影片
以上资料只供参考，请与餐厅确认详情
今日夜晚8点半后WhatsApp去询问他们是否已经截单，结果未有回覆，然后打去查询，更直接cut线，WhatsApp信息显示已读但冇回覆，到现场先知截单关门，last day要人留差评，冇计
继续阅读
听讲呢间拉面小店好似做到12月就唔做了，今日朋友带我黎试呢间拉面。本身上星期想黎食，但见佢社交平台话啲汤头未如理想，所以上半昼都开唔到，今次终于食到。好好彩唔洗排队可以直接入座。我地分别叫咗碗荞麦拉面(汤)同炸酱扁面(捞)，另外鸡翼卖晒，所以加咗份饺子。淡丽酱油慢煮鸡胸荞麦拉面荞麦拉面系幼面，面身有啲一点点嘅荞麦粒，略带点碱水味; 汤底好清甜，同一般酱油拉面嘅汤唔同，佢有啲肉碎同葱粒，再加埋鸡肉嘅黑椒，饮落好舒服; 慢煮鸡胸好嫩滑，有黑椒微微调味。自家京式炸酱扁面配鸡胸角切炸酱扁面用嘅有啲似刀削面，好烟韧，用黎做捞面好适合; 炸酱味道浓郁，豆瓣酱味都几浓，就咁连埋配菜一齐捞都仲系偏咸，所以个面都配咗一碗仔清鸡汤加落个面到，中和翻啲味; 鸡胸角切同样系好嫩嘅慢煮鸡肉。日式饺子 配柚子醋4只饺子煎到好香脆，仲配埋我最钟意嘅柚子醋食。店内环境唔太，但楼底高，坐落都舒服。每碗制作需时，所以都要等15至20分钟左右先有微食。以呢个价钱黎讲真系好抵食。
继续阅读
呢间小店位置吾太明显，有啲偏僻😂去到餐厅，入面位置吾多，所以lunch时间都要等下位🥲🥲🥲要预翻时间！食物方面：今次叫左两碗面✅浓厚鸡白汤拣左慢煮鸡胸😍鸡胸超入味👍🏻👍🏻👍🏻吾会好鞋，慢煮好好食🤩🤩🤩而且有埋溏心蛋，加埋肉碎木耳丝同青葱，成个汤底都好好饮，十分清新，吾会得个咸字😂😂😂✅淡丽酱油清汤拣左慢煮叉烧，呢个汤底同上面味碗就吾同，成个味道系比较淡，好似有啲奶香味咁，加埋葱白成碗味道好甜🤩🤩🤩
继续阅读
是日去咗大西北觅食，下午茶时间去Cafe饮杯咖啡，经过呢间拉面，认得系之前bookmark咗，于是决定夜晚𠮶餐就食佢！舖头开18:30，去到啱啱开门第一张台入✌🏻间舖只有几张台，温馨小店一间～食品选择唔多，得2款汤底选择，叫咗 #轻酱油浓鸡汤 跟 #荞麦拉面 ，鸡汤好浓郁，几好饮，个鸡肉都好淋好好食，贴近我心目中嘅鸡汤拉面味道，唔错～另外仲叫咗个 #淡丽酱油清汤 跟 #大大广岛蚝，呢个有啲惊喜，食完个浓郁鸡汤，呢款汤更显出清清地，但味道都唔错👍 个蚝都几鲜，因为本身我唔太好熟嘅蚝，有时会偏腥，今次呢只又无，鲜得嚟蚝味重，再加埋个汤底，呢个有惊喜～我其实本身仲想试个蕃茄汤底，不过𠮶晚无😢
继续阅读
好耐冇写食评，今日放假，黎咗红桥揾食，本身想食辣野，但又唔想食米线，行行吓见到间酸辣粉但又未念定于是再行，行到尾转右见到间唔系好显眼写著拉面，行埋去再睇吓餐牌见到有蕃茄麻辣，同埋得几款面拣，觉得应该专做几种面，加上冇咩人，所以就入咗去。首先，入面空间大，坐得舒服，打开餐牌见到个价钱几合理，叫咗个麻辣蕃茄荞麦面拉面跟四块鸭肉同糖心蛋。加多份饺子，有五只。饺子先上，觉得普通。面要等十分钟到。一黎到即刻饮啖汤，已经觉得好有质素，完全冇味精味，个汤有肉醉，少少似担担面个种汤底，最后饮哂。鸭肉系肥瘦均匀，唔系街边货，有油脂口感。糖心蛋值得一提，非常流心，同个汤好夹，食到最底仲会有阵黑松露味。78蚊咁样既面系性价比非常高。大力推荐！
继续阅读