海灣餐廳及海灣咖啡室

营业中

休息中

第一次去海洋公園萬豪酒店食自助餐，搭地鐵都可以去到海洋公園，真係好方便。呢度自助餐都好多不同種類嘅食物，有中式丶日式丶西式，同埋好多甜品丶雪糕。雪糕方面有Häagen-Dazs和Mövenpick，仲有一款唔知咩牌子。仲有心太軟丶迷你葡撻丶其他一口蛋糕仔。重點推介：任食清蒸龍蝦，師傅會即場切開一半，每人每次限攞半邊，有兩款醬汁選擇：芝士汁丶泰式汁。我個人認為熱食龍蝦好味過凍食龍蝦，而灣仔萬麗酒店都有蒸龍蝦。當晚仲有韓式和牛供應，師傅會即場煎兩塊和牛，然後自己加配料(泡菜丶生菜)。仲有燉湯，就係瑤柱蟲草花瘦肉湯。蝦籽撈麵，落足料，好多蝦籽。刺身就有帶子丶赤蝦丶北寄貝丶八爪魚⋯⋯好新鮮。服務態度好好，所有職員都有禮貌，仲好細心。環境好靚好有渡假嘅感覺，好舒服，去過會好想再去多次。

疫情其間我都真係無食過自助餐，今次黎個大解放，仲要揀到去海洋公園既Marriott Marina Kitchen，勁食一番酒店係正海洋公園站隔離，非常方便，Marina Kitchen 當然以海洋為主題，襯返主題公園，地方闊落，環境都不錯冷盤呢度食物款式都唔少，有沙律、cold cut，冷盤海鮮，隔離就係壽司bar, 刺身款式都有6款，冷麵、冷盤、壽司，可惜我最愛既帶子刺身唔知點解好咸，平時應該好鮮甜架嘛，唔會咸架嘛😵‍💫熱食當中龍蝦、鮑魚都不錯，鵝肝配多士真係好甘香，油脂爆燈，滷水拼盤，鵝片味道都不錯韓式和牛油脂豐富，可以配生菜，紫蘇葉，再加d辣醬麻油一齊食，中和返個油膩感粉麵呢度仲有蝦子麵，自選粉麵，驚唔夠飽既都可以食返碗，仲有多款調味料可供選擇，瑤柱蟲草花燉瘦肉湯，味道咸左少少，不過唔油幾好飲甜品Cake cup外型精美，細細件就可以試多幾件，雪糕櫃係會不停轉架，真係旋轉with me呀😆，我揀左開心果gelato，唔太甜幾好味，但全部都係cake，甜品種類唔算多，有d失望雖然甜品同帶子有d失望，overall食物都算不錯但服務我就真係覺得有待改善，book位時可能溝通上有d誤會

今晚入住海洋公園萬豪酒店，當然要順道試下 個自助餐。 依個自助餐地方唔大，食物選擇亦唔係多，但味道都不錯。平常有的，它有，預期它有的，它沒有，講的是 生蠔7XX 的自助餐竟然沒有生蠔，個人比較失望。以下有一部分食物照，大家可以參考下。甜品 (有10款左右，都很好味，我覺得比熟食好食。鑊仔韓牛，重點推介，是 A+韓牛熱食: 鮑魚、芝麻雞亦、 蓉包(磚) (推介-外脆內軟)、烤三文魚刺身: 深海池魚、海甘魚、帶子。 全部都厚切，鮮味。食完抱著肚走，但以同價錢，我覺得應該要有生蠔提供。如果唔係住酒店，唔想走來走去加上附近沒其他選擇外，叫我自己入來食我就唔太建議。

食物同環境一流,服務都很好.平時龍蝦很多酒店都是冷盤,但是這裡是熱食.這裡大部份都是我喜歡食的海鮮跟甜品.海鮮有龍蝦,熟虾,青口,藍殼青口,長腳蚧,蜆,花螺.失望的是沒有生蠔！刺身有大大粒帶子,赤虾,希靈魚,油甘魚等.熟食有鵝肝,羊架,燒牛,韓國和牛,燒鮑魚,金沙骨,粉麵,中西湯及盅頭湯等.甜品有葡撻,豆腐花,糖水,雪糕等等.還有朱古力流心布甸,喜歡食朱古力的一定要試.小朋友還有很多糖果選擇

