泰Cow

营业中

休息中

上水泰Cow今日同朋友去咗上水泰Cow試吓佢哋嘅泰國菜，真係幾有驚喜！首先叫咗個泰Cow炒米，鑊氣十足，米粉炒得乾身又入味，加埋啲蝦仁同蔬菜，口感豐富。重點推介係佢哋嘅泰式海南雞，雞肉超級嫩滑，皮薄肉厚，仲要係去骨嘅，食落好方便。配埋個秘製醬汁，酸酸甜甜帶少少辣，真係好開胃！。炭燒沙嗲雞肉串都值得一試，炭燒香味好突出，雞肉醃得入味，咬落去juicy唔會乾爭爭。沙嗲醬濃郁得嚟唔會太膩，仲有少少花生碎增加口感。最抵食一定係佢哋嘅泰式咖哩炒大頭蝦半價優惠，原價要成$198，而家只需$99就有大大碟！咖哩香濃帶椰奶香，大頭蝦新鮮彈牙，仲有好多配料。不過要注意呢個優惠每台只限一份，而且18:00後先開始供應，公眾假期就冇得享用啦。整體嚟講，上水泰Cow嘅食物質素唔錯，價錢都算合理，特別係個半價優惠真係好抵。環境乾淨企理，服務都幾周到。如果想食泰國菜又唔想太貴，呢度都係個唔錯嘅選擇。記住想食平嘢就要睇準時間去啊！

同friends去到上水廣場食泰國菜，食泰國菜既首選必點咖喱大蝦，咖喱汁份量相當多，配搭飯同麵一齊食就好惹味，大蝦有25cm長度又開兩邊，讓蝦肉索入咖喱汁，鮮香美味，食埋蝦頭既膏就好正喇。芒果鴛鴦糯米飯，舖上香甜泰國芒果，好啱配搭芒果糯米飯，食落糯米同黑糯米都夠煙韌，加上椰漿真係無得輸。金磚蒜蓉包，金黃色澤，外層香脆，帶有濃郁既蒜蓉味。泰式滷水豬手，豬皮Q彈，加入醬油滷豬手，香滑軟綿。香茅雞翼好入味，散發出香茅鮮香味。熱柚子蜜，柚子既清爽風味，so chill!

朋友最鍾意食泰國菜，帶埋我一齊食。去到泰cow揀咗咖喱大蝦，咖喱汁夠香濃惹味，唔會太辣同埋份量多，我地share一齊食都足夠。開邊大蝦好長，成隻手掌咁大，食落都好彈牙，我就勁鍾意咖喱有棷香。菠蘿海鮮炒飯嘩…原個菠蘿盛載香噴噴既炒飯，有多款豐富配料，大蝦、海鮮配料、腰果、菠蘿，配料新鮮，so refreshing。肥牛冬陰功湯金邊粉，金邊粉爽滑，肥牛嫩滑、蟹柳、蝦，配料想不到好多。金磚蒜蓉包，大大件，熱辣辣食就最正，包沾上蒜蓉味好香濃。椰汁雞湯泰式湯帶辣的香味，加入椰漿提鮮﹐口感順滑，喝了幾碗好醒胃。龍眼水，香氣四溢，龍眼甜蜜，滋潤喉嚨。泰式素春卷，春卷包裹住素菜同咖喱汁，外皮卜卜脆，食落唔覺油膩。椰青獨特既味道，清新既香味，令我回想起去泰國回憶。

趁假期去北上消費，回到上水廣場去食飯醫肚，朋友想食泰國菜，泰 cow 餐廳有我地鍾意點嘅嘢食。泰式咖喱大頭蝦， 蝦肉爽脆彈牙，咖喱加入椰香，香味撲鼻。金磚蒜蓉包，厚身金磚，聞到香噴噴嘅蒜蓉香味。泰式素春卷， 爽脆口感。無骨滷水豬手配飯，滷水汁味道好香濃，豬手軟綿綿，補充膠原蛋白。雜菜炒粉絲， 菜好新鮮，粉絲夠爽滑。芒果蟹肉炒飯，炒飯粒粒分明，配香甜芒果，好味道。香茅雞翼、香茅豬扒，有香茅嘅鮮香味，食落啖啖肉。士多啤梨沙冰，清涼口感，每口都有士多啤梨果蓉。飲鹹檸梳打，梳打夠氣又帶有檸檬嘅香氣。泰式檬檸綠茶特飲，so refreshing。

見到OpenRice上嘅食評話服務好差，諗住母親節開開心心食飯，職員應該唔會真係咁差掛。點知就中伏，上菜好快，但係職員一直木無表情。心本着唔緊要啦，我嚟食飯啫。等佢上晒菜之後，然後一家人齊齊整整食飯，叫職員幫手影張合照，佢黑晒面答我唔得閒😱😱😱但當時女職員並不是很繁忙，我見到佢企喺度我先向佢詢問。差唔多食完，女職員好像趕客一樣，黑晒面不停收枱上面的東西，不時白眼我們，想我哋快點離開，佢要關門收工😔😔😔

7個人點左有8，9個餸，收銀個男職員態度極差1.海南雞好柴超級難難食，個炒飯個飯好酸，入邊的料特別淡，唔係炒出來，宜係合成品2.河粉太硬，屋企人同收銀提議下，收銀話先埋單，埋單後不理會我地，都應該冇會再幫襯佢。咁樣職員都請，遲早吉舖3.個蠔烙餅，蠔唔新鮮，同埋個包菜肉都非常一般，個燒烤串肉太甜，肉都冇汁，基本上這家店的出品都係工廠貨，冇特色掛個泰國菜名。全場唯一認可係個馬來通菜，夠有味。第一次去食，都係最後一次，不推薦

