影片
见到新推出下午茶餐牌就入去试吓有炒蛋、窝夫、瑞士猪扒同公仔面$43几抵食-食物质素非常普通猪扒大件但唔算入味，上枱只系暖唔算热炒蛋够滑，窝夫唔错公仔面就系屋企煮嘅咁加$5叫咗杯玄米抹茶，甜到糖尿好钟意抹茶嘅我饮咗两啖都成杯弃咗-重点系餐厅环境非常污糟啲枱櫈甚至乎新𠮶块餐牌都系痴笠笠筷子桶同梳化櫈发晒霉一挞挞黑色辣椒油个盖痴晒尘，樽身油淋淋只系开咗几年就咁样应该收工从来唔会清洁究竟对自己几无要求嘅老板先容忍到间舖头咁样⋯
继续阅读
去完旅行，想食间平靓正嘅面档，就系海兴厨车仔面！佢真系好抵食🥰蕃茄汤底应该有落糖嘅，唔系完全清蕃茄汤。自家制Special蕃茄汤。几好饮，不过我唔会饮晒。好钟意食佢嘅萝卜和冬菇。萝卜大大件，起码有五至六件有腌过，清甜无根。冬菇有腌过香，大赞韭菜应该系用油水去渌，所以少少油嘅。平时有嗌韭菜底，如果韭菜底啲韭菜真系都好多🥰牛筋冧、牛柏叶爽🙌🙌🙌食完开心晒！想食一碗>$50又大大碗，海兴无得输
继续阅读
今日去佐红桥到食呢间海兴车仔面，呢间铺头第1次食，不过竟然有意外惊喜，个人觉得好食过永年，不论汤底同埋佢d𩠌，牛筋好正，特别佢个辣汁，坚好食系坚好食，口水鸡套餐都系好正，唔算好辣不过好野味，我觉得呢间铺系值得再去！
继续阅读
今日经过屯门试佐佢个招牌瑞士汁猪排，无谂到咁好食，个汤底好饮到清晒，46蚊3个𩠌，算系唔错！有惊喜，会再嚟食！希望keep 到水准，期待下次🤤🤤🤤😋😋😋
继续阅读
食物一般般叫咗两个车仔面两个小食 …… 我叫咗：牛腩猪红萝卜猪皮米粉 $49 ～ 牛腩比较韧，萝卜冇味，猪红猪皮正常，米粉一pat pat，水准中下 …… 朋友叫咗：牛腩牛筋牛肚牛柏叶鱼皮饺糖心蛋猪红通菜萝卜猪皮米粉 $112 ～ 朋友话全部一般般，冇味道 …… 小食叫左手拍青瓜 $26, 瑞士汁鸡翼 $35 ～ 两个小食表现正常，不过不失。服务态度超级差叫阿姐一号斟杯热水，谂住用嚟洗筷子，佢答我枱面壶水今朝装系热嘅，跟住唔理我 …… 之后个执枱想赶我哋走，叫我帮佢喺近墙边枱面攞啲杯碗碟出嚟收走，唔该都冇声，order我咁 …… 咁我同佢反映岳高头见到啲挂灯面铺满好多尘，d好似棉花糖扬吓扬吓嘅尘，会随时飘落嚟枱面食物度，好唔卫生，个阿姐二号哦一声就走咗 …… 全程由落单、食嘢、俾钱，冇笑容冇礼貌。
继续阅读
您可能会有兴趣的...