第一次見到佢嘅時候，我就已經被佢嘅外形吸引咗。加上佢嘅口味罕見，實在值得一試，所以慶祝朋友生日嘅時候，就買嚟一齊試！仲記得我哋係星期6下午舉行生日🎂聚會，時間同路程距離關係，我係前1日放工做完運動之後，10點之前去到餐廳拎返屋企～搭完地鐵再轉巴士，當時仲要落雨……個蛋糕返到去第2日食竟然仲咁靚，我覺得絕對要讚下自己。講返蛋糕先，雖然呢個配搭聽上去好似九唔搭八，或者覺得好膩好「漏」，但係原來一啲都唔會。雖然感覺似乎超重口味，但令人驚訝🙀嘅係，食起來居然係好輕盈，而且味道啱啱好，好夾！食一啖，好濃芝士味，再伴隨住鹹蛋黃嘅獨特味道，令人食完一啖又一啖。蛋糕主要用2種芝土，而呢個蛋糕係充分利用咗Cream Cheese 嘅軟身同Mascaphone Cheese嘅幼滑呢2個特點，令整個芝士蛋糕食起上嚟完全唔覺得膩滯，但可以享受到芝士嘅雙重滋味，絕對值得一試！呢個蛋糕係酒店嘅招牌蛋糕，而我最初正正就係被佢嘅外形吸引！你睇，蛋糕雖然唔係平時個種3D立體蛋糕，但蛋糕上面嘅海豚🐬同cream嘅形狀就成功營造咗一個海豚🐬跳躍嘅畫面，好有動感！大家想試嘅話可以打去或者email佢地訂㗎😜不過我一直都打唔通

海洋公園萬豪酒店，喺黃竹坑，都唔算隔涉，搭地鐵去行10分鐘到就到。今次特登去食佢嘅自助餐，自助餐種類不算太多，不過貴嘅食材講得出都幾乎有，好欣賞佢嘅真材實料，熟食好有心機，食材都用貴嘅食材！先講下個燉湯，烏雞燉瘦肉，好足料啊，啖啖都有肉香，落少少鹽，冇乜味精，原材料嘅味已經夠了。隻鮑魚就細隻咗啲囉，靠食執㗎咋，鮑魚冇乜味，彈牙囉。龍蝦都冇乜特別，夠爽夠彈牙，不過冇乜味，佢都冇配合醬！鵝肝真係冇得輸呀，新鮮好大件啦，好好食，表面有少少蕉，好好食呀。

We've enjoyed our stay at OP Marriot very much.Comfortable environment. Super friendly staffs. Special thanks to Ms. Anna Li made us feel like home checking in and explained us in details around. Anna is professional and always have a wonderful smile on her face to all guests.Food is yum. Great dinner buffet. Mr. Iván Pun has been so nice and kind to us. Iván even remembers us by names on following day at breakfast.On a scale from 1 to 10 as on above, Ms. Anna Li gets 12! Anna makes our stay fee

睇食評有人話海洋公園酒店buffet幾好食，就趁自己生日去試下，但幾失望而回。有熱的龍蝦，唔係凍到死實實的龍蝦就一試，龍蝦熱辣辣係好味，仲可揀芝士汁及泰式汁。我添了好多次食。值得讚但呢間酒店竟然無三文魚刺身，只有其他魚刺身及魷魚，北寄貝等刺身，都幾意外及失望。蟹腳都算新鮮唔會死咸牛扒ok不會有太大驚喜，羊扒唔so, 另外無炸物，我呢d炸物控頗為失望。另外韓和牛先唔好食，又鞋又唔香完全唔好食超級多糖，其實酒店知唔知家長查實唔係好鍾意比仔女食太多糖，個糖的area會唔會大左d? 甜品少得可憐兼唔好食，食buffet我覺得甜品係最緊要，但偏偏得果幾款仲款款唔吸引，無意大利芝士餅，無紐約芝士餅，無拿破崙，無一個個的蛋糕，全部甜品我覺得係美心水準以下。。。。雪糕個柜好勁，但其實款唔多食物款式少：無天婦羅，無pizza, 無中式點心，無片皮鴨，無即整西式意粉，但又大大個檔煮蝦子麵，其實唔使咁大個位煮同一樣野囉我講咁多無，咁有咩呢？好，我數一數：龍蝦，鮑魚，蟹腳，凍蜆，凍蝦，各款刺身唯獨沒三文魚，但有煙三文魚，沙律，風光火腿，芝士，咕嚕肉，西蘭花磨菇，西芹魚柳，牛柳粒，牛扒，羊扒，鵝肝，印度咖哩，

