浦和日本料理 (已結業)

事源每次經過荃灣地鐵站往力生方向,都會見到浦和…每次見到窗邊都好像好多人琴日心血來潮終於和另一伴去試下因為昨日是星期五每人原本168要加10再加1.我和另伴合共392首先叫刺身一d都唔新鮮…全部出水，變色…極度唔明白我地都照食…三文魚係無味ge.咬落去係明顯未完全解凍…有少少冰碎..有d見到個樣真係食唔落…叫左花之戀…佢賣相ok...但三文魚變色蟹子沙律…一般反而熟的食物比魚生之類好得好…(就這樣比的話)雞腎就好入味這些經歷一次就好足夠

小學同學兼死黨生日，佢喜歡吃日本菜，決定去試呢間荃灣浦和日本料理食放題。位處地鐵站附近大廈樓上，招牌一眼可見，非常易找。上到去門口，冇人企喺接待處，等了一會，見一年輕女侍應出嚟迎接我地， 入座之後，侍應話是新放題內容，多了冷盤和串燒和尚焗蠔….。佢推介了幾款新菜式比我地， 食完覺得都幾好味，值得推介。

我和老公看到雜誌廣告這裡$168不限時buffet, 即時定位要大食特吃。這裡環境不錯.我地首先當然先點魚生:三文魚/吞拿魚/立魚等,還有希靈魚馬刀貝都幾好食, OK啦 魚生總括不過不失.炸物 - 叫左天婦羅蝦, 南瓜, 吉列蠔, 都幾好味sushi - 有花之卷~ 呢個好好味~~ 仲有香芒蟹子卷都幾得意一品料理 - 叫左清酒煮蜆, 幾好味, 八爪魚丸普通水準串燒 –和牛串,青魚,多春魚幾好食, 有d就好咸…食了太多寫唔晒, 食物上枱時間不算慢總括黎講都幾滿意, 而且平日唔係滿哂, 服務都唔錯~

4月19係我地一年一度既小學聚會,由於咁耐冇見,一定要食返餐勁既!丫a就推介左係荃灣間浦和/,話d野食唔錯喎..咁我地大部份人未去過,,咪去試下囉,,我地一行有9個人,,去到浦和果時8點鐘,,我地坐左係角落頭位,開頭好驚侍應會忽略左我地,點知真係有-,-可能人手唔係幾夠啦!我地叫左好多野食,一落單個令仔侍應就伶左盆刺身黎,,我念,,有冇咁快呀-.-???原來佢會先上一d刺身比我地食住慢慢等既,,haha...真有意思!等左冇耐,d野就開始係咁上啦,我地邊食邊傾計,,個感覺唔錯,,仲有d音樂忝,,我覺得個炒雜菜好咸丫,,個雞肉串又勁霖喎,,,不過係清酒煮硯就好好味,,d魚生都好新鮮丫,,,,d款式又多喎,,,我地食到停唔到口...食食下望下周圍既環境,,發現現場氣氛好好丫,,d侍應個個都笑住咁對d客,,幾和藹丫,,做野又爽手,,去小解果陣經過個飲料機,,我咪問下個侍應點計,,原來只要每人加十蚊就可以任飲,,唔止汽水,,仲有啤酒,,咁益我地呀返埋位拿拿聲話比大伙知,,即刻叫野飲,,爽死!食食下野見到格離有人生日,,仲送埋個壽司蛋糕@.@原來壽司蛋糕係咁既野,,我都係第一次見,,好得意...

今日個fd生日,book左間vip房,間房有兩個瘋立電視,正,我地成十三個人,一去到,門口個侍應哥哥一見到我地就笑口騎騎,超親切囉.一坐低就伶左兩set魚生比我地食住先,d魚生好新鮮d sushi都係即叫即做,+10蚊就可以任飲氣水果汁同啤酒wow.因為冰島火山爆發冇左三文魚/.\不過呢,有劍魚腩,都唔錯,天婦羅都係即叫即炸,本人推介馬刀背次身,爽口彈牙,好好味^^和牛串都幾好,,唔錯唔錯xd侍應哥哥間唔中都會黎同我地吹下水,又有野食又有水吹,,happy^^仲有sushi cake送,佢地仲會唱埋生日歌.埋單之前仲請我地食雪榚,8個人頭可以送一個囉,,超底,不過呢個地好滑,,搞到我去洗手間時差d訓底左.整體黎講唔錯^^

