海樂餃子店

呢間餃子店中午都比較多人，餃子款式多，仲有煎餃但中午繁忙時間唔提供。餃子可配米線或者上海麵。叫咗碗 5隻香菇粟米餃配上海麵餃子外皮唔算太薄，唔會一夾就穿。入面餡料好足，粟米粒粒分明，咬落去有啲甜味。最欣賞係餃子煮得啱啱好，唔會過熟變腍。上海麵煙韌有咬口。湯底係花膠豬骨湯，飲落去舒服唔膩，見有唔少人都會好似我咁食曬啲麵有湯剩都會飲曬佢。食完碗麵都唔會覺得口乾，所以佢嘅湯應該真係無落味精。成碗麵唔會太重口味，有種家常感，啱晒唔想食得太濃味嘅日子。…查看更多

自己由細到大都好鍾意食餃子，又細個食嫲嫲教我媽咪包嘅餃子最鍾意包嘅就係西洋菜豬肉餡，每次食餃子就有一種窩心暖意好似返咗屋企咁樣感覺🥺今日食飯諗唔到食咩所以就周圍開始搵有冇啲咩好食嘅餃子，睇睇吓OpenRice就見到呢間餃子舖頭嘅推介間舖頭比我想像中大，入邊嘅格局睇得出係經歷咗一段時間比較家庭式嘅裝修同埋擺設，但係重點我哋唔係嚟食環境係嚟食餃子一開始覺得試吓先就嗌咗8️⃣隻雞肉冬菇木耳餃，第一啖先飲吓個湯，咁就出事啦，呢個湯係我呢一年嚟飲過最入味最鮮甜‼️最有豬骨味‼️加埋花膠味嘅湯‼️如果你係鍾意飲湯嘅呢個係唔可以Miss😍餃子嚟講，我覺得餡料調味有啲鹹同埋食落去冇嗰種肉質紮實嘅感覺，但我相信呢個係個人喜好嘅問題，自己比較喜歡肉質紮實食到椰菜爽脆嗰種餃子而呢個就比較似係一個普通嘅餡料10分鐘唔夠碗湯已飲晒🥰所以我決定加order再嗌多另外8️⃣隻鮮肉粟米餃。個重點依然係碗湯度，餃子都係冇想像中我想要個種口感同埋質感，但係粟米配豬肉嘅餃子永遠都係唔會錯嘅總結嚟講，食完16隻餃子之後已經飽到走不動，但係飲完碗湯令到我成個晏晝都覺得非常之滿足溫暖🥰如果你話會唔會返嚟再試多次嘅話好大機會都係Crave個湯而決定再返嚟gains power: 12/10taste: 12/10 for the soup, 7/10 for dumplings…查看更多

呢間係一間家庭式經營嘅小店，成個menu 都係得十款餃子，但我覺得已經足夠（仲有其他小食）講番啲餃子先，餃子餡料好料足又札實，真係會食得出係人手包的。平時夜晚去食，會見到一位上咗年紀嘅叔叔喺到包餃，原來所有賣嘅餃子都係由叔叔備料包餃…確實全人手製作。講番啲餃子先，煎餃同湯餃都試過；覺得煎餃好香又juicy，湯餃又食到佢嘅原汁原味👏🏻👏🏻個人最鍾意鮮肉韮菜餃&香菇粟米餃💯💯因為想一次過食晒咁多款人氣餃子，所以問吓可唔可以整到，點知真係可以🥰🥰所以今晚食咗一個多併雜錦餃子（專登tailor made 的❤️❤️😘😘）確得份外窩心💕P.S 不過好似做到9月就要結業啦⋯⋯想食就要快啲去食啦🙈…查看更多

餃子一向都係我嘅至愛。今日經過北角，經過呢間專食餃子嘅，諗都冇諗入去食返幾款先！韭菜餃 🌕🌕🌖🌑🌑芹菜餃 🌕🌕🌗🌑🌑紫菜餃 🌕🌕🌖🌑🌑粟米餃 🌕🌕🌗🌑🌑試咗呢四款，我唔逐一講。老實講，食得太多餃子店呢間唔係好出色。皮都比較厚。餡料同肉既比例多肉少菜。對我黎講唔吸引！因為佢肉嘅調味都係差唔多味。不過想提吓碗豬骨湯，係本身吸引我入去嘅其中一個因素。佢聲稱冇味精，而我都相信。因為入到去聞到一陣強烈嘅豬骨味，好似啲拉麵店咁。個湯好甜！就我個人而言，個湯甜得滯。…查看更多

