影片
喺鲗鱼涌返工，想食个性价比高嘅lunch其实唔易。(表面上系好多选择，但好多都系贵得嚟质素又平平…)而呢间唔系好起眼嘅小店，就成为同同事成日帮衬嘅「饭堂」。小店只有几张枱，每到lunch hour都一定见人龙。虽然又要等、又坐得逼，但都值得架，因为𠮶种「家的味道」真系呢度先食到!讲紧嘅系呢度主打嘅花胶淮山猪骨汤底，虽然花胶就揾唔到，但汤底味道清甜又唔会太淡，饮得出系零味精。饺子有10几款拣，可以选择叫8只净饺($46-50)或5只饺配面/米线 ($42)。一个女仔食8只饺实在太饱济，通常会叫5只饺配米线。试过好几款，比较推介特别嘅「蕃茄薯仔饺」同「鲜肉香菇粟米饺」，前者系因为坊间少见而味道唔错; 后者香菇加粟米粒食落有层次感，其实呢度冇一款饺系伏的…今次试嘅系「鲜肉芝士饺」，粒粒都胀卜卜好饱满，够晒真材实料! 水饺皮厚薄适中，唔易穿到漏晒肉汁，又唔会厚到食唔到馅，不过馅嘅芝士味冇想象中咁重。米线都唔少架，绝对食得饱! 食完饺同米线最紧要饮埋个汤，正到不得了。饮饱食醉，大家都不约而同咁高呼一句：「好满足呀～」呢碗$50有找，有「家的味道」嘅靓汤绝对可以为我地呢啲「无饭打工仔」差差电。
继续阅读
一向都好中意食饺子，有一次突然发现呢间小店，就一试难忘了。呢度有10几款饺子，可以选择要净饺(10只) / 饺子(5只)配面。我通常都会叫饺子(5只)配面，因为呢度既饺子比一般既都大只得多，食完会好饱。今次都系叫番我最中意食既鲜肉芝士饺，听落好奇怪但味道出奇地夹。芝士味唔会好浓，所以唔太受得芝士味既朋友都可以试下，而且真系好足料，有满满既馅，而且皮既厚薄都好适中。中意喺到食饺子既原因仲有另一个，就系佢地既汤底系采用无味精既花胶猪骨汤。饮落去好舒服，唔似系不断加水搞到淡哂，仲会有小小痴口，证明真系有花胶既骨胶原。几十蚊有足料饺子同花胶猪骨汤，真系又好味好抵!
继续阅读
是晚相约了朋友出席一个讲坐，之前吃个简单快靓正晚餐，她提议到这家小店吃饺子，之前生果日报也访问过此店，以花胶汤底闻名，那就当然要试试。店内简单的装修，感觉开扬，坐得舒服。 有不同款式的饺子。 小妹这个爱咖喱之人，那当然要试试这里的鲜肉咖喱薯仔饺。汤底口感厚身，有浓郁的花胶、肉及其他配料味道，味道清甜可口，喝得出是没有味精，回家也没有after effect。 咖喱味道惹味，为自家调制，不太辣，富有港式的咖喱味道，薯仔够腍身，肉够爽嫩，咖喱亦很入味，一口气连吃8只实在是不难之事！
继续阅读
听过海乐饺子店好耐，今日终于可以一试啦！今日系太古坊开完会，想食个下午茶再番公司，就行左去食饺子啦。餐牌试写既系绝无味精，同埋"花胶淮山猪骨汤", 听到都好想饮吧。因为本人你一名饺子控，所以无要到汤面，只食双拼饺子，分别系鲜肉菜饺，同埋鲜肉白菜饺。因为系即煮既关系，所以都等左成15分钟先有得食，一试饮啖汤，哗，好甜呀，因为饮得多妈咪煲既花胶汤，都真系几真材实料！然后咬一口饺子，好浓味，比较之下，我钟意白菜饺既鲜甜多D, 无推介错，真无大大粒，食完8只，再饮埋花胶汤，满足，不过个皮可能要包到大大只唔够薄，咬落会有粉，口感会有小小影响。
继续阅读
就喺病咗先会想食啲清淡野 呢个饺子绝对喺而家想食嘅top5😭-鲜肉栗米三色椒饺 ($46/8只 双拼加$2)汤底喺花胶淮山猪骨汤 唔好期待会有好多花胶/好重花胶味～其实撇除呢样野 呢个汤饮落带清甜滑口 几好饮的 重点系无味精 唔会食完好口渴!!!🤤而呢个鲜肉栗米三色椒饺绝对喺我杯茶 因为好多栗米粒 再加埋三色椒 食落爽口👅又好足料 唔会得个皮厚但料就无咩~而且佢啲饺子都几大粒 净食8只当lunch 无难度!!!🙈
继续阅读