泰Grill (享和街)

之前喺將軍澳店都試過泰Grill，今日趁喺荃灣搵朋友就預約咗再試吓，嘩真係好彩有預約，冇諗過星期一都full house, 仲好多人喺門口等位，打開餐牌好多選擇樣樣都想試，我哋揀咗最想食嘅幾款🤭生蝦刺身 $108上檯已經嘩一聲，擺盤好靚😍，未食已經開心，有8大隻生蝦，蝦肉鮮甜，配蒜頭紅椒點少少酸汁，味道更加清新。食完一隻已經追住想食第二隻，絕對值得一試！手打青咖哩牛肉 $88 蒜蓉包 $35呢個青咖哩牛肉真係好正，牛肉嫩滑，咖哩汁香濃，雖然我叫咗小辣，但都感受到一陣微辣，正好唔會太過刺激。蒜蓉包外脆內軟又熱辣辣，蒜香味十足，食落去好有滿足感，兩樣簡直係絕配！😋豬頸肉炒飯 $85炒飯粒粒分明，豬頸肉炒得香口，仲有啲蛋增添口感，兩個人好快食晒成碟😂椰汁沙冰 $48 泰式檸水 $22椰汁沙冰味道濃郁，口感順滑；泰式檸水酸酸甜甜，清新又消暑，配合重口味嘅泰國菜，真係好夾！夏天食真係一流！🤩出品高質，環境服務又好，食完飯出面已經勁多人等位，下次一定要再嚟試其他食物！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺泰Grill (享和街)荃灣享和街53號

今日去荃灣食泰國菜，繁忙時間餐廳裏面好多人，我同朋友喺門口等咗一陣，老闆好好人俾咗我哋一人一罐汽水，可以一路飲一路等。入座後急不及待即刻叫嘢食，叫咗一個泰式酸辣鳳爪沙律、飛天通菜、豬牛雞串燒、豬頸肉炒飯，同埋甜品椰汁糕。鳳爪沙律有得揀小辣同芥辣，朋友鍾意食大辣，所以我哋挑戰食大辣，但其實唔算好辣，我哋冇飲水都可以食晒成碟。鳳爪去咗骨，啖啖肉連埋軟骨，柔軟又硬，口感好特別。飛天通菜值得推薦，鑊氣夠，夠大碟，加上少少辣，非常開胃！半打串燒，可以自己揀想要幾多串牛豬雞肉。最特別係個醬，甜甜酸酸，用嚟點串燒非常適合。最好味係串燒豬，豬肉肥瘦適中，外層燒到脆脆地，食落去非常香口！豬頸肉炒飯都非常出色，炒飯裏面有好多片大大塊嘅豬頸肉，食到停唔到口。椰汁糕亦好好味，淡淡既椰香，口感Q彈，食完令成餐飯變得圓滿左😆如果大家鍾意食泰國菜，推薦大家黎試一試！

媽咪突然好想食泰國野，甘岩諗起之前經過好多人食既新開既泰grill，所以就同左媽咪去左荃灣尼間有泰國特色既泰國餐廳，泰grill門口裝修簡約，店內燈光柔和👍🏻特別中意食串燒同金邊粉既我，尼兩款係我既必叫之選😋真係適合成年都冇去過泰國既我，係一個可以回味泰國美食既好地方🧏🏻‍♀️✔️ 串燒拼盤〔真心推介😋〕$48包含：豬、牛、雞 - 各1串👍🏻 雞肉juicy👍🏻 豬肉嫩滑👍🏻 微微牛味配 沙嗲醬👍🏻 惹味👍🏻 微甜✔️ 軟殼蟹 • 蟹肉炒飯〔真心推介😋〕$108Soft Shell Crab &Crab Meat Fried Rice👍🏻 熱辣辣，鑊氣十足👍🏻 粒粒分明👍🏻 煙靭飯香👍🏻 惹味👍🏻 原隻軟殼蟹👍🏻 香脆✔️ 泰式炒金邊粉套餐〔真心推介😋〕$131Pad Thai Set👍🏻 蝦爽口👍🏻 金邊粉彈牙👍🏻 足料👍🏻 賣相吸引配 辣椒碎 花生碎✔️ 泰式茉莉奶茶〔真心推介😋〕跟餐Thai Jasmine Milk Tea👍🏻 香濃茉莉茶香味✔️ 炸蝦餅 〔真心推介😋〕跟餐Fried Shrimp Cake👍🏻 大量蝦肉👍🏻 香脆彈牙✔️ 椰汁沙冰〔真心推介😋〕$48Coconut Milk

