影片
比起𠮶间天后清汤腩真系好食好多又抵食，又大件个面成日都食唔晒加埋腩汁就Perfect 所以特登要入嚟俾个好评佢崩沙腩真系每次都会嗌墨丸同埋云吞都好好食好难得揾到好食，又CP值高嘅小店喺将军澳真系好难得加碟菜都一啲都唔贵全家大细一个星期都会帮衬一两次服务态度都好好，啲阿姐都好好人所以真系会keep住帮衬希望佢哋生意兴隆，唔好执嚟呢度附近一定要试吓佢啲牛腩我觉得比起出面嘅真系好好多同埋佢真系好多件完全系超抵食
继续阅读
啲菜又苦，煮到腍晒，完全都冇心机煮又要攞嚟买俾个客，完全冇诚意，都唔知点解可以卖俾人？舖头成浸漂白水味，虽然有提顾客要小心，但系人哋食落闻到浸味又点会食得开心。汽水有雪到结晒冰，搞到有顾客投诉佢。
继续阅读
点了一碗牛筋河，只有3条牛筋，每条都连著肥肉，其中一条仲连著一大旧肥脂肪，向职员反影了一下，但她一副睬你都傻的态度，本来想影给大家看，但实在太呕心了！河粉份量又小，既然如此，以后不再去就是了。
继续阅读
食咗个双拼粉加冻饮，总计$54，好彩有留意张单，因为第一次食，亦冇特别睇餐牌价钱。埋单时发现店舖暂时只收现金，俾咗张一百蚊纸。个阿姐嘟完张单就讲咗句‘五十四六十四’，我都冇特别理会，心里面记得系$54，等个阿姐找返$46俾我。点知一睇，见到得$36，就问佢‘乜唔系五十四？’个阿姐先系我面前再望一望张单，冇出声，俾多张十蚊纸我，我就走咗。唔知个餐厅收款系统系咪有运作，但个收款萤幕乜都冇得睇，个阿姐都有‘嘟’一声咁将张单过机，收几多钱佢应该会知，冇理由讲完句五十四六十四就想收多我十蚊，餐厅收款个度有啲问题，希望东主留意下。
继续阅读
洪 记 面 家 //最近成日喺将军澳出没，今晚想简简单单食餐饭，但将南附近大多数都系啲比较高级嘅餐厅，于是喺savannah附近就见到呢间食云吞面牛杂粉面嘅舖头仔，见到几多人食就入左去叫咗一碗牛杂面($38)一碗牛杂米($38)，一碗净水饺($36)，同一碟油菜($16)牛杂份量都几足，有五六旧牛肚，其他杂都每样有两旧，牛膀就得一旧，总共都有十几旧。汤底够味，唔会太咸，食唔太挂汁嘅幼面岩岩好。友人话佢叫嘅米粉都系偏滑身嘅米粉，合佢口味。牛杂全部都好够味，牛肠好粉，牛膀亦都冇腥臭味，好食！净水饺有五粒水饺同几条生菜，五粒都大大粒，饺子皮薄薄地，好滑，馅有木耳虾同埋猪肉好足料，调味清清地，都几好食。有菜有1)芥兰，2)菜心同3)生菜拣。我哋拣咗芥兰，就系正正常常嘅烚芥兰味，份量都唔会太吝啬。加$6加左杯热奶茶，入口都顺滑，茶味同奶味都够，不过不失～
继续阅读