海皇粥店 (樂道) (已結業)

對於一年四季都喜歡吃粥的我，海皇是一個不錯的選擇。放工去吃碗粥再上堂。海皇地方大、座位舒服闊落，6點客人不多，非常舒適。海皇選擇好多，粥粉麵飯、油器、糕點、油菜等等應有盡有。我選擇了全日供應的生滾粥餐-豬潤粥配油條($49)，另外加左凍豆漿($6)。 粥底綿非常好食，豬潤被比下去。油條炸得乾身香脆，不會太油，雖然唔夠熱辣辣，但都好好食。整體來說，海皇食物唔錯、環境舒適乾淨、員工都好有禮物，是不錯的選擇。

今天同朋友一行兩人食晚餐，我點了艇仔粥加蒸蘿蔔糕，朋友食生滾牛肉粥。食時食物味道沒有特別好，但也沒有怪味。只是未食完已經開始覺得唔舒服，一出店門口就嘔吐大作。到家更開些肚瀉。同行朋友食完胃勁痛，噁心想吐。懷疑食物衞生出了問題。怕怕。沒有下次

海皇大眾化風格，坐位是茶餐廳格局﹐好有親切感。主要是賣的是中式粥粉麵等，份量是大大碗的，但一個女仔通常都吃不完一大碗，而兩個人分擔就剛剛好。香港美食選擇多不勝數，粥粉麵飯樣樣有齊，當中嘅粥品其實都好有特色，而我自己最愛就係海皇粥店啦！間唔中都喜歡食粥清一清腸胃，今朝就黎左海皇粥店食早餐,兩個人分別叫咗一碗粥加一個炸兩，比幾年前食過嘅要為之好食！粥底用上乘米煲製五小時，並搭配不錯的牛肉、魷魚及豬皮而成。

今日同朋友心熱來潮去到尖沙咀分店的海皇粥店食粥，現在海皇粥店不只食粥，粉，麵仲有飯同湯食，十分多元化。我最喜歡的艇仔粥， 粥底軟綿綿，配料有碎牛、魷魚鬚、 豬皮及花生，加上鹹香的油炸鬼片，十分滋味。鹹肉粽都不能缺少，大大隻，餡料有綠豆、肥膏、鹹蛋黃及糯米，配粥食夠晒飽肚。至於朋友就食南瓜粟米肉碎粥，甜甜帶豬肉碎的鹹味，感覺很健康。炸腸2個人share 就最好不過，加上芝麻醬、甜醬、豉油及芝麻，十分滿足。再加多一個牛利酥，大大個又香甜甜，不太油膩，相當香口。

夜晚放工吾知食咩好，間間鋪頭吾係關左門，就係即將關門，阻人放工猶如殺人父母，所以好難搵野食。咁岩去尖沙咀接女朋友放工，就順道向附近搵下野食。向樂道見到呢間海皇粥店，11點都未收，峭尤食呢間啦。入到去，人流吾算多，坐位又寬躺。可能燈光比較光，所以整體感覺好精神，好乾淨，衛生指數⭐️⭐️⭐️⭐️睇下個餐牌先，原本諗住食粥，但原來海皇而家有好多野食，有部隊鍋，麻辣雞粥，酸辣粉，西式碟頭飯，重有蒸魚餐👍🏻👍🏻👍🏻食物多元化指數⭐️⭐️⭐️⭐️⭐️而我就決定叫呢個 拾悅芥菜豬膶粥😂等左一陣就有得食，熱辣辣，好好味，而且啲粥吾會太咸，非道好👍🏻隨粥附送仲有油炸鬼，雖然已經係夜深，但係油炸鬼依然鬆脆👍🏻而啲豬膶非常大塊同埋新鮮，聽講仲可以補血添😂跟餐仲可以補錢換夏日特飲我叫左杯芒芒彈彈，芒果汁入邊加入椰果，唔會太甜，而且椰果非常爽口，可以幫助消化。成個宵夜我都覺得好好味，大家都可以去試吓，而且我覺得非常抵食，抵食指數有⭐️⭐️⭐️⭐️⭐️

