海之幸寿司刺身

营业中

休息中

今日約左去筲箕灣睇醫生，平時通常去東大街果邊，今日去左愛碟灣果邊，呢邊居屋公屋多，又係一條村，食店唔多亦唔出名，見趕時間求其附近食就算。筲箕灣D2出口，冇乜食店，最近見到呢間賣take away 壽司，沖入去八下，當時有兩三個人揀緊，我見有六件三文魚腩$38都幾吸引，本來比錢之際，就見到牆上邊有大便檔，心血來潮想食個鰻魚飯， ＄48都OK ,想一想啦。5分鐘左右就出咗個便當都算快趣，鰻魚有兩塊都算好肥美，啲飯就係普通飯，非常之熱辣辣，整體來講個鰻魚飯幾好食，比起90幾蚊嘅鰻魚飯嘅質素差唔多，我一路食緊之際，途中都有三四個人入嚟買壽司同埋係堂食，堂食佢嘅座位大概有三張圓枱，通常都係一支公呢度速食就走人嘅，我見佢人流多，食物流轉都返嚟都算新鮮架，原來筲箕灣都有一間唔錯嘅日式便當店！

自從呢間壽司店開咗之後，每星期總有一兩天我會買返屋企，做我美味的晚餐🍣，方便新鮮又好食。適逢今天是家庭聚會，食品當中點少得壽司呢，記得這裏有自選壽司order，這裏不只有普通壽司叫，還有特別款式，我地點了3大盤壽司，全部都係即叫即做，非常新鮮，海膽軍艦和三文魚子軍艦做得非常豐滿，三文魚腩夠厚又肥美，芥辣八爪魚同黃金魷魚都非常美味。特別推介：牛油燒赤海蝦火焰壽司，食落去有牛油嘅香亦有蝦嘅鮮甜味，真係一試難忘⋯⋯。