海灣冰室 (已結業)

又來到荃灣搵食，依間冰室對住海景，真係好chill。餐廳環境寬敞及有特色。餐廳提供冬日限定餐牌。🐟香煎龍利柳 - $82條龍利柳好慷慨，係又大件又厚嘅兩塊。啲魚煎到個面有少少脆，配埋個汁真係好夾。我叫咗黑椒汁，仲有蒜蓉汁、燒汁、洋蔥汁揀。魚下面仲有薯條同菜。🥣豆腐火腩煲 - $84媽媽大讚個煲。好救鑊氣，豆腐同火腩嘅份量都好多，仲有好多菇。平時食嗰啲會有好多蒜頭、蔥，但呢度真係真材實料。🥬郊外油菜 - 加$20🥤餐飲總結而言，依間冰室嘅性價比都幾高。店員好親切，會雙手遞紙巾俾我，幫我收碟之前又會問一聲，好有禮貌！

約咗朋友行荃灣Donki，喺樓下發現呢間新開嘅茶餐廳，餐廳都幾大，仲有幾張卡位，可以望海景🌊，感覺好舒服，朋友仲話有老番西貢海邊感覺😆。店員有禮健談，介紹我哋有乜好食，我好鍾意食烏冬，見到「✨XO醬叉燒炒烏冬，包餐湯或飲品$57」，即刻點呢個。烏冬份量都幾大，一上枱，已經聞到香噴噴，有好多好大塊嘅叉燒，配菜有椰菜、紅椒，面上還點綴了香蔥及芝麻粒，好味又抵食。仲有我最鍾意嘅港式濃滑奶茶☕️😋。朋友就點咗「🐟鐵板香煎龍利柳，配以蒜蓉汁及薯菜，都係飲熱奶茶$82」但朋友要求碟上，店員哥哥話冇問題。同埋加咗碟油菜+$20，一齊食。雖然係茶餐廳，但擺盤用心，整個賣相都幾靚，薯菜有煎蕃茄、沙律、翠玉瓜，好多蔬菜，感覺好健康。朋友話龍利柳外邊煎得都幾香口，魚肉好嫩滑。呢度坐得好舒服，一邊望住出面嘅景色，一邊食飯，好正。

阿媽今晚罷工唔煮飯便外出揾食，行到屋企附近海之戀商場，海旁附近有好多餐廳，選擇了其中一間冰室 - 海灣冰室。雖然有個海灣花園，不過海灣冰室都冇改錯名既，確實係坐立於海灣旁，卡位完美享受藍巴勒海峽的夜景。早上有天然日光照射應該仲坐得舒服！冰室屬於轉手經營，所以有部份餐牌有待完善～ 佢地同其他餐廳唔同，只有戶外入口（因為旁邊其他餐廳有商場入口），係最近西鐵的一間餐廳，好方便！生炒糯米飯 ($88) 最近天氣開始凍，超想食糯米飯同熱野，所以揀咗呢個生炒糯米飯，係今年第一啖糯米飯呀！賣相唔錯，上菜時熱辣辣。有蠟腸、蠟鴨、花生，蛋絲鋪面，味道不錯！沙爹粉絲肥牛煲 ($88) 用肥牛、金菇、粉絲、燈籠椒、菠蘿、汁多，特別在於用菠蘿另到個汁有少少果酸味。跟埋個白飯份量算幾多，如果晚餐一人份量已非常足夠食到飽！仲加咗碟菜，煮得好淋有家的感覺😂店員十分友善！雖然食物等候時間有點長，他們也主動告知廚房製作時間需要長點預備時間！

海之戀外圍海邊呢間餐廳，可以望住海景食野，性價比絕對超值👍🏻裏面寬堂舒適，坐得舒服，裝修簡潔空間感大，顏色配搭都唔錯😎睇中佢呢個二人晚餐$168，可以揀兩個餸，有飯有湯有嘢飲仲有油菜，真心覺得好抵🥳服務員態度有禮招呼好，好快就上齊俾我哋，賣相好靚，睇到都流口水🤤我特別鍾意呢個菠蘿生炒骨，好惹味，外脆內軟，有咬口之餘又有肉香，擺盤都好靚👍🏻臘腸蒸雞，份量足夠，又香又好味😋天氣凍凍地就最啱，佢哋講明即叫即蒸，肉香嫩滑，正😄坐下傾下，睇吓風景，消費到係百零蚊，真係抵到冇朋友，下次一定會再嚟幫襯👍🏻👍🏻👍🏻