海港薈

营业中

休息中

預祝父親節去咗海港食，有驚喜😁1）燒鵝有特別優惠-（略為濃味）（按人數特別價錢）2）生炒骨（酸甜適中）3）海膽汁黃金蝦球🍤 （好大隻夠底味，炸粉鬆脆夠薄）4）叉燒 （必須配靚仔🍚）👧🏻好鐘意食～5）清蒸 「長腳蟹」 -主角 夠新鮮 ～蟹膏配靚仔🍚🤩🤩🤩）😝😝6）清蒸老虎班仔 （略為蒸耐左，肉質實左d,味道可以）7）小炒王 （有好多蝦肉都足料，如果走晒d肥肉更好）🤭總結當晚都好滿足 ，希望餐廳繼續做好佢，餐廳一定會客似雲來👍👍

當日參加團聚，簡直大開眼界，食物質素不差，但一定一定一定唔會再去，佢地好趕時間咁，未食完一碟就係咁上菜，完全傾唔到計，而且全程不停有待應，經理，連洗碗姐姐都有入黎，原來係逗利士，主人家太好人，但實在太誇張。一上完晒菜，大家都未走，外面仲有人擺酒，負責既曲髮女待應已經急不及待要埋單，聽到佢講話咩“會唔會加d茶水，之後仲大聲加句，唔係淨係俾我架，係俾全部招呼你既同事”，心諗好驚喎點解咁似收會費，乜咁明目張擔又咁唔要面，話晒係高級既海港，個餐係最貴，最緊要已經刞多人入黎拎左利士，果度都幾百蚊啦，實際來去都只係得果3個招呼，只係食幾圍又唔係婚宴，聽完真係連普通飯都唔敢去食。如果人地覺得好自然會俾，何必好似要落人面咁，只係聽到都覺得好過份。最後走果時，見到個收銀又係鬧人，可能個客張卡碌唔到，真係一山還有一山高，駛乜咁勞气，人地咪攞第張囉，最好笑係個經理企側邊食花生，唔話下個收銀阿嬸咁既態度，果時又冇人排隊。總括黎講，對呢個集團都好失望，之前都食開佢地其他分店，成日搵待應都搵唔到，當然sell卷果時就有好多，仲諗住呢間高級d, 又貴d既唔同，但原來係咁招呼客人，如果想變強可以黎呢間，但如果想要正常

鄰居約食飯唔知去邊度好。記得早排過嚟食個晚餐唔錯咁就再嚟呢一間試吓。鄰居話想食長腳蟹，睇見個餐牌性價比唔錯，咁就叫咗隻大概四斤嘅，冇特別加錢去整花雕，就係清蒸食開原汁原味，不過加$100就攞咗啲蟹膏嚟炒多咗個飯，因為食飯人數唔多得三個，所以另外加咗個豆苗就算啦。隻蟹好似$180斤，呢個價錢街市都買唔到仲要蒸埋。隻蟹雖然唔係好有海水味，但係啲肉都幾飽滿唔算離殼，同埋啲肉都幾鮮甜。另外個蟹膏炒飯喺個味唔算濃，但係就炒得夠乾身個豆苗個汁係較得唔錯嘅，但係個豆苗就好似老身咗少少。上次食燉奶伏咗，今次就試吓佢個焦糖布甸。都好食卜卜脆㗎焦糖整得幾好，不過如果係熱食就更加好。同埋用飯碗嚟整個份量就細啲好似唔係好夠喉，同埋個賣相就差少少。

本來同屋企人慶祝生日，但係突然有改動最後就變咗做普通食飯。都好耐冇喺海港集團㗎酒樓食晚飯，估唔到呢一晚有驚喜。其實選擇唔算多，因為個價位全部嘢食多過百，有啲真係好難揀得落手。不過見到隔離枱隻炸子雞幾靚仔，所以就嗌咗個孖寶，有半隻嚟試吓。近排都食得炸子雞多，呢間都整得唔錯最緊要係隻雞啲皮較脆又無乜肥膏，但係隻雞依然咁滑。蟶子清洗得幾乾淨冇沙，加埋啲粉絲撈飯一流。不過個鮑魚雜菜煲走弱雞少少，已經落咁多椰菜墊高佢㗎啦，仲加將啲鮑魚切片，有失大體。水煮牛肉雖然係打邊爐肥牛，但係肉味重唔係普通嘅肥膏牛，個辣度剛剛好，唔會食到成頭大汗。全晚最值得賺嘅就係個小炒王，裏便超足料，除咗蝦乾之外，仲有蟶子乾同好多蝦仁，呢個真係值得去試。但係埋尾甜品撻Q，以前個燕窩鮮奶係用椰皇嘅，但係而家冇咗椰皇嗰種清甜味，成碗嘢連奶味都feel唔到，食落去又唔熱就失色唔少，仲要啲燕窩好似咬緊雪耳頭咁，short short聲，真係浪費咗個quota。

