浦東晉家門

营业中

休息中

這家中式裝潢的西式餐廳人氣甚高除了西餐酒類選擇也多樣化手工啤酒點了門神閻王四川波特香港本土釀造酒精度遲八巴仙入口初時有麻香味尾韻帶甘甜香辣腸薄餅即叫即焗吃得出溫度吃意式薄餅配料愈簡單愈好芝士份量不少絕對能吃出拉絲的效果珍寶帶子墨汁意粉也是水準之作意粉煮得剛好al dente有彈牙感三大粒刺身級帶子沒有煮過火意粉用蒜炒香非常惹味香草炭燒羊架是今晚的主角即叫即做苦等了大半個小時好東西果然是要花時間用心制作四大條骨配試薯塊沙律菜大蒜等一切開粉紅色的嫩肉閃閃發光肉質極細嫩充滿肉汁羊味突出吃西餐又多了一個好聚點

呢間餐廳真係估佢唔到，睇佢門面係中式嘅裝修，再睇下佢個餐牌，原來係食西餐㗎！真係好特別，所以我就被吸引入咗去啦！—————炭燒美國有骨牛肋條—————等左好奈（差唔多45分鐘）先上菜，老闆一腳踢， 但都好有禮貌咁同我地講咗話要等耐啲！牛粒條比較銀左少少，但個汁都可以，同好大件丫！————黑松露野菌雜菜意大利飯————好重既cream味！食少少都肥！好彩係同朋友分享！————-焦糖朱古力榛子朱古力————無咩特別！兩杯冇咩分別！只有朱古力味！總結：裝修好特別，但環境暗左少少！係中式環境食西餐係有另一番風味既！

間餐廳都幾近太子站MTR，好易搵到。之前聽到朋友講呢間餐廳名，仲以為係中式餐廳，而且門面、內裡裝修睇相都係幾中國風，驚喜在menu上都係西餐，而且價錢都幾親民（除非點d用材料特別貴既菜 eg steak, 羊架，一分錢 一分貨）同朋友兩個人點左3個菜「炭燒雞胸凱薩沙律」$78沙律幾新鮮「煙三文魚薄餅」$88薄餅上既三文魚好重手，抵 「安格斯T骨扒」$380重頭 點左個扒，T骨就係兩款肉，一次過滿足兩個願望，而且超級大塊埋單每人大概$280左右

這晚來到太子覓食，看到一間門面古色古香的餐廳，理所當然的以為是中式餐廳，怎料餐牌卻是清一色西餐，完全估佢唔到，如此有噱頭，價錢又十分相宜，意粉薄餅都只是七八十元，令我們不作他想決定進內。店內環境中西合璧，古代風濃厚，又不失現代感，座位闊落舒適，挺自在放鬆的。店主還非常親切有禮，笑容滿面，落手落腳滿場飛，十分用心經營餐廳，服務很好，誠意滿滿。店內有隻可愛小貓咪，很乖的，不會打擾到客人，也很聽話，店主還笑說牠是餐廳知客，我們覺得牠是鎮店之寶。法國鵝肝好出色，鵝肝超厚身，煎得恰到好處，外脆內軟，油香十分豐滿，滲到極鬆脆的多士裡啖啖滋味，好有誠意。豬肉腸酥皮卷甚具特色，外層的酥皮十分酥脆，又不會好油膩，完整的包著結實味濃的粗大豬肉腸，口感豐富。拌碟的小蕃茄鮮紅爆汁，非常清新爽甜。穀飼極黑毛豬扒好巨型好厚身，脂肪均勻，煎得香口，滿滿油香，肉質好爽，帶有嚼勁，美味的醬汁也應記一功。焗煙肉雜菜芝士長通粉熱騰騰，面層有不少香濃芝士，非常惹味，長通粉入味又不乾，好好食。紫薯草莓鬆餅賣相漂亮，擺滿大大粒士多啤梨。熱騰騰的鬆餅非常軟熟，內藏軟滑濃郁的紫薯作餡，好有心思。配搭士多啤梨雪糕和忌廉，產生冰火口感，

