海德餐廳

营业中

休息中

被臉書群既網民封為「平絕黃大仙既海德餐廳」，今日我又來幫襯了，最鍾意小店食肆，無咁拘謹，而且價錢實惠、食物亦都有香港風味.今次試左個焗豬扒飯，配熱檸茶（$34），睇得出個飯係即焗既，豬扒都整得不錯，但個汁就馬虎少少，不過價錢咁優惠，係咁上下的了。整體而言都係令人滿意既，我覺得點好過幫襯連鎖式希望多d街坊幫襯啦

今時今日，30蚊可以食到一個焗雞扒飯加杯熱好立克，真係抵到爛。開咗好耐嘅茶餐廳，門口唔大，行過可能都發現唔到，入面環境雖然同新式茶餐廳冇得比，但係食得出一種懷舊嘅味道。平時都好多街坊客，老一輩嘅人比較多，我竟然係最後生🤣🤣疫情關係，所以開到1800就關門，1745嘅時候有個婆婆想入嚟食，服務員都好客氣同佢講1800就收啦，驚你食唔切，婆婆都好客氣話咁下次先黎喇。講返個焗，份量好足，雞扒都好入味，飯當然都好唔錯，蕃茄汁十足，好味。而且即叫即焗，熱辣辣，正。熱holic都加好，溶唔晒🤣希望呢種舊式茶餐廳仲可以一值經營落去。

今日去慈雲山搵個朋友, 早到佐, 一於去醫佐肚先！到鳯德公園附近見到呢間舊式茶記已經想入去嘆反個傳統港式早餐, 見到埋個價錢就諗都唔諗入去食了！各式早餐全部都係$28！更驚喜係佢係用真。沙嗲牛肉又林又好食，真。出前一丁做面底, 另外熱古力，茶走都值得推介,特濃！性價比極高, 一定會反黎再食！😋街坊小街，做佐十幾年都無乜加價，$30唔洗高食到個早餐，而午餐都係三十幾蚊唔係唔黎支持下嘛🤣高度推介！👍🏻👍🏻

We walked in this restaurant as all the街坊said it is cheap but yum! We went there in Sun morning at 830! The restaurant is already full! We have to wait for 5 mins... The restaurant is quite old honestly, some of the chair is broken. All the customers are usually 婆婆嬸嬸 which is also an evidence of 性價比高🤣We ordered a HK style breakfast! 沙嗲牛肉麵 with fried egg and toast! The instant noodle is 出前一丁!!!!!! Very dum本!!! The beef is quite different to other restaurants which is also tasty!! I ordered a hot

老闆不計成本益街坊 我最愛嘅沙爹牛肉公仔麵老闆係俾出前一丁唔需要另外加錢的26蚊一個早餐仲有一杯嘢飲 餐蛋腸蛋 火腿 任你揀 一款 多士都只係加1蚊 凍飲加兩蚊; 仲有好多款式早餐㗎 扒餐都唔錯大大件 咁樣嘅價錢可以喺香港食到 真係唔錯啦 午市快餐 都可以嘅 三十蚊就有得食啦 一碟食到好飽 有埋杯嘢飲 外賣自取仲可以減兩蚊 焗飯都可以 下午茶呢經濟實惠囉 佢下午茶嗰個豬扒餐好抵食㗎加杯嘢飲都係廿三十蚊左右呢間鋪頭老細呢就 舖頭 可能係自己的唔做夜晚嘅咁佢話係咁多㗎喇 所有食品賣完即止

通漲超勁，附近想食餐下午茶都唔係平明明都只係想食餐街坊茶仔都係咁加，係呢間都keep 到個價20出頭有得食有炒/湯粉麵飯，真係有二三十樣比人揀，最少感覺上係good 0既份量係咪好大當然講唔上，但做lunch 其實都唔會話唔夠，我本身都刷得呢個份量都頂到下肚先睇睇相費事risk level 咁高揀左要肉絲炒麵一般唔係屋企自己整到，真係成個麵餅炸左淋個獻上去唔係亂七八糟炒埋一碟的呢個價錢味道真係入到口食到最後個心都無想爆粗鬧人其實我已收貨肉當然係又少又肥又削，但唔特別細味的話個獻的味精味係完全cover到的杯野飲又唔係細細杯兩啖完，算係咁啦! 有電視睇，唔係太多客，靜靜地慢慢食都ok，真心呢D 地方真係唔知仲有幾多

唉, 本來都冇諗住食海德既, 又唔想行咁落, 早餐者, 算啦~~~是日早餐:- 肉丁米>> 普通一個米粉囉, 咁樣都唔好食死得! 腿蛋+牛油方包>> 腿蛋已經放埋入米粉度, 個方包放棄唔食. 熱好立克>> 唔加糖都夠味~好普通好普通, 食飽算數

