洪瑞珍 (屯門市廣場1期)

营业中

休息中

開頭日日排長龍，宜家完全唔洗排。原本諗住無得去旅行，食下洪瑞珍，懷念下台灣嘅味道都好，但……唔係個回事。Size：一去到望到件三文治就發現個size細好多，但好多野黎到香港都會細咗，只要味道ok就得啦。包裝：台灣包裝有兩層，外層白牛油紙，內層透明膠紙，可以打開晒攤平。香港嘅只有一層，但做到佢原本兩層嘅效果，而且整成摺袋形，無得攤平，環保啲，食起上黎都方便啲！味道：麪包：好似比台灣嘅薄啲，濕潤啲，所以一咬落去，塊包就會痴住上顎，勁扣分，仲要啖啖如是🤦🏻‍♀️內餡：芝士同台灣一樣冇乜特別。芒果JAM有少少喚醒到記憶中嘅洪瑞珍😍整體：即使內餡做得唔錯都拯救唔到塊麪包嘅失敗，但一啖咬落去個種層層分明嘅口感係正嘅如果唔係想食返記憶中嘅味道，我應該唔會再買，差唔多價錢去食附近嘅八月堂仲好😋

滿漢（火腿+起司）（$22）招牌火腿（$20）芒果起司（$19）原味起司（$20）識得揀係香港人被軟禁無得去旅行既時候開張，實在太聰明了!!!即使開係位於大西北既屯門，都一樣每日排曬長龍，聽講幾個鐘頭就賣曬😂香港人被困得太耐了😭老實講要排咁耐隊，價錢都唔平(對比台灣)值唔值得？見仁見智啦😊假如你一日唔試就一直心癢癢咁，我建議你早少少去排隊!!對比係台灣食過既洪瑞珍三文治，我覺得香港版既味道都有8至9成相似，不過講到塊包既軟熟程度，台灣版就更勝一籌😍印象中係台灣買既洪瑞珍三文治都唔會係雪櫃拎俾你，只係放係室溫(係香港買的係有冷藏住)可能因為咁，塊包相對地硬左少少!! 不過用微波爐叮熱20秒就軟熟番～問題不大，可以過下口癮絕對係開心既!!⚠️非試食邀請⚠️以上純屬個人分享⚠️PS 16/8至30/8每日首50名顧客可享有買三送三優惠🤓10點開門，最遲9點好去排啦🥵排唔到唔緊要，另買滿一盒六件套裝再送一件指定口味（招牌火腿/芒果起司) 每人只限買6件呀!!

見呢間野賣曬廣告話係正版，又甘多人講話好食，行過見無咩人排隊米試下儸，老老實實，成二十蚊舊三文治真係唔平，食材又無咩特別，米又係蛋，火腿，芝士，點解個個去臺灣都話買來做手信呢？甘搞到想試下，試左几款口味，香港都係得几樣揀。一口氣食左兩件，招牌火腿同滿漢，完全無飽既感覺，味道亦無驚喜，個牛油甜甜地儸。份三文治薄到呢，仲要係做定既雪藏貨，呢個價錢去茶記買份熱辣辣既餐蛋治好過。成本又平又易整，本人就無下次啦，貪得意試下ok既。

香港終於有正牌洪瑞珍喇，話說不止 1 次，到台灣旅行，也錯過了買洪瑞珍，所以一直沒有機會品嘗到，現在不用乘搭飛機亦可買到啦，還有開幕優惠，實在不能錯過囉～三文治每日數量有限，售完即止，香港店暫時只有 4 款經典口味，分別是滿漢 (火腿 + 起司)、招牌火腿、芒果起司、原味起司,不知之後會否新增更多呢～芒果起司 $19說起來很特別，本身不太喜芒果，但第 1 款想品嚐的口味就是它，芒果果醬加起司，有淡淡的甜味，吐司亦香軟，很不錯嘛~招牌火腿 $20算是常見的三文治口味，火腿與吐司很匹配，亦鬆軟美味,食用方便，撕開紅色貼貼便可食用了~要留意購買後，需於 30 分鐘內冷藏 (0 ~ 6 度)，而冷藏後食用前，在常溫下回溫 10 ~ 20 分鐘口味更佳啦~