今日去荃灣廣場睇戲，睇完戲我地去左位於享和街新開的「泰Grill」食野，去到餐廳已經全場滿座，等左一陣就好快有位。香葉肉碎煎蛋飯份量十足，超多肉碎，夠撈晒飯黎食，香葉味道突出，肉碎肥瘦比例適中，朋友點了加辣，味道更惹味，肉碎上加上一隻荷包蛋，再將荷包蛋戳穿，蛋汁肉碎白飯撈埋一齊食，口感更豐富。原條泰式菠蘿海鮮炒飯用上原條新鮮菠蘿，誠意十足，炒飯入面有魷魚、蝦、青口等等海鮮，炒飯炒得夠鑊氣，飯粒粒粒分分明，不會太乾或太濕，加上入面有好多粒粒新鮮菠蘿，食落非常開胃。串燒拼盤豬、牛、雞各2串，串燒燒得剛剛好，肉質軟腍，串燒配搭沙嗲醬，無得輸。凍泰式咖啡&粒粒菠蘿梳打

好耐無食泰菜啦，襯住假期到訪了荃灣享和街的「泰Grill」。┈┈┈┈┈┈┈┈┈┈┈┈┈┈𐂐 ⠜香葉肉碎煎蛋飯 （7.5/10)炒飯份量十足，飯粒微濕潤，配上肉碎及煎蛋入口香辣惹味，不錯。𐂐 ⠜蛋包虎蝦金邊粉 （8/10)金邊粉以煎蛋餅蓋着，表面放上2隻金黃色的炸蝦🍤。炸過的蝦肉質香口彈牙，金邊粉同樣份量十足，麵條炒得乾身入味，味道甜甜地幾中意。𐂐 ⠜飛天通菜 （7.7/10)好適合配飯享用😆，通菜加入泰國麵醬及辣椒調味。每條菜都索滿醬汁，辣度約4分，單吃不會太鹹太辣。𐂐 ⠜冬蔭功湯 （小） （8/10）味道夠酸夠辣，開胃惹味🤤，配料有菇有蕃茄仔及長蔥，口感豐富。𐂐 ⠜芒果糯米飯 （8/10）以紫糯米及白糯米組成的糯米飯，配上香甜無渣的新鮮芒果🥭。糯米夠煙靭黏口，椰汁份量亦夠多，好滿足❣️┈┈┈┈┈┈┈┈┈┈┈┈┈┈

位於荃灣的泰grill 係間有特色嘅小店😍小編之前已經去過佢哋嘅將軍澳分店度 最近就開咗新分店喺荃灣🤣佢地嘅菜色有泰國口味 又兼備本地人嘅口味 唔會太過 authentic 😂😂 反而更易入口 整體嚟講 係一間值得光顧嘅小店.🐷牛魔王船麵呢碗船麵包埋好多料..無論係牛肉同埋菜 都幾新鮮同滋味 配搭得好 連湯底都幾美味個份量多到小編食到嗌救命😂😂.🐷手打青咖喱雞肉米線佢地嘅手打青咖喱好夠味 雞肉亦都嫩滑多汁 連個湯底都幾好味 夠晒清甜又唔算油膩.🐷泰式蝦餅泰式蝦餅非常香脆 蝦肉味道濃郁 又爽口彈牙擺脫咗一般油膩版本🤣🤣.🐷春卷春卷皮香酥脆 餡料亦都好實在😍.🐷燒雞髀菇呢盤燒雞髀菇嘅份量好足 一碟有兩串每一件都好大嚿🤣仲要整得幾好食啲調味好唔錯.🐷燒菠蘿呢個燒菠蘿嘅份量都好俾面 仲要啲菠蘿勁Juicy🥰.🐷芒果糯米飯芒果糯米飯都幾好食 唔會太甜膩 而且亦係同時有白糯米同埋紫糯米🤣 啲芒果仲要都幾清甜 .🐷珍多冰珍多冰都幾好味 叫咗少甜少冰啱啱好夏天咁熱飲番一杯超爽🥰.🐷泰式奶茶泰式奶茶都幾好飲 既冇太濃又冇太淡 而且茶味同奶味都幾平衡小編都係叫咗少甜少冰🥰幾符合小編口味😹.泰grill📍荃

