洲啤工房

营业中

休息中

九月初五‧陰陰天在雜誌上看見這個叫薯塔的小吃，看起來很有趣，又買了一支來吃一吃。將薯仔切成一條長薄片的，炸脆拉長，成了長長的模樣，賣相很得意~~有時出色的小吃的其中一個條件，就是賣相。吃起來雖然有點油膩，但很香脆，亦很香的薯仔味道。難得的是，拿著一邊行一邊吃，一邊的吹風夾著微雨，但到最後也是一般的香脆，不錯。埋單15蚊，不算便宜，但也值得一試。

看 到 這 薯 塔 時 我 是 蠻 驚 喜 的、因 為 我 在 台 灣 旅 行 時 曾 看 過 這 薯 塔 但 我 沒 試、讓 我 有 一 點 點 遺 憾、所 以 看 到 此 店 便 二 話 不 說 就 去 購 買 了。薯 塔 是 即 叫 即 炸 的 ( $ 1 5 )、不 過 其 實 當 我 們 下 完 調 味 粉 後 就 己 經 變 冷 了、調 味 粉 有 十 多 種、包 括 「長 洲 風味」 「七 味 粉」 「燒 雞 味」 「紫 菜 味」等等.....不 過 也 不 太 嘗 得 出 甚 麼 味 跟 甚 麼 味 了、因 為 貪 心 所 以 調 味 粉 下 得 太 多 了總 結 來 說 :: 味 道 是 一 般 的、價 錢 亦 不 算 便 宜、試 過 就 可 以 了 、 未 必 有 下 次 了。

之前都有睇過飲食男女雜誌介紹呢隻巨薯棒同冰果葫蘆棒,成日都想試,但總係無時間入黎長洲玩,上星期六終於都有機會試喇.我地一落船就去攞房,出到東灣, 哈原來就係我地渡假屋樓下,紅豆榚啦, 日本紅豆餅啦,大大粒魚旦啦, 都係齊樓下,正, 個亞姐話碼頭附近都有間抄到足架, 當然我地一定支持正版啦我地一行五人買左三支巨薯棒三支冰果葫蘆棒一齊SHARE食到好開心,仲試哂佢地所有味, 不過可能我地貪心所以好似全部都一樣味,食唔到個分別.而支冰果葫蘆棒都OK,但中間果幾粒就食黎食去都食唔到~~總括黎講個巨薯棒雖然油但真係好味道,但落味粉就千祈唔好一次過落哂,否則都係得一種味點解間舖會叫洲啤工房但又唔係賣啤酒嘅??

見到openirce 朋友 d相, 真係好吸引 ~~ 點知去到......比碼頭邊的一間誤導左....係碼頭邊果間先買左一串 水果冰....見到"支野", 有d唔對路, 同人地食果d都唔同....食左一口......掉了...行多一陣, 終於搵到呢間真野...原來咁近碼頭....兩樣都有試, 真係好好味, 薯片加左 "避風塘海灣味", 都唔知點避風塘味, 哈, 但幾好呼 ~ 最正係買完行多幾步係沙灘食, 好好feel...哈 ~

又到長洲，我倆要把遺憾一一掃走。去到第五篇，我們終於試了水果葫蘆同薯片巨棒。我們是分開二次買的，兩次都很興奮，兩次都是貪得意。水果葫蘆，因為好冰，要等一會才吃到，生果算是甜和多汁。七彩繽紛的生果中，西瓜既比例最多，是最消暑不過比較遜色的生果。因為還有蜜瓜，哈密瓜，菠蘿，蜜桃，仲有最好的提子。提子雪得幾硬，吃下去冰冰的，就是這樣才夠特別。不過，十三蚊買平日也吃到的生果，只試一次過癮。薯片巨棒，製作過程只看到中間的部份，真的大開眼界，看到目瞪口呆。我見到入面的男子把半個薯仔連皮用一支長籤在中間”吉”穿，之後揸出多餘水份，就慢慢地推推推。推既時候真的呆了，特別是左邊是薯仔右邊推成薯棒的時候。你在變魔術嗎？不會斷的嗎？到底佢用了什麼機切呢？我想了很多問題呢，得不到答案，但就是好奇想知。之後就去炸，炸既過程睇唔到，他們聲稱是非油炸的。上到我們手了，開始落粉，落得幾開心，有好多粉可以選，有杏霜，印度咖哩，黑椒仔，火辣辣。什麼味也落，落到幾鹹呢。睇同照相都好過癮，食就一般啦，同lays 薯片差唔多，真係試一次了左心願。總結，成本好平，買創意加地點好，試下玩下都不錯!

