影片
是日也!出西贡约朋友远足，之后搭7小巴出老虎骑石，点知条路太多雾而且行得太快，结果迟左落车，要行多15分钟才到老虎骑石路口，之后沿路经山火暸望台路标(沿途有好多蜘蛛网!) ，加上听到很多行雷声，唯有折返改往海下行湾仔自然教育径(期间路经食海下湾茶座阿婆的鸡屎籐$5! 沿途听到很多烧枪的声音，好惊!^o^) ，之后折返便食阿婆推介的豆角炒带子，村长鸡翼和可乐(结果埋单$214! 好贵，事后发现原来现在鸡翼卖$100碟，而碟带子都系$100! 莫非多d人食价钱会平d!) !
继续阅读
我食过啲蚝饼，真系好好味，啲蚝饼真系好大粒呀！下次去可以去试下
继续阅读
上星期六，与朋友一起重游海下湾，可惜天公不造美，落雨仲越落越大，于是揾个地方避雨，𠮶度有几间食嘢嘅士多，有一位婆婆，每见到游人经过，总会很快由屋里走出来嚷著她自家制造的咸甜茶果、海胆炒饭、带子炒饭、蚝饼，查实𠮶度所有都系食呢啲嘢；而我哋一心都系谂住揾个地方避雨，且上次行完山幚衬过前面间叫好景嘅，觉得啲食物认真麻麻地，公仔面太稔而且啲午餐肉入面系冻、蚝饼又太油；所以今次决定幚衬阿婆的海下湾茶座。我哋个个都食咗嘢先出发所以都好饱，我哋一行12人只敷衍的叫了一个蚝饼和一碟海胆炒饭，阿婆不但冇嫌弃，仲二话不说冲入厨房准备，过咗一阵蚝饼便奉上，蚝饼同一般簿簿一片唔同，佢好似奄列咁返了一返、金黄色令令哋，一上枱就已经闻到好香嘅蛋味，食落里面除咗有一粒粒蚝肉之外，仲加咗一些螺肉一起煎，丰富了咬口；我哋每人只分得一小件，大家都觉得唔够喉，于是叫多一碟，味道依然，阿婆仲话佢要俾百几蚊租船费出海攞𠮶啲蚝螺，所以十分新鲜。海胆炒饭上场，炒饭好香，米炒到一粒粒分开嘅，可见炒功非凡，用料只有海胆，我食落有点腥，可能系由于我对腥味太过敏，但同行食过海胆嘅朋友都觉得好新鲜。之后，我哋仲叫咗一碟村长鸡翼，今次就由阿婆女儿(村长)主理，我睇住佢系雪柜攞出一包急冻鸡翼入厨房，过了约十分钟，一只只外表煎得金黄嘅鸡翼就奉上，本来心想急冻鸡翼没有什么特别，但食落口外层香脆，而最出奇嘅系十分入味，好似腌咗好耐咁，好好味!最后，我哋仲食埋阿婆极力推介嘅咸甜茶果，簿簿一块，咸的入面有两三粒花生，甜的系中药鸡屎滕，阿婆话药鸡屎可以清热㖞，果烟烟韧韧，味道适中，我自己喜欢咸的。价钱方面，蚝饼、海胆炒饭各$80，村长鸡翼就$100十二只，茶果每个$5，我认为蚝饼、海胆炒饭、茶果值物有所值，但鸡翼略贵!茶座前铺后居，坐系屋前嘅空地面临绿荫和海下湾景色，环境都可以；由于海下湾地方唔大，只有海滩，水十分清澈，村长话每逢初一、十五前后就可以系水里见到海星、海胆等，除此之外就没有太多可游览地方，所以建议若果想消磨一整天时间，可以好似我第一次咁先作行山活动，假期可由钻石山铁路站坐96R系高塘站下车，然后展开约3小时行程至海下湾村为目的地，畅食一番，跟住坐7号小巴返西贡码头。
继续阅读