泰國菜一般給予大家香辣濃口、大鹹大甜嘅感覺。今日去到荃灣呢一間，位於港鐵站鄰近兩分鐘路程嘅泰國菜，畀咗一種新嘅感覺我，就係原來泰國菜都可以食得好順口，唔重味、健康！之前食過佢哋呢間泰國菜嘅其他分店外賣，感覺都唔錯，意想唔到原來坐喺度堂食就更加好味我哋兩個人叫咗兩個午市套餐另外加咗半隻海南雞、一個小食、同埋一個甜品、兩杯飲品加加埋埋都係三百幾蚊都算係經濟實惠！🐔泰式無骨海南雞半隻海南雞係爽滑風格，有兩款泰式醬汁可以點，味道唔會過份濃搶咗雞嘅味，都係一個幾好嘅選擇！🍜冬蔭功海鮮金邊粉一碗海鮮真係大滿足！裏面有青口、蝦、鮮魷等等嘅配料，材料豐富，冬蔭功都唔會係大酸大辣嗰種，可以適合返香港人嘅口味❤️🦀泰式蟹肉炒飯人手拆嘅蟹肉係非常多功夫！如果幾十蚊嘅價錢已經可以食早一碟用人手拆蟹嘅炒飯，其實真係抵到非常！配料有青豆粟米等等，呢個飯嘅重點係唔辣！可以食到蟹肉嘅鮮味🦐泰式炸蝦餅如果話佢係蝦餅，又應該調一調轉講，應該叫佢做蝦波😂因為佢圓圓嘅外表，真係令人留下好深刻嘅印象🍰泰式椰汁糕唔好以為椰汁糕一定要係下面有啲西米粟米軟綿綿嗰種，其實呢一款爽口嘅椰汁糕真係好清新，同埋唔會太甜，食起嚟真係好有夏天嘅感

去左荃灣探朋友，就來到剛新開張的泰Grill食泰國菜，店舖雖小，但不乏附近的街坊捧場，絕對嚟之前一定要book位。👭🍽️🇹🇭✨ 泰式奶茶（$22），茶底和甜味調製得剛剛好，又唔會好甜，茶底的紅茶味夠濃夠香。🧋🌿✨ 椰汁沙冰（$48），沙冰系列有多款選擇，是夏日的期間限定，我最愛還是好有泰國特色的椰汁口味，沙冰打得冰感綿滑，濃濃的椰汁，好有透心涼的感覺。🥥🍧✨ 手打青咖哩（$88），青咖喱一大碗，比較似湯咖喱，青咖喱加入椰汁、薄河葉，味道濃郁，咖喱汁辣度落到喉龍時幾有後競，青咖喱伴椰菜、豆角、西蘭花，而且牛肉幾有牛味、煮得好腍，份量都算幾多。🍛🥬🐮✨ 焗蒜蓉包（$38），蒜蓉包大塊又焗得香脆可口，熱騰騰脆卜卜的蒜蓉包配青咖喱確實是美味配搭。🥖🧄✨ 軟殼蟹蟹肉炒飯（$108），簡單的蟹肉炒飯，味道鮮甜，真是百分百用人手拆蟹肉，蟹肉佔整個炒飯的份量都算多。另一亮點就是原隻軟殼蟹，炸得金黃酥脆，蟹味味道濃郁，真係睇得又食得。🦀🍚🔥✨ 芒果糯米飯（$58），黑白糯米拼做心形賣相已經好吸引，白色糯米煙煙韌韌，黑糯米相對較有咬口還帶點清香的味道，濃濃的椰汁包圍着整份的黑白糯米飯，每啖都夠晒滋味。夏天同

