海景粥店 (已結業)

唱完Ｋ行過來食。叫左個牛肉皮蛋粥１８。５蝦米腸粉１０粥煲得好好味。好綿皮蛋稍縑少左Ｄ，牛肉碎足！腸粉皮過厚，不過鼓油味道幾好，加上熱辣辣，都可以接受食完等陣就有新鮮油炸鬼出爐喇。即刻要反條。＄７炸得不夠脆口。皮亦太厚喇。不過都係個句，熱辣辣難食極有限。

想食左好耐既白粥油炸鬼, 成日都因為冇時間冇得食.今日星期日, 同mami去行街街, 突然又好想食, 入左去我叫左當然就係白粥油炸鬼喇, mami要左個艇仔粥好味, 白粥好棉, 熱辣辣. 油炸鬼又係"新鮮出爐" 正!

日前到海景晚餐 唔餓的情況下點左炸兩 : 薄身粉皮包著仆仆脆油炸鬼, 次次都無消手, 豉油則另上, 不會因為索了太多豉油而過咸 , 醒～ 熱豆漿 : 溫度十足，豆味香濃, 加多隻雞蛋可以成為付粥糖水了 不知是不是豆漿過於寒涼, 胃痛頂了多日, 有排都唔敢飲豆漿

在九龍城食完兩餐甜品，似乎若有所失，還是要吃點鹹食來解救一下。腦海中浮現了腸粉，於是會合在太子的老公去食粥。先後要了艇仔粥及牛肉粥，材料很豐富，粥底看似很綿密，入口時較為糊口及勁重味精。炸兩-腸粉皮很滑，油炸鬼仍略帶脆口，水準不錯。炒麵-新鮮熱辣的炒起感覺特別好食，炒得乾身不油，只嫌它芽菜不夠多。每款都食了少少，加上之前的甜品，真是飽得無力消化，回去又要努力(做運動)了...

有品質的粥店!看它將豉油分開上,不立刻淋在炸腸上,已很出色!吃它的艇仔粥,材料算新鮮,粥好绵,最特別有豬肚,但有些人不喜歡吃,豆漿-小甜,有豆味,ok啦!當然不及鮮醡的豆漿舖!整体都比海皇出息!!

食得平而清淡，首選粥舖。同朋友第二次黎海景食粥，本來想食完之後再出街食甜品，最後只係一人一碗粥，Share 左碟野，咁又一餐喇。1. 碎牛粥，艇仔粥 (每碗 $16.5)碎牛粥同艇仔粥都算多料，不過我碗碎牛粥仲有加料，有小黑蟻一隻，我撥左出黎就算，無出聲。都算好好食架，相比海皇粥店算係好好多，不過都係多年前學生時代去九龍城馬仔食仲正。2. 炸兩 ($13)呢度食炸兩滿足晒我既願望，因為我要超多麻醬同埋落好多芝麻，海景呢度真係可以任落唔嬲。相比起美孚個間海皇，長年都收埋支麻醬，真係超無癮。全餐 $46，我咁細食就梗係夠食啦，我朋友應該都係要食宵夜至得喇。

每次入海景~我都會好掙扎~唔知食羅宋湯通粉餐好~定係食粥好因為2樣我都好想食!!今次~諗左一輪~我決定左叫粥!!!!!免治牛肉粥係我必食的依家好少地方d免治牛肉粥係足料嫁啦我唔要求佢好多料~好多牛肉~好大碗而係我想d免治牛肉~唔係炸粉絲多過牛肉而呢度~佢粥唔係好大碗~但佢收得你$16.5一碗佢的牛肉~算很好~唔會太多粉絲~亦唔會冇味~~~粥店來說~佢算貴的~之後叫左炒麵拼炒米炒米只屬一般~唔算太油~但味道淡左d~炒麵係好good呀!!!!平時外面的炒麵都好粗的~又油呢度的炒麵~可以稱得上係銀絲炒都~真係夠幼又唔燶佢同米粉的幼度差唔多呢~~~其他店發脹左嗰d~根本冇得比~極少$11的雙拼會食到呢個水準~講開價錢~佢的單好得意嫁~佢分左特價粥~中價粥~高價粥~我食的係$16.5的中價粥我好佩服佢地的頭腦我呢個全店最平的粥~叫做中價根本其實係最低價~佢單上冇低價粥~把客人同店的身份~稍稍拉高~好似個個都好高上咁~唔食下價嘢~但其實最平要$16.5~都唔係話平嫁啦~佢仲美化左你~哈哈~~而特價粥唔係特平的意思~係酒樓嗰d特點咁的意思~~~所以係貴過高價粥嫁~~~腸粉都係以同方法去區分~喺別的店