雖然見到佢既食評係好差 ..但諗住試下睇下係唔係差成咁 ..再加上個FD介紹點都要試下 ..1入到去都冇乜野既 ..招呼都幾好 ..但第1個感覺就係好熱 ..冇開冷氣 ..雖然人係好少 ..但都唔駛唔開冷氣嘛 - -" 但倒茶果個人 ..唔知係唔係眼有問題 ..倒到滿哂 ..叫人點拎住個杯黎飲呢 ..D茶又熱喎..仲要滿哂 ..點飲 ..?野食係好快到牙 ..但D野食係超難食 ..D刺身1望落去就知係差嫁啦 - -" 差到不得了 ..咁諗住D壽司唔會十分差啦 ..點知 ..果碟花之戀 ..=0=" 唔駛講啦 ..1放入個口到真係好想嘔 ..真係好難食 ..食完果舊之後唔再想食第2舊 ..除左炸蝦天婦羅..吉列蠔..炸豆腐 之外 ..其他野我都唔敢亂食 ..因為我覺得呢間野太得人驚啦 ..唔敢亂試 ..怕1陣會食到嘔 - -" 係難食到嘔 ..D人D態度十分之差 ..我FD落單唔記得左寫號數 ..但都唔駛咁惡走埋黎鬧我個FD牙 ..係要用鬧黎形容 ..我知我地係唔岩 ..但都唔需要用D咁既態度對我地下嘛 ..又話由果邊搵到黎呢邊 ..唔好講笑啦 ..間野得果一.兩張枱..咁叫果邊搵到

5個人坐低點食物見到manu有唔少選擇滿心歡喜，點知...落order嗰時經理話每枱都有刺身拼盤食住先咁都好啦開頭都好地地order左嘅螺肉八爪魚花之戀都有黎跟住d order愈黎愈慢以為多人所以慢d等等下唔對路見到waiter 係咁俾隔離枱嘅野係好似我地點嘅野都算以為隔離枱都有點再等等左成個鐘，既然都冇黎唯有再劃過跟住又係黎下一兩碟又唔黎搵經理check下，佢地話有落單等都又餓又攰，飲水都飲飽再搵經理，佢又拎碟拼盤俾我地食咁我地點嘅野去晒邊？隔離枱食到話冇點咁多野等左幾個鐘，等到想走最後經理先俾張單我地check下有咩冇黎一睇張單除左好多未黎之外，其他嘅係冇入單嗰時都好夜佢再拎黎我地都唔想食假期前又收貴d，計埋加一每人$200，又食得唔開心其實佢嘅食物質素唔係差，但咁樣食放題一肚氣以後都唔會再去！太差

未試食日式放題食得咁勞氣, 星期日一家七口去荃灣浦和, 一入去好似好得咁, 坐落就開始劃食物紙, 入左3張紙, 大概11碟左右, 跟住全程坐係度等, 中途黎碟刺身, 侍應話係送, 真得意乜唔係任點任食咩, 點解會話係送, ok 都唔理, 繼續等足足等左半個鐘黎一碟,然後再等20分鐘再黎一碟, 隔離枱d食物就密密上, 我地全家坐係度睇人食, 然後叫個waiter埋黎問佢係咪見我地人數多所以限我地食呀, 簡直不知所謂, 7點入去坐到10點, 7 個人都食唔到20碟野, 前後追單都入左10幾張, 再等半個鐘都係冇, 要再搵侍應黎問先逐碟黎,都係黎得4碟, 點樣呀家陣我地黎乞呀, 大佬168蚊位架, 真係超嬲 一家大細每人168, 真係200蚊都食唔到, 有冇搞錯呀, 不過可能呢間野專搵生客笨啦, 又係嘅荃灣區係正地鐵站都唔憂冇客啦比佢搵苯啦, 話之你下次唔再黎啦, 佢都已經搵左你d人笨啦, 陸續都仲有大把生客比佢地搵笨, 呢招確係掂呀, 記住呀呢間浦和係限食呀! 唔係任食呀! 超級嬲

見到浦和標榜自己係即叫即做諗住質素有番咁上下點知水準只係一般...入到去,因為佢話D紙仔冇晒所以部分食物好似燒物要自己手寫號碼落單,,,連紙仔都可以唔夠點做任食放題呢!!!不過,佢地好好識做我地未叫野食,佢地都識話先比碟刺身我地食先所以服務都唔算差至於食物方面認真一般三文魚唔夠肥美,同出面超市買既差唔多吞拿魚又未完全解凍仲有D冰係面上面清酒煮蜆唔錯,一放落黎就已經覺得好香和牛串好好味,口感唔錯,但愈叫愈細舊…冷烏冬好唔掂烏冬太硬,食左兩啖都已經唔想食炸芝士丸一般,芝士味好濃,食到太漏而家睇到呢間既食評好差,其實又唔係但同佢所標榜有D出入,所以可能會有失望

復活節又遇啱糧頭, promise過兩個細路同佢地去食放題, 見浦和價格唔算貴, 就諗住去試下. 見openrice食評毀譽參半, 都有少少擔心, 不過呢d野自己唔食過, 永遠都唔知真定假.around7點上到去, 都唔係咁爆場, 搞到比老公串:"都話咗唔駛book架啦!"去到問waitress小童價點計, 原來身高唔過1.4米先當小童, 1.4米以上當大人, 所以阿女要計大人價...之後我地就好努力點野食, 北寄貝, 馬刀貝, 三文魚, tuna, 希靈魚刺生, 叫咗3個round. 都ok新鮮.仲有炸物: 海老, 蠔, 餃子...仲有燒物: 雞肉串, 雞軟骨串, 雞腎串, 和牛串, 七味雞翼, 鹽燒三文魚頭, 鹽燒鯖魚...仲有炒雜菌, 金菇牛肉卷, 日式雞翼仲有味噌湯樣樣order完都好快就黎, 完全唔係其他人講要等好耐同勁溜單, order咗6-7個round, 4個人飽到反肚, 埋單盛惠hkd7xx.仲有想講埋佢地service都ok, d waiter個個都好有禮貌, 食到中段有位姐姐黎幫我地夾走晒枱面d雞骨魚骨. toilet都ok乾淨, 冇一地水, 可能因為今日唔爆場,

