影片
以上资料只供参考，请与餐厅确认详情
招牌菜
［📍荔景｜海景餐厅］呢间系一间外表非常平平无奇既街坊茶餐厅埋没左系荔景邨街市入面 机缘巧合之下 比我试到餐厅既意粉佢地所用既意粉粗幼度岩岩好 而且唔会煮得太淋我大胆地试过佢地既 鱼香茄子意粉 豆腐火腩意粉 粟米斑腩意粉 咖喱牛腩意粉出奇地全部都好好味 再加埋佢地既辣椒油虽然辣椒油唔够辣 但好够香以平民茶餐厅黎讲 非常有惊喜～
继续阅读
咁啱有事喺荔景附近要搞，又唔想食大家乐因为成日都食，于是喺openrice就揾到呢间海景餐厅。餐牌选择都多嘅，一般嘅茶餐厅嘅选择。拣咗个全日快餐C椰汁香芋排骨饭。一上菜就觉得中伏。啲芋头都唔煮得腍嘅，排骨冇味，而且啲汁系透明嘅！饭又硬！喺度做嘢𠮶啲阿姐成日都高谈阔论，好嘈！连自己有妇科病都喺度大声讨论，非常之影响客人嘅食欲！只系杯奶茶叫做正常啲，几滑、几香。下次都系食返大家乐算保险啲！唉！无下次！=-(
继续阅读
叫咗外卖送错餐 打去讲点知比个员工cut线 今时今日依种服务质素真系希望你哋睇路😀唔会再帮衬。平时我都好少投诉 专登要上嚟依个平台讲 希望你地正视员工服务质素既问题 虽然系平民茶餐厅 但无理由连最基本既事都唔处理啰 顾客有必要包容你地错失架？
继续阅读
明明系茶餐厅，又话自己系餐厅，扮高级𠮶啲侍应全部都黑口黑面，粗粗鲁鲁，比我呢个送货佬仲要粗鲁。我叫咗个鱼香茄子饭，系好大碟分量好够 但系一啲都唔好味食落去又咸，茄子又唔够淋，食落去好硬而且有一啲好重油份嘅味道，话明系鱼香茄子，但系一啲鱼香味都冇，鱼香茄子的汁好咸，就算用嚟捞饭 都系觉得好咸。随著个饭就跟个汤，个汤系莲藕汤，但系莲藕汤咬落去个莲藕𠮶度一啲事都冇嘅完全冇藕断丝连嘅感觉好冇feel，一啲都唔好饮都系咸。如无大碍我以后都唔会去呢间茶记食嘢。
继续阅读
由于中午两点未食嘢情况下，见到呢间茶餐厅，谂都唔谂就入去，因为实在太肚饿。入面人数不多，主要做街坊生意。款式选择多太耐冇食窝蛋免治牛肉饭，好期待，最后好失望，同我平时食开好唔同，即刻冇晒胃口但太肚饿都要食。只生蛋埋咗系中间，上枱已见捞咗半好咸，冇牛味....反而友人碟鱼香茄子见得人，但都系好咸冻柠茶少冰同正常嘅分别。唯一好嘅系冻柠茶足料，落咗好多片柠檬。价钱一般，饮品要加钱。唔会再黎食，虽然做街坊生意，都唔系咁差
继续阅读