訂左8:00，留5斤長腳蟹及雞煲翅。一入座，地下有條雞骨，枱面有食物殘渣，叫極侍應都冇人理，加一個位要自助。最後叫到人，係用腳踢走舊雞骨。一問訂座打電話果陣留左既小菜及長腳蟹全部都冇落過單同留起，叫我地下次早d黎，而家得番2斤，最多唔收你蛋白花雕蒸果$100。落左既食物又冇留，又冇誠信，服務態度又差，見到舉手都直接無視，以後都唔會再去

#20241003 🤍📍 #海港薈 @hoikong.hk 大埔南運路9號新達廣場2樓101-120號舖 🍽️太子｜九龍灣｜觀塘｜馬鞍山｜將軍澳｜荃灣｜屯門｜尖沙咀｜灣仔｜西環｜上環｜太古｜葵芳｜土瓜灣｜天水圍｜青衣｜大圍｜藍田｜上水｜粉嶺均有分店➖➖➖➖➖➖➖➖➖➖➖➖➖➖➖➖➖#晚茶芥 $15/位.#新鮮菠蘿咕嚕肉 $148💭 咕嚕肉都算係一味老少咸宜既菜式，酸酸甜甜咁大人細路都岩食，呢個啲肉咬落幾鬆化，咬開睇入面又唔會好多肥肉，屬於中上level🐷.#蒜茸粉絲蒸聖子 $115💭 一碟有5隻，啲蟶子唔算好大隻，唔係好頂級質素果啲，但ok唔差既，畢竟無論食蒜蓉粉絲蒸乜海鮮都好，個主角其實係粉絲同個豉油，食完仲特登倒起個豉油留尼點其他野😂.#孖寶 $298 🥢 #白灼海中蝦 💭 望落色澤好靚，一睇就知非常新鮮，食落口感絕對可以用爽口尼形容，而且係成碟咁多隻每一隻都爽，雖然有跟個辣椒豉油，但覺得就咁食個鮮味都夠晒，其他野都多餘喇🦐. 🥢 #海港燒鵝皇 💭 呢個酒樓最出名就係燒鵝，點可以唔食返碟呢，叫個孖寶有燒鵝又有蝦都幾抵，燒鵝係例牌size，人唔多絕對夠食，呢度既燒鵝仲會有啲蠔油豆做伴碟

晚餐叫乳鴿，$58一隻，叫左三雙，食食下發現唔熟，同經理講，佢話廚房問題，我同佢講甘你叫廚房出黎，我同佢傾，佢又話唔駛。最後經理offer 再整過比我，我話唔駛啦，我無信心，佢話你地已經食咗一隻，計番你一隻，我話是但你啦，你點處理，我都ok.總結，甘大間酒樓，經理唔識處理問題。客人唔高興，無感覺。這樣的服務態度確實讓人感到不滿和無助。作為一家優質的餐廳,他們應該以客戶的滿意度和體驗為首要考量,而不是片面地追求利潤。您的不愉快經歷也可能會影響您對此酒樓的印象和未來的消費意願。

話說小妹襯住假期+表姐外國翻嚟，約咗一班親友飲下午茶，下午茶優惠2-4pm，我屋企樓下海港就4-5休息，4pm之前落單嘅客可以繼續喺度食。三點半去到拎位，門口阿姐即刻：冇！嘢！食！我：？？？？？？？？？？？？下？？？冇嘢食？？？阿姐：冇嘢食！我：？？？？？？？下？阿姐：冇嘢食！（哦重要嘅事情重複三次？）我以為佢哋休息啦，但又唔係喎，裏面勁多人，仲處於下午茶優惠時段，仲要裏面仲有客人落單？？？阿姐嘅冇嘢食到底係咩意思😅係話休息定酒樓冇嘢食？當下即刻call啲親友，住大埔嘅親友：下？？？咩叫冇嘢食？點解冇嘢食？？？長輩極度唔開心，即刻話要嚟問清楚啱啱外國翻嚟 落機call的士趕過嚟嘅表姐極度失望😅好彩最尾阻止班怒髮衝冠嘅親友，即刻換地方食嘢但從此blacklist🙏🏻

好耐冇飲茶，一大班人最啱飲茶，你畫下，我畫下，就畫左一大堆野食，流心奶黃包好出色，好流。蝦餃，燒賣，腸粉都好食朋友話想試下個酒漕鴨舌，即管試試佢，好香，正椒鹽鮮魷都好好食仲有下午茶時間，唔洗等好，非常好😍