### 北角海樂餃子店今次去北角試咗海樂餃子店，想話食返啲熱辣辣、手工靚嘅餃子，結果有好有唔太好嘅驚喜。 **煎餃** 一上枱仲熱到出煙，外皮煙韌，咬落仲有啲焦香，內餡夠紮實。但問題嚟喇——外皮有股油饐味，食到後段開始有啲膩，如果煎得乾爽啲會更加好。 **湯餃** 湯底睇落好靚，呈奶白色，本來以為會係清甜骨湯，但一入口…嗯，有種古怪抹布味，唔知係咪湯底問題，影響咗整體感覺。不過餃子本身OK，鮮肉芹菜嘅組合幾穩陣，餡料夠扎實。 **熱豆漿** 冇特別驚喜，甜甜地，算正常發揮，配餃子解膩係唔錯嘅選擇。 總結嚟講，海樂餃子店嘅餃子料好紮實，煎餃口感唔錯，但如果可以減少油饐味就更佳；至於湯餃，湯底真係有啲怪，如果可以改善就更加吸引。整體OK，但唔會想再黎！ …查看更多

走进海乐饺子店，本是冲着手工饺子而来。一碗花胶淮山猪骨汤彻底征服。浓稠乳白的汤汁，花胶的胶质与淮山的清香裹挟着猪骨的醇厚扑面而来，光是这香气，便让人挪不开眼。匠心慢炖，熬出黄金汤底这碗汤的魅力，全在“慢工出细活”。精选筒骨、扇骨与老母鸡，经4小时文火熬煮，直至汤色浓白如牛奶，释放出醇厚肉香；再加入深海花胶与铁棍淮山，小火慢煨2小时，让花胶充分吸收汤底精华，变得软糯黏牙，淮山则在炖煮中释放出清甜粉糯的口感。入口时，汤汁浓稠到微微挂勺，每一口都带着细密的胶质，猪骨的醇厚、花胶的鲜美与淮山的回甘层层递进，喝完唇齿间满是温润的余韵，暖胃又滋补。食材本味，滋补与鲜美的碰撞汤中的花胶处理得极为用心，泡发充分却不失弹性，咬下去软糯弹牙，满满的胶原蛋白；铁棍淮山炖得绵软清甜，与花胶的口感形成绝妙对比，中和了猪骨汤的油腻。最惊喜的是，汤底看似浓郁，实则不油不腻，清甜中带着食材本味，即使多喝几碗也不会觉得负担，反而越品越上瘾。搭配饺子，解锁双重满足这碗汤与店内的饺子堪称“神仙CP”。咬一口热气腾腾的韭菜猪肉饺，鲜美的肉馅在口中爆开，再喝一口花胶淮山猪骨汤，醇厚的汤汁瞬间化解了饺子的油腻，山海风味在舌尖交织；酸菜饺的酸爽配上温润的汤，更是开胃解腻，让人忍不住连吃带喝，将整碗汤“光盘”。平价滋补，烟火街巷里的温暖滋味人均不过60元，便能喝到这样一碗用料扎实的滋补汤品，性价比极高。店里环境虽朴实，却充满市井烟火气，在海乐饺子店，这碗花胶淮山猪骨汤不只是一碗汤，更是冬日里的温暖慰藉、平凡日子里的滋补仪式感。无论是独自暖胃，还是与朋友小聚，它都能以醇厚鲜香，让人从舌尖暖到心间。…查看更多

約家人去北角食晚飯。見到呢間評語唔錯的餃子店就試下。星期日下午6點。尚早，去到仍然有好多位，但轉眼已坐滿八成。店員姐非常有禮貌同專業。好恰當的提供意見選餐。令用餐體驗加咗不少分數。上餐都快。三個人揀咗鮮肉紫菜餃，羊肉餃同埋一款雞肉冬菇木耳湯餃配米線。另外，加左韭菜鮮肉煎餃，拍青瓜，雞翼同豆漿。各款餃子都好味，湯好飲，無味精食得好舒服。拍青瓜我哋刻意走辣都好味，雞翼同豆漿中規中矩。屋企人猛話好食，店員又真係好nice。希望keep 到。會推介。…查看更多

有時唔想食飯嘅時候，就會黎海樂餃子店度食餃子🥟😋湯底係花膠淮山豬骨湯健康仔~~~本身諗住叫煎餃，可惜入坐嗰時咁岩係平日嘅繁忙時間，煎餃京暫停供應，唯有叫湯餃🥹（不過其實湯餃都好好食😋😋）因為一個人食，5隻又好似差少少8隻幾好，不過又唔想同一款味食8粒所以就加左$3轉雙併餃子🤩🥟鮮肉紫菜餃+鮮肉香菇粟米餃🥟 $56粒粒都大大隻😍又足料！！粒粒都脹卜卜😍🥟鮮肉香菇粟米餃有多多嘅粟米喺入面🌽好有口感😊🥟鮮肉紫菜餃有好香濃嘅紫菜喺入面自從有時食過之後，每次雙併其中一款都會有佢份😜食完餃重忍唔住要飲曬啲湯😜湯底係花膠淮山豬骨湯標榜係無味精，不過飲完之後係有啲口渴🤔唔知係落鹽重手定點呢🤔不過湯餃同煎餃都真心足料好食！港島大推嘅餃子店💝…查看更多