初初台灣洪瑞珍熱潮卷起既時侯，係唔吸引我既，因為我心諗3文治可以有幾好食呀？但之後第1次係台灣食既時侯仲好記得個種震撼既感覺，點解3文治都可以咁好味，仲即刻encore左份。最深刻係佢個麵包既口感，超軟熟，係我未試過同唯1食過咁有空氣感既方包，其2就係佢個美乃滋好特別好好味，而且係口腔入面好搶focus，我意思係美乃滋味道會蓋過麵包。所以香港開左,，趁今日weekend我住港島都特登揸車入去食，仲1次過買左7份(招牌芝士$20同滿漢$22)，1來我好大期望，同埋佢又做緊買6送1既優惠，食用期可以放入雪櫃3日。我急不及待即刻拆黎食，評價係我對3文治一如既往既觀感，係1份普通3文治，但價錢1d都唔普通，份量偏小，麵包唔係台灣個種軟熟，比生命麵包還差，而且麵包味道好重，蓋過美乃滋同食唔出餡料味道，因為蛋同火腿已經好薄，我大感失望，揸返車出去比3位朋友食亦有同感。如果無食過台灣既，呢份係中上既3文治全因個美乃滋搭救但如果呢個價錢就1次就夠啦，性價比唔高。但我地唔會將佢打冷宮住，望有待改善食到台灣味道洪瑞珍。

終於 係香港都可以食返到台灣洪瑞珍三文治啦就算黎到9月嘅平日 購買時仲要排隊仲有限購令 每人只可買6件而買滿6件會送一件今次買夠6件滿漢 +送一件滿漢Total 7件個人覺得滿漢係最好味其實都想試試芒果味的不過去到時已經賣晒唯有下次吧$22件係有d貴不過呢d時候 冇得去台灣又想食 貴一貴都要俾啦Ps 只限現金

我最愛嘅洪瑞珍三文治終於嚟到香港喇！最近冇得飛台灣，所以特別想食台灣野😆三文治總共有4款口味🥪滿漢+招牌火腿＋芒果起司＋原味起司今次我四種口味都買晒，我最鍾意滿漢口味😍因為可以一次過食齊芝士、火腿、蛋😆最近去親都勁多人排隊，我今次都要排15分鐘左右先買到，不過咁好食，排隊都值嘅店員建議購買30分鐘後，就要放入雪櫃保存🌟食用前可以喺室溫下解凍10-15分鐘先食或用微波爐連包裝小火叮5-8秒，會有驚喜口感！

Much anticipated with all the hype going around, but was disappointed. Seriously don't get what the fuss is about.Firstly, the queue for these sandwiches are excessive. Staff work at ultra slow speed just to generate a line to boost hype. The sandwiches are all pre-made so I really don't understand how the queue took 20+ minutes. The sandwich itself is mediocre at best. Bread is just typical garden bread and the stuffing is very normal cheese and ham.. I can't tell the difference between these s

平日下午幫襯人流好少一男一女職員態度好惡劣😰😰全程都好似趕客咁 但我前面打電話慢慢揀又得去到我同朋友落order就要職員黑面😥😥要求分盒時 職員態度極不友善 俾左錢買盒要自己摺自己分 2蚊一個盒 出面麵包店都可以分袋啦😑😑廿蚊一件三文治 唔係平 唔好講話好唔好食單係態度就成肚氣

好掛住台灣嘅美食，唔知幾時先有得去旅行~  遊台必食嘅<洪瑞珍>三文治終於登陸香港喇! 余媽媽做野經過，興奮到要即刻打包佢地番屋企，一解我地相思之苦~4款人氣口味率先登場，每件廿蚊左右，每日限量發售~~-招牌火腿-芒果起司-原味起司-滿漢（火腿+起司）《洪瑞珍》嘅出品加入左忌廉同沙律醬，所以口感得特別豐富，而且又香又鬆軟余小b最愛芒果口味，鮮甜味美，好fresh~ 而我就比較鍾情滿漢口味，火腿起司兩種味好夾呀!真係會食到停唔到口㗎!品牌嚴格監控品質，三文治會係前一晚送到，全程用底温專車運送，以確保三文治既衛生又安全，讓大家食得安心~ 建議食法如非即食, 可以放雪櫃, 待取出後放20分鐘回温食用，口感最佳~存放係0-4度雪櫃內可保鮮5日由8月16日至8月30日, 仲會有新張大優惠呀!首50位客人可享買3送3優惠買滿1盒6件套裝，再送1件指定口味《洪瑞珍》屯門市廣場1期1樓 Kiosk 8（英皇對面）10:00～21:00

#洪瑞珍三明治 #🥪排晒隊，聽講呢間係真嘅（台灣開落黎？）排左20分鐘左右。買時其實都好快，十幾秒#滿漢三文治 $22這個很足料，什麼都有，烘熱會甜一點（煉奶？）較膩。包皮會鬆軟d#招牌火腿三文治 $20這個火腿三文治不錯，建議微波爐叮10秒😛也是有小小甜#芒果起司三明治 $19感覺像甜品，味道有點不夾台灣好像好吃點🤔ᶘ ᵒᴥᵒᶅ個人口味評分：7/10#洪瑞珍 (屯門)屯門屯順街1號屯門市廣場一期1樓Kiosk 8

