海港酒家

营业中

休息中

新年快樂 大年初三，去飲茶 食嗰飽荃灣中染大廈（八咪半）嘩！勁多人喎即刻㩒嗰籌（𣎴搭枱），幸好等咗半個鐘新年期間規定，90分鐘要埋單😂👌一籠三個，有創意，👀，橙黃色，皮薄喊靚，啖啖蝦肉 😋大大碗 發財 豬骨粥： 粥夠綿滑、油炸鬼、髪菜多多，大件豬骨（偏咸）豉汁蒸排骨不油膩、瘦、味道不錯，豆卜墊底，正灌湯餃，很久沒有吃了，其待湯汁鮮甜美味，餡料豐富驚喜： 得意😎迷你鮑魚、養顏花膠黃牙白包住蠔豉、髪菜、豬脷、蟹柳豐富口感，

防疫政策终於放寬，今年和家人到酒樓食開年飯，選了一個新春套餐，再加一隻長腳蟹。套餐內有魚，蝦，蟹肉，蚌和鮑鱼，十分豐富。如意帶子炒珊瑚蚌，大大隻帶子，仲配有西蘭花及洋葱，炒得好夠鑊氣。龍躉班有2斤重，蒸得剛剛好，魚肉新鮮爽滑。而大家最爱這碟日式鹽燒鮑魚，燒得好香口，有口感。發財好市瑤柱腩，上面舖滿瑤柱腩，下面是髮菜蠔豉，汁料足夠入味。最後仲有長腳蟹及蟹膏炒飯，賣相十分吸引，蟹肉好鲜嫩，雖然已經好飽，但仍不會錯過美味蟹膏炒飯。實在是一餐豐盛的開年飯，非常幸福滿足。

夜晚同屋企人去咗食飯每台都基本上叫長腳蟹食我哋就叫咗幾個小菜羊肚菌燒豆腐海港小炒王西蘭花帶子珊瑚蚌夠晒鑊氣，份量都適中味道唔會太咸但略嫌試菜時間等咗太耐如果可以改善就更加好

一家5 人諗住去海港食長腳蟹,  在 BOOK 位時在電話已向"資客"留蟹,  "資客"話留左就一定要比錢, 當然無問題啦, 去到海港落單話要長腳蟹, 就有廚房幫手既人帶我地去揀蟹, 揀了一隻四斤十蟹, $258斤諗住同屋企人食揀大隻d, 我一再叮囑唔好換隻死蟹或另一隻比我地, 個男人就當面將我揀既蟹轉斷隻腳爪, 話一定唔會.期待已久既長腳蟹終於蒸好, 就開始剪蟹腳, 一路剪一路覺得d肉咁凍, 再剪多幾隻, 直頭係響雪櫃直接拎出黎,  真係離譜, 換左第二隻蟹不特只, 仲要唔熱, 凍食, 真係火都黎, 部長仲解釋係廚房冷氣好凍, 凍到未剪蟹殼既肉都會凍, 真係當人傻, 我地梗係唔信啦, 部長話唔係佢負責,  一係幫我取消, 一係再揀過隻, 我梗係取消啦.  於是佢好"順灘"同我地取消, 咁容易就幫我地取消, 肯定有問題啦, 無誠信既酒樓, 唔會再去.

家人聚餐，星期日去嘆茶🫖一盅兩件😀荃灣海港酒樓（中染大廈）先㩒個籌，好先進喎，可以選擇是否搭枱😊✌️等等 大約半小時輪到我哋啦！尚算快囉睇吓餐紙，tick ✔️☑️鳳爪排骨飯，迷你一盅一隻鳳爪，幾粒排骨加少量豉油，味道不錯藥膳雞腳一大碗藥材湯，淡淡口味，ok韭黃鮮蝦腸粉長長白色碟上，估計有一尺長腸粉皮略為厚，彈牙爽口，加甜豉油羊肚菌鮮竹卷特別啲羊肚菌😊清淡健康，湯好好味，腐竹皮軟滑雞包仔，個人特別鍾意一籠有三個四寶滑雞扎😋蟹柳、花菇、雞件、魚肚、芋頭

First time eating a whole roasted baby pork when we only had three people. We weren't very hungry to begin with, but when we saw the price, we couldn't resist. Can't believe it was just $488! The roasted pork had unbelievably crispy skin yet the meat remained juicy and tender. Also loved the sauce that came with it

