影片
以上资料只供参考，请与餐厅确认详情
招牌菜
外卖自取叫左三𩠌10分钟后食已经索哂汤！加左辣落左一笃系一边，但冇哂汤咸到呢…..伏伏伏贴左张纸专卖牛腩面35蚊，谂住牛腩应该几出色。点知……伏伏伏伏伏猪肠好似未洗干净….伏伏伏伏伏最后谂唔到食乜叫个鱼皮饺，食开车仔面都知预先烚熟，到你要再放入汤滚返先比系，点知佢冇，就咁放入碗….伏伏伏
继续阅读
朋友推介呢间车仔面店，话好抵食又多选择。于是今日行过呢头就试吓佢啦！见到餐牌之后，又确实几多选择。价钱方面都唔算好贵～见到咁多送都有少少选择困难症😝最后，我拣咗猪大肠、猪皮、西洋菜、同老板娘推介嘅腐竹，米粉底仲加咗腩汁。四个𩠌连面，合共$52，见到个份量都真系好多下！一个女仔未必食得哂～汤底方面虽然加咗个腩汁，但唔算好浓🤏食到腐竹加左蛋，有少少咸，但系算香口。猪肠呢就够晒肥美，冇咩猪骚味，味道呢就偏清淡～但真系好多旧，起码有六、七旧。猪皮就偏淋少少🤏但份量依然好多！强烈建议大家，食嘅时候加左手边𠮶个自家制辣椒酱，辣度就唔算好辣，但真系加左好惹味，成个碗好味劲多！总结：环境呢就唔系好大，有少少挤拥，但服务态度好好，面带笑容，又会主动同客人推介食物👍🏻我哋叫咗支装豆浆，仲好好人咁帮我地加热～态度系超级友善～嘢食方面真系算好抵食，份量又多价钱又唔贵，性价比好高，有机会下次都会再嚟试吓莲藕饼，见到唔少枱又叫到😋
继续阅读
疫情呢2-3中年冇去，以前有个男人负责整，而家系2个女士，唔知系咪转手了。见到餐牌好多其他车仔档冇嘅𩠌都想试，叫卤腩肉/沙姜凤爪/另外仲有D问咗都冇，最后就只好拣咗莲藕饼，辣凤爪，酿苦瓜配油面，$38，味道都正正常常😋。 但系就有少少失望😞餐牌特色D嘅𩠌都冇，只系一般嘅车仔面先有。同埋较特色𩠌或者猪肠猪手卤味都几贵要$15，所以都未必好抵食嘅，视乎配料。汤底比较清，胜在唔会一层油喺面头👍🏻浓口味可以自己加辣酱，都几好味🌶🌶🌶
继续阅读
佢地嘅车仔面做得唔错，我每次食车仔面一定叫油面，可能因为细细个就开始食开，依家个汤底做得几唔错，最钟意食佢嘅鱼蛋，配埋可乐，日日食都唔会厌，通常我就叫外卖返屋企慢慢叹。
继续阅读
最近几年葵涌很多工业大厦都翻新成商业大厦，区内多了不少打工仔，但区内食肆数量和种类都偏少，大多是茶餐厅，要不就是连锁店，比较有特色的食肆大多在位置偏僻的屋村，打工仔要食个午餐，可谓R爆头。洪发美食在光辉围，距离葵兴地铁站大概十分钟路程，店铺细细，店面不起眼，每每经过都有不少人排队，几位姐姐（婶婶）亲切的叫著「食车仔面丫」，「样样都好食架」。今天午饭时间太肚饿就随著姐姐的叫声去试试车仔面。流程大概是：在门口点面和𩠌，姐姐煮好面和夹好𩠌后会将车仔面放在其中一张枱，相等于已为你安排好座位，坐低前俾钱，然后坐下安心食面。兔小姐点了三𩠌：猪红，猪大肠，苦瓜+米粉+腩汁 $38每一项的价钱兔小姐忘了，况且食车仔面就不应该就住就住，尽情的叫才痛快。整碗车仔面十分足料，每样𩠌都有7-8件，而且是大大件，三𩠌来说女仔一定很饱，份量多之余每样𩠌都很有水准，绝对不hea。每样𩠌都很入味，猪红很滑，不会散，猪肠干净又很饱满，苦瓜大大片，焖得很淋。值得一提是自家制辣汁，整瓶放在枱面任加！辣汁很香但不会太辣，将车仔面味道再升华！吃完后是有点口渴，不过车仔面平民价钱又足料，午餐有多一个选择了。
继续阅读