夜夜地肚有點餓，經過海皇粥店見唔多人，於是入左去幫襯。打開個餐牌，先發現海皇都多元化左好多。除咗食開既粥，腸粉，油器，仲多咗好多新野食，例如有蒸魚餐、部隊鍋、火鍋、湯飯、蕃茄湯米線等等...今晚我就叫左個鳳尾蝦帶子肉丸蛋花粥拼咖哩魚蛋、XO醬煎蘿蔔糕、牛肉腸粉同埋豆漿。叫左野食未到，當然係周圍望下啦，樂道分店環境都好乾淨整潔。醬料都好齊，又帶哂label唔驚攞錯，仲有寫明醬料成份含大豆、小麥，咁對大豆、小麥有過敏反應嘅朋友仔就唔怕食錯啦。夜夜地肚有點餓，經過海皇粥店見唔多人，於是入左去幫襯。打開個餐牌，先發現海皇都多元化左好多。除咗食開既粥，腸粉，油器，仲多咗好多新野食，例如有蒸魚餐、部隊鍋、火鍋、湯飯、蕃茄湯米線等等...今晚我就叫左個鳳尾蝦帶子肉丸蛋花粥拼咖哩魚蛋、XO醬煎蘿蔔糕、牛肉腸粉同埋豆漿。叫左野食未到，當然係周圍望下啦，樂道分店環境都好乾淨整潔。醬料都好齊，又帶哂label唔驚攞錯，仲有寫明醬料成份含大豆、小麥，咁對大豆、小麥有過敏反應嘅朋友仔就唔怕食錯啦。講返食物先，海皇一啲都唔孤寒，XO醬煎蘿蔔糕嘅XO醬好多，食起上黎好惹味，而且又唔會同某啲酒樓咁粉多過蘿蔔，十分滿意

有晚瑜珈課前要果腹，草草走進了很久沒有到訪的海皇粥店。還以為位處尖沙咀的，本地人寥寥可數，言而眼看座上客，遊客和香港居民，也有五五比例。屹立數十年的連鎖粥店近年也稍作轉型，不再單單主打粥品，火鍋、米線、湯飯亦有。粥品、炒麵要價五六十元，要知道這裡就是尖沙咀，還好味道有保證。要了個特餐，皮蛋碎牛粥配炒麵($60)，加配熱豆漿($6)。粥品和炒麵份量均很多，皮蛋軟熟，碎牛惹味，上面還配上油炸鬼，充滿港式風味。炒麵用來拌粥品是一流，蘸上甜醬吃亦十分美味。口饞再加點了一件mini牛脷酥($8)，甜甜的是兒時最愛，外脆內軟，口感更勝其他油器。

一間陪伴香港人接近三十載的粥品店，不論以舊有快餐店自助模式，或者是今天嶄新的落單模式，都秉承一貫價格低與質素高的風格。味道依舊不變，情懷繼續流傳，偶爾相約齊回味，溫馨回顧少年時。XO醬蘿蔔糕自家製造的蘿蔔糕，蘿蔔含量相當之高，配上惹味的XO醬，香濃配搭實在回味無窮。艇仔併瘦肉粥豬皮和魷魚是我食粥最愛的配料，質感一貫爽口鮮味，瘦肉切絲非常入味，粥底亦相當幼綿！叉燒腸蒸腸粉個人喜好厚身既表皮才有本土風味，幼滑既腸粉壤入豐富既叉燒，叉燒肥瘦適中，醬汁調教恰到好處。海皇一品粥用料相當豐盛，粥含有豬肉丸、鮮蝦、鮮魚片，每種材料都非常鮮味，特別是蝦肉和魚片的肉質感到好新鮮，此價格十分抵食。

病了，到尖沙咀睇醫生，附近得呢間有粥食，印象中佢地啲粥唔錯。由入門口到坐低再點菜都由一位好有禮貌嘅女服務員幫手👏🏻👏🏻 加分魚片皮蛋粥：粥底好滑👏🏻👍🏻皮蛋...成碗粥得三粒，不過都好好味嘅，好大個蛋黃仲有皮蛋應有嗰種臭味，正！ 魚片...少之有少似食緊魚「碎」，我佩服師傅刀工，切到佢得2-3mm 咁薄，一入口就溶咁....食完成碗除了間唔中有啲碎骨，完全唔覺自己食緊舊魚！在遊客區食野係咁上下，食租金！不過如果連多幾舊魚都afford 唔到 ...點算好？ 餐牌不如唔好賣魚算。