📍海港酒家 (荃灣)荃灣青山公路荃灣段388號中染大廈(8咪半)7樓701-703號舖😋黎到荃灣想飲茶，但覺地鐵站對出個d又慢慢地，行行下見到中染好似有間海港唔錯，就上去試下，星期日中午都唔使等位，入到去都幾大下，佢俾左間房入面d台我，靜靜地幾好👍🏻雪山叉燒包唔係間間都有得食，上碟仲熱熱地，外脆內熱，好食😋蘿蔔絲so餅好小食呢隻，入面滿滿蘿蔔絲🤤🤤茄子滿滿既魚肉，唔錯👍🏻黑金奶黃包上碟凍左🫠d奶黃唔流心紅棗糕一般般，紅棗味唔夠

我承認我唔識揀蟹，如果是新鮮蟹肉能削到這地步嗎？千幾蚊買隻蟹，全部蟹肉放不滿一個飯碗。肉質：霉，不能夾出長過1cm的肉，最肥美的一大截夾出來的肉碎如圖，超市仿蟹柳會令大家吃得更開心。味道：咸到苦後果：比較過用力剪蟹腳的付出與收穫，我自己沒有再剪第二隻蟹腳。一家人滿心期待中秋加餸長腳蟹，這個質素頻為掃興，唯有專注吃其他的。慶幸吃完無肚痛。一直知道街市買來自己蒸最好，今次經歷令我懷疑係唔係一個懶惰的教訓。

今天友人相約我到荃灣一聚兼且吃午飯，我提議去中染大厦的海港酒家。荃灣這間海港的地方都相當大，內裏又算是明亮，疫情前擺放枱椅相對濶落且舒適，所以食客很多;_但今天可能疫情的關係，光顧的客人比之前少了，一到就可以入座。今日吃了腐皮卷、 xo醬炒蘿蔔糕、雪山叉燒包、金沙流沙包、章魚雞粒飯、明蝦角。腐皮卷都煎得不錯，金黃色的外皮且熱辣辣;不過就是犯了很多煎腐皮卷的通病，就是腐皮稍為覺得靭了一點 。xo醬蘿蔔糕的外表賣相不俗呈金黄色，而且粒粒都夠硬身咬落有口感 ;但如果xo醬能夠多放一些効果就更加好。跟著來的是雪山叉燒包和金沙流沙包， 雪山叉燒包就可能放得過久，雖然裡面還是很熱，但表面的白色霜粉似乎像受潮而讓人有點濕的感覺，影響了外觀的美感。金沙流沙包外表就非常吸引，黑黑的包身上面印上金色圖案做襯托非常搶眼，而且包亦真的夠熱，咬入口時包内奶黃隨隨地流出來，有著辣嘴的感覺。明蝦角皮都炸得夠脆夠金黃色，內裏的蝦亦算新鮮大隻、蝦肉硬身且咬落很彈牙，醮著酸甜汁來吃是朋友的所愛。章魚雞粒飯的雞肉味道一般，且章魚粒就較為乾硬，反而配角的米飯因剛剛蒸起的關係而很柔軟易入口。個人覺得這是間食肆的品質和價錢性價比

每逢屋企人生日都係一家人聚首一堂嘅好時機爸爸最鍾意打卡本身諗住叫隻阿拉斯加長腳蟹俾佢拎住黎影相所以就睇中咗呢個套餐但最後我覺得龍蝦仲吸引啲過半數轉左軑😂😂😂唔講咁多去咗圖先用照片說話😋😋叫咗一圍$3288有齊龍蝦鮑魚燒鵝斑炸蝦球珊瑚蚌仲有大壽包樣樣都好啱口味個人最鍾意嘅係上湯龍蝦伊麵啖啖肉好滿足鮑魚亦好大隻佢係用椒鹽黎做最怕就係炸得太老不過佢啱啱好唔會太韌長輩生日都係酒樓最啱佢哋食大家可以考慮😉

