瀧本日式料理

营业中

休息中

🇭🇰瀧本日式料理·A餐 經典放題盛宴$198/午市 $228/晚市呢間晚市放題都幾抵食 佢逢星期一至日午市任何時段$198 晚市任何時段都係$228‼️而且佢啲刺身質素唔錯 大家想食得再豐富啲 仲可以食佢個至尊放題盛宴 有埋生蠔 拖羅 海膽同榴槤任食🦪 生日月份4人同行仲1人半價 8人同行就1人免費🎂·刺身 l 壽司 l 創作壽司 l 火炙壽司 l 卷物 l 手卷佢呢度全部刺身質素都唔錯 尤其係啲貝類🐚佢有象拔蚌 赤貝 帶子 榮螺 北寄貝 呢啲質感全部都好好 好鮮甜 幾新鮮 放題黎講質素超級唔錯☺️🤩另外佢嘅三文魚同埋油甘魚油分都唔錯🍣甜蝦都甜🦐另外佢創意壽司選擇都好多😗·一品料理 l 炸物 l 鍋物 l 串燒佢其他嘢食都唔錯 清酒煮蜆入邊嘅蜆都好大粒😎炸物我地就最鍾意芝麻雞翼 我哋叫咗兩轉 次次都係新鮮炸起 雞翼超級juicy🐥串燒嘅話我自己覺得雞軟骨同雞腎都唔錯🐤牛舌都好厚身🐮·自助區除左日式前菜 生果 海鮮 自助區仲有麻辣雞煲 小龍蝦 酸菜魚🐟另外甜品 飲品選擇都好多 仲有Häagen-Dazs添🍨🤤·B餐 至尊放題盛宴 $368/午市 $398/晚市之後如果大家食佢個至尊放題嘅話

勁差嘅放題體驗，已經加錢食B餐，生蠔除左第一次俾齊之後係咁拖單又黎唔齊，落左3-4次先黎一次，仲要落1打變4隻，炸物粉厚到癲，海膽手卷唔講以為比人食過海膽鼻屎咁細，鵝肝又凍又難食，雪櫃全部大陸啤酒，大佬呢度銅鑼灣唔係旺角呀你就算入泰國象啤都唔會貴啦，炸鮮奶我唔講都唔知仲以為係油炸鬼，赤海蝦刺身我頂你個肺仲要有沙洗得好唔乾淨，燈光鬼死咁殘眼以為返咗大陸。最賤係廣告明明話哈根任食去到得雀巢然後同我講未番貨，真心真係唔會有下次

首先樓下派傳單的女士，極力推薦198任飲任食，冇限時食到4點，心諗還掂同friend 吹水，咁就可慢慢食啦，點知上到去問門口位職員是否食到4點，佢就話唔係，入佐起計2個鐘，食到個半鐘時會截單，我預備走之際，佢就話好啦好啦，俾你地坐到4點，但order都會係入座起開始個半鐘截單，冇得再落。所以我同friend 就諗住快快手手叫多d之後先慢慢食。惡夢開始了，一入大堂地方係寬敞同大，但少貓3四檯有客，食物區同飲品區極少位置同食物及飲品，我朋友去攞飲品，我就qr code落單，款式同隔棟一期9樓差不多，但黎度檯上既食物真是嚇親人1. 三文魚刺身暗啞色2.象拔蚌極鞋又冇味3.生蠔極腥同係青青綠綠咁4.榴槤冰到起晒雪箱，唔知雪佐幾多日，有酸味5.花膠海參，慘冇人道，人地試食果舊都大粒過佢，冇錯係粒，剪碎晒得粒狀6. 茶碗蒸，職員叫我小心睇熱，我諗是稿吧？成個碗蓋是凍，碗是暖，我不知那裡可小心睇熱7. 宣傳單張有飲食Häagen-Dazs, 佢個雪櫃只有牛奶公司雪糕杯，同牛奶公司脆皮樂，仲要好少，我問職員又話有Häagen-Dazs, 佢回覆我未送貨黎所以冇8. 宣傳單張亦有松葉蟹，qr co

這間日式放題可以話係我食放題以來第一次食到最差最差的，我開始首先選擇A餐後來經理就話而家改咗菜牌B餐比較抵食，只需要加$70菜式會多好多，最後選擇B餐，到服務員帶我坐低的時候，我用手機掃條碼一睇裏面的菜式非常少，心諗款式少冇所謂，只要好食就得，到服務員上菜的時候刺身唔新鮮，天婦羅炸蝦難食、鵝肝厚多士鵝肝係凍的，基本上食材係唔新鮮，到我食咗一半嘅時候隔籬枱有一個女士食生蠔，投訴生蠔臭㗎，嗰位女士當場嘔，整體嚟講呢間放題可以講係全香港最差嘅放題，埋單每位平均$328，完全唔抵食，以後一定唔會去食。

中午時間用餐到店時只得4枱客未試過食放題 會提早離開一直黎刺身 其他野等左成個鐘先到 ！仲要吹左2-3次！一直話廚房得一個人做所以做唔切算啦唔會再有下次！款式又唔多！