7/9/2008 約6:15pm食完甜品大家快快離開去下兩站友人去買薯塔,我則去甘永泰買魚蛋(詳見另一食評)買完過埋黎因為知道友人要排隊,睇住佢即炸薯塔真的很長,新鮮熱辣整起都ok既,夠脆不過實在很油很油,同埋很熱氣$所以試一次就夠了

在 32'C 的高溫下，面對著新鮮即炸的長長薯棒，只會令不少人卻步。但，當我發現它欲有另一鎮店之寶—水果葫蘆，便被它召到收銀台了。水果葫蘆(13)：長長的水果冰串，味道甜美多汁，是涼透心的佳品。

八月廿五日(星期一)仲未夠喉之際,見到有冰果棒同薯棒食,覺得前者吸引啲,於是同友人買泥試下枝冰果棒確實係夠曬凍,水果周遭都結曬冰要hea陣等啲冰溶-________-五樣水果中,蜜桃同密瓜最好味,因為夠甜,哈密瓜最不知所謂....講到尾,但求玩玩姐

話說長洲最近出現左樣新奇有趣又搞鬼既東西一個薯仔縲旋形咁刨片再拎去炸成既薯塔都幾Funny有超過10 種特色味粉俾你自行調味正常既有鹽,七味粉,黑椒,Wasabi etc. 唔正常既有朱古力......仲有隻幾得意既長洲風味粉 唔知咩味"不過我每一樣都落 嘻嘻所以好咸........."同埋其實都幾滯下 人多大家買支玩下都ok

薯塔 ~ 難得有雅興入長洲一遊 , 梗係要去試下旋風薯塔啦 , 名副其實成座塔咁長 , 落埋D准鹽同胡椒粉 , 真係好食過平時買個D薯片既 , 而且又幾特別 wor , 份量一個人都可以食得哂。

游完水，大伙兒從海灘步出來。大家見到好多人在排隊買薯塔，當然唔好執輸，走去排埋一份。買了薯塔後，立即像其他遊客一般先拍個照，然後才吃。看清楚點，薯塔是一塊過，幾過癮，起初還以為只是一片片薯片穿上去。薯片本身沒有味道，全靠調味粉去調味。架上有辣椒粉、咖喱粉、紫菜、鹽、仲有咩長洲風味等調味粉十多種，悉隨尊便。我不理三七二十一，亂下一通，可能係放得不均勻，有些冇味，有些味道勁刺激，都幾得意。總之，叫做見識過長洲特色便算。

第二站去了吃薯棒。之前平日來，佢冇開。今次星期六來，終於開啦。聽聞店主不是長洲人，平日有自己的工作，所以假日先入長洲開檔。除了點了一個＄２４的ｓｅｔ（薯棒、飲品）之外，由於天氣實在太熱啦，還點了同薯棒一樣高的水果葫蘆（＄１３）。薯棒沒有想像中的好味，因佢的薯棒一早炸定，都唔脆，還有點林。水果葫蘆就夠晒凍，但如想靠佢解渴，咁就唔好意思，佢幫唔到你。凍就夠凍，但水果冇乜汁。佢的出品有睇頭吸引人影下相，味道就一般啦。

23-5-08 (五)未轉入故鄉茶寮前，就遇上了巨型薯片棒，雖然知道味道只是普通，也禁不住要試。薯片又不是不脆，只是口感不太好，加些調味品，味道還是不怎麼樣，主要是薯味不夠。15元的薯片加9元有飲品，凍青蘋果汁也只是麻麻地。看來最大的功能還是作為拍照留念的最佳道具。

喝完大檸橙開了胃口,又買了不少平安包玩具後,浩浩蕩蕩地走到這裡買薯塔,門前排隊的客人己算少,等候時間也不算很長,起碼不用等半小時了。朋友接過新鮮炸起的薯塔,在調味架前搖了好幾分鐘,不是她們貪心而是大部份調味粉已經用罄,花了不少心機時間也沒法弄出.......兩支薯塔一支較脆一支較軟,似乎水準有點參差,較脆的吃來有點像珍珍薯片,連味道質感也很像;較軟那支較像吃薯仔,個人較喜歡沒那麼脆的感覺。謝謝各朋友動手將薯片送到月巴人的大口中,免得我吃得滿手指是油,謝謝哦!這款食物好玩多過好食,1-2人吃一支會很膩,人多來分享就比較好玩!同場還有冰冰水果串,似乎又是另一款消暑佳品。也許不同店員手法有別,今次我們的薯塔沒有食友們的那麼漂亮,不過已比之前客人那支整齊好看了,

都有一排冇來長洲玩。每次都會去日本太太的店隔離間時裝精品店逛逛。途經發現新開咗間幾得意的炸薯片檔，我地四個中女，買咗寸試下。見佢新鮮炸起，本來很雀躍。但見到佢地攞張廚紙猛咁索油:即時胃口大減。每人搣咗d試下，ok，只不過是即炸薯片。不過，其實"熱浪"重好食。一寸，四個人都食唔晒，可能太熱氣同太油，天氣又熱。另外，佢杯嘢飲冇乜特別，去7仔買礶可樂重實際。我睇返呢間嘢之前的食評，最恰當的形容是“試一次便夠了”。