同屋企人諗住去近近地食個晚飯，就揀咗呢間酒樓。我地叫咗阿拉斯加長腳蟹+其他小菜，佢整長腳蟹剩係清蒸加蛋白😋 個長腳蟹幾好食，但啲蛋白有啲老。主菜叫埋龍蝦伊麵，有好多舊龍蝦🦞，伊麵都夠4-5人，一人一碗。份量都幾多，只係300幾蚊😋仲有叫埋佢個欖角骨，有啲酸，但overall係味道唔錯，一碟都有10舊左右。之後我哋仲叫左一個湯，我哋飲完啲湯之後叫個服務員幫我哋”不”啲湯渣出嚟，結果佢”不”翻喺我哋食晒嘅碟上面，我哋都O晒嘴。因為佢話嗰啲乾淨，但其實係佢唔想去拎個新碟☹️☹️

今個月見到街市，超市都買緊松葉蟹，心思思想食番隻。收到朋友信息，話這呢間酒樓做緊298元一隻，堂食外賣都得，咁我就去酒樓食，可以乾手淨腳。平日晚市都有好多客。坐底即落單，松葉蟹一隻。之後再睇下餐單加其他菜式。我哋得兩個人，今次係為咗食蟹先嚟，所以唔會叫太多嘢食。最後決定每人叫個燉湯，加多個漁香海鮮燒豆腐。燉湯先上，羊肚茵燉螺頭。湯夠熱，羊肚茵散出淡淡香氣，湯內都有好多料，螺頭切成片狀，燉完都冇咩味。成個湯唔會好鹹，味道剛剛好。飲完湯，漁香海鮮燒豆腐送到。煲仔上，成煲料都熱辣辣，豆腐皮薄內嫩，吸滿醬汁好好食，汁有少少辣，夠惹味。海鮮有珊瑚蚌、蝦、帶子，樣樣都爽口鮮味。食食吓，主角上場，大大隻橙紅色的松葉蟹放係一隻大碟上上檯。蟹鉗、蟹腳、蟹身呈現眼前。打開蟹蓋，一大埋墨綠色嘅蟹膏呈現眼前，用匙羹挖出來食，食極都仲有。蟹鉗大塊肉，肉質鮮甜中又有些鹹味，食得出係海水味呀。蟹腳都唔差，一樣有好多肉。呢種蟹個殼本來好易剪開，不過酒樓把較剪鈍鈍哋，要俾D耐性先得。食完隻蟹好滿足。唔駛煮唔駛洗，有靚蟹食，真係唔錯。呢間酒樓嘢食幾好，只係服務差少少，不過為左食就包容下。

本身對海港冇乜好感，去過兩間分店啲知客都興擺款。不過為遷就好友熟路而且要搵地方磨爛𥱊長傾就姑且又睇吓呢間荃灣分店menu。預先訂位都寧舍巴閉，要湊夠6人先俾訂。為着與太耐冇見之好友們吹水，冇咩下午茶特價嘢，事但嗌吓啲飯麵、點心。先上係「蘿蔔千絲酥」，都係工場貨，叫做夠熱；「酸甜炸雲吞」繼續3件裝，幾夠鬆脆每件一粒蝦球；午市孖寶E餐「法式蝦球烏冬配腐皮素鵝」，汁底芝士白汁夠多汁，蝦球冇乜蝦味不過都爽口彈牙，烏冬係用番傳統粗身嗰啲。素鵝係當中最好食，脆口唔膩，又足餡料。至於服務，侍應繼續成日時運高睇你唔到，唔願斟水。

今日去左食早茶，叫左7個點心。蟹子燒賣王，鮮竹牛肉球，鳳爪排骨飯，香西牛肉腸，魚包汁鮮竹卷，金莎銀羅腸，清香紅棗糕同家鄉炒米粉。3個人食都ok飽，味道都ok。。

真係嬲爆，聽同事講海港圍餐好食，就諗住同兩老去補食冬至飯，都預左要叫圍餐或者單叫會少選擇，最後揀左單叫五個餸，先黎個野菌燒豆腐，所謂野菌，係咬唔到既，最後只食晒豆腐。再黎上湯焗蝦球伊麵，蝦球超咸但好彈牙，仲好大隻。香芋南瓜煲，同張相唔同，仲以為叫左香芋湯，啲芋頭同南瓜大部份煲溶左，不過岩老人家食。不得不提最後兩味（一set)，金瑤扒豆苗，豆苗老過阿爺，條魚足足等左50分鐘先到，仲要催果陣喺隔離枱搶過黎，擺明漏左單。唔係有老人家喺度真係反枱，呢間真係無下次。