影片
自从N年前，去过《泽记快餐饭店》一试他们的巨形鱼柳包之后，我一直对这一个巨物念念不忘。虽然早知道这店的位置，但返工既地点不在柴湾，再加上此店星期日及假期不营业，几乎只会在春秋二祭才会出现在柴湾的我，一直都只是在望梅。这一次，大家约了在一个星期六去拜山，我立即提出，一定要带家人来儿食早餐，完成我多年来的心愿。太太的早餐是蕃茄蛋治。单是厚厚的炒蛋馅已经令我太太说，我一定食唔晒。我们要求了烘底，令到出来的多士又香又脆。蛋香，蕃茄厚切而且新鲜，美味又够饱肚。来《泽记》的主要原因，更可以说是唯一原因，就是来朝圣他们的巨形鱼柳包。虽然，鱼柳只是最平价的鲶鱼柳，但配台了烘到脆的包，海量的沙律酱，当然也有香香脆脆，比面包更大的巨形鱼柳。香味十足，味道十足，份量更超过十足。真系值得专程来品味架。冻柠茶的色水晶莹剔透。但入口却是充满了茶香味同柠檬味。够甜，够香，也够滑，是茶底好才能够出现的一杯港式柠檬茶。奶茶，我同儿仔分别要了一冻及一热。同样，茶的质感非常之滑，茶味亦很香，也是一杯值得我专程来喝一杯的好奶茶。早餐，尤其是名物鱼柳包的份量的确是惊人。份量大，味道好，的确是非常之吸引。星期一至六，若是有事要一早来柴湾，这小店的早餐，绝对是不容错过。
继续阅读
今日去开柴湾。好挂住佢个巨型鱼柳包。鱼柳包同店员想要茄汁，一位戴眼镜短头发嘅女士走来答。「我哋冇茄汁。 」之前攞嚟食，每次都问佢攞茄汁，不过人哋而家话冇就算啦，可能太耐冇嚟人哋改咗。奇怪就系我出去埋单嘅时候买一支好大嘅茄汁。究竟系有啲咩问题令到佢话冇茄汁。食紧嘢嘅时候听到佢哋同啲熟客讲话唔明点解而家啲人上晒大陆消费，其实佢哋咪正正回答咗呢个问题。茄汁而家真系咁贵？还是食鱼柳包唔应该有茄汁？其实真心真系想留港消费，不过你哋咁嘅服务态度真系令到我哋无奈要转移阵地
继续阅读
星期六番半日工，放工后专登入柴湾试吓呢个巨型鱼柳包。虽然要坐喺马路边食，其实都有一番风味。如果唔怕热唔怕晒嘅话咁样就冇所谓，侧边啲车行过好似去返几十年前街边食嘢𠴱种风味。鱼柳大过块包，鱼柳唔会太厚粉，配埋千岛酱简直一流。啱啱上菜时，咬咗一啖，块鱼柳新鲜炸起，好辣嘴，而且好juicy，啲汁会漏少少出嚟不过要小心一边食一边漏到成手都系酱。大热天时配埋冻啡直头系透心凉埋单都系$37，食完之后觉得物有所值
继续阅读
问吓柴湾街坊都知道，泽记嘅巨型鱼柳包真系好出名，不过因为自己好少去东区，所以一直都冇试到。直到有一次朋友带我嚟食晏昼，佢就极力推荐我试一试个鱼柳包。晏昼嚟食鱼柳包嘅话，嘢饮就要额外再计正价，𠮶阵时我就冇再嗌嘢。净系个包唔算好贵，都系三十几四十蚊。佢一上枱嘅时候真系哗出声，块鱼柳同我嘅手臂一样咁长。喺我仲帮佢打紧卡嘅时候，有另一台食客走过嚟问我可唔可以帮个鱼柳包影相，可想言之个size系几咁吸引。好老实讲，我最后系食唔晒个包，但系打包返去我又觉得已经唔好食。鱼柳真系热辣辣，好正，但系我略嫌佢粉味重咗少少，如果个粉味冇咁重嘅话就真系一流，不过老实讲呢个价钱我当净系买块鱼柳都抵。就算净系食块鱼柳，我都唔知点样开始食好，因为真系太大块，去到最后都系剩返少少鱼柳同埋个面包皮，不过我朋友就同我讲话如果下次再食泽记，佢建议我食猪扒或者鸡扒包，佢话佢觉得猪扒同鸡扒包好食过鱼柳包。
继续阅读
去柴湾行吓，专登睇网上有咩好介绍，所以系冲住巨型鱼柳包嚟食！.冇冷气要坐街边，怕热嘅人可能要三思，我今次坐近马路边，感觉都几通风，只系真系太近马路，大货车驶过嘅时候，都有啲压迫感.但叫嘢食嘅时候，突然想转軚，试另一款同样属于隐藏餐牌嘅食物…鸡扒包 $32虽然尺寸冇鱼柳咁大，但基本上都大过块包。而且佢块鸡扒煎得好好食，又香又脆，每一口咬落都渗出好滑嘅鸡油，都系好食之选😋😋 （但温提食包嘅人要自备纸巾，份量真系好大，食到后面一定整污糟手😂）.星洲炒米+冻奶茶 $49朋友话现场感觉镬气好大，所以试吓食炒嘢，但结果冇咩惊喜，食落口感觉一般，不过价钱几抵鸡扒扒包冇得跟餐叫饮品，冻柠茶正价$23，颇贵.见其他食客嘅食物卖相都唔错，可能只系星米今次失准，有机会会再帮衬👍🏻
继续阅读