浜 (已結業)

我之前去食過呢間,如果呢間都唔算難食,我相信呢個世界都唔會有野係食唔落肚嫁喇,我相信打仗時食樹根仲好味,起碼唔使錢啦,呢間野一蚊蝶都嫌貴,你貼每碟十蚊俾我或者考慮下去食......

我係一個非會員...其實上得黎openrice 到搵好野食當然唔小得既唔係只係睇留言咁簡單當中我自己親自去過先會有咁感受同留言最慘既一樣野係去食完都覺得間野真係一d 都唔值得去試囉先唔好講間野衛唔衛生先其實都算叫OK不過d 人既態度真係差都得不了唔係10蚊就有咁既服務態度呀?!我只係食左幾樣野就已經走啦因為d 味道太唔得囉而且又細碟..如果想返有人返去再食都難丫d 清酒煮蜆一d 味都無又有沙...真係過份!鴨胸釀鵝肝仲差過食五餐肉呀如果我係一個消費者我絕對唔希望食一餐咁差既晚餐囉我唔係太了解留意話OK讚好好既人點解亦都懷疑留言既真實性不過每個人有每個人既感覺可能覺得10蚊碟唔應該要"太"好食但係我相信...去過之後你以後都會覺得依間係黑店囉..PS. 如果有得比零分既..就好啦..><"

所以先要試.十蚊碟,想點先?款多,細碟,但我覺得物如所值.想乜都食啲,呢度ok.座位都唔係窄,服務都唔西面.最好係佢無即棄物料,抵讚.

去過依間舖差不多5次...秋刀魚同個煱就最抵..其次係鹽燒雞翼都好好味..叫左枝酒飲..原本以為係雜誌見到大大枝果枝..原來係ice...勁細枝..仲有就係裏面好多位都收唔到電話...

從未試過吃到一肚氣！ 首先刺身:一d都唔新鮮，每碟也只得薄薄的三片！ 炸生蠔:生蠔熟過龍勁老，炸到得番很細粒，炸粉又勁多，食落只食到炸粉味！ 蕃薯天婦羅:勁多油，見到都怕怕，但又完全唔熟，好硬，連咁簡單既蕃薯天婦羅都可以比整成咁都幾難得！ 壽司:壽司算係最正常的，但好像Q版咁囉！ 拉麵:碗就好大啦，但麵就勁少！ 鍋物:最差就真係個鍋喇，湯底"超鹹"，SIZE-我相信連一個小妹妹都唔夠食，真係好細鍋，所有食物都好少，又唔新鮮，總言之就勁難食！ 服務:態度勁差，因為原本我們ORDER了2個鍋但等了大約45分鐘還未到(途中吹了起碼3次)，結果我們叫埋單唔要0個2個鍋，2分鐘後佢就即刻2個鍋一齊上，我們話唔要，佢態度勁差咁話出左菜冇得唔要，真係勁過份，傾左一輪終於先可以唔要！ 經過以上種種我只會給這餐廳2個字"低劣" 在此奉勸各位有意一試既朋友"不要給他的e_mail吸引，真係唔去好過去，免得後悔莫及"(如果你想係這裡食飽，我相信每人消費起碼$150，仲要係唔好食)

d一張貼一張，樓底勁矮，嘈到爆﹗面既兩隻碟上面都有剩低既蟹籽，唔知d碟有無洗過？！當晚我地order左4樣野：蟹籽炸雞炒飯、鹵水蛋拉麵、玉子釀雞翼同白汁海鮮飽。Comment如下：1.蟹籽炸雞炒飯–入面d蟹籽唔知夠唔夠15粒，炒飯依然係白雪雪，同無炒過無分別。感覺上只係食緊冷飯，仲要係無味既冷飯，難食到嘔﹗2.鹵水蛋拉麵–同樣無味，不過總算有隻正常既雞蛋﹗3.玉子釀雞翼–2隻雞翼入面只有1隻雞翼釀左1隻鵪鶉蛋，究竟係另一隻雞翼唔記得釀野，定係隻鵪鶉蛋唔記得切開呢？﹗4.白汁海鮮飽–所謂既海鮮有2粒蜆肉同2舊細到幾乎見唔到既蟹柳！黑店一間，以後都唔會再幫襯！

