海樂餃子店

营业中

休息中

This is a restaurant I always pass by but never expect to be incredible! Entrance looks traditional and simple. But never underestimate it! Feel like eating dumplings tonight. I decided give it a go! Staff were nice and friendly! Greeting sweetly with recommendations of dumplings order.We ordered wood ear cabbage pork dumplings in shanghai noodle, chicken mushroom black fungus dumplings in shanghai noodle and fried pork and chives dumplings.Soup was specially homemade, maw and yam pork ribs soup

<海樂餃子店>  📍北角🔸花膠淮山豬骨湯有驚喜🔸大元寶餃子 八隻實夠飽同事介紹呢間港島”甜記級”餃子店 😏 講到咁天花板巴閉，等我試下佢乜料先。雙拼餃子 (鮮肉韭菜餃 + 鮮肉芝士餃) ($56) ─ 大大碗餃子，熱辣辣上枱 ♨️ 先試湯頭，花膠、豬骨味濃厚，但湯質地清甜潤滑 😍😍😍 無味精，一啲都唔確喉！有圖為證，飲晒見到「招財進寶」。 🤣餃子隻隻都有手掌心咁大，足料無呃秤。餃子皮比較紮實，但皮唔算厚穩約見到餡料。餃子咬落有肉汁，係JUICY同好味嘅 😋 個人偏好韭菜餃，韭菜甜味同鮮肉調和融合，無得輸。鮮肉芝士就比較膩，同事推薦鮮肉粟米餃，下次都可以試下。香辣豬耳($37) ─ 唔好食。主要係個辣醬問題，個辣醬真係要搞搞佢。餐廳人手唔多，樓面其實都係得兩丁友，但係送餐速度好快，好爽手，仲好有禮貌添 。😊餐牌：

呢邊嘅鋪頭成日轉手但希望呢間用心嘅小店可以長做落去夜咗收工成9點先去買外賣 店員彬彬有禮 落單後仲叫我坐一陣等叫咗一份鮮肉韮菜煎餃 （$56/8隻）同一份鮮肉香菇粟米湯餃（$53/8隻）湯餃分上煎餃仲送一碗湯睇鋪頭告示，佢為咗唔影響食物質素，下晝12-2 唔煎餃！好中意個湯，花膠淮山豬骨湯，有屋企嘅味道餃子皮好chewy, 隻隻餃子脹卜卜，好多料，唯一缺點係餃子皮無包料嘅部分都幾大，唔想咁飽肚嘅我唯有食淨啲餃子皮會再幫襯呀

上堂前嚟呢度食啲嘢，嗰啖湯頭鮮甜唔會口渴，飲落好幸福叫咗鮮肉芝士湯餃，有咸香又惹味，一碗有8隻夠晒一個人食，如果多啲人嚟可以試多幾隻味店員服務質素好好，好有禮貌

今日去北角做嘢，落車時見到呢間食餃子嘅專門店，而且仲標榜用（花膠淮山豬骨湯底絕無味精），好吸引馬上入店試吓！我叫咗一碗鮮肉芹菜凈餃子，一上枱花膠湯味香，馬上呷上一口奶白色嘅湯底，超鮮甜，同自家喺屋企煲嘅味道一樣！芹菜餃咬開的一剎那，滿口芹菜香，食落爽口，係我喜歡的那一種，但豬肉略嫌打得比較糊口，沒有食落去有彈牙的感覺，比較失望，下次再試其它！希望只是一時失手，好食嘅餃子應該係肉質彈牙，再加入任何配料都會好好食！

他家饺子吃完让人很幸福！煎饺一绝！羊肉汤饺王炸！小菜分量也很够！最重要的，价格很优惠！服务也很舒服！平时路人甲的我，也要出来好评一下！祝老板生意兴隆，兔年快乐！怎么还没有80字。