之前已經在中環吃過這間泰國餐廳，最近餐廳在荃灣開了分店，所以我特意前往再試😈餐廳由泰國廚師主理，菜式份量足夠，味道正宗，價錢亦很親民，難怪當日吸引了不少街坊🙈- 生牛肉船麵 $65湯底顏澤較深🥣，味道濃郁甘甜😙，麵條幼身軟燸🍜，掛湯能力不錯，生牛肉肉質軟腍，入口嫩滑，炸豬皮香口酥脆😛- 肉碎生菜包 $82半肥瘦豬肉🐷碎以薑蔥及蒜頭🧄炒香，配上清新爽脆生菜🥬，口感豐富👍🏻- 汁煮魷魚 $138口感爽彈，味道新鮮，配上酸辣醬調味，滋味可口🥰- 泰式奶茶 $22茶底絲滑清透，奶味濃厚🍼整間餐廳性價比很高🤣，加上款式很多樣化，大家經過不妨來試試🤩

呢排天氣熱冇乜胃口，最好食泰國嘢，酸酸甜甜開胃啲。今次陳生上網搵左間好評如潮位於荃灣既泰國菜，佢有幾間分店，荃灣店新開。📍荃灣 泰Grill我哋食左：🌟必推：豬頸肉炒飯💰85陳生必推，炒飯有椰汁做調味，好香好開胃，豬頸肉焦香表層好滋味。🌟串燒3串（雞牛豬）💰48我哋落左3串好幸運大廚🧑‍🍳今日心情好比多左我地，3串串燒先💰48本身都好抵食。串燒既火侯岩岩好，啖啖肉，沙嗲汁都好正宗。🌟西蘭花🥦炒蝦🍤仁💰78蝦仁好彈牙，冇冰鮮味。西蘭花同蝦仁數量好多。🌟泰式船麵（雞肉）💰62最近天氣熱冇乜胃口，食船麵就最岩啦。湯頭好濃，麵質爽口，雞肉唔鞋，數量好多。仲有必製炸油條。🌟椰汁沙冰💰48椰汁沙冰一睇個賣相就知椰汁好濃。椰汁同冰既比例應該係9:1，所以椰汁味好濃，但又夠凍，飲完又想飲，夏天真係好需要黎一杯沙冰🍧。🌟椰汁糕💰28見椰汁沙冰表現咁好，緊係試吓椰汁系列既椰汁糕，椰汁糕晶瑩剔透，同樣椰汁🥥味好出，上面係椰汁糕，下面係椰青水糕。總結：泰Grill 價錢親民，味道正宗好味，特別係椰子系列，絕對值得一試。📍 泰Grill (享和街) (荃灣)荃灣享和街53號都城大樓地下E1號舖10分滿分味道：8

最愛吃泰國菜的我，晚上在荃灣找到間吃泰國菜既小店《Thai Grill》，突然好想食「泰式生蝦刺身」😋，特別是其酸酸辣辣，刺激感極重的醬汁，再配搭埋生蒜片一起吃，鮮甜爽口。例牌必點「泰式肉碎生菜包」，這裡可以配合個人口味選擇小辣，清爽可口的生菜，包著香辣惹味的肉碎一起吃，立馬精神一振😉抵食串燒，88元半打，三牛三豬，串燒跟沙嗲永遠是絕配，滋味無窮😍最後嘆番杯「珍多冰」，非常香濃既椰汁味道哦！😊