今日公司有位靚女同事生日，所以我哋一行八人(可八送一)，預早訂咗間房(貪佢可以睇電視同埋自成一角)同時這裡是不限時,唔收切餅費,我哋由6:30食到10:30，真係個個都飽到嘔！可能係星期一較少人來食，所以速度滿意,魚生/壽司差唔多即叫即到,熟食好快,黎到仲熱辣辣的。服務:幾滿意,不停添茶/收碟刺身/壽司:樣樣都OK新鮮,三文魚好肥美,香芒卷，花之戀GOOD (只係希靈魚我個人不太喜歡)炸物：指定必食炸蝦天婦羅，吉列蠔，燒物:和牛串好，條秋刀魚好新鮮，一啲都唔腥，沙津:我推介蟹籽沙津及蘆薈沙津一品料理:炒雜菜及雜菌也不錯，清酒煮蜆是推介！ 以咁既價錢一個人黎講平均$164(連加一, 八送一)，我覺得都OK!

鰻魚定食：d飯唔似日本飯，質地唔好，簡單黎講，唔好食。個定食有雪糕做甜品，竟然成個定食連甜品一齊上，食完主食，雪糕都溶o卦？不過個芝麻雪糕入面有冰，怪唔得要一齊上浦和雜錦拉麵：睇menu都有隻蝦同兩件叉燒，黎到得隻蝦同兩隻帶子，叉燒都無，兩隻雪藏帶子無味又硬，好難食順帶一提，廁所污糟到爆，三格有兩格無得沖廁，地下又濕，衛生情況惡劣呢間野，越黎越差，以後唔會再黎

13日晚因我姊妹生日, 所以去左浦和度食放題, 果度d刺身勁細片囉~個和牛無味既, 個度既炸物真係一個字可以形容哂--差, 好彩都有兩味放得入口就係個金姑牛肉卷, 同埋個炸蕃薯囉好彩仲有幾款雪糕頂下肚咋~呢間野我以後都唔會再黎架喇~

有一個同事即將去英國讀書, 臨走前當然要同佢farewell大家提議去食放題, 貪佢食物方面可以多d選擇, 而且我的同事好鍾意食日本野有一個朋友知道呢度有BUFFET $148 +10%而且水準都唔錯, 所以最後book咗9:00pm但係我地遲到, 9:15pm先到 由於遲到的關係, 一坐低就唔理咁多咩都點一餐, 驚唔夠時間食 食物方面, 水準都唔錯-刺身: 三文魚(好好味呀, my favourite , 但細左D)希靈魚(好食~~), 鱆紅魚(好特別的口感~), -壽司:都有幾多種選擇, 包括新的火炙壽司系列, 至於卷物, 我最鍾意香芒海中寶卷,花之戀 好味 , 其他的加洲卷, 軟殼蟹手卷就普通咗d-炸物:呢度的炸物真係唔錯wor,有天婦羅蝦, 炸蠔, 炸帶子, 熱辣辣, 炸得好脆但芝士丸就炸得太過火其他的食物都ok ga, 和牛串, 清酒煮硯, 金茹牛肉卷, 鰻魚炒飯.......都好吃總括而言, 價錢又唔係真係太貴同事話返黎香港聚舊再到這裡食過

其實我黎荃灣浦和食過3次野架啦!第一次黎食,應該係10月既時候,d野食差到嘔!,又慢又難食!!之後我聽d朋友講,佢地又去左浦和食野,我d朋友話d野有改善唔同哂!之後我同daddy mummy同哥哥再去試多次啦,因為其實我好鍾意食日本野架,同埋百幾蚊,又唔算好貴!我第2次去既時候,o係係1月中左右啦!我再叫我最鍾意食既炒什菌,鰻魚炒反! 我未食之前,已經聞到炒反香,同埋冬菇香味!炒野個師傅,確實有水準!炒反好味,炒什菌超級香,正!!!相信係換左個師傅吧!但係d刺身同壽司就好差啦!刺身唔夠凍,重要暖既!車子壽司又有怪味,我懷疑壞左!!甜蛋壽司又係咁難食!不過最少有某方面變左,可以接受啦!今日我再次去浦和食野,重帶埋5個朋友一起去!諗住介紹d朋友上黎食野,點知又係咁既,激死我呀!! 炒什菌味道好怪,唔知點形容,重之係唔好食啦!咖哩好核突,又無味,只有雞粉味,咩日式咖哩係咁既咩,炒反好難食,好多鹽,好多汁,重要炒反上面多左好多蔥粒!我d朋友問我,又話d炒反好香好好味,點知比朋友噴到一面屁,話以後都唔好去呢間荃灣浦和呀!唉!!!!!! 之後我問d waiter點解d野食又變左既, d wait