由台灣直營的正牌《洪瑞珍》三文治創始店終於黎左香港喇！佢地今次揀左屯門開設首間分店，並於8月16日正式開幕，而家去唔到台灣旅行✈️，但都可以嘆到台灣美食喇！台灣《洪瑞珍》三文治有「台灣國民三文治」之稱，為保品質，製作至銷售過程由工場至店舖全程保持低溫，控制品質。今次終於可以最新鮮最衛生嘅姿態嘆到《洪瑞珍》三文治。😋三文治無論係包裝定口味都跟足台灣做法，同樣係四層麵包三層夾心，口感棉柔鬆軟，香濃鮮奶油配合家傳秘方蛋黃醬，再配搭不同食材，完全係衝擊味覺。今次香港出左4️⃣款經典口味：😋滿漢 (火腿+起司) - $22 材料還包含蛋皮，層次最豐富。😋招牌火腿 - $20 含有蛋皮及火腿，整體鹹鹹甜甜好得意。😋芒果起司 - $19 酸酸甜甜好醒胃。😋原味起司 - $20 含有蛋皮及起司，香甜口味，芝士味濃，口感最鬆軟。 🔥開幕優惠🔥1️⃣限額優惠：由8月16日至8月30日，每日首50名客人可享有買3送3優惠。2️⃣套裝優惠：客人買滿1盒6件裝三文治，再送1件指定口味。(芒果起司/招牌火腿) *以上優惠不能同時使用*新張開幕期間，客人只能每人購買一盒6件裝⭕注意⭕✅購買後需於3

今年冇得去旅行，思念台灣的朋友們，真。洪瑞珍三文治去咗屯門呀！聽講去到台灣唔買洪瑞珍做手信回比同事歧視，但要買都唔容易，事關搭幾個鐘頭飛機，保存品質有難度呀！咁而家搭一車去屯市買就方便得多啦。今日首日開張，有特別優惠！於8月16日至8月30日期間，每日首50名顧客可享開幕優惠 「買三送三」（半價呀！）同埋購買1盒6件裝三文治送多1件（呢個冇限人數）排長龍就梗係指定動作啦，不過疫情其間，好希望大家有返啲social distance。好彩我住得近，買完仲有時間去買返杯仙草奶茶，一於台式到底！今晚比我扮下嘢覺得自己去咗台灣得唔得。我覺得如果住得遠少少都唔係唔可以買，但就最好帶一個冰袋去保存溫度，店員都有溫馨提示領取後需於30分鐘內冷藏，食用前最好放室溫20分鐘。佢哋嘅包裝真係好精美，每一件都有營養標籤，最佳日期等等。唔講唔知，原來寫住香港製造！嘩 Made in Hong Kong 喎！唔知大家知唔知之前有一間冒牌貨啲三文治有菌... 而家真。洪瑞珍有自己廠房喺香港，食得放心好多呀！香港店暫時有4款口味：滿漢 (火腿 + 起司)、招牌火腿、芒果起司、原味起司，試一件芒果先！感覺係幾得意嘅，

❀ 洪瑞珍 #屯門 ❀❗️正宗台灣人氣三文治「洪瑞珍」 終於隆重登港❗️——————————————————記得幾年前去到台北嘅時候仲係「洪瑞珍」前興奮到大跳🤣啱啱8月16日終於正式喺屯門開業！呢間係香港第一間正宗「洪瑞珍」，絕對唔係之前食痾人嗰啲嚟㗎🤭 「洪瑞珍」係一間台灣非常出名嘅三文治店，至今已有約80年歷史，全台有多達27間門店，餡料配搭簡單，賣點在於秘製鮮奶油同埋美奶滋，真係會一試愛上🥪！.為確保良好品質，三文治每日數量有限，而且每件都有充足嘅冷鏈、冷藏銷售監控，確保衛生👍🏻依家香港店一共有四款經典口味，新店開張由即日起至8月30日仲做緊每日首50名顧客買三送三優惠，其餘顧客買一盒六件亦會額外送多一件添✨不過留意每人最多只可以買六件。.✷𝑀𝑒𝓃𝓊✷☞ 滿漢(火腿加芝士)$22☞ 招牌火腿$20☞ 原味芝士$20☞ 芒果芝士$19每一個三文治都係用上非常棉柔嘅白麵包，雖然冇烘過，但真係十分鬆軟🥰最多可以擺五日，就算雪完都依然鬆軟。.每一個三文治都會有蛋皮、香濃嘅鮮奶油同埋家族祖傳嘅美奶滋秘方。美奶滋同台灣一模一樣味，真係超級特別又正😆甜甜地散發住少少果醬味，但同時間又有少少忌廉奶油

20蚊買件咁嘅三文治🤷🏻‍♂️冇話可說台灣賣港紙唔夠10蚊都仲可接受大佬啊 塊包嘉頓包咁款 啲餡又薄到咁仲要排成個鐘🤷🏻‍♂️係呢個年代仲要畀錢買難受我呢啲下欄人食返茶記蛋牛治算