今次黎到海洋公園萬豪酒店staycation因為只要生日當日係處於海洋公園停業既日子就可以係任揀一日免費入場所以book埋酒店去玩個package係最普通客房連自助餐價錢2k1自助餐由六點半開始食到十點三點半小時餐廳係第三座marina wing一行入去就係入去餐廳第一眼望到就係呢個雪糕櫃呢張係臨走先影既佢不停係度轉轉轉職員亦都refill得幾密都好多人係度打卡影相個場唔算好大自助餐種類亦都唔算多cold cut無影到而凍海鮮全部都細細隻仲要無生蠔而蒸龍蝦就每人每次拎半隻去到八點幾就已經無晒無再fill飽魚鴨肝肉眼好難食羊架OK正常仲有d淋既天婦羅燒味燉湯撈麵最大驚喜係魚生幾鮮味但拎第二次就已經差晒好難食因為口罩要戴要除太煩就一次過拎左大部份番黎先食因為係主題樂園既酒店仲有個糖果區葡撻豆腐花同pancake最後甜品區都好細得上下層果幾款我係唔明點解會有人話海洋公園個自助餐高質而且仲要full到有人要坐室外雖然勉強都叫對住泳池食但感覺真係好差雪糕有兩隻牌子仲有款脆皮雪條不過成日比人拎晒咁自助餐不嬲都重量不重質味道都從來唔係自助餐既重點不過呢度選擇都唔算好多飲品亦都只得一杯lounge反而

🍴 今次個staycation ($1318) 包左一餐in-room dining, 所有食物都冇得擇，只可以揀飲品。基本上包左前菜沙律，三個主菜同兩件甜品。沙律都算幾大份，仲有煙三文魚，唔錯。野菌意大利麵份量正常，蒜味幾香，食落好開胃好好味。迷迭香烤雞外皮好味，不過入面就有d乾，而且肉質有少少鞋口。最後香草烤地中海雜菜及新薯就普普通通，唔太特別。甜品就反而有驚喜，望落好甜，但係食落個朱古力撻入面就有好濃嘅朱古力，好正！ 💼 服務方面整體都唔錯，前台職員都有禮貌，合乎我嘅要求。 .............................. 香港海洋公園萬豪酒店地址📍: 黃竹坑黃竹坑道180號 總評分: 8.2/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️💫 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️⭐️💫 抵食💰: ⭐️⭐️⭐️💫

今次係嚟到海洋公園隔離嘅萬豪酒店，我哋喺入面嘅Marina kitchen食咗晚餐同埋早餐。晚餐呢系用takeaway嘅形式，7:30pm就準時送到房間門口啦。果然，酒店入面嘅沙律都係非常之新鮮，啲甜品都係好高水準㗎，絕對冇令我失望呀！而意粉方面呢，就覺得意粉比較實，唔夠彈牙。如果用新鮮意粉就會比較出色啦。但係調味呢係好好味㗎。菇嘅份量都幾夠。另外個烤雞呢，就配配一個少少辣嘅醬汁。但係就攤凍咗啦，令到質感差啦，冇咁好食。第二朝嘅早餐，我推介奄列👍，做到啲蛋好鬆軟，唔會過熟。另外燒賣👍同蝦餃都係師傅即場包同蒸。我覺得燒賣比較出色，蝦餃塊皮就略厚喇。另外我都推介佢嘅鬆餅👍同埋蘋果批👍等等，好好味，好鬆軟。如果可以keep到個溫度就再好啲啦。佢嘅芝士👍選擇有三款，算唔錯啦。最後就叫咗一碗魚蛋墨魚丸牛肉湯河粉作結尾。不錯不錯。

即慶去海洋公園萬豪酒店食午餐自助餐,正好酒店做六折,約每人連加一$293。每人認為自助餐選擇不多。而且飲品每人只包一杯飲品,不太盡興。唯一可取是有movenpick,haagen dazs雪糕;蛋糕精致美味。