我相信我食咁耐日本野食，第一次覺得有勁差o既感覺囉。我食過o既食物包括有-刺身類三文魚, 白拖累, 吞拿魚, 鮑片, 一小碟之士腸意粉, 魷魚, 一杯咸零七, 帆立貝, 清酒煮蜆, 花之卷, 海"淡"susi, 炸蝦天婦羅。 我有以下感想: - 食物及大細- 賣相唔好講，我有10分比足10分佢差差差...因為佢可以話每一碟小到無論，我叫個碟炸蝦好似縮了水的旺旺餅分開左一半咁樣。刺身- 我唔知話佢刀法好定點，好鬼薄。 - 賣相- 看到碟花之卷，飯細皮甩，我覺得我未見過咁樣衰o既花之卷，個粒飯團仔，小到好似一蚊銀咁大。 - 品質- 唉，食物品質已不好，諗住杯野飲會okay啦，如果我等杯野d冰溶晒，我相信我會好解渴。我到飲完杯零七，我杯冰重好似坐山咁高，因為全杯到係冰。好省真料。講到個碟清酒煮蜆，哇!!! 我好驚慌嚕,因為有特別食物在裡面嚕，有d好似吃淨o既豬骨在碟迷你蜆裡頭嚕，碟就大o既，數量呀，5隻手指數得晒。我想問下有冇當過我地係人，唔係豬欄d豬呀!!總而言之，我同隔離枱由唔識變識就係因為大家好有共鳴嚕!佢地吃到10碟左右就走人，話比人呃左嚕。無下次。TOO BAD!!

相信幫趁此食店的顧客，事先都不會要求太高，一般來說都是貪得意。10元一碟，看似很平宜，但送來的食物份量有些比豉油碟還要細，都不要緊，但食物的質素卻極差，其中印象最深刻是的一碟不知是蒜蓉定牛油『炒雜菇』，真是三嚇，份量極少，賣相恐怖，味道差，而且是凍的。曾order的食物只可用『差』或『極差』來形容，唯一可取是『秋刀魚』，上檯時是熱騰騰及算好味。是晚3個人食了$245，每人$80多元，本人完全不覺飽，唉！80元應有更多更好的選擇。食店要賺錢，要有掉頭是應該，但都不應該用這麼差劣的食物對待客人，實在一些道德都沒有，希望各位不要再做被騙的消費者！

我係第一次在此留言，由於呢間食店可以話係我咁大個女光顧最差既一間食店, 所以希望在彼吐下苦水,1) 一入去已覺地方不乾淨2) 坐了十分鐘完全無人理你叫唔叫野食, 無人倒茶比你飲, 當時係星期六下午2時多, 食客只佔半數, 只見侍應走來走去, 就算著恤衫既經理都係無理客人3)在餐牌好辛苦點了5樣野食, 心知10元都唔係好大碟, 其中一碟炆牛尾當張相差左十萬九千里, 個碗只係放左兩舊好細又無肉既牛尾同d汁, 好彩有叫意粉於是用來撈意粉食, 5樣野食無一樣好味, 個鴨火鍋d菜煮極都唔熟, 由於好想離開果度, 我老公生都照食, 我就再無興趣在餐牌再點其他食品, 快快數夠$55元, 一路行一路駡就離開果度啦, 之後去左食xx家牛肉飯, 下午茶$14元不知食得幾開心幾好味。提起呢間"浜"真係覺得似黑店, 點解有d咁既老闆, 賺完快錢就可完全唔理客人既感受, 我最後要比既評分係10個差...差...差...差........

今日中午行過亞士厘道, 貪全店$10/碟, 所以即管試試! 一座到落去, 已開始感覺不對勁, 因為又未抺乾淨, 食用既叉同匙更又有"漬"! $10碟己預左好細碟, 但味道簡直.......壽司- 兩件壽司竟然散左都可以上得, 賣相簡真不知所謂!! 食惠康壽司味道好好多鰻魚炒飯- 跟本都冇炒, 好擺明係microwave度丁丁, 入面完全唔熱兼飯仲可以實到一舊舊, 食任何一碗白飯都好食過佢雞軟骨- 炸粉多過乜雪花牛肉鍋- 牛肉超"鞋", 連湯底有既金菇菜同白菜仔都係"梅"既海鮮包- 得幾塊蜆肉既焗麵包, 求其係一間麵包舖買麵包好食好多啦鰻魚- 上已經凍既, 唯有當凍食羅服務方面- 一般, 但其中有一位女侍應簡直不知所謂, 好似唔想做咁!呢間咁既野, 係我食咁耐野之中最唔得最其差既一間羅! 我唸大家倒不如去惠康買壽司又或者食碗魚蛋粉仲會滿足一點! 2人消費$100 (但未飽架, 因為真係再食不落去, 唯有去隔離街買串魚蛋同燒賣算吧!)

