冇乜人为呢间餐厅写食评，唔通好少本地人帮衬？餐厅1年1度的慈善自助餐今年喺10月4日进行，有午、晚市，每节用餐时间3-4个小时。今年我同狗狗爸爸晏昼过嚟，比上年迟，1400到达，离午市完结(1500)1个钟。迟有迟好，餐厅入座率7成，易揾位，加上大家食得八八九九，基本上唔需要花时间轮候食物。同上年一样，自助餐台呈L型摆放，有侍应帮手挟食物，由门口附近的自助餐区顺住行就攞到酱汁、小食、烤饼、咖哩、糖水等返埋位，饮品方面，侍应会到每台斟甜柠檬水。自助餐的食物同上年非常相似，有位负责人讲话今年有一道新菜：椰菜青豆，而呢个菜式就连餐厅平日的自助午餐都冇供应，另外，有帮忙挟食物的侍应赞炒饭好食。各式酱料：估计系薄荷酱、椰子酱同蕃茄酱，味道温和、唔辣，配dosa、烤饼都好食青瓜乳酪：味淡，质地稀，配dosa会好易浸腍块饼，可配米糕、炸物椰菜青豆：微暖，味道清爽，带椰菜的甜味，加埋青豆都几饱肚扁豆汤：足料，香料味十足，较稀，唔heavy 三角豆咖喱：唔系一般认知上的咖喱味，有啲似忌廉酱，质感creamy，酱入面有少量豆，好味Dosa：整好再放出嚟，唔系好热、好脆，但依然好食，一块饼有薄脆的部分，亦有较厚、有糕饼口感的部分薯仔dosa：有薯仔饀，唔使点酱都好食烤饼：点选时以为系chapati，原来系roti，望落同食落较油腻、厚身；dosa相对好食啲；呢款烤饼有少少似pita，唔易咬开，难用手撕细件点酱食菠菜芝士：菠菜蓉creamy，个酱好「杰」，入面有好多芝士，味道清爽但易饱肚，好食餐厅冇提供刀叉，只有一只小木匙，所以都系用手食；环境光猛，洗手间的厕格细但干净、企理、有香味，侍应执拾的速度算快，而且普遍非常友善，尤其负责自助餐区的侍应，佢地好热心，分菜好大方，仲会鼓励食客试多啲唔同款式的食物。呢个慈善自助餐捐款多少无拘，有心人系支持行善，唔拘泥究竟「值唔值」。餐厅透过行动回䭉社会，食客透过捐款支持餐厅，好有意义！期待下年的慈善之约！…查看更多
白白要我哋等咗半个钟仲要扮晒嘢，但明明餐厅得6、7枱客，完成唔明佢哋点做嘢
第一道菜终于嚟到：（图左）炸脆球卖相、味道不过不失，同以前喺其他印度餐厅食嘅水准相若.........点知之后嘅菜色每况愈下........第二道：（图右）samosa本人非常钟意食samosa，samosa应该系我最爱嘅印度菜色，平嘅贵嘅samosa我都试过，咁难食嘅真系第一次。首先外皮又薄又淋冇口感，馅冇乜味仲要一pat pat咁，平时好怕点薄荷味酱汁但今次忍唔住，要点咗至摆得入口。第三、四道：paneer芝士咖哩、洋葱饼paneer芝士我都好钟意食，但呢个咖哩真心唔得，芝士完全冇味，唔知自己食紧咩，口感同食开嘅paneer唔一样。洋葱饼完全冇洋葱、完全冇味，比平常嘅印度饼干得多，非常难哽。第五道（已经冇心情影相）：蕃茄饭餐牌上面都几多款饭，见蕃茄饭有图又有两款酱汁跟，所以就叫嚟试吓，点知嚟到时就系得一碟蕃茄饭，图文不符！啲饭仲要非常烂，唔洗咬都吞到，饭得蕃茄颜色冇蕃茄味道，每食几啖就会食到一块咬唔到嘅香料叶，十分之骚扰。同朋友嘅结论就系唔洗再嚟呢间，服务、食物都唔得，又唔系特别平。埋单、等䢂走人时，经理都两度埋嚟笑笑口Ｒ吹想令我哋冇咁嬲，都算，竟然够胆R我哋写好评，真系要俾个叻佢
