海皇快餐廳 (已結業)

其實係去海皇隔既海皇茶餐廳,但同老闆…食左個下午套餐日式炒烏冬,我覺得好好味,用豉油將烏冬炒到淺啡色,有少少似上海粗炒,但係比上海粗炒好味同無咁油,材料亦都好健康,日式魚片,少少肉絲,菜絲,蟹柳等等,27有埋野飲,係一個唔錯選擇,以茶餐廳做日式食物,算係唔錯!

呢度d野食又真係幾奇!成日俾你驚嚇!好似呢次叫湯飯咁,根本唔使講都知係一碗將飯放什湯內而面頭有送既野,但係佢既所謂湯飯真係得人驚!我無諗過,亦估唔到,佢竟然俾兩一碟送我,然後俾我一碗裡面有飯既清湯,送還送,飯還飯,個送仲係好芡汁既小菜咁款!咁都係湯飯???激死我!!!

接左新job之後,喱間餐廳已經成為新飯堂,其實唔係咁好食,但附近又冇乜好食,唔掂都冇辨法.喱間"快餐廳"最攪笑o既係連日式野都有,好似魚生,壽司咁,但我諗以佢o既格局冇人夠膽食.脆脆地叫個日式咖喱炸雞脾飯.雞脾炸好後切開四舊,甚鞋口,而且有雞骨碎留o係飯上面,好危險.咖喱明顯係中式,咖喱牛腩o個隻.佢雖然有D紅籮蔔同薯仔o係度,但原來佢係分開整,將D紅籮蔔同薯仔放o係飯上面,再淋上咖喱汁,所以完全唔入味......一碟非常求其o既飯.

從來未食過咁既火腿奄列!一睇個樣,咦?無乜火腿既?一切開個蛋皮,嚇死你,蛋皮裡面係一大「炸」火腿絲,堆埋一齊,咁仲不特止,仲要有好多好多(注意:係好多)蕃茄汁混左係度!換句話講,個奄列唔係火腿同蛋混為一體,而係蛋皮包茄汁火腿!味道如何? 我覺得好難食囉!(呢份奄列係早餐其中一款,除左奄列,仲有牛油多士同奶茶,好在呢兩樣無咁騎呢啫!)