影片
之前食过其他分店都几好食，今日经过马鞍山，呢边都冇乜好食嘅牛腩粉，所以决定帮衬，今日叫咗牛腩牛杂米粉，份量都唔会算太少，男人嚟讲一定够食！牛杂非常好食，好入味我同朋友都非常钟意！而且绝对冇其他异味，喺清洗方面做得非常好，特别大推佢嘅牛肠！非常好食. 亦都唔会话太肥牛腩就中规中矩，有少少un，但系整体嚟讲都可以嘅，价钱嚟讲唔算太贵，我觉得喺同区嚟讲呢一个价钱已经算系中间，所以都可以接受，冻柠茶就冇乜特别正常茶餐厅水平！
继续阅读
今日叫咗碗牛腩河, 4旧肥膏3旧腩, 盛惠$38… 应该唔会再帮衬…河粉份量都好少, 食完仲系肚空空嘅感觉……由开张一直帮衬, 但质素份量越来越差, 马鞍山区又少了一间好味嘅牛腩面…
继续阅读
呢间面家喺马鞍山开咗都差唔多有一两年都会过嚟食下粉面呢一日就嗌咗一个猪手面，云吞河，同埋墨丸河🐷猪手面猪手都ok淋，碱水面嘅碱水亦都唔会话非常乸喉🦐云吞河正常发挥👍云吞都大粒，啲虾都系爽口嘅食得出佢猪肉都有调味🦑墨丸河墨丸都系正常水准嘅爽口弹牙不过要注意返呢一间个汤底系相当淡啲嘅，但系加返辣椒油就啱啱好，mix and match👍
继续阅读
严重离谱， 香港呢d 小店， 无咩值得同情或支持， 结业都好合理！服务食佢果10 分钟， 2个女侍应， 不停系耳边话要2个人坐埋一边， 又讲d 说话你听，食到好难堪，第一， 等位时已经表明唔想夹台， 因为卡位好迫好细张台仔， 又好近对面位，佢地话可以等， 服务态度好恶劣！ 如果一早表明， 我会走！等左一阵，安排左个位后又态度串串甘， 完全无尊重客人！食物云吞个心系唔热，肉亦都唔新鲜河粉又硬又干， 唔滑， 香港来讲算食过最难食汤， 竟然似滚水， 完全离谱， 甘水准开粉面铺，都几过份奶茶， 本身味道正常， 算有茶味， 点知成杯茶渣， 仲有未溶糖粒， 糖粉， 一杯奶茶就甘饮到变负评
继续阅读
开咗一段时间 终于有机会试下心大心细嘅话 可以叫返个牛三宝面 💰$50有齐晒牛腩、牛肚、牛筋我就叫咗幼面 瘦腩 走腩汁估唔到落单又真系有晒呢几个选择㖞~做完尖去食就啱啱好食得出走腩汁个汤系清啲配埋少少葱芹 香到不得了不过第一啖食牛腩嘅时候觉得佢有少少怪味 唔知系咪无清干净但食到第二旧又无咗了牛筋就有一半好淋 一半偏爽唔知系咪两转嘅牛筋黎而牛肚反而最出色 够爽口但估都估唔到 个面先系最好食就算浸咗系汤一阵但依然都系好爽口平日中意食偏淋嘅面嘅人都觉得意外好食应该因为个都再encore多次有机会试埋云吞😋见到好多食评都话员工态度差 但我食个阵又好似无呢个问题🙈懒人包：推荐幼面、牛肚！想试牛腩就睇路
继续阅读
您可能会有兴趣的...