我平日好鍾意去海洋公園, 享受室外陽光活動.因疫情原因, 海洋公園關門了.  結果今天去到海洋公園對面的 Marriot Hotel,  駕車來泊車好方便! 遙遠可以望見海洋公園, 酒店內也有巨形魚缸. 設計充滿海洋氣息, 好特別, 令人感覺開心.到了 Marina Kitchen, 餐廳有室外 及有室內座位.   聖誕裝飾佈置得好靚, 兩日前我們已訂了 下午 High Tea Set,   今天比較大風, 我們選擇坐室內. 下午茶 Menu 好豐富, 有 鹹甜點多款. 我們喜歡熱奶茶, 可以自由添加,  三層架的下午茶食物擺設美觀,  甜點咸點件件都靚,  煙三文魚芝士三文治, 必食. 英式牛油鬆餅, 英式葡萄乾牛油鬆餅.   熱熱的好美味.  塗些英式奶油忌廉玫瑰果醬, yummy !上層甜點, 法式糕點及甜點: 有聖誕特色點綴, 非常 討好.   每件都好食. 脆皮朱古力聖誕樹頭蛋糕, 櫻桃香草慕絲蛋糕, 紅絲絨杯子蛋糕, 好吸引.下層鹹點: 迷你蟹肉奶油麵包, 海鹽焦糖果仁撻, 鴨肝慕絲泡芙 松露蘑菇鹹批肉桂蛋酒布丁. 聖誕裝飾薹餅人好得意. 歡樂聖誕下午茶, 茶點都滿意, 又

11月個時同屋企人book左海洋公園萬豪一晚連門票，之前見佢哋自助餐一直好評，入住前幾日就打電話去餐廳問，又好好彩話仲有少量位，就即刻book埋啦！當晚六點令鐘左右到，已經有一半人入咗座。雖然餐廳安排左比較遠離食物嘅區域比我哋，但就寧靜啲，人流又少啲。冷盤海鮮類有長腳蟹腳、青口、蜆仲有比較少見嘅麵包蟹等。冷盤海鮮算多款而且新鮮，蟹腳每條都大大條！-熱葷款類都好多，羊架、中式菜、燒海鮮、咖哩等等，應該出現嘅佢都會有。磯燒飽魚唔韌夠軟腍，鴨肝多士入口即化，攞過兩次都見佢哋有refill。-日式料理吧，刺身即場切，冷盤壽司個啲就一早整定，唔算多人排隊，都算乾淨衛生。--最精彩嘅一定蒸龍蝦，無限件數，每次排隊都可以拎半隻。龍蝦即蒸即開，鮮甜肥美，蝦肉彈牙，蝦膏有半隻咁多--甜品放得好靚，想要邊款師傅會係隔離個雪櫃拎出黎，所以唔係食display個啲。其實唔止甜品櫃，仲有豆腐花、朱古力噴泉、雪糕雪條等等。但食甜品個時真係太飽⋯⋯所以食唔到太多。-整體而言，餐廳空間大，枱同枱唔算太逼，員工收野都算快。記得要飲佢原盅燉湯，好正不過唔記得影。

上個月訂dinner buffet 要waiting list, 早兩天突然燶幾通知有位，仲有65折，可能疫情關係。險險地在禁晚間堂食前一天去。一開始取蒸波士頓龍蝦要排隊，彈牙有鮮味。其他食物也要由廚師夾俾你，每次俾小量，食物盤也不大，體驗大大減低，不如寫紙仔好過。中式熱暈不多，咕嚕肉夾雜異物硬過骨頭，問廚師佢話係油炸鬼，佢吔也偷偷試吓但無回應。之後吃魚生，帶子大粒魚生厚切，但沒有吞拿魚，壽司卷欠款式吸引力。炸物鴨肝煎得幾燶，鮑魚吃第二輪入面唔熟，燒牛肉牛肉味幾濃。麵檔無海鮮，有花膠但很快無晒。幾款燒味不錯。燉桂圓紅棗湯竹絲雞，見黃牙白煲到淋晒，該是老火湯，但湯好清而幾淡口。沙律，乾火腿和煙三文魚唔見有人取過，肉質看來好乾無光澤。甜品方面，蛋糕只有幾款小型的黑色系列，黑芝麻湯圓不錯皮薄餡多。pancake 太薄而且幾燶，餡料只有朱古力，士多啤梨醬和蜜糖。最後凍檸茶竟然無檸味又無茶味。網友之前介紹過榴槤甜品和燒日本牛肉唔見有。總結經驗和一般網友大力推介不同，唔知係咪第四波疫情令貨素下降，除咗餐廳，其他地方包括室外泳池唔見有人。除非你好喜歡蒸波士頓龍蝦，否則這價錢不如去金鐘的酒店食buff