行吓商場，無聊睇下食乜嘢，原來呢度已經開咗成年都唔知🤔反正好耐都未食過泰國菜，今日就吃吃吃…….😇呢度嘅食物和招呼都唔錯🥰—————-金磚蒜蓉包：必吃的蒜蓉包，真係成舊磚嘅賣相，咬落外脆內軟熟，又鬆軟，好味道😋———————-沙爹炭燒/雞/豬：沙嗲好惹味，雞肉🍗、豬肉，燒得夠香軟熟有肉汁——————-秘制滷水豬手：豐富的骨膠原、秘制的滷水配上一個甜酸的醬汁又吃出另一番的滋味——————-肉片炒椰菜：椰菜夠爽甜、足料的肉片———————-咸檸梳打：食泰菜最啱口味的飲品椰青：又是食泰菜最配合的一款飲品————————泰菜的特色，食物的出色😉其實開心🥳簡單就在我身邊😇食….拍…寫.. 已經成為我生活中的一部份鍾意食..鍾意拍.. 鍾意寫..留下美好回憶——————

上水廣場呢間泰式餐廳都開咗一段時間，呢日終於有機會同朋友一齊嚟試吓，餐廳環境座位唔算太多，但都算闊落，菜式選擇都幾多，我哋叫咗菠蘿炒飯，蠔仔炒蛋，炒金邊粉，豬頸肉，春卷同埋蒜蓉包，味道都唔錯，可以一試，特別係蒜蓉包，四四方方熱辣辣，仲配埋青咖喱同黃咖喱汁可以點嚟食，本身想再encore蒜蓉包，但店員話已經賣晒啦，唯有下次再食啦！飲品方面，唔記得影相，但印象中飲品比較甜，糖水成份比較多，可能飲返原個椰青會穩陣啲！甜品叫咗個芒果糯米飯，都係唔記得影相，但就記得好好味，下次幫襯會再叫！

今日12點幾走左入去食lunch 一入到去經理已經好快帶到我埋位叫左泰式肉碎炒飯 凍檸茶 食物飲品都正常以為可以順順利利正正常常食完個lunch攞嘢食嚟嘅後生女仔樓面 首先一嘢撞落我張枱再放低食物我以為唔小心姐 好小事就由佢點知係我食緊嘅途中 係我後面經過間斷性撞落我凳度2-3次 我都算 忍住可能迫中途 隔離枱食完野 佢執完台 仲要攞個meun 掃啲風落我張枱度 我仲食緊野 真係唔知佢掃咩啦點知就嚟食完差唔多 佢同另一個後生男仔樓面傾緊計 一野大力再撞落我張凳度仲要撞完我望佢 佢望我 係擺明知佢撞到我道歉sorry都無句就掉轉頭我真係著火真係忍唔住問個經理個女仔撞左我好多次 仲要扮唔知 係咪我得罪左佢 個女仔見我問經理態度180度轉變無辜樣話唔知 到最後走個女仔都係無同過我道歉 講完仲係同緊個後生男仔講緊話佢唔知 佢無辜咁 我想講你咁大力一野撞落嚟你會唔知？ 真係好攞命想講樓面請岩人真係好緊要 pt或者ft都好因為個女仔 我成餐都食得好唔愉快

本人一行三人一同食晚餐, 發覺入邊嘅侍應非常懶惰及冇禮貌係樓面一名戴眼鏡嘅女侍應,完全唔適合做侍應,對住客人嘅提問呼呼喝喝食物質素非常一般, 餐廳價錢但係食物質素就非常普通，可以話泰國餐嚟講唔係太合格當晚叫了幾碟小菜，包括咖喱海南雞等等都真係幾難食、啲咖喱牛肉好韌嘅另外隻雞好鞋亦都冇味唔會再去幫襯

午餐好耐無去上水廣場食見到呢間泰國野就試下叫左個蟹肉炒飯蟹肉吾多，撈埋去d 炒飯度，同普通飯無乜分別，如果40幾蚊我都接受但埋單73蚊，有d 不值了，我去食茶餐廳好過

叫左個青咖喱雞飯 加左個小食 香茅豬扒 連埋野飲90蚊 如果好食既話都接受到一上枱就試下個咖哩雞 一食落去都吐返出黎 啲雞有浸講唔出似係雪味既怪味 成個飯我剩係用個咖哩汁黎撈飯食 啲雞完全食唔落口 唸住好彩我醒叫左個豬扒黎食 點知個豬扒鬆肉粉落得太勁 淋到唔似食緊肉 同埋一啲香茅味都無 食完無下一次啦 經過見到唔明點解仲有人食 係咪我唔簡雞同豬就ok?

晚市6點幾已經冇河炒menu內選擇又少。夾硬叫了個菠蘿炒飯，炒菜，咖喱雞（有雪味）。埋單都3到尾。平時食雞都唔識得食出雪味，今次都係第一次。難食，都係靠d咖喱汁蓋過浸味食埋佢。應該冇回頭。

假期不想出市區又想食好味泰菜，尼開新開小店絕對係好選擇。價錢合理，食物調味恰到好處，店長店員服務好親切。分別食過午市套餐，下午茶餐及晚餐，性價比都很高。食物方面，冬陰公湯味道正宗，咸魚炒椰菜簡單而味美，黄咖哩