影片
牛三宝饭（$60）包热饮一杯，牛三宝有牛筋、牛肚、牛腩。・牛筋，有三条，入味，口感胶胶哋，够腍得嚟又有啲𡁻口。・牛肚，系金钱肚，有五片，同样入味，爽口弹牙。・牛腩，有三旧，偏瘦无咩肥膏，所以食落有啲嚡，但好在唔痴牙。卤水汁够味，唔太咸。
继续阅读
#搞串个pantry又嚟到#青衣 啦❤️！！今次唔想堂食，就叫咗外卖，间舖头系啲街坊屋苑商场入面🛍️，系一间粉面店🍜，无乜油腻煎炸嘢食，清清淡淡👍🏻。呢间面店平日闲日都唔会话爆满，而外卖嘅速度都好快。🏃🏻💨虽然话系面店，但系今次就好百厌🐒咁嗌咗个净云吞(外卖$36)😂✌🏻，试唔到佢啲粉面有几厉害🫣。成碗净云吞🥟总共有7粒，比起叫云吞面嘅云呑份量多，但系如果好肚饿🤤𠮶阵食就未必够饱喇，因为始终无咗粉面主食。而每只云吞都好饱满，虾肉🦐同猪肉🐽比例各占一半，保证啖啖都食到弹牙虾肉！最特别嘅系随餐附送嘅自家辣椒油🌶️，一打开就闻到一阵非常浓郁嘅鱼介味🎏，类似日式沾面𠮶种浓郁嘅香味。强烈建议大家将辣椒油嘅渣加入本身冇乜味嘅汤度一齐食。😋🥳
继续阅读
返工成日都系食呢间，今次终于记得写食评每次都系叫牛腩饭加热奶茶，盛惠$51外卖返到公司大约10分钟开出黎都仲系热辣辣既牛腩睇落偏瘦有块根喺底，食落软淋，又唔会痴到d牙都系，味道亦好适中，唔会太重味精感觉，份量有6-8旧都算合理而牛腩下面系生菜底，吸晒牛腩汤既精华，非常入味👍🏻👍🏻👍🏻连平时小食呢d配菜既我都会食晒而个汤汁捞饭真系岩岩好，每次都会清得干干净净最后杯奶茶就中规中矩，茶味唔系特别浓，但都算几滑
继续阅读
【葵青区】【洪记面家】去青衣运动场睇波，港超联今届中游份子实力相近，场面非常好睇。连一向嘅鱼腩部队港会都踢出超水准，甚至击败过劲旅东方。最重要嘅系，港超联系属于香港嘅联赛，我哋香港自己人都唔去支持嘅话，揾边个嚟支持呢？不过由于工作关系，我都冇可能场场出现，有时间就到场支持咁啦。个人好喜欢晋峰嘅西班牙籍教练艾斯达维嘅风格，尽量都会去睇嘅。而晋峰嘅主场就系青衣运动场，亦都促使咗我今次入埋青衣食嘢，之前其实都系咁嘅。今次嚟到翠怡商场，呢啲屋苑商场唔大，不过点都有啲非大集团小店。呢头最出名系外围间太兴，因为有海景。但系我唔系为呢样，就入商场里面食。嚟到呢间面店就先食 $51 嘅「崩砂腩牛杂河粉」，唔差㖞啲腩，几好食。但系啲牛杂就普通啲，而且偏少，每样得一块，牛肚多少少咁解。相比之下，啲崩砂腩就正好多，顺滑又重牛味嘛。想写多少少嘢嘅我，叫多碗 $43 嘅「净五宝」，净食唔配面就食得晒嘅，我当呢样嘢系港式关东煮嘛，仲好食啦。咁佢有墨鱼丸一粒，鱼皮饺、鱼片头、贡丸、鱼蛋各两件，即系九件嘢，加生菜垫底。前两者几好食嘅，其他就相对平庸，整体唔错啦。饮「冻柠茶」走甜用咗 $8 都系合理，成餐用咗 $102 就略嫌多咗啲，不过我食咗两碗嘢嘛。。。（地址：青衣枫树窝路1号翠怡商场地下G08号舖）#1amfoodie #foodie #hkfoodie #thatfoodiething #hkfood #food #foodies #tasty #globaleats #tastyfood #foodpics #followforfollowback #love #eat #1am葵青区 #青衣 #洪记面家 #崩砂腩牛杂河粉 #净五宝 #墨鱼丸 #鱼皮饺 #鱼片头 #贡丸 #鱼蛋 #1am0941 #1ambackup
继续阅读
午餐，想食牛腩。呢间面家开左响翠怡都接近两年，做死左隔离间车仔面，挨过左疫情，都算唔简单。点左碗牛腩馄吞河。牛腩都蚊得几入味，不过好韧，要用力咬同咬好耐都吞到落肚，虽然味道唔错，不过口感真系扣好多分。个馄吞就唔错，加8蚊双拼有两粒，而且几大粒，算系良心价。入面有一只虾仔，一d叶得刚刚好的猪肉，味道真心系唔错，👍🏻！至于个河粉份量都足，作为lunch够包，而且唔会索晒水，几有咬感。总括黎讲系中规中矩。跟餐被咖啡就系茶餐厅的正常味道，可惜我叫左少甜，都系觉得好甜，扣晒分。最后附上餐牌给大家参考。
继续阅读