11月中，家中小公主生日，一家入三代同堂去完海洋公園，就和其他長輩家人集合去大埔新達廣場食餐豐富嘅，我哋有12人，冇叫餐，散叫選自己喜歡嘅菜。要咗龍蝦伊麵，阿拉斯加皇帝蟹有4斤，半隻乳豬，必叫燒鵝，我至愛豆苗，涼拌海蜇青瓜，雜菜煲，仲有羊腩煲。大家行咗咁耐公園，都好肚餓，所以食物都清得7788，菜式味道正常啦，服務麻麻，係人手唔夠，都明白嘅，酒樓生意難做。最好食嘅係龍蝦同埋隻阿拉斯加皇帝蟹，夠新鮮，羊腩煲唔太好食，腐乳味不足。

今日屋企人一齊食飯係海港薈訂咗三圍佢俾咗個包廂我哋坐得舒服，又有私人度我哋講嘢大聲就費事嘈親人啦🤣今次叫咗佢哋嘅套餐呢個龍蝦真係值得一讚上海溫度夠熱而且超級大隻肉質好嫩滑彈牙食得出係新鮮龍蝦上湯醬汁亦都調配得非常好忍唔住食多一隻令我印象比較深刻嘅，係呢個炸蟹球炸蟹球非常酥脆，亦都完全唔會有油益味同場嘅有湯、鮑魚、魚，雞飯麵等等另外佢最後嘅合桃酥都非常好味，不過就唔記得影相埋單每人$800左右包房嚟講，呢個價錢都叫做合理啦

今次嘅味蕾探險，我行到海港薈一試。先講呢個櫻花蝦椰菜粉絲煲，簡直係鮮味爆棚👌！粉絲吸滿咗海鮮嘅甘香，食落感覺彈牙韌勁，櫻花蝦又帶點回甘，椰菜脆口得嚟唔臃腫，好正！再來呢個黑金流沙包，正宗香滑嘅流沙味同金色天鵝圖案真係攞得出手，望落就覺得高貴，一咬落去濃郁嘅鹹蛋黃流晒出嚟，令人停唔到口！至於藜麥蛋白炒飯，呢個健康選擇係意想不到嘅驚喜。藜麥粒粒分明，炒得香噴噴，再加上細緻嘅紅蘿蔔同帶子碎，嘗出一種清新嘅口感，食落去真係欲罷不能😋。架啦，叉燒腸粉同牛肉腸粉順滑無比，汁料足夠唔黐笠，啲肉又新鮮。雞札燒賣同水晶餃每件點心都整得細緻，食落去皮薄餡潤，記得配杯熱茶，簡直係滿足！今日食過之後，心情靚晒。海港薈呢個地方，真係得閒都要再黎幾轉呀！🍽️🥢

飲早茶，等咗一陣好快有位，我哋兩個人，諗住等好耐，可能長假期掛。坐低填嘢食，平過午市好多，所以叫得多咗。個呀姐都好快服務質素幾好，叫咗兩壺菜好快到。點心都好快有，好好食，係有個雞蛋腸粉同粉果，真係一般，太厚皮，食到好寡埋單每人一百左右，幾好。

很多酒樓都有海鮮特價，特價這價錢是否那麼吸引和便宜！這群友人最喜歡運動後大吃大喝，增加脂肪和卡路里，對食有點要求。在大埔找了家酒樓買酒點菜後，見到左右旁邊都吃蟹，才發現錯過了甚麼。於是派代表去看，長腳蟹$188/斤，認為抵食，便嘗試下。清蒸的長腳蟹，肉厚味鮮，蟹黃多，味道鮮甜。還好，大家都是大吃大喝的材料才沒有錯過美食。最後還加了甜品壽包。可想象明早都不用吃早餐的情況。不過，酒樓的涼菜海蜇青瓜太凍，太冰了，總廚要多注意涼菜的制作，且一般小炒也偏咸呢！

小弟今日中午帶家中老人到該酒樓飲茶，叫左十幾樣點心，第一樣炸鯪魚球，放入口又凍又硬帶有酸味，已經好吾開心，點知其他點心亦係一樣垃圾，蝦餃吾新鮮有異味，一夾就爛，流心奶黃包少之又少既涵，包皮又靭，根本唔俾的人食，雪山叉燒包仲離譜，整個包又濕又冧，叉燒得少少，鮑汁鳳爪有色但淡而無味，鴨腳扎、雞扎、金錢肚全部都係用芋頭墊底，冇一樣點心可以接受，五個人飲咗五百幾蚊，一肚氣，呢世都吾會再幫襯，今次並不是有惡意中傷，希望食客留意吓呢間酒樓，吾好再貼錢買爛！