我都好小上黎批評的每次都係搵野食多..今次真係唔可以唔吐出不快話說尋日走去食啦...因為之前email 又收過Lisa 雜誌入面又介紹過影出黎既相都唔錯既..點知.....真係失望都爆囉打算同d 朋友仔gathering仲話依間野係雜誌講到80份咁好..去試下啦我先講Book 位...book 左位都仲要比張好差既位置我地坐直頭企係身都可以撞到個頭既之後就同個帶位講啦..我唔想坐依張喎..咁點坐呀佢已經唔係太想轉啦..個態度仲差我已經有d 燥啦..因為我話我book 左位都比張咁差既我位我點知佢話...依個位位食客都有book 位囉咁我覺得都唔係咁同我解釋啦..未食已經扣晒分=0="其實一落到去個感覺已經麻麻地不過我朋友話再試下啦於是等左一陣..有位位到位...叫野食..真係失望到爆D 野話係10蚊者..都唔駛差成咁呀雪花牛肉鍋個鍋就大啦得果2片肉..唔係呀..D 小食...(牛油雜菜)好落得多鹽又唔好食..好似唔知炒咩咁.燒雞翼又無味佢地話"清酒煮蜆"係佢地間野最出名蜆肉又有沙...又無酒味鴨胸釀鵝肝勁難食...仲衰過五餐肉呀雖然話係10蚊者..都唔會差到咁呀...食完之後..我同d

見到d咁多唔好既評語..但我就去過4,5次..覺得都ok..侍應服務態度唔錯..我次次都預早book定位去到就有得食,唔駛等..d野食都上得好快...我最鐘意佢既秋刀魚...真係好好味..出面都食唔到咁平...

一句講完:試一次就夠。除了飯、意粉和壽司稱得上抵食之外，其他都不值一提，一來份量少，其次味道差。而且，伙記人手嚴重不足，無人斟水，上菜又超慢，要三催四請，坐位設計又差，檯與檯之間又迫，環境嘈到似街市，食到我們一肚子火。

間野唔係好得. 唔係太值. (1) 拎位時佢好似將我地張枱俾左人. 我地八個人, 俾張六位我地. 這都可以, 不過佢態度就一般(2) 我地7:30pm 叫左八樣野, 只黎左4樣. 摧左兩次到9:00pm先到餘下4 碟. (3) d 野食份量小& 無料. 大家係鰻魚炒飯找鰻魚. 最奇怪你兩客多春魚有五條, 唔通一碟兩條半? (4) d 壽司& 手卷好差, 紫菜漉漉的感覺, 唔爽. 而且好細. 一件壽司都要$5, 係百佳都好過佢... 呀! 佢好似karoke 的品質. (5) 記住check 單. 我地因為摧order, 之前d staff print 過兩次份單俾我對. 但找數時見到有兩碟無叫到的插係中間. 但佢地張list 是以order time 作sequence. 點會係中間無啦啦多幾項? 而且我第二次摧單後都無再叫東西.

雖然之前聽說過這家食店的口碑並不太好，但曾經於晚飯時間路過店外的確有多人排隊等位，剛巧遇上今晚提早晚飯門外無人排隊便入內一試。先點了鰻魚炒飯、清酒煮蜆、白汁西蘭花、白汁海鮮包、軟殼蟹卷和三文魚壽司。份量細小已是預料中事，但鰻魚炒飯只吃到飯焦並無半粒鰻魚、清酒煮蜆倒不如說是清水煮蜆更貼切、白汁西蘭花並無白汁的味道、白汁海鮮包與餐牌上的參考圖片實在相差太遠、軟殼蟹卷有少許霉味，唯一可以接受的就只有三文魚壽司，但十元又好吃的三文魚壽司到處都有，有何特別？由於份量實在太少，後來再多點一道菠菜汁三文魚碎意粉和玉子釀雞翼。這兩道還算可以，但單憑這兩道菜無法讓我再次前來光顧。其實十元食店只不過是噱頭，食物全完無任何質素可言，八道食物的價錢加起來到其他餐廳可吃得比這裡好很多，這裡的食物比較適合需要減肥和愛吃清淡的人，因為連茶都是有色無味的清水。