影片
以上资料只供参考，请与餐厅确认详情
当日参加团聚，简直大开眼界，食物质素不差，但一定一定一定唔会再去，佢地好赶时间咁，未食完一碟就系咁上菜，完全倾唔到计，而且全程不停有待应，经理，连洗碗姐姐都有入黎，原来系逗利士，主人家太好人，但实在太夸张。一上完晒菜，大家都未走，外面仲有人摆酒，负责既曲发女待应已经急不及待要埋单，听到佢讲话咩“会唔会加d茶水，之后仲大声加句，唔系净系俾我架，系俾全部招呼你既同事”，心谂好惊㖞点解咁似收会费，乜咁明目张担又咁唔要面，话晒系高级既海港，个餐系最贵，最紧要已经刞多人入黎拎左利士，果度都几百蚊啦，实际来去都只系得果3个招呼，只系食几围又唔系婚宴，听完真系连普通饭都唔敢去食。如果人地觉得好自然会俾，何必好似要落人面咁，只系听到都觉得好过份。最后走果时，见到个收银又系闹人，可能个客张卡碌唔到，真系一山还有一山高，驶乜咁劳气，人地咪攞第张啰，最好笑系个经理企侧边食花生，唔话下个收银阿婶咁既态度，果时又冇人排队。总括黎讲，对呢个集团都好失望，之前都食开佢地其他分店，成日揾待应都揾唔到，当然sell卷果时就有好多，仲谂住呢间高级d, 又贵d既唔同，但原来系咁招呼客人，如果想变强可以黎呢间，但如果想要正常既服务态度，真系千万唔好去，佢地d面口，简直贴钱买难受，如果唔改善，都好难留住d客。
继续阅读
邻居约食饭唔知去边度好。记得早排过嚟食个晚餐唔错咁就再嚟呢一间试吓。邻居话想食长脚蟹，睇见个餐牌性价比唔错，咁就叫咗只大概四斤嘅，冇特别加钱去整花雕，就系清蒸食开原汁原味，不过加$100就攞咗啲蟹膏嚟炒多咗个饭，因为食饭人数唔多得三个，所以另外加咗个豆苗就算啦。只蟹好似$180斤，呢个价钱街市都买唔到仲要蒸埋。只蟹虽然唔系好有海水味，但系啲肉都几饱满唔算离壳，同埋啲肉都几鲜甜。另外个蟹膏炒饭喺个味唔算浓，但系就炒得够干身个豆苗个汁系较得唔错嘅，但系个豆苗就好似老身咗少少。上次食炖奶伏咗，今次就试吓佢个焦糖布甸。都好食卜卜脆㗎焦糖整得几好，不过如果系热食就更加好。同埋用饭碗嚟整个份量就细啲好似唔系好够喉，同埋个卖相就差少少。
继续阅读
订左8:00，留5斤长脚蟹及鸡煲翅。一入座，地下有条鸡骨，枱面有食物残渣，叫极侍应都冇人理，加一个位要自助。最后叫到人，系用脚踢走旧鸡骨。一问订座打电话果阵留左既小菜及长脚蟹全部都冇落过单同留起，叫我地下次早d黎，而家得番2斤，最多唔收你蛋白花雕蒸果$100。落左既食物又冇留，又冇诚信，服务态度又差，见到举手都直接无视，以后都唔会再去
继续阅读
#20241003 🤍📍 #海港荟 @hoikong.hk 大埔南运路9号新达广场2楼101-120号舖 🍽️太子｜九龙湾｜观塘｜马鞍山｜将军澳｜荃湾｜屯门｜尖沙咀｜湾仔｜西环｜上环｜太古｜葵芳｜土瓜湾｜天水围｜青衣｜大围｜蓝田｜上水｜粉岭均有分店➖➖➖➖➖➖➖➖➖➖➖➖➖➖➖➖➖#晚茶芥 $15/位.#新鲜菠萝咕噜肉 $148💭 咕噜肉都算系一味老少咸宜既菜式，酸酸甜甜咁大人细路都岩食，呢个啲肉咬落几松化，咬开睇入面又唔会好多肥肉，属于中上level🐷.#蒜茸粉丝蒸圣子 $115💭 一碟有5只，啲蛏子唔算好大只，唔系好顶级质素果啲，但ok唔差既，毕竟无论食蒜蓉粉丝蒸乜海鲜都好，个主角其实系粉丝同个豉油，食完仲特登倒起个豉油留尼点其他野😂.#孖宝 $298 🥢 #白灼海中虾 💭 望落色泽好靓，一睇就知非常新鲜，食落口感绝对可以用爽口尼形容，而且系成碟咁多只每一只都爽，虽然有跟个辣椒豉油，但觉得就咁食个鲜味都够晒，其他野都多余喇🦐. 🥢 #海港烧鹅皇 💭 呢个酒楼最出名就系烧鹅，点可以唔食返碟呢，叫个孖宝有烧鹅又有虾都几抵，烧鹅系例牌size，人唔多绝对够食，呢度既烧鹅仲会有啲蚝油豆做伴碟，其他地方的确好少见🪿.#阿拉斯加长脚蟹 $188/斤💭 重头戏系呢只蟹！4个人叫左只3斤半左右都食唔晒，蟹肉好鲜甜而且扎实，啲壳好易剪开，成条蟹脚可以大大啖咁放入口劲爽，想讲呢个价钱真系好抵食，就算去街市买尼食都未必有咁平🤑.#🐷在大埔 #🐷在太子 #🐷在九龙湾 #🐷在观塘 #🐷在马鞍山 #🐷在将军澳 #🐷在荃湾 #🐷在屯门 #🐷在尖沙咀 #🐷在湾仔 #🐷在西环 #🐷在上环 #🐷在太古 #🐷在葵芳 #🐷在土瓜湾 #🐷在天水围 #🐷在青衣 #🐷在大围 #🐷在蓝田 #🐷在上水 #🐷在粉岭 #🐷_食
继续阅读
晚餐叫乳鸽，$58一只，叫左三双，食食下发现唔熟，同经理讲，佢话厨房问题，我同佢讲甘你叫厨房出黎，我同佢倾，佢又话唔驶。最后经理offer 再整过比我，我话唔驶啦，我无信心，佢话你地已经食咗一只，计番你一只，我话是但你啦，你点处理，我都ok.总结，甘大间酒楼，经理唔识处理问题。客人唔高兴，无感觉。这样的服务态度确实让人感到不满和无助。作为一家优质的餐厅,他们应该以客户的满意度和体验为首要考量,而不是片面地追求利润。您的不愉快经历也可能会影响您对此酒楼的印象和未来的消费意愿。
继续阅读
您可能会有兴趣的...