海樂餃子店

呢间饺子店中午都比较多人，饺子款式多，仲有煎饺但中午繁忙时间唔提供。饺子可配米线或者上海面。叫咗碗 5只香菇粟米饺配上海面饺子外皮唔算太薄，唔会一夹就穿。入面馅料好足，粟米粒粒分明，咬落去有啲甜味。最欣赏系饺子煮得啱啱好，唔会过熟变腍。上海面烟韧有咬口。汤底系花胶猪骨汤，饮落去舒服唔腻，见有唔少人都会好似我咁食晒啲面有汤剩都会饮晒佢。食完碗面都唔会觉得口干，所以佢嘅汤应该真系无落味精。成碗面唔会太重口味，有种家常感，啱晒唔想食得太浓味嘅日子。…查看更多

自己由细到大都好钟意食饺子，又细个食嫲嫲教我妈咪包嘅饺子最钟意包嘅就系西洋菜猪肉馅，每次食饺子就有一种窝心暖意好似返咗屋企咁样感觉🥺今日食饭谂唔到食咩所以就周围开始揾有冇啲咩好食嘅饺子，睇睇吓OpenRice就见到呢间饺子舖头嘅推介间舖头比我想像中大，入边嘅格局睇得出系经历咗一段时间比较家庭式嘅装修同埋摆设，但系重点我哋唔系嚟食环境系嚟食饺子一开始觉得试吓先就嗌咗8️⃣只鸡肉冬菇木耳饺，第一啖先饮吓个汤，咁就出事啦，呢个汤系我呢一年嚟饮过最入味最鲜甜‼️最有猪骨味‼️加埋花胶味嘅汤‼️如果你系钟意饮汤嘅呢个系唔可以Miss😍饺子嚟讲，我觉得馅料调味有啲咸同埋食落去冇𠮶种肉质扎实嘅感觉，但我相信呢个系个人喜好嘅问题，自己比较喜欢肉质扎实食到椰菜爽脆𠮶种饺子而呢个就比较似系一个普通嘅馅料10分钟唔够碗汤已饮晒🥰所以我决定加order再嗌多另外8️⃣只鲜肉粟米饺。个重点依然系碗汤度，饺子都系冇想像中我想要个种口感同埋质感，但系粟米配猪肉嘅饺子永远都系唔会错嘅总结嚟讲，食完16只饺子之后已经饱到走不动，但系饮完碗汤令到我成个晏昼都觉得非常之满足温暖🥰如果你话会唔会返嚟再试多次嘅话好大机会都系Crave个汤而决定再返嚟gains power: 12/10taste: 12/10 for the soup, 7/10 for dumplings…查看更多

呢间系一间家庭式经营嘅小店，成个menu 都系得十款饺子，但我觉得已经足够（仲有其他小食）讲番啲饺子先，饺子馅料好料足又札实，真系会食得出系人手包的。平时夜晚去食，会见到一位上咗年纪嘅叔叔喺到包饺，原来所有卖嘅饺子都系由叔叔备料包饺…确实全人手制作。讲番啲饺子先，煎饺同汤饺都试过；觉得煎饺好香又juicy，汤饺又食到佢嘅原汁原味👏🏻👏🏻个人最钟意鲜肉韮菜饺&香菇粟米饺💯💯因为想一次过食晒咁多款人气饺子，所以问吓可唔可以整到，点知真系可以🥰🥰所以今晚食咗一个多并杂锦饺子（专登tailor made 的❤️❤️😘😘）确得份外窝心💕P.S 不过好似做到9月就要结业啦⋯⋯想食就要快啲去食啦🙈…查看更多

饺子一向都系我嘅至爱。今日经过北角，经过呢间专食饺子嘅，谂都冇谂入去食返几款先！韭菜饺 🌕🌕🌖🌑🌑芹菜饺 🌕🌕🌗🌑🌑紫菜饺 🌕🌕🌖🌑🌑粟米饺 🌕🌕🌗🌑🌑试咗呢四款，我唔逐一讲。老实讲，食得太多饺子店呢间唔系好出色。皮都比较厚。馅料同肉既比例多肉少菜。对我黎讲唔吸引！因为佢肉嘅调味都系差唔多味。不过想提吓碗猪骨汤，系本身吸引我入去嘅其中一个因素。佢声称冇味精，而我都相信。因为入到去闻到一阵强烈嘅猪骨味，好似啲拉面店咁。个汤好甜！就我个人而言，个汤甜得滞。…查看更多

### 北角海乐饺子店今次去北角试咗海乐饺子店，想话食返啲热辣辣、手工靓嘅饺子，结果有好有唔太好嘅惊喜。 **煎饺** 一上枱仲热到出烟，外皮烟韧，咬落仲有啲焦香，内馅够扎实。但问题嚟喇——外皮有股油饐味，食到后段开始有啲腻，如果煎得干爽啲会更加好。 **汤饺** 汤底睇落好靓，呈奶白色，本来以为会系清甜骨汤，但一入口…嗯，有种古怪抹布味，唔知系咪汤底问题，影响咗整体感觉。不过饺子本身OK，鲜肉芹菜嘅组合几稳阵，馅料够扎实。 **热豆浆** 冇特别惊喜，甜甜地，算正常发挥，配饺子解腻系唔错嘅选择。 总结嚟讲，海乐饺子店嘅饺子料好扎实，煎饺口感唔错，但如果可以减少油饐味就更佳；至于汤饺，汤底真系有啲怪，如果可以改善就更加吸引。整体OK，但唔会想再黎！ …查看更多