朋友今日帶左我黎呢間食晚餐。餐廳好方便，就係地鐵站一出行前少少就係。去到餐廳門口，見到咁中式風格既裝潢，以為朋友帶我食中菜。點知原來係西餐廳黎。😄餐廳給我的感覺很舒服，岩哂同朋友黎傾計食飯。餐廳仲有隻好可愛既貓貓！🐈好乖巧！食物方面都有好多選擇，多國菜！好多都好吸引！小食：芝士洋葱煙肉焗薯皮 🥔即叫即焗，熱辣辣既薯皮焗到好脆卜卜！上面舖滿了芝士洋葱煙肉一齊焗，好香脆!芝士味好重！正！🧀糓飼極黑毛豬排🐽黑毛豬好厚肉，帶有脂肪位，連埋一齊食好香好煙韌。唔會覺得好鞋。食落好多肉汁好juicy!:-)個醬汁同個黑毛豬好match,用左香草忌廉汁配襯，令到黑毛豬更加好味！再配埋麻醬雜菜沙律同好清甜既蕃茄仔 🍅🍅好開胃！！好解油膩感。🐖豬肉腸酥皮卷 由於即叫即焗，要等一陣。焗到賣相好靚咁！外皮焗到金黃色好香脆！！一切開仲出緊煙！酥皮外層好鬆化，包住好大條既豬肉腸，好煙韌。食落好有層次。唔洗沾醬都覺得好夠味！🍝香草磨菇海鮮菠菜闊條麵 好香既香草磨菇味，醬汁食落好creamy!海鮮有墨魚，海蝦，青口。個闊條麵係菠菜味黎，菠菜味都幾濃味。麵質口感好有彈性煙韌。又幾好味喎！😋👍最後點可以少得飯後甜品：

星期日晚上，同友人黎左呢間餐廳食飯，享受返工前最後晚餐。呢間裝修係上海灘懷舊特色，除左門口中式大牌同門口之外，內部裝修都好具舊上海特式，復古得黎，環境又清休絕對係情侶打卡，好友暢談既地方！初時仲以為係食中菜，但入琴去先知係酒吧同食西餐！咁既裝修係平常既西式餐廳從未見到，用舊上海懷舊特色襯托西餐酒吧真係第一次見！我地叫左海鮮磨菇寬條麵，正常晚餐價錢，用料十足，大蝦青口都有幾隻，而且味道唔錯。之後又食左塊牛扒，估唔到大塊到咁，性價比高，有咬口，有肉汁，我自己鐘意落鹽食，仲正！最後要講下甜品，都係正野。鮮製pan cake，又香又外脆內軟，為完美既最後晚餐畫上句號！

單憑外觀，有點保留， 原因內裏裝修格局是一間卡拉ok酒吧， 我估食物也只限於輕食吧，炸吓薯條之類。期望不大。估佢唔到！食物來時什有驚喜！致起碼食得出大部份野都是自家製作。叫了個水牛城雞翼，雞翼炸得肥脹，配了自家 dressing, ok! ( 個人覺得如果能追隨傳統, 醬汁style加 Tabasco 汁就更醒胃)第二道菜試了豬肉卷，ok wor! 肉卷吃得出自家野，等了15分鐘有點耐，但至起碼真材實料。 酥皮可能是外買急凍後備用的，皮層唔夠明顯，牛油酥味唔夠。但唔太苛刻，其實都好好食。亦點 蕃茄芝士pizza，是我最愛的 thin crust. 用料足但不會太港式爆棚果隻，大約10"闊，食到停唔到囗，講真的。主菜點了焗羊肋條。等了20分鐘，omg! 有d心煩。好彩，好好食！肉味夠，肥及肉分配均勻，有少許迷迭香平衡羊酥味，相信大部份食客都接受到。整體評分高， 我會再去的， 會主攻 pizza！臨走前跟老闆(廚師本人) 打了個招呼並讚他。 因為我看見整個晚飯過程(80分鐘) 只有他一個應付。 食物也有如此水準其實唔易。他是一位有心人，在香港有心堅持的人是需要給支持的。下次再去我一定問老闆

記得這是我第二次光顧這小店。這店很適合閏蜜、三五好友或情侶邊飲（不一定是酒精）；邊吃；邊暢談。我們先點了飲品紅酒$78及熱檸菜$28水牛城雞翼$68作小吃😋好吃的，但不是心目中沾上酸甜辣醬那種😜Pizza真的要推介😍薄餅底既香脆，而蕃茄芝士餡料很濃郁的味道蕃茄芝士薄餅$78 底食👍🏻其次，很喜愛香草紅燒羊助條$328沒有羊腥味、肉質新鮮，配襯店主自家制沙拉汁的沙拉，賣相不錯👍🏻😋這道菜需時較長時間製作，但值得等一會雞肉腸酥皮卷$128美味😋若酥皮酥一點更好店主很親切，看到他十分忙碌，身兼多職亦面露笑容👍🏻欣賞！假若只點pizza,pasta,小食。其實這裡也頗經濟喔😜