門口比較隱蔽。。。。以為吾好食😂😂估吾到小店都有甘清既湯底。餃子又大隻又足料。店舖座位寛敞。而且服務員態度非常好。好有禮貌。不過價錢有少貴。但都值得再去既。

作為餃子愛好者，對於屋企附近開左餃子店表示興奮，海樂餃子店門面無任何裝修，但對於鍾意食餃子既人都會想一試，食完第一日忍唔住第二日又去🤭門外有大大隻字推介店的主打無味精花膠淮山豬骨湯底湯底超吸引但我又鍾意食煎餃多啲，第一次食自己叫左一份白菜煎餃，朋友叫左韭菜煎餃+上海麵。不過嗌煎餃會跟一小碗湯，咁樣就同樣試到佢既無味精湯啦～講左湯先，一小碗湯超甜超好飲！！仲要食完成餐飯都唔會口渴，真係無加啲咩味精。而上海麵一樣係豬骨湯底，但因為有麵既緣故，湯麵的湯比就咁飲既湯淡，但都飲到超足料好好飲❤️ （只係有比較下，細碗既湯更濃更好飲🤤）至於餃子方面，內餡材料好好食❤️係餃子店應有既水準！不過個人建議餃子可以再煎香啲，第一次食餃子無咁香，但第二次食就煎得香啲，希望可以保持到煎多兩面既水準！同埋內餡可以再飽滿多啲就更好啦！！順帶一提，呢到既辣椒油好正，雖然好辣但好惹味🤤由於我真係好鍾意食餃子，好希望呢家店可以做長啲！！始終見呢個鋪位成日轉餐廳🥲 而且佢又無特別既門面，但我覺得佢既食物絕對係值得我再次回顧既！！！！同埋唔知門面係咪老闆黎呢，佢既態度好好！希望佢地可以睇到我地既建議，繼續進步，吸引更多客人，留

北角咁多間餐廳，偏偏比我撞正入咗呢間餃子店，好彩都算好食！店入面較靜，一坐底就叫咗個8隻鮮肉白菜淨湯餃($53)，餃子size就好大粒，肉質實淨，用料無馬虎，而且鎖得住肉汁，本人幾鐘意呢個質感。湯底就無得彈啦，係花膠淮山豬骨湯底，寫到明無味精，我都比面飲咗一半，非常好味！只係餃子皮偏厚身，有啲摺位未煮得熟透，隱約見到少少麵粉皮未熟。如果份量唔夠可以加錢加麵或菜底，個menu有啲亂，食之前睇清楚，而且價錢唔算好親民，間唔中食一兩次都可接受。下次黎想試煎餃，希望水準都唔太差。

難得去北角，原本想試下那個，但朋友早啲去到都已經好多人排隊。咁啱見隔離有間餃子店，鐘意食餃子既我地就即刻轉場試下😎。餃子店黎講呢間算坐得比較舒服(甜記逼到傻🙈)。Lunch hour店員都比較忙，但都好爽手有禮貌👍🏻。🔅鮮肉雲耳椰菜餃 ($53)餃子口感結實，夠大隻，雲耳椰菜呢個配搭無得輸😎。餃子皮唔算厚，餡多少少令個邊位少啲就更好。湯底係無味精既花膠淮山豬骨，飲落真係好足料無味精🤤。平時叫無味精多多少少飲完都係覺得差啲，但呢間既湯好滿意🥺！好難得最尾我飲晒啲湯🤣。🔅鮮肉紫菜餃 ($53+$3轉煎餃)紫菜味雖然唔算好出，但好鐘意個口感👍🏻。餃子唔會煎到個皮硬晒，食落仲好有肉汁。雖然油左少少，不過飲埋碗湯即刻覺得無咁熱氣🤣。💬餃子果然都係要試小店，有驚喜！價錢又抵，餃子啖啖肉😚，值得推薦。

