影片
营业时间
今日营业
07:00 - 22:30
星期一至日
07:00 - 22:30
*堂食至下午3:30
以上资料只供参考，请与餐厅确认详情
知道海港嘅小菜同服务好一般。但系我哋平时过嚟午餐，点心真系值得推介。新鲜出炉雪山叉烧包，即叫即焗， 注意坐低要即刻叫，否则会等好耐。干蒸牛肉和虾饺 都好高分， 蒸出嚟唔会爆开，整整齐齐，皮薄馅靓，而且食唔到旧旧嘅肥猪肉味道。 豉汁凤爪好入味，份量好合理。猪脚姜一碗有一只鸡蛋，四至五旧猪手， 四至五旧姜， 完美比例。 烧鹅有时会做特价 68蚊一个例牌， 烧味嚟讲，烧鹅算系出品稳定。仲有乳鸽 38蚊一只，唔算好出色， 胜在热辣辣， 好入味。但大家要注意，集团太多分店，葵芳呢间，极力推介👍
继续阅读
呢度系我嘅食堂，之前都冇写过食评，今次专登影返啲相相嚟📸。我最喜爱嘅系雪山叉烧包，每次都系热辣辣🌡️，外面个皮做得好松脆，里面啲叉烧同埋馅料同叉烧汁嘅比例系啱啱好🦴，真系回味无穷😋。另外，虾饺嘅皮都够薄够烟韧🦐，里面冇肥猪肉，虾肉好新鲜。鲍鱼汁凤爪真系好入味，凤爪唔会过林，入口即化🦶。另外，呢度嘅烧味出品都好奇怪，不算太稳定，有时会好好食，有时会好差😅。不过，价钱平就搏一搏💰。我哋每次都会食杨枝甘露，冻冰冰，甜度啱啱好，啱晒我口味🍧。最憎啲太甜嘅甜品，呢个就啱晒。每人吃2.5个菜式，平均消费都系80蚊💸。其他嘅菜式都系不过不失，但系胜在经济实惠💸，所以每次都唔会踩雷👍。
继续阅读
昨天与老公去饮下午茶，三组坐215号，个个楼面女人特登入漏我张单，等了好耐冇野食，其他2组已有野食，个个楼面女人仲特登行过来说叫我等下。之后再找别的楼面，佢话一样食物都冇入单。此时，我想入坐时请个个阿姐开茶，另一组问她拎水，她已厌我烦！如果那个楼面女人冇特登叫我等，可能我不会这样想．．特登不入单的行为极差，海港为何请这些人，难怪香港饮食业比下去。
继续阅读
水晶粉蚝不知所谓，冇咸味，冇蚝味，肉碎又冇味，连韭菜都冇味，成煲嘢不知所谓，居然有啲咁嘅出品，实在太匪夷所思，究竟系咩厨房，可以煮出一样咁嘅食物，咩味道都冇，叫咗三只乳鸽，斩件上枱，一放在嘴边，啲骨系冻嘅，啲肉又干又柴，系咩玩法，都唔知雪咗几多日，写38蚊一只60蚊两只，埋单就48蚊只，188蚊花胶炖鸡汤，完全系味精水加花奶，四分一只鸡根本就系白切鸡，就咁放落去，加几旧花胶就当系炖汤，有冇咁流啊？蒜蓉蒸圣子又系一啲鲜味都冇，得个咸字，快啲执笠啦，咪遗害人间
继续阅读
葵芳有两间酒楼去开都装修紧～行过经过呢一间胆粗粗就入去试，又见好多人排队㖞，咁就实冇输蚀啦🤣四大一细～咁等咗10至15分钟左右啦咁呀带小朋友去睇吓鱼缸。咁入到嚟呢就叫嘢食咁呀，四个人叫咗都八样嘢㗎（因为要带娃，所以唔系全部嘢都有影～好忙）冇影相嘅系XO酱萝卜糕同埋烧卖（好味既）首先第一个就系干炒牛河啦，咁都比想像中好食嘅（唔系太油、牛都OK）跟住呢个黑金流沙包呢都几好食，但系呢我就嫌佢入面𠮶个流心好少（多点会更正）虾饺就冇乜特别冇影烧鹅米线（啲肉好少皮就好多）个雪山叉烧包就几好味嘅，但系等咗好耐啦不过新鲜出炉咁最后想讲就四大一细食咗$287咁都几抵嘅会再encore
继续阅读