影片
招牌菜
好耐都无食车仔面，系荷里活睇完戏心血来潮，不如就行过黎食啦！浓记以前好似叫林记，坐落系凤凰邨已经好耐，好彩换左名(系米姐系转左手)都一样咁好食，选择都比以前多左好多，叫3𩠌就送野饮。行到去即刻见到条对车仔面黎讲唔知既人龙，就知呢间舖几受街坊既支持啦！好彩行到去岩岩有枱空左，呢度D枱大部分都系街边，店内得2张2人枱，环境唔算舒服，但就好有车仔面应有既风格。讲下碗面先，今次食左猪红，猪肠，萝白，炸鸡翼。个人大推介猪红，呢个𩠌我无系第二道食过再好食D，食落有咬口唔粉是常识吧，仲要好浓好重既猪红味(系我既角度其他正常猪红都系无味)，D猪红咬开会见到都几鲜既朱红色，并唔系死灰果种，食落唔会有涩味。另外系猪肠，因为我唔钟意食肠头太多肥膏层，所以会叫唔要肠头，佢d猪肠洗得好干净，无左果层滑漉漉既内膜，所以好合我心意。萝白通常好大旧，好少可会食到有渣，我10次大概有1次中招，好够林，加埋咖哩OR腩汁，索晒D味好好食。炸鸡翼好耐之前系无架，以前得油卤水鸡翼，炸鸡翼好重香茅味，佢无分开上所以个炸浆林左D扣左分，但咬落够JUICY，唔会炸到干晒，整体几好食。面我就偏好幼OR粗，呢度煮得比一般硬身D，我几钟意，如果想食李D都可以叫佢煮耐D。最后要提一句，佢系一条菜都唔会比你架，如果要食菜可以当一个𩠌咁叫
继续阅读
躲在家的日子多了, 相对品尝家附近的美食变多了. 只是吃到一试难忘的车仔面就忍不住口, 每天要吃一碗. 而且正常1面3菜位位$22的车仔面已经不够吃, 来够4个菜真系日见肥胖.先赞此店的外卖盒不另收费, 实在难得!!车仔面配冻柠茶- 酸斋> 车仔面配酸斋太奇怪了吧?? 一直以来我都认为斋就斋, 何解车仔面有酸味味的配料? 就等于打边炉吃午餐肉... 但自从跟老公吃过一次之后就爱上了, 尤其加上辣汁, 酸味更突出. 份量又多, 吃完整个人开心晒!- 炸鸡翼> 必点小吃. 炸鸡翼会放在暖柜烘著保持热度和脆口, 一份两只. 当暖柜的鸡翼卖完才会再煎新一批确保新鲜味道, 带来不少信心. 鸡翼腌味其实不够, 胜在不油, 浸汤或沾了辣汁都好吃.- 萝白> 个人认为萝白是车仔面的精髓, 蔬菜可以让车仔面变得健康. 萝白用上汤煮过带出甜味, 吃过几次都未吃过苦味.- 猪肠> 算起上来不划算, 又不健康, 却又每次都要... (犯贱)有猪肠味, 也有嚼感, 但就嫌剪得太细太过寒酸.面类有米粉, 油面, 粗面, 幼面, 米线........可选不辣小辣大辣, 而我吃过约一汤匙辣汁味道最适中.冻柠茶> 跟餐加$5说真的, 一般茶餐厅冻饮加$2我已经不会点, 但这次要$5我居然一口答应, 是因为这杯非一般的冻柠茶绝不马虎. 没有冰块, 而且不是红茶加柠檬加糖, 而是柠檬茶加新鲜柠檬! 柠檬切薄片所以唔酸, 已是冰冻的柠茶回到家还是冰冰, 杯的表面不会因为有冰块凝成水珠, 感觉良好.黄大仙凤凰村, 双凤街一带车仔面店多的是, 我也特意每一间试试, 希望找到更好吃的都失望而回. 长胜将军暂时无人能及.
继续阅读
车仔面竟有 泰式烧烤 猪扒 鸡扒 猪颈肉调味出色 个人认为好食过"荣式"萝卜无楂 猪肠干净 猪红入味 猪肚爽口第一次有光顾2样野要留意:1) 记得要清汤 选"无色"的送 胡椒汤底要一试2) 记得 另上 美味 "辣菜圃" (唔好加落碗面)3送1面跟冻饮 $27 价钱合理 个人认为物超所值点解话早起的鸟儿有好野吃 好简单因为8am款式 最多 最齐 最好味!!
继续阅读
系黄大仙住咗三十几年,平时都好小食车仔面,上个礼拜六同老婆下午见倒呢间浓记车仔面档好多人食,老婆话要坐低试吓.我地就叫咗两碗都系河粉底共六个送有: 猪肠: 大概有六粒大, 份量算好多. 猪肠洗得干净有咬感, 没有异味因为自问自己对食有要求,唔容许有粪便味(但听过有人喜欢original一d嘅口味)萝白:好入味无渣必点! 猪红:我嘅最爱,好小会系街食到吟入味(我最喜欢打冷的猪红)呢个比较清嘅version都几好猪手: 老婆食过超钟意唔会太松散!入味!猪扒: 腌味有特色,外面食猪扒面的感觉松软好味份量以二十多元一碗加上其他材料觉得超值猪肚: 炆得好淋好!入味! 下次要order一碗猪颈肉: 味浓好有BBQ嘅感觉,同汤底好夹!饮品:奶茶/ 想唔到有老茶餐厅STYLE味道因种类太多下次会再试吓其他送
继续阅读
估唔到呢篇会系浓记第一篇食评~礼拜四去慈云山做嘢,见肚饿,周围揾嘢食...行过附近一啲茶记,又唔太想食...行下行下,见到一间位置都几隐蔽嘅面档,仲要系车仔面,写住三𩠌一面=$19,几抵㖞,就走埋去睇下...环境系地踎啲,舖位细细,只有数张台,又唔算特别污糟,但阿姐服务唔错,几殷勤下...要咗凤爪,牛腩,菜肉云吞(阿姐不断推介)+油面,俾多$4有汽水...凤爪有两只,整得唔错,入味,唔会煮到一夹就烂,几有质感;牛腩都算系咁,唔靭,略嫌唔够味,但多筋,正合朕意;至于阿姐强烈推介嘅菜肉云吞,又系唔错,皮唔算厚,馅唔少,又够味,但得两粒,如果有3粒会好好多~面就渌得几爽口~最值得讲下系佢摆喺台面嘅虾米菜莆粒,真系好好食,够辣,但唔会令你麻晒咁,摆落碗面度,真系不得了~最好系任你食,唔驶$$$~值得支持嘅小舖!!!
继续阅读