想同朋友補祝生日～先發現荃灣有好多泰國菜見到呢間好多好評就決定嚟試下～星期五夜晚朋友大約6點15左右先到達職員告知當晚訂座已滿需要門外等待訂座客人缺席先可以入座果然好受歡迎！我大約6點半左右到職員表示可以安排入座但需要7點半前離開！特地嚟食泰國菜嘅我地當然無問題啦打開餐牌 選擇好多～但我地兩個人好快就決定好要速戰速決兩個人點左3個菜2杯嘢飲：#泰式燒雞（半隻）$148建議先點！因為需時20分鐘上菜好快！可能因為要7點半前交檯！熱辣辣嘅燒雞～外皮好脆！好juicy!好入味！好值得叫！#泰式船麵（豬肉）湯底好濃！但我其實唔係好識分越南河粉同船麵感覺好似🤣但啲麵索哂湯好正！#肉碎生菜包每次食泰國菜都好鍾意點呢個個人唔食得辣感覺呢個比其他地方食過嘅辣少少！不過生菜量好足～唔洗擔心最後剩係食肉碎#泰式蛇皮果梳打 $38睇menu見到幾特別就試下～雖然唔知咩係蛇皮果飲落酸酸地但係易入口！有啲似酸梅？但唔會好酸個人嚟講好鍾意可以解下辣～#珍多冰 $38朋友就點左呢個～應該係益力多？乳酸？成餐飯超滿足！！不過見到檯檯都差唔多點左個虎蝦冬蔭功！推薦想食泰國菜嘅朋友！有好多都想試～會再嚟（記得早啲訂位先

🥢海鮮冬蔭功湯金邊粉$68好多海鮮有蝦青口同魷魚，冬蔭功湯頭濃郁，香辣有層次。🥢泰式海南雞（半隻）$138海南雞去咗骨啖啖肉，雞肉柔嫩多汁，配搭泰式醬料，增添泰式風味。🥢豬頸肉酸辣沙律$78豬頸肉經過炭燒後，仲保留肉汁，沙律唐芹絲，紅蘿蔔，洋蔥絲，拌酸辣汁，非常開胃可口。🥤芒果沙冰$48芒果沙冰微甜，為炎炎夏日帶來冰涼感。🥤凍檸檬茶 （跟餐+ $5）有別於一般港式嘅檸茶，味道特獨，一問之下，原來餐廳採用泰式茶葉做茶胆，味道清新帶點酸梅味，令人回味無窮。

陪朋友去荃灣西嗰頭買貓糧,突然落起雨,近近哋去咗附近一間新開冇幾耐泰國餐廳醫肚😋雖然唔係好大,裝修簡約企理！🐖燒豬頸肉$78份量都算多,豬頸肉燒得表面焦香之餘又保持到肉汁,再蘸上特色酸辣醬汁,香濃惹味!🤤🦐蛋包虎蝦炒金邊粉$128虎蝦新鮮肉彈,蛋包金邊粉炒出嚟不會太乾,意料之外嘅好味, 酸酸甜甜好開胃,真係好正宗泰國地道style!值得推介！😋🥗飛天通菜 $72通菜翠綠鮮嫩,用香濃既泰式麵醬及辣椒炒🌶️雖然辣咗小小,但好惹味！真係又愛又恨😅當然叫杯冰凍嘅泰國咖啡解下辣啦！🥭芒果糯米飯 $58芒果香甜,一半紫米一半糯米,口感軟糯,份量唔係好大啱啱好,淋上椰漿配搭好夾,食完好滿足🤤

#chuchu食在荃灣📍 泰Grill荃灣又有新餐廳！🐷當然要去食！真•泰廚！💡泰國生啤仲有買一送一！—————————————————————❣️ 豬頸肉 $78食泰國嘢一定要嗌豬頸肉！燒得超香又唔乾身🤤個汁好加分位，一定要點黎食，食得出嘅芫荽味！.❣️ 蛋包虎蝦炒金邊粉 $128泰國菜必食Pad Thai!!! 蛋網包住賣相100分！炒得好入味，仲有2隻虎蝦，好juicy 口感彈牙，粉咸咸甜甜，撈埋花生碎真係100分.❣️ 飛天通菜 $72通菜夠新鮮，好爽口！微辣好惹味！.❣️ 珍多冰 $38超大杯！真係好耐冇見咁大杯嘅飲品🤣綠色既珍多口感爽滑，有啲煙韌！❣️ 粒粒菠蘿梳打 $38真係有一粒粒嘅菠蘿！又係超大杯.💬係荃灣廣場附近！好方便！————————————————————— 不專業評分👅好味指數: 7.5/10 💰性價比: 8/10👍🏻推薦: 7.5/10 —————————————————————🏡地址: 泰Grill (享和街) (荃灣)荃灣享和街53號都城大樓地下E1號舖👉🏻中環將軍澳都有分店🕑營業時間: 12:00-21:30 （21:00 last order）——————