一間唔做晚餐的街坊茶餐廳,若不是就腳,or店員夠親民是不能維持的.我唔可以話佢特別好食或者難食,不過菜式真係連我都做得到~是日午餐:- (全日供應茶餐) 3送一面配熱飲>> 今次選了煙肉, 雞翼, 肉丁+米粉@熱檸茶先講碗面,塊煙肉一開二,真係大片到食唔晒...乜真係貴成咁?雞翼兩隻都好合情理,但醃得唔夠味,好淡色.仲有堆似有還無既肉丁,望落去好大堆頭,食落一粒肉都冇,我覺得似薯仔多d.至於杯熱檸水,冇乜特別...好熱囉~個餐配熱飲就23蚊凍飲+2,如果起出面食,我覺得情有可願.不過而加係街坊生意,凍飲又+2的話,就好唔值了.小妹食既咸魚肉粒炒飯先22蚊咋...

*** 午餐款式每日不同 ***供應時間至 6 pm2 pm 至 6 pm: 有更抵的下午茶餐 味菜牛柳絲炆烏冬 $22 包熱飲 今次烏冬等了頗久, 比焗飯還耐, 原來廚房一起炒起四碟, 熱辣辣, 香噴噴 牛柳絲份量算少 烏冬唔錯, 炆得好入味, 味菜的酸酸甜甜溶入其中 . 而且烏冬本身煙韌彈牙

一排無黎, 發覺越來越抵, 午餐都係$22 包熱飲, 唔怪得全場爆滿兼要等位 梅菜肉餅飯 肉餅份量雖然唔算大碟, 但都落足甜梅菜, 肉餅厚身又彈牙 上桌前已淋上豉油, 不過味道剛剛好,唔會過鹹 白飯大大碟, 嫌它硬了少少 凍飲加$2, 凍檸賓就要加$3, 可惜色淡又無味, 店員之後都好樂意加返多d利賓納

一向都有幫襯開呢度,貪佢抵食夾大件又好好味以前佢有夜市既時候就鐘意食佢既枝竹羊腩煲同泰式骨而家無夜市,就食佢既早餐同晏晝$43搞掂兩餐,又好味,又飽肚,去邊度揾呀講講佢早餐先....(我自己最常食既)A餐 沙爹牛肉出前一丁 腸仔蛋 方飽 熱奶茶牛肉整得好稔,一定唔係用梳打粉整到佢稔個D,仲好入味腸仔蛋同方飽就無咩特別杯熱奶茶好香好滑,係成個鳳凰村至好飲既一間(講真架...我覺得)咁多野都係$19,杯奶茶又得,去邊度揾吖至於晏晝,佢個焗豬扒飯同鰻魚炒飯都好好味個焗飯即叫即整,就算拎走番屋企或番公司食都仲熱辣辣鰻魚炒飯就好多料,炒得好夠獲氣,仲要加埋杯熱飲都只係$22咁既市道食到D又平好味既野真係出去出面好難揾到架!!!

早上，我見有人叫了碗牛扒米粉，我都叫來試試。唔食尤至可，一食就真係不得了！！塊牛扒成塊柴皮咁，煎得過久，又'un'又唔易咬開。 而且，我亦曾食過d奄列，一樣令人精神為之一振。皆因d奄列又係煎得過久，表面有明顯燒焦的痕跡，搞到d蛋好老。

自從海德無做晚市後, 已很久沒有來今次再食佢d早餐, 平日早上九時多都坐滿, 有好多街坊幫襯覺得海德早餐有隔離兩條街的富堡的影子, 不過海德平三元$19 沙爹牛肉出前一丁, 午餐肉, 腸仔, 牛油方包, 熱檸茶 出前一丁正, 麵條彈牙, 淥得剛剛好, 同富堡一樣咁好食 牛肉 -- 好正宗的沙爹汁, 不會過咸; 牛肉夠稔, 無渣 午餐肉, 腸仔 -- 可惜不是即叫即煎 牛油方包: 包身較乾及硬 熱檸茶, 茶濃, 檸檬不澀, 水又夠滾咦, 早餐去到中午12點, 當brunch食都得仲有個大大電視, 唔怪得咁多人鍾意黎歎報紙

爸常來這兒吃午餐，這晚來吃晚餐。爸叫了o者o者白鱔煲，我叫了煎腐皮卷。例湯味精味不多，但蠻可口的，奇怪的是湯渣只有一兩小粒…白鱔煲上台真的有茲茲聲，有時連酒樓也不會有的，鱔很入味，也滑滑的，腐皮卷煎得蠻香，不過不太脆口，有點油，幸好，吃完也不會太滯。小店最好的地方是感覺很溫暖，味道除了有點味精外，其實很home-made的。

以前常來食薑葱霸王雞,好滑好入味,不過現在減少食雞,故少來了另一常叫正菜是涼瓜炆倉魚,味道好夾,涼瓜亦唔苦蒸烏頭較遜色,食過兩次肉質都麻麻豆豉鯪魚油麥菜好少鯪魚,唔抵