洪川廚房

营业中

休息中

老闆倆夫婦用心製作米線及各類小食，我們極力推介凍檸檬茶！他們以台灣錫蘭茶葉泡茶底，非常清新，美味可口，一飲之後你會發覺與一般茶餐廳凍檸茶差別甚大！ 而且各類小食經由老闆親自研究調校下廚，味道一流，推介：韭菜豬紅、牛腩、豬肚、豬耳、蒜泥白肉、薑蔥霸王雞、口水雞、滷水雞中翼、炸雞中翼….各類小食數之不盡！深得洪水橋各街坊、單車友及行山友大力支持！

今日再黎呢間洪川廚房試下，已經正式開業啦渦，我又叫佢個粉食，黎到第一啖就試佢個湯，其實睇顏色都知今次會唔同，麻辣湯底終於有味，仲唔錯添我覺得，今日個雞亦尖好入味👍🏻腩肉正常，我仲叫咗佢個煎雞扒，外皮脆，值得一讚👍🏻，肉就有少少鞋，但味道唔錯，我仲叫咗杯水蜜桃益力多，雖然要加$26，但杯野都唔錯好香桃味而有啖啖益力多味，而且好夠凍成餐食咗$85，好似有點貴😂下次可以試下佢啲飯，我見隔離枱碟飯好大碟

早幾日搭車經過見到有人接咗手呢個舖位，今日就去試下，佢在試業中，同上一手悅廚間隔一樣無變，佢食四川果類野，有飯有米線食，我今次就試咗佢個麻辣米線(加豬腸、豬紅、亦尖)加凍檸茶，$25碗有肉碎果啲基本野，佢有豬骨湯/麻辣湯揀嘅，加餸就有3個價錢揀，分別$8、$10、$12，餸嘅款式唔算多，野飲要加$5/$7/特價台式飲品，飲品野食黎得都算快，凍檸茶茶底淡咗啲但可接受，碗米線份量ok嘅都，啲肉碎ok嘅，個湯底個人覺得無咩味，淨係靠果啲醬味，個辣唔算好麻唔算好辣(我叫中辣)，豬腸較韌，亦尖我食落去有點怪怪的，好似有啲酸咁，但我朋友覺正常，豬紅正常，食物方面整體黎講有待改善，希望下次再黎試會有唔同