平日食粥都係食開街邊嘅小店粥舖，對上一次食海皇粥店已經係好耐之前嘅事，冇食一排，今日食返，見到menu入邊嘅食品價錢都幾貴... 一碗普通嘅艇仔粥加炒麵都要成50蚊... 但係勝在份量夠多，粥底夠綿，入邊嘅材料亦都非常豐富，炒麵唔油而且好幼滑，加埋芝麻就更加香... 另外仲加咗鹹肉粽同油炸鬼，油炸鬼好香脆，而且無油膩嘅感覺，至於鹹肉粽嘅味道一般，不過糯米好香好煙韌，點埋甜豉油就更加正！雖然同街坊嘅小店粥舖比海皇係有啲偏貴，不過我覺得 以服務同埋食物質素黎講都係值得嘅！仲有一樣值得提嘅係，海皇用嘅碗係偏闊身，咁樣食粥嘅時候粥就可以快啲變涼而容易入口，非常細心！

最近食得太多好東西，終於搞到喉嚨有點痛。去了相熟的醫生看病，位於尖沙咀的，看完醫生後，決定吃一點健康的食物。來到位於尖沙咀樂道的海皇粥店，上次只是吃了飯，沒有吃粥，因此今次決定一試招牌的粥品。今次點了兒時最喜愛吃的皮蛋瘦肉粥，粥店的粥果然特別好吃，瘦肉粥十分綿，材料非常充足， 十分抵吃。只是一個瘦肉粥不是十分足夠，因此加配了叉燒腸。叉燒腸和事有時分開想的，客人可以選擇完全不落，非常健康。在現今發達的香港，可以吃到這樣傳統的食物，價錢有十分經濟實惠，非常值得一讚。

好耐無試過粥，所以經過海皇粥店就入去食佢嘅招牌艇仔粥。見到佢有個特餐，粥配粉麵，再加個野飲，都係$50幾蚊，於是就叫左個特餐食。艇仔粥非常大碗，而且好足料，裡面有油條、花生、蔥花、魷魚條、海蜇等。聞落味道好香濃，粥嘅質感非常綿滑，而且唔會太稀同稠身，魷魚條同海蜇都好彈牙爽口，整體味道幾好食，保留左廣東粥嘅風味，水準好高！炒麵係係豉油炒麵，炒得幾好，麵幼身易咬，而且炒得唔係太油，味道亦都剛剛好，唔會好鹹。

工作關係又來到尖沙咀，這個夏天又來到非常寒冷的天氣，因此經過海皇粥店想吃一碗熱辣辣的粥。多年不到海皇粥店，原來不只有粥，粉麵，豆漿等。現在更有其他不同特色的食品。今次點了肉操雞翼大碗飯。大碗飯的份量果然特別大碗，肉操更有台灣的味道，非常不錯。滷水雞翼味道非常好吃。店舖的環境非常舒適，不知道是否下午茶時間的關係，人流不算太多。由於店舖鄰近地鐵站的關係，距離地鐵站只需5分鐘路程，非常十分方便。因此決定在會有下一次品嚐的機會。

第一點我想帶出是，今天我在尖沙咀工作， 這個時間正正是我早餐時段，而我就選擇了海皇粥店。餐廳選擇還算多，以不同的粥品配合中式食物，也有很多種不同的配搭。醬料架款式還算齊全， 該有的也有了， 而我當中最喜愛的就是這個芝麻醬， 芝麻味十足，入口香滑。這個時候，到了主菜， 我點選的是瘦肉挺仔粥， 分量和相片的沒有大的差別，還算合理。 至於味道方面 我選擇了有味粥，就是已經有底味，無須添加其他味道， 當然適合我口味。這就是紮根多年的味道。

我同老公甘岩都病咗， 係咁咳， 又喉嚨痛， 唯有同老公去食粥， 日出尖沙咀地鐵站行幾分鐘， 就見到呢間海皇粥店， 一於入去食個晚飯， 一入到去，店員啲態度都好nice, 好有禮貌👍👍我叫咗南瓜粟米瘦肉粥，配唐生菜， 食碗粥都 好有南瓜味， 一啲都唔覺得淡茂茂， 我份人不嬲都唔鍾意食粥，但病咗就唯有食粥，估唔到呢碗會南瓜瘦肉粥令我好開胃😋😋 南瓜好入味， 南瓜加埋瘦肉，都幾健康👍👍 生菜 都好清甜 ，岩晒最鍾意食菜既我😍😍我老公就叫咗三拼粥（ 魚片，碎牛，羅漢齋）， 佢話食材好豐富，d魚片好鮮甜， 碎牛都幾好食，配埋羅漢齋好特別👍👍😋我哋兩個都覺得d食材好足料，分量好足， 食完都好飽肚😍我見過餐牌除咗唔同款式嘅粥之外， 仲有其他飯同麵， 款式都好多元化，下次會再幫襯試下款式既食物😊