北角港運城對面開咗間新嘅餃子店，坦白講門面真係毫不起眼，非常之平凡，不過個餐牌上面有句野好吸引：花膠淮山豬骨湯底，仲强調話係絕無味精！見價錢唔貴，隔離間間堆滿人，就入去叫咗個鮮肉韭菜餃同鮮肉白菜餃雙併加菜底，同一個海鮮餃米線，果然入口d湯真係非常非常鮮甜好味，我哋飲晒成碗都唔口渴同滯胃，應該真係冇花冇假嘅真豬骨湯，正正正！今次試咗三種餃，餃皮稍厚但喺可接受範圍，餡料又係真材實料，兩種鮮肉餃都充滿新鮮豬肉嘅鮮味，喺街舖以此平民價錢食到呢種味道，真係超乎想像！海鮮餃雖然稍淡口，但係有一陣淡淡嘅鮮蝦海鮮味，蝦肉鮮甜亦有點彈口，如果喜歡食物原鮮味嘅話，呢間小店真係值得一試。.......我試此店，真係有d驚為天人，因為呢間店真係唔多客，可能係比佢嘅平凡外表呃咗，我都冇諗過小店嘅湯底同埋鮮肉餃嘅味道竟然可以咁高質，如果店主之前將間店嘅門面包裝下，生意一定不止於此！而家諗定，下次又要試下其他味道嘅餃子喇！

從未寫過食評，但呢間食店真心要留字讚讚男女店員極有禮餃子款色多，可選菜底湯底標榜無味精，飲落好香雞湯味，正！羊肉餃有饘味～正餃子餡味道適中，好味……但餃子皮較硬同厚整體非常好，會再幫襯

上手茶餐廳執左 轉左呢間餃子店門面普通唔起眼 食物相片都無 令人好易忽略左佢不過多年前係鰂魚涌食過 同名既海樂餃子店所以就留步 望下餐牌 結果係無味精既花膠淮山豬骨湯 所以就決定入去試下餃子選擇有13款 都幾花多眼亂 😵‍💫有選擇困難症既我 最後決定放棄平日最愛韭菜餃，決定試下紫菜餃配上海麵湯底好濃 花膠味好重 5隻餃子配麵好飽肚 隻隻餃子都爆哂餡 調味亦岩岩好 👍🏻唔知係咪因為要大大隻 爆哂餡 所以餃子皮都有一定厚度 鍾意薄皮既人就未必鍾意但好彩餃子皮都煙靭 加埋d調左味既餡都好食😋最後我將全碗湯飲哂 岩哂我呢類「無飯家庭」 平日無湯水飲既打工仔。下次我會試下將麵轉菜底 感覺健康d 唔駛食咁多澱粉落肚 又可以食到菜😝臨走問老闆 原來佢真係以前鰂魚涌果間！ 原來佢係鰂魚涌結業後 同朋友夾份係上環開左永樂餃子店 早幾個月將永樂讓哂比拍檔後 自己係10月就黎左北角開返海樂 希望大家經過都支持下呢類良心小店 💛————————之後好幾次經過 都見到海樂好靜 無咩生意 覺得幾可惜…希望海樂執下個鋪面 吸引到多d北角既街坊食大家都可以試下買生餃 返去自己煮黎食 都唔錯架

今日去開北角做野 夜晚覓食既時候 路過一間街坊餃子小店見湯底係花膠淮山豬骨湯底 標榜無味精 所以就決定入去試下餃子有好多款式 花多眼亂 我揀左香菇粟米湯餃 一試個湯底 就覺得味道好濃郁 好重花膠味 感覺好滋補 真材實料 飲完唔會口渴 一啖接一啖 結果就唔經唔覺飲哂成碗湯。 咁岩見到鋪頭入面有成箱花膠 感覺老闆好重本 至於餃子好大粒 份量好足 香菇味好出 同埋有粒粒粟米 口感十足 好飽 平時好大食既我 淨係食8隻餃已經飽左 真係好抵食 下次會再去 另外，推介個辣醬！唔算太咸 但夠麻夠辣 🌶 鍾意食辣既不妨一試！另外，呢間小店似係家庭式經營，服務態度好好 非常有禮貌 值得比機會一試。

今日下午放假經過北角，見到有間餃子，就入去試下餃子款色都幾多下，仲有啲小食提供😃我見左個鮮肉韭菜餃加上海麵再加豆漿。餃子大大隻😆，味道唔錯，份量都ok，夠飽，依隻上海麵質我都幾中意，唔太林，最驚d麵煮到林晒，但依間唔會。 湯底有驚喜，飲落有大浸好香既花膠味，食都應該沒味精😄整體來講依間鋪頭都唔錯👍🏻，下次黎可以試下唔同味道既餃子，同埋試埋d小食，想試下個豬耳掂唔掂😆，得閒經過都可以黎食下。