呢間食過好多次，一直都未寫好評係北角一間小店形式經營既餃子店，店員不多，所以好記得一男一女既店員呢到既餃子，粒粒都皮薄多餡，而個人比較喜歡吃紫菜，所以經常過來食出面少有既紫菜肉餃今次就食煎餃，其實每次來我都食湯餃用心包，自然食得出係好味既餃子🥟每粒都裝載住鮮味同一般預先制作既餃子吾同嫁！大愛呢到既無味精花膠淮山豬骨湯底，好清甜，同餃子好夾，每次都會飲得津津有味今次仲叫埋小食，涼拌拍青瓜，不過不失，正常發揮來到北角，各位都記住要來試下呢間餃子店啦！！…查看更多

細路唔鍾意食飯，唔湊米氣，但鍾意食水餃😆有日行過北角，見到個招牌，一於試吓個「花膠淮山豬骨湯」加「粟米併紫菜餃」餃子大大粒，加個麵，再食個小食「麻辣皮蛋」，一大一細兩個人，竟然都夠食。個湯呢確係有料到嘅，花膠嘅咸鮮+淮山嘅清甜+豬骨嘅濃郁，混合一齊，互相牽引，互相集結，成就一碗好湯👍🏻麻辣皮蛋，先辣後麻，再黎皮蛋黃的香。一浪接一浪地刺激住啲味蕾，從不同的層次，不同的角度去挑起食欲，真係欲罷不能😂…查看更多

一間北角小店，唔係連鎖式，但好好食既餃子。標榜無味精，食完又真係唔頸渴喎！每次都好係湯餃同煎餃之間決擇，因為2種都好好好味！韮菜餃係我既至愛，紫菜鮮肉餃都好好味！…查看更多

I’ve always like this dumplings place😋Not only they have variety of flavors, I also like the thickness of their dumpling wraps and my go-to flavors are usually the steamed chicken and mushroom dumplings and the pan fried cheesy pork dumplings. One thing that I also love is their fish maw pork bone soup😋the sweetness of the soup kinda enhanced the taste of the dumplings and it goes really well with the noodles too. Ohh…this is the first time I had their noodles and it was actually surprisingly good too😊…查看更多

呢一間都係經常同同事lunch食。湯餃子係一道家常料理，近來轉天氣，好岩食一碗令人心暖的湯品。呢一間餃子嚟講相當出色，尤其係佢花膠湯，就咁飲都好正，撈埋嚟食麵一流。首餃子的餡料是湯餃子的靈魂所在。無論是傳統的豬肉白菜餡或者粟米餃都各有特色。好的湯餃子，餃子皮係重要，佢依家嘅餃子皮厚身得你有少許彈牙，非常高質。湯底好關鍵，亦都係呢一間餐廳嘅亮點，個人覺得花雕湯超級好飲。當餃子的肉汁慢慢融入湯中，湯的風味更進一步提升，變得更加香甜。…查看更多

🍜 今日去咗「海樂餃子店」，聽講佢哋嘅餃子好正，見到有個$45嘅套餐：鮮肉雲耳椰菜餃配米線，咁抵食，當然要試吓啦！😋🥟 鮮肉雲耳椰菜餃 + 米線餃子一上枱就聞到陣陣香味，餃皮煮得啱啱好，唔會太厚，咬落去好Q彈～入面嘅餡料真係有驚喜，豬肉夠鮮嫩，配埋爽口嘅雲耳同椰菜，口感豐富，每一啖都食到唔同嘅層次感👍。雲耳嘅脆同椰菜嘅清甜，真係同豬肉好夾，唔會覺得膩😌。🍜 至於米線方面，質地淋滑，煮得啱啱好，唔會過腍，湯底清清地，帶有淡淡嘅肉香，配埋餃子一齊食，真係好滿足～份量唔算細，$45嚟講真係好抵食，而且食完一碗都唔會覺得太重口味，幾健康嘅選擇😎。…查看更多

湯羹size實淨巨餃🥟，餡料鮮甜豐富，仲有老火湯底🍲！・・・・・・・・・・・・・・・・・・・・🥟 8件湯餃 HK$53＞鮮肉紫菜餃🌿、鮮肉香菇粟米餃🌽🍄＞湯底：花膠准山豬骨湯底・味道：餡料豐富實淨，紫菜控要叫呢款，係超多紫菜！香菇粟米餃個鮮肉調味同紫菜餃好似唔同，粟米鮮甜，冬菇夠香，鮮肉唔鹹但比紫菜重味，都係好食的🤓 size好大隻，係湯羹咁大嘅餃子，女仔食8粒已經夠飽😋！最欣賞係湯底真係媽媽煲嘅老火湯，0渴0味精，好清甜，次次去都成碗清晒🍲！・口感：皮唔厚仲有輕微咬口，餡料豐富實淨，紫菜爽口，粟米脹卜卜，鮮肉唔會散修修，係媽媽級嘅味道👍🏻！・・・・・・・・・・・・・・・・・・・・🤰性價比：高～🤰9衝度：9衝～🤰結論：簡單好食抵食🫶🏻，係會掛住嘅味道。・・・・・・・・・・・・・・・・・・・・…查看更多