輕輕鬆鬆鄧梓峰，又到星期五了⋯呢個Magic Moment當然要揾埋閨蜜去飲返杯，好好呻返受了一個星期的氣⋯ 唔想去香港區的我倆就去左係旺角太子個邊的一間中西合壁的Fusion酒吧餐廳。環境以酒吧為格局，但潮玩中式古董牌偏，中式燈籠及禪味裝置。食酒前當然要醫好個肚先啦！望住Menu，好想知香草三文魚免翕排同一般的三文魚排有咩分別，所以叫左一碟試試。原來免翁的意思係係用三文魚比較嫩的部位，再以調味圍邊。食落佢唔似三文魚排般一片片的魚肉，而係將嫩口的魚蓉放埋一齊般。另外，我們叫左一份煙三文魚、莎樂美腸、蘑菇烤Pizza。用了薄薄的脆口包做餅底，加埋香軟的芝士及餡料，口感較為豐富，而且送Cocktail一流！今次我們飲了左邊藍色的Blue Hawaii及右邊的Nothing。兩杯對比，Blue Hawaii的酒味比Nothing強，不過兩杯都夠凍，而且唔會太淡，可以一試。兩個女人最後都忍唔住叫了一份甜品。呢份朱古力香蕉窩夫係新鮮整成，絶對唔係烘返現成的窩夫。不過唯一係覺得雪糕雪得太冰了，我們用左D時間先食到雪糕，不過Overall都唔錯的。==========================

有時為了唔洗等位，甚至可以食完飯同朋友仔飲埋杯野先返屋企，我有時就會到直接揾酒吧餐廳食飯⋯今次就去左位於太子地鐵站附近，以中式裝潢的西式酒吧餐廳。餐廳地方小小，而且唔算太多人，唔會太嘈，都幾適合傾下計。前菜方面，叫左份巴馬火腿烘法包，烘得外脆內軟的多士均搽上牛油，味道香日。加上咸香的巴馬火腿及新鮮的車厘茄，味覺都幾豐富。香蒜白汁海膽扁意粉的蒜香白汁比我想像中少蒜味，不過個扁意粉幾掛汁。海膽的味被香濃的白汁有少少蓋過左，不過加埋漲卜卜的三文魚子，味道都算鮮的。法式鵝肝唔算太厚身，不過都幾大塊。鵝肝的油份滲進多士內，口感又香又豐富。不過如果當一人份的主菜就未必夠飽，建議大家同我一樣叫黎幾個人Share。黑松露野菌雜菜意大利飯應該都用左幾多芝士或者忌廉去煮，因為食落幾Creamy。加上意大利飯保持到顆粒感，唔會好似其他餐廳一pet野。食飽的時候當然要叫返杯Cocktail邊飲邊傾啦⋯ 餐廳的Cocktail都有幾多選擇，而且都好易入口，唔多飲酒的大家都可以試試。==============================鍾意我分享的，我邀請你訂閲我的食評，我會繼續與大家繼續吃掉世界，甚至吃掉

今日喺始創中心商場行完街就喺附近搵嘢食，係Openrice 見到呢間西餐都好似幾好咁就行左過去食。餐牌選擇都幾多，真係花多眼亂！煙三文魚凱撒沙律三文魚好鮮甜肥美，沙律幾refreshing，食落索索聲。芝士洋蔥煙肉焗薯皮焗薯皮份糧都唔少，有成大隻薯仔。面頭鋪滿芝士洋蔥煙肉，啖啖都超級野味，薯仔仲要好𣺉身。香草雞胸忌廉汁意大利飯雞胸份糧都幾多，肉質唔錯幾嫩。意大利飯軟硬啱啱好，每粒都沾有忌廉汁，味道一流！豬肉腸酥皮卷外面用酥皮包滿條豬肉腸去焗，真係幾特別，外脆內軟，口感層次好豐富！草莓鬆餅一份有4舊鬆餅，兩球雪糕仲有唔少士多啤梨，證明就算幾飽食甜品係有第二個胃！鬆餅好鬆軟好重雞蛋味，士多啤梨都好甜！士多啤梨控必食！玫瑰花茶幾清香同幾耐飲，加左幾次水都仲好有味。呢間西餐真心唔錯，我同朋友都食到好飽好滿足！

今日約左幾個舊同事出來食飯，集合點企太子，喱到環境靜靜地，啱曬我地慢慢傾。我地一打開個餐牌好吸引，選擇困難症又出現，最後點左幾個老闆推介菜色：安格斯肉眼牛扒五成熟，水牛城雞翅，漁人海鮮pizza,碳燒雞胸沙拉，三文魚蜆肉天使麵。我個人幾個菜都好中意，尤其係個牛扒，好肥美，入口滿嘴濃郁牛香味，而且軟滑配色黑椒汁好好味。個海鮮pizza都一樣，皮薄而且好脆，上面芝士好香，我係超喜歡芝士，距勁多芝士所以好滿足到我，我自己一個人就已經食左三塊。超滿足。明天開始減肥去。可惜我地人唔多，如果唔係可以試埋個三文魚扒，睇個餐牌好似好吸引。野飲就點左芒果熱情果凍茶，好濃熱情果味道好好飲，配牛排好解油膩。黑加侖子青檸薄荷凍茶、雖然有好幾個味道不過又幾夾。另一個就梨，檸檬薄荷凍茶，都不錯，唔似外面五顏六色，睇上去不健康。我地食完仲傾左好耐計，老闆超好，無趕我地走意思，還叫我地慢慢飲，傾下計。

