3
1
1
港铁牛头角站 A 出口, 步行约4分钟
继续阅读
营业时间
星期一至日
12:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考,请与餐厅确认详情
招牌菜
平时夜晚主要系打边炉既??网上外卖平台见到有浓汤鸡翅饭就即刻试下叫左一个饭一个薯粉,薯粉系幼既,大概系伤心既一半粗幼,不过我几钟意,一条唔洗食好耐汤都够热够浓味同埋唔油入面大概有5旧左右既鸡翅就唔好预佢系澳门翅汤个d咁好食啦,真系好麻麻,大概有2块仲有一条菜另外我再加大一份鸡汤浸菜,出乎意料之外好食同新鲜~不过份量大食既应该唔够啦,同埋食完都几口渴~可能始终个汤底系预人打边炉既~不过我会再食
继续阅读
今晚在牛头角站附近,见到有间叫浓汤鸡既店。发现佢地外卖自取有9折😆于是我就睇下佢地餐牌有咩食:见到佢地有砂锅浓汤鸡煲翅,好似好吸引咁(仲有必食推介标志),就order试下。$68 + $2 外卖盒,因为外卖自取有9折,最后只系比左$63就有啦。😄😄等左10分钟就有得拎,好快手😆番到屋企就急不及待食啦。鸡汤同粉系分开上既。呢个砂锅浓汤鸡煲翅真系有翅、鸡都有5件,有诚意,汤系重点,好香浓,总体都算满意。
继续阅读
原本经常去呢间舖头,但今次会系最后一次。因为家姐食过几好食,我哋每个月都会至少去一两次。今次连埋家姐一行五人再次去晚餐,除咗每次必食佢嘅砂锅浓汤鸡煲翅,另外仲叫咗乳鸽,海蜇,生菜煲,冰镇咕噜肉,同几样火锅配菜。叫完之后发现原来砂锅浓汤鸡煲翅有个二人套餐,就即刻同返落单𠮶位小姐讲,想转套餐同埋取消生菜煲。其实个时间前后相差唔够3分钟,理论上改单应该绝无问题。𠮶位扎住马尾嘅小姐,一向见佢喺舖头打晒骰咁,以往态度友善。但今次一反常态,一听到我哋话要改单,立即黑面,当住全场食客好不礼貌地向我哋大声呼喝:「吓!咁麻烦㗎!落晒单点改呀!」然后嬲爆爆咁行咗入厨房方向。俾佢吓一吓我哋完全唔识反应,而且仲比周围啲人望住非常尴尬。家姐怕出错嘢食想再同佢确认,见佢行返出嚟就走近佢身边细细声问下,原来佢系有改单,但跟住对家姐又讲一咗轮晦气说话。由始至终我哋都系客客气气,唔明佢为乜发咁大脾气,改唔改到单唔重要,而系身为客人无端端当住咁多人面前畀佢闹,受呢啲屈辱先至难以接受。但我哋选择安静咁食完餐饭就离开,其实佢哋啲食物质素系可以嘅,其他伙计都好好人好有礼貌,仲有同我哋讲多谢讲拜拜。但因为呢个扎马尾小姐嘅无礼态度,我哋可以好肯定讲:「一定唔会再去!」
继续阅读
浓汤鸡全新班底打造锅气小炒!食过返寻味!精心改良汤底,值得你一试!星级大厨精心制作全新菜式,冰镇咕噜外凉内热,松软可口!水煮鱼鲜辣嫩滑,一试难忘!脆皮咸猪手脆嫩咸香,送酒一流各类海鲜请于3点前电话预定
继续阅读
一向钟意饮鸡汤,见到office附近有专门食鸡+鸡汤,就谂住嚟试下。第一次嚟,叫咗个砂锅云吞鸡配红薯粉。红薯粉唔系我以为𠮶种螺旋形幼薯粉,总之食落似粉丝。鸡汤同鸡件都偏淡,冇乜味,建议如果煮𠮶阵唔想咁浓味,至少喺枱面放D调味料,等客人自己调味。鸡件好多👍,食落都算OK,唔算好柴。云吞有2只,唔同馅,一只菜肉,一只应该系虾+唔知咩菜😂,都算唔错。服务态度都算ok,我一开始叫咗罐汽水冇嚟,同佢讲佢都有say sorry(是的,我要求就系咁低)。总之,钟意淡口嘅可以嚟试,不过钟意浓味鸡汤嘅就要考虑下。
继续阅读