海港酒家

营业中

休息中

睇完食評覺得唔錯， 今日尼開觀塘， 而且酒樓新開無耐， 所以上尼一試， 剛到門口， 已見一大群人係度等緊， 但下午茶時間一到， 即時安排入坐， 都算有效率， 下午茶點心普遍幾抵食， 而且大中小點都係當小點計， 而且味道唔錯， 但最合意仲係個花膠燉螺頭， 幾滋味， 價錢又唔算貴， 下次尼都會再試。

同屋企人食飯最喜歡食全包宴，唔駛諗又一定夠飽🤗見到呢個餐唔錯即刻約埋食一餐😋乳豬全體 - 不過不失芥苿蜜糖脆蝦球 - 芥辣味欠奉，只有沙律醬嘅味道，但熱辣辣幾脆幾好食。野菜蟹柳卷 - 呢道菜唔知乜嘢料，只覺油腻😔花膠螺頭湯 - 湯幾濃同膠膠哋，雞腳好淋，唔錯。兩味龍躉菜式都正，啖啖肉，質地煙靱。鮮茄魚腐浸菜苗接住落嚟係我覺得全晚最好食嘅燒鵝👏🏼👏🏼👏🏼 - 一啲都唔肥、肉多、大大隻👍🏼 雖然唔算係皮脆肉嫩，但以呢個價錢，品質絕對係水準之上。荷葉野菌雞粒蒸飯 - 料唔多，乾乾哋。甜品壽桃大大個，有奶皇同蓮蓉餡🤗$1598全包有埋飲品，絕對收貨😋

最近海港嘅阿拉斯加蟹好似成日沽淸，所以決定一早去尋蟹！5個人食咗隻6斤半嘅，加半隻燒鵝，搞掂！夠色夠味，唯獨唔夠薑！已經是全港最平的了半隻燒鵝，可能是先上枱，所以好快就被KO了。

昨晚第一次光顧！菜色和服务都几好，价钱合理！下次会再来。试试海鲜和蟹！期待下次会有更好的新菜色！環境清潔干淨，希望保持下去！推介菜色有烧鹅，响螺湯，咕噜肉和西兰花珊瑚蚌

聽講依間開咗冇幾耐～海港品質一向都可以～決定試一試～朝早九點左右到唔洗等位即入座～全場九成滿好好生意坐低好快有茶飲～茶錢8蚊位又唔洗搭枱坐得舒服🍵可惜d員工唔多想加水同清空碟叫咗4對孖寶總共8籠～第一籠煎堆拼鹹水角幾分鐘就到～可惜一早炸好凍嘅竹炭甜薄餅幾特別做甜品可以脆皮餐包原來係菠蘿叉燒餐包都係凍嘅味道還可以潮州粉菓真係唔係到到好食～依間個皮夠薄料多好味過好多間酒樓燒賣一籠有2種口味牛肉燒賣配原味燒賣～熱辣辣上枱

經過見到有間新開嘅酒樓，於是呢晚就決定入去試吓，入到去竟然見到全場爆滿，仲有好多人食海鮮，心諗應該無去錯地方。叫咗個例牌燒鵝，燒鵝熱辣辣，應該係剛剛燒起，例牌都有得食髀，真係覺得好幸運，燒鵝肉質偏瘦，味道較淡，但勝在熱辣辣搭夠，唔錯。另外，見附近有幾枱都叫咗籠仔糯米龍蝦蒸飯，又見 mark 咗係必食之選，所以就叫咗個嚟試吓。食落真係有驚喜，雖然龍蝦仔無乜肉，但啲糯米飯就吸晒啲龍蝦汁，飯中混有大頭菜、芋頭同紅棗，增加咬口之餘，亦令味道更豐富，而且糯米飯蒸得夠淋又唔油，食完唔會有un胃感覺。呢餐性價比好高，食物有水準，但價錢唔係貴，下次行開行埋都可以再幫襯。

來到新的酒樓，吃到不同的點心，這裡特別推介三款。第一個是大熱的黑椒蜜糖雞翼，大熱是因為全枱所有人都極喜歡，還要安哥呢。而能夠叫人喜愛是因為黑椒夠惹味，與蜜糖配合便中和了辣味。雞翼更是滑也嫩，有不少肉汁。另一個推介的是香芋春卷，春卷皮很脆，香芋則很軟，很香。非常好的配搭。最後就是一個甜品了：咖啡糕。咖啡味很香，甜甜的，不錯。

來到學校考試的季節，同事們和我當然鬆一口集，也是暴飲暴食慶祝的時候！這次我們看見海港的廣告有極大的阿拉斯加蟹吃，於是我們就選定那兒啦！本來荃灣應該最近我們，不過為了遷就不同同事的居所，最後決定到觀塘那間。 我們6時多到埗，一進門口，地方頗寬敞，亦見光猛，我們坐落地玻璃旁邊，外邊景色也挺好的。我們一行12人，叫了一個一千多元的套餐，另加11斤的阿拉斯加蟹，很期待哦！食物詳情如下： 乳豬：很好吃！皮很脆，明顯製作完成便即上桌，豬肉亦不會太多脂肪，不錯！ 百合秋葵：少有酒樓用秋葵入饌，很有家常菜的味道。秋葵煮得不錯，算新鮮。翅：正常水準，材料夠，羮不會太稠。龍蝦伊麵：正常水準，龍蝦沒有煮太久，肉質不韌，唯獨汁太多，吃伊麵時感覺會好一點。魚：正常水準，魚肉也頗多，份量十足。燒鵝：很好吃！燒得剛剛好，色澤明亮，鵝不會太多肥油，口感好，令人想多吃幾件。炸蝦餅：比炸蟹鉗更好，整塊也是肉，非常適合我會這些男孩子，而且也炸得剛剛好！阿拉斯加蟹：非常大，11斤共有兩隻，見到相片就知抵食！蟹腳固然非常多肉，蟹蓋的膏也令人瘋狂，非常多，味道也鮮，令人欲罷不能！剛巧當天有同事快生日，我

今日下午我們喺觀塘做完嘢之後，行過1亞太中心見到「海港酒家」喺度開咗新分店，所以我們就上咗去飲下午茶！我們叫咗濃湯花膠煲螺頭，起初我們叫咗每人一盅，嚟到之後一打開已經見到湯料非常足料，湯底嘅味道極之鮮味濃郁，而且膠質好重好黏口，相當真材實料，都祇係賣$25一盅，真係超抵食呀，所以每人再叫多一盅！翡翠筍蝦餃皇嘅餃皮好煙煙韌韌，蝦肉亦好大隻！蝦肉金紗米網腸係用一層軟滑嘅腸粉，包著炸得好金黃香脆嘅米網同爽甜彈嘅蝦肉，令到口感相當豐富！鮮蝦腐皮卷炸得好酥脆香口，入面嘅餡料除咗有爽甜嘅蝦肉之外，仲有爽脆清香嘅芹菜，令到口感好豐富！千絲榴槤卷係用金黃香脆嘅炸脆絲包著軟滑嘅榴槤蓉，味道非常香甜濃郁，而且齒頰留香！即焗燕窩蛋撻係新鮮即叫即焗，酥皮相當鬆化，蛋漿非常嫩滑，舖面嘅燕窩份量亦好足料，差唔多舖滿整個蛋撻面，真係好抵食呀！另外！原來喺下午茶時段，所有大、中，小點都係收小點價錢，真係超抵食呀！