海港酒家

营业中

休息中

早在11號莫家已一早吃了冬至飯，地點選了中國染廠大廈的海港酒家，新開不久的海港酒家，內裏地方很趟大，但枱亦都擺得十分逼夾。我們一家點了冬至宴，不需三千蚊已經有龍蝦，蟹肉竹笙海皇大生翅及乳豬全體，睇落都好似好豐富咁喎！每席都會奉上橙汁兩渣及紅酒一枝，我哋一家都冇人飲酒，所以將佢換成六罐汽水，另外橙汁亦可以將之轉為紅莓汁。第一道菜係上湯焗波士頓龍蝦，份量有三斤之多而且仲有伊麵底添， 龍蝦肉質都幾爽彈吃得出係新鮮貨色，上湯味道就不過不失啦！但我還是喜歡芝士焗龍蝦多點。接著係喜慶金豬全體🐖， 乳豬略嫌皮燒得不夠香脆，可幸的是豬肉不會過鹹。戒掉魚翅良久的車媽媽將蟹肉竹笙海皇大生翅交予車爸爸殲滅，但係這翅份量都幾足，車爸爸最後吃了三大碗呢！😂西蘭花蝦球炒帶子，帶子和蝦球都鮮甜爽口，加上炒得剛好的西蘭花同埋清甜嘅三色椒呢個菜幾吸引我呀。清蒸沙巴龍躉🐟，呢條龍躉就蒸得過熟了，講到蒸魚好多人真係唔及車婆婆拿手呢！松露帶子花姿盞，初時還以為落錯上檯，因為佢個名叫盞，但係原來係丸來的！😏呢粒海鮮丸炸得幾香口，內裏的帶子同魷魚幾鮮味，不過車爸爸好唔好彩食咗一粒入邊係未熟的😝，但係我哋咁多人都冇事喎！佢真係要買

今天小弟牛一，所以話食嘅長腳蟹終於有著落去魚缸自己揀。臨食落肚之前梗同佢影返張合照，酒樓員工態度好好，等你慢慢影個夠先攞去廚房，完全無崔你，值得一讚$850超抵食。必食。啖啖肉。超鮮。超甜。完

新開張的酒樓，有點期待，太太和我很喜歡飲茶，閒聊著感覺總是很寫意。 一行三人今次主攻點心。蟹籽燒賣皇賣相真的麻麻， 蝦是彈牙的，口感也不錯。蟹子分量只有很少也無味，所以起不了任何增加味道的作用，配料有些冬菇片，鮮冬菇很滑，但吃下去整個燒賣有少少苦味，怪！蟲草花雞絲腸很少有機會 吃到蟲草花雞絲腸，雞絲尚算嫩滑，蟲草花增加了口感，有煙煙韌的感覺。腸粉造得不夠滑，但也不至於鞋口。有改善空間。翡翠筍(綠竹筍) 蝦餃皇，咬開後內有滑潺潺的感覺，十分特別，相信是翡翠筍作怪，說真的我並不喜歡！第一次吃翡翠筍有點接受不了。蝦依樣彈牙爽口。醬汁蒸鳳爪鳳爪外皮沒有蒸得過熟而爛，但醬汁味道一般，加了小許紅辣椒令味道有小小辣，不適合小朋友吃。鳳爪是我飲茶必食的，可以用作酒樓點心水準的指標，這裡緊緊合格而已！流汁奶皇包奶皇包外型跟普通的有所不同，扁扁的，好像被壓扁的樣子，挺可愛！口感軟而不嚡，奶皇不會過甜。蜜梨紅元燉桃脂，比較小見的甜品，材料有南北杏，紅棗，雪梨粒，甜甜的幾好飲，感覺很滋潤！新開張客人頗多，但是點心水準有待改善，希望越做越好啦。