今日同閨蜜一齊去做facial，係做facial期間，美容院老闆娘介紹我哋附近有間餐廳叫浦東晉家門，讚賞食物水準高，橫掂同閨蜜做完facial後都會去食飯，一於就去呢間試吓。我倆到達浦東晉家門時，真的有點驚喜，因為老闆娘說是食西餐的，但這裏既裝修是洋溢著中國風既色彩，內裏還看到牌匾及吊扇，配合淡雅嘅燈光，非常優雅古樸。 menu設計也富有中國風格，非常別緻 ; 食物嘅種類選擇頗多，尤其係主菜方面，有豬、牛、羊、魚外， 有些是連其他西餐廳少有的， 例如豬肉腸酥皮卷、野生法式鹿架、法式鵝肝等。首先來個法式鵝肝($128)未食前，已聞到煎過既鵝肝既獨特香味，當鵝肝連埋多士一起咬下，那一軟一脆既口感，滋味十足， 鵝肝既甘香同柔軟，實在難以忘懷。意式雜腸拼盤($128)雜腸飽滿多汁，切開時，還會流出肉汁，加上放了香草，食指大動 ; 當雜腸食膩了，伴碟既沙律菜絕對不要錯過，那沙律嘅秘製醬汁及新鮮沙律菜，會令你非常開胃的。珍寶帶子墨汁意粉($108)帶子鮮甜，墨汁既咸鮮味突出，加上蒜香，味道超正。意式海鮮意粉($98)海鮮豐富，有蝦、魷魚、青口， 鮮味十足 ; 意粉既韌度剛好，每條都能掛上美味醬汁，

上個月同男朋友既紀念日❤️平時既我地通常都揀食日本餐，但我地就去東京🇯🇵所以揀食西餐🍴呢間餐廳好有趣，門面同內部裝潢都係中式設計，甚至餐牌都好有中式小菜館感覺😆不過再行入啲，就會見到有酒吧吧枱，中西合璧🥂-🔹龍蝦忌廉汁煮海鮮意大利飯($108)一上枱已經聞到好香😍龍蝦汁都幾濃海鮮鮮味，汁雖然覺得有點稀，不過每粒飯都可以沾到龍蝦汁👅飯粒煮得岩岩好，好有咬口👍🏻海鮮有青口、蝦、魷魚、墨魚仔🐙都幾豐富~-🔹穀飼加拿大牛仔架($320)未黎之前已經聞到佢整緊，薰到好大浸黑椒味😳黎到先知原來係用黑椒汁整，係超級濃烈黑椒味，食落好惹味，但都有啲辣🌶牛仔架有成2大舊，店員話建議7成熟，切開後中間都好靚粉紅色🐮不過食落要啲牙力，仲有啲薯粒配菜👍🏻好大份，我地都好飽😆-🔺老闆店員都好好禮貌介紹食物😚

今天同幾個舊朋友企旺角行街，行到差不多時候，當我地搵食時候發覺間間都甘多人排隊，我地想坐低食野之餘都想慢慢傾下計。於是我地決定坐一個站地鐵來到太子穩食，地鐵站一出原來常條街都係食嘎，而且唔需要排長龍，於是穩左哩間個名好特別西餐廳《浦東晉家門》。個餐牌好吸引，最後我地叫左安格斯肉眼牛扒五成熟，肥美而且好軟滑，陪上黑椒汁都依然食到香牛味，推介。水牛城雞翅雞翅外脆內軟，配色上面醬令常個雞翅變得特別左，有幾層味道。漁人海鮮薄餅皮薄而且香脆，厚厚一層芝士加上少少海鮮，對於超喜歡芝士我，表示非常滿足。碳燒雞胸沙拉沙拉唯一要求蔬菜要新鮮，哩度絕對做到，而且好乾淨。三文魚天使麵麵比較軟身，還是比較喜歡意粉的口感，不過個味道不錯。飲品方面：芒果熱情果凍茶，好濃熱情果味，喝一口勁爽。另外一個梨檸檬薄荷凍茶，一飲之後勁解渴，薄荷涼涼的感覺。最後因為太飽連吸引甜品都無叫到。咪做大曬鬼。