差不多一年沒吃過出面粥店的粥,原來而家一碗粥都已十七,八蚊的呢~真係食粥唔知價了~這間粥店每次行花園街都有經過的~但~就從未入去食過~試吓先~我與家人叫了"兩碟炸兩"---->>>好好食~入面好脆的~"碎牛粥兩碗"---->>粥好綿,但~牛肉很少~凍,熱豆漿各一 ----->>不重豆味~叉腸拼牛腸 ----->>>普通~埋單$90元~

我最愛既熱豆漿, 只有係呢到搵到濃濃豆味, 飲到一半當放涼左時, 仲會起左一層”衣”係面 .... 雙併炒面加米炒則夠大墟頭, 一般貨色, 但勝在抵食夾大件

尋日同同事食lunch,叫左炒面+米$11,艇仔粥$16.5,價錢同x皇不相百仲,略嫌貴了一點!粥: 好熱,熱到辣口,d料都好足,味精就應該唔多,因為返到公司都無勁飲水!炒面+米: 一般,無咩特別見到油炸鬼好新鮮,係即炸,不過要$7,食唔過...好多即炸都會平過佢!

火腿奄列配多士 + 雞翼餐肉公仔麵 ~ 一個套餐要成$31有d貴 , 好彩味道都唔差 , 同平時係茶餐廳食既差不多。 炸兩 ~ 見到令張台既人都點黎食 , 而且仲聽見岩岩新鮮出爐油炸鬼 , 所以都叫返碟黎試下 , 正過海皇個d好多倍囉 , 脆口得黎唔會酒淋淋 , 成碟好快就清哂 , 不過之後就開始有d口嚨痛囉 , 真係好食又熱氣。

鮮蝦腸粉：果然大隻蝦，但腸粉不夠滑身，略厚炒面、炒米：炒得乾身，不會濕…好味！鬆糕、牛利酥：一般

早幾晚老公零晨2點才收工,他肚子餓,途經此店買了消夜回家吃,原本我睡著,那麼我便起來陪他吃.給他嚇一跳,因他樣樣都想食,便買了很多嘢食,回來時已差不多3點,食物經過遊車河,.但每一樣食物仍保持新鮮滾熱辣,真奇怪.皮蛋碎牛粥:不知是否將近收店(工),有好多皮蛋碎牛料,粥底幾綿,味道適中,不會過咸.碗粥熱到燙口.牛脷酥:燙手呀,外脆內軟,甜甜哋,好味.大粽:內裡包住一個很大完整的咸蛋黃,很多配料,好好好味呀!炒麵:又一大盒,無油膩,好味.大煎堆:已食不落,極飽.手掂到是脆和熱.放在雪櫃待明日烤來食.外賣跟調味料:3盒豉油,甜醬,辣醬各1盒,胡椒粉3包.食完消夜,有好大的罪惡感,飽到想嘔.

已經是月前的食評。好似往年的年初一周圍食肆都會開的，今年的年初一的正午時份，走在太子街頭，竟然覺得幾難搵食。結果捨棄津味雲吞而來這裡吃碗皮蛋牛肉粥。看看碗粥，都很久沒見這樣子的粥了，皮蛋一堆及碎牛一大舊各據一方，明顯的是直接將粥倒下配料就算，沒有任何後期加工，都幾求其，希望只是年初一才看到的模式吧。可幸粥底濃稠，亦頗夠熱，拌勻也有足夠熱度，不會令碗粥變得溫溫吞吞的。伴勻才吃，又幾正常，粥底幾綿，是有一點味精，但絕對可以接受。也要了煎堆一個，熱辣脆口，吃落又有煎堆應有的煙韌的口感，最難得是圓碌碌的，不會是扁撻撻的，好適合過年的氣氛。皮蛋牛肉弼17蚊，幾經濟。煎堆7蚊，不便宜，但有水準，吃得過。

唔舒適都同朋友去旺角行街想話食ｄ粥，就去左海景ｄ腸粉既皮真係好厚重要唔多滑，ｄ味重一般ｔｉｍ可以話既只係價錢唔貴不過我諗我都唔會去多次ｐｓ：（唔係因為唔舒適，係因為同行既朋友都係咁話）