影片
食家推介
相关文章
新开时一直有帮衬，最爱佢地既咖啡又香又滑，同埋八瓜鱼意粉，蒜香味浓意粉又弹牙，可惜今次实在令人太失望，咖啡换了，味道不再，淡而无味，意粉软林林，八瓜鱼意粉只有两条八瓜鱼，好言询问得出恶经理话系咁㗎㖞⋯⋯真系令人无言。顺带一提，入座时被安排坐2人枱，但明明有卡座可供选择，乖乖坐下后，眼见后来的国内同胞2人同座卡座，我俩转移卡座，店员即过来问‘你地2个吓嘛’，态度不好，我明白餐厅充分利用座位空间，但当时并非繁忙时段，亦无人等位，亦有数个卡座，最重要是店员的态度令人失望，我想这次是最后帮衬了
继续阅读
每次行经屯市都会留意到呢间门面似日式既食店，男友都有讲过佢既甜品好食，但因为屯门实在太多美食一直都无试过，今次见无咩人终于下定决心试一试。入到去睇到餐牌先知原来系食意粉既，除左意粉仲有铁板同小食，意粉餐包左清汤同餐茶。
我地点左一个明太子虾肉意大利面同牛油果虾肉紫苏酱意大利面，另外+$30点左个樱花绿茶芭菲，餐饮要左热乌龙茶，去油解腻。日式清汤唔记得影相，饮落应该系味噌同昆布煮成，饮落清清地几舒服，但饮多几啖会觉得有啲啲咸。牛油果虾肉紫苏酱意大利粉，睇名以为系比较健康既一款，但实情系意粉系用炒既，成个碟底都系油
意粉炒得刚好，唔会太韧或太淋，以为有牛油果食落系creamy既，但其实好干身牛油果只有几粒，无咩味，食落似普通炒意粉，幸好鲜虾够大只，肉质实净有咬口。明太子虾肉意大利面，听男朋友讲唔差，食落系creamy既，意粉汁加左明太子有浓浓既海鲜味，意粉一样煮得恰到好处，同样都有鲜虾三只，比起我果个好好多。最后系今日既主角──樱花绿茶芭菲唔系因为佢都应该唔会入黎食。两球大大既抹茶雪糕，加上两匙红豆蓉同cream，雪糕抹茶味足，食落几滑，红豆蓉虽未至于好甜，但应该沟左糖，唔系天然甜味，Cream值得赞许系日式果种比较轻盈唔系斋甜果种，两粒团子伴有黑糖蜜可自由添加，烟烟韧韧增加左口感底下仲有抹茶凉粉，爽口弹牙。旁边伴有一杯绿茶同咸既菓子可以清腻，几贴心。总结，价钱偏贵，食物质素一般，感觉食午市或下午茶会比较抵食，晚餐既话唔会再考虑啦。
继续阅读
因为Tomica主题，元旦日同嗜车仔嘅男朋友嚟到屯门。下午茶时间，餐厅只有几枱客，唔驶等即时被安排入座。下午茶餐有惊喜，最爱嘅牛油果，同紫苏酱同蒜蓉好夹，互相带出香味，$48有意粉有汤有橙汁，仲唔多人，坐得舒服，都算几抵下午茶份量唔多，仲可以食埋个芭菲，材料丰富，雪糕+忌廉+朱古力饼干+脆米+棉花糖将甜，脆，香，软拼凑一齐，失色嘅系放底嘅粟米片被大大旧棉花糖档住，同其他材料无法融合，所以都只可以话系整体OK。食物可以，环境地方舒服干净，服务生态度良好，系上菜速度较慢，不过假日唔赶时间，所以整体感觉良好
继续阅读
被遗忘的屯门日式意粉呢间好几年前食过 主打西日fusion菜 要用筷子食意粉 同埋装潢都好特别呀😆推介：牛油果虾肉紫苏酱意大利面紫苏酱好似青酱 但再浓郁啲fresh啲 配合埋牛油果 成个意粉好creamy!!😋推介：卡邦尼温泉蛋意大利面都系好creamy 但食落又唔会好腻 加埋温泉蛋嘅蛋汁 更加滑～ 💫明太子意粉就差左啲 因为佢冇落汁。。成个意粉都无味咁 意粉都系有汁好食啲既😛每个意粉，加＄20 ,仲有甜品添啊！都几好食，甜度适中！
继续阅读
之前已经知道佢有tomica套餐，圣诞节就带个仔去食野，套餐都布置得好精美，令到阿仔都几难决定服务都算系咁啦～套餐嚟到，食物水准都比预期好味，已佢地有圣诞装饰玩，令大家都好有圣诞气氛，1家4口玩得好开心
继续阅读