的粥雙拼都差不多$40起了，算很實惠

海皇一品粥，材料包括有魚丸、肉片、魚片肉、魷魚、油條、香蔥、花生，魚丸口感彈牙，魚片肉質滑嫩，食落鮮味十足，魷魚食落有咬口。咸蛋瘦肉粥，瘦肉肉味濃郁，皮蛋口感滑溜，粥底口感綿密，配料包括有油條、香蔥、花生。鮮蝦腸粉，鮮蝦口感爽口、厚肉，味道鮮甜，腸粉厚度適中，配以豉油食用，味道咸鮮。炒麵，口感乾身、條條分明，充滿豉油味道，配料包括有香蔥、椰菜。煎蘿蔔糕，蘿蔔糕口感軟糯，味道鮮甜，內有臘腸，味道咸香。紅豆沙，份量多，紅豆沙口感起沙，味道正宗、香甜。煎堆，口感外香脆內煙韌，表面鋪滿白芝麻，食落好香口。豆漿2杯，口感細滑，豆香味濃。醬料，包括有麻醬、甜醬、辣醬、白胡椒粉、白芝麻。

剛剛陪阿媽購物後，本來打算到大有商埸內午膳，但因物件比较重又有点儿累，恰巧經過莊士敦道見到食店的有［花膠粥］的宣传招纸，我們便改变了主意，到海皇粥店試試看呢！一進去，店內已坐滿人👉二人一桌；有位女待應叫我们等一等，不到5分鐘她已安排了我們到後排座位坐下，有效率呢！首先看看餐牌，替媽咪叫了一份［花膠粥餐］內裡有碗花膠粥$43元加一份义燒腸粉$14元（也可選擇加其他配料）；自己叫了［海皇特餐］$62元內有一碗海皇一品粥，一份油器，一份蝦腸粉及一杯熱飮（加$3元）。花膠粥內的花膠是一絲絲的，不錯。海皇一品粥有多料👉蝦，蟹柳，鱼片和肉丸，粥是熱騰騰的。好味又温暖。一碟腸粉有兩條：蝦腸晶莹通透而油品很爽脆👉好吃。若下次來，我會試艇仔粥或菜亁排骨粥呢！總括而言，我是喜欢的。

天氣終於變凍，最期待莫過於一個熱辣辣嘅早餐，特別想食碗粥！早晨套餐中點了艇仔粥，份量絕對夠飽肚，材料除咗有豬皮，肉碎，水魷，花生等，仲有少少油炸鬼，入口脆卜卜，加多d胡椒粉增加香辣味道！加搭甜脆嘅牛脷酥，成條比你，一咸一甜，滋味呀！食晒全身暖哂

原本想吃新出shake shake油條， 但店內太煩忙……我完全落不到單，午市很多外賣，大家都吵著等太久……堂食我就只能坐著等……姐姐有空落單最後我只點了虾米腸粉，蒸蘿蔔糕，炒麵，因為已經過了20分鐘午膳時間了。加上甜醬，麻醬很嫩滑蘿蔔糕有點失望太多粉了，蘿蔔沒感覺到材料很少感覺把蝦米打碎，應該很碎混進去所以少少紅色……我都吃不出味道，沒豉油完全沒味兒。炒麵正常吧……原本想落生滾粥，但時間不足問題，趕著上班……只好取捨改了喝豆漿。可能真的很久沒來海皇，原來食物變化很多，有很多套餐，有多款飯類，有上湯家鄉銀針粉下次我應該試試飯餐，見到外賣超多人選飯，套餐都很經濟，可以考慮一下。 油條下次再試吧……

今日行經海皇粥店，雖然是晚飯時間，但見到金黃色的油炸鬼，忍不住的走了進去。很久沒有到過海皇粥店，食物款式和套餐選擇比以前多了，本來想點一個輕量套餐，但見到蝦腸好像很不錯，結果點了一個名字很有霸氣的「海龍王餐」。先講海鮮粥，大大碗，粥煲得很棉，配料有鮮魚片、蝦、魚丸、蟹柳和炸花生，味道不錯，只是魚片有點碎骨，吃時要小心，另外自己忘了跟店員說走葱。而油炸鬼沒有令我失望，非常酥脆，送上枱時仍然微暖，加分！至於蝦腸就一般，腸粉較厚不夠軟滑，蝦的數量亦少。豆漿不過不失，糖是自己加的，這個很讚，因有些店舖的豆漿實在太甜，這裡可以自己加，對我來說很好。整體來說不錯，份量很足，女生兩個人分享再另加小食如蘿蔔糕、炒麵就可以了。

去海皇粥店點咗個珍珠三兄弟。個套餐包珍珠雞、馬立戔、炒麵及豆漿。杯豆漿好甜好滑。入口清香。馬立戔鬆軟好味。好彈牙。個炒麵我加咗甜醬及花生醬。入口好滋味。份量都唔少。最後個珍珠雞熱騰騰。足料。個環境好乾淨。價錢好平民化。