未試過食咁差嘅放題。三文魚刺身係筋位，放入口要用力咬，仲要切得細細塊。象拔蚌刺身，非常腥。甜蝦刺身無味。其他刺身一律唔好食。叫咗牛舌、雞軟骨串燒，蒲燒鰻魚，嚟親都係凍冰冰。飲品區選擇極少。Ok 嘅食物只係得壽司同燒菠蘿。其他嘅食物叫咗第一次，已經唔敢再叫第二次。哩度餐廳裝修格局似canteen，私隱度極低。同食開大喜屋嘅感覺非常唔同。以後寧願俾貴少少，食返極尚大喜屋。今次唔記得睇食評，當係一次教訓。哩間係我唯一唔想食飽就走人嘅放題。

$298 超伏，特別是聲稱是老闆的娟姐 (姓朱)，請小心服務態度極差，員工大部份外勞，把食物放在客人食用餐碟上，都算，反映一次後，再重覆2次同樣事情，火都黎埋服務員黑面，無禮貌飲品未飲完，服務員經過，未經許可拎起你罐飲品搖，然後放返低當反應意見，問 “老闆娟姐” 職位時，一句“你無權問”，呢種服務態度 👍👍👍 吹到啤一聲食物一般，生蠔臭的，上菜速度慢，有扣單情況，都幾嚴重今年最惡劣的一餐😡 香港餐飲比呢D店舖累死

之前喺社交平台見到唔少人介紹呢一間日式放題， 咁啱撞正口痕想瘋狂食刺身加上有幾近我就試下。 上網睇到原來喺網上提早訂座，可以免加一，就早幾日係網上訂左先。到咗之後店員會問你揀邊一個package，我自己就揀咗A餐，因為其實同B餐最大分別係少咗某啲海鮮冇拖羅，但係基本嘅刺身都會有。因為食嘅時段係午市時段，比想像中多人。 出面有個沙律飲品吧，基本上嘢飲都係一啲普通嘢好似係咖啡豆漿，烏龍茶等等，個人覺得最特別嘅係有一個叫五谷粟米汁，聽落幾健康同有趣，口感都幾特別似無糖粟米湯🤣🤣基本上都係QR code落單，呢餐嘅刺身款式其實唔算好多但係基本嘅三文魚希靈魚等都會有，三文魚每塊都切得好大嚿😂 味道都唔錯。另外有一個係創意嘅壽司個人認為幾特別就係蟹肉花之戀，味道唔錯，幾有趣。不過如果有返原本口味花之戀揀就更加吸引啦另外QR code亦都可以落手卷一啲炸物等。 比較意料之外嘅係可以叫榴槤食，但係預返一開始嘅時間比較長，可能因為到咁上下啲人叫先至開嚟切（？） 。 不過榴槤嘅味道麻麻哋，如果係純粹過下口癮嚟講都OK嘅沙律凍盤方面會有凍蝦同青口，另外車厘茄沙律菜八爪魚等等，都幾多款式揀。炸物就有炸帶子、忌

398升級左個餐海膽細我都預左，但啲拖羅全部都係有根的，咬極都咬唔開，生蠔又要落埋啲怪汁一啲都唔好食，你唔落放係隔離等客人自己選落唔落得唔得，啲蟹腳就連腳趾尾都比埋黎計一隻，你係逼我幫你拋，而榴槤又係水溶溶咁真係難食，而且飽魚又話冇貨，花膠和牛次次漏單，都唔知升級個餐做咩，其他野食質素又差，野飲都係大陸野，雪糕只得雀巢同牛奶公司。大老四百幾啲人點可以比到好評，咁既價錢酒店都可以食到喇。仲有間野殘殘舊舊，地下啲磚同廁所都係又殘又爛既。

唔知係咪因為透過openrice book 位，所以比左間房我地，雖然初初入到去冇冷氣，但感覺私隱度很高。 不過就算在出邊都冇問題，因為出邊嘅座位都好寬敞叫左$228 個餐：剌身：正常，冇劣評d 人所講未溶雪等問題壽司：正常，有一個唔知乜嘢他他嘅創意壽司好好食👍🏻海膽壽司亦都冇啲人所講嘅係臭天婦羅：邊d 粉漿勁厚，千祈唔好叫焗蠔：好食，encore左幾轉鴨肝多士：都好好食，又係勁encore雞皮串：有油益味飲品：款式少，但都有選擇自助枱上食物：有螺肉帶子裙邊等，全部不過不失。仲有榴槤蓉任拎，正生日位人仕半價，埋單最後$209/位，性價比高。大家要同大喜屋等去比真係冇得比，價錢都差75%。如果想平平哋食一餐放題，絕對推介。

見到新開，第一次黎試下。唔好比環境吸引，座位係的確寬敞，但真係食過最差放題！！差到平時唔比評論都要坐向度無野食係度打評論！職員帶位先帶入去近洗手間附近嘅4人枱（我地兩個人），坐低唔夠10秒，已經聞到一浸好臭嘅酸粟尿味，叫左一轉野食未黎，頂唔到之後要求調位，等一輪先比調（明明有多2人枱）。調左位之後（都係近洗手間），每次有人入座，職員都會帶佢去廁所附近嗰個四人座位，結果個個都要求調位，然後職員既態度都麻麻。野食等15分鐘都未黎，原來職員見到舊枱無人，又無安排通知番搬左抬、之後就拎番入廚房，叫第二轉又等20分鐘先黎，出面有少量熟食，會見到周圍隔籬枱啲人都喺度食緊啲熟食，因為有一堆嘢食冇人出，擺晒響度攤到凍晒。叫手卷啲紫菜淋滋滋，食落去又咬唔開，叫隻熟咗嘅蒜蓉生蠔，都仲可以有啲血水向度，極難食，叫熟食諗住無死啦，仲有啲蜆可以係臭…1.5個鐘平均1小時先黎3轉，吹冷氣吹到傻，烏冬又咸到食唔到，唯一食得落嘅係串燒雞腎、芝麻雞翼、三文魚刺身都OK。刺身選擇唔多，壽司更加無乜選擇，飲品選擇亦都係極少。嚟到坐低都只會見到好多人都食緊出邊嘅熟食，而出邊啲熟食都係啲好普通嘅嘢。同埋職員見到都唔會收野，堆到

入到門口比張飛話俾你聽咩枱要自己入去搵位之後職員話張枱執唔切，叫我坐隔籬已經執好咗嘅枱9:00入到嚟，全部湯都係見到湯渣，水果得返兩片西瓜⋯想飲無糖飲品都搵唔到，連一包茶都冇刺身真係完全超級一般，唔會再想叫多一轉串燒完全係極品，上到枱最盡都係得微溫，連燒蠔都係微溫，完全唔新鮮，隻蠔熟晒，但係勁多汁叫咗10隻燒蝦都好似炸出嚟，完全冇燒過嘅炭味，亦都冇燒過的痕跡，全部殼同埋啲肉都好難分離😡雞軟骨真係嚇死人，乾到完全冇水份，完全冇味道，炸到流失晒水份😡😡😡咬落喉嚨都整損第一次食清酒煮蜆，完全係冇湯嘅，亦都係冇味壽喜燒牛肉鍋，一啲都唔甜，好似飲緊鹽水聽到隔籬枱同職員投訴，職員10:15左右，拎咗一盤西瓜出嚟！完全冇諗過9:00入去，唔係食宵夜特價餐，都可以冇湯，冇嘢飲，冇水果，咁就唔好收人正價啦咁趕住收工，不如9:00閂門，夜晚嗰轉唔好做聽到同隔離枱講10:30 last order,10:20叫左燒榴槤到最後都無黎到！但10:30就張張枱準時派單收錢埋單

呢間放題在面書經常有廣告.而且我工作在銅鑼灣.銅鑼灣地鐵站經常有阿姐派傳單.話訂枱收到傳單就有九折.我覺得$198呢個價錢已經好低.仲免加一服務費.於是同老婆早一日訂位試下.入到去職員帶我哋坐一個大卡位.呢度装修很簡單.有D似西餐feel.但我哋坐得很舒服.出面有自助區.各式冷盤及沙律.冷盤有青口,凍蝦及日式小食.熱食方面就沒有點留意了.當然留番個肚食其他嘢.刺身種類很多：三文魚,油甘魚,吞拿魚.虎蝦,甜蝦,帶子,赤貝.我哋乜都寫啲.刺身真係新鮮,我同老婆係三文魚精.我哋食勁多三文魚.虎蝦超大隻,每人起碼食三隻.還有甜蝦及赤貝刺身我哋都叫好多.至於壽司及迷你手卷每樣都試.也不錯鵝肝多士脆口.埋單每人都係$198真係值得堆介...

I came in with a*** amazed!!! I think I'll come back for the 2nd, 3rd, 4th, 5th time.Now, lunch time buffet only $198and they even serve with grilled durian...Just this alone is enough to get your money's worth!The classic sashimi feast has so many kinds of ingredients. I love the salmon belly... soft and tender feeling that melts in your mouth, and the crayfish, spicy chicken pot and foie gras toast also worth to try, then you will really feel like your mouth has got a bargain...

新開無耐的放題，睇網上寫好似幾好所以去一試，比了個貴plan連任食生蠔及海膽，初頭點了這2款來的速度還可以，到第3轉點選時需要一吹再吹等半小時以上吧！生蠔佢會預先加豉油 ，海膽一般正常，熱食更加不用提， 預早3小時整定，來的時候reheat微暖上枱比你，放外面的食物要一吹再吹佢等一個多小時先再添加=外面的食物不用等佢黎食， 飲品甜品雪糕類超小款式，食完的碟要疊高到2層樓高或放地下先有員工可能來收（因員工不夠）， 埋單連加一大約$440一位，如果你錢多不嫌棄比錢食reheat都微暖加硬以及需要一吹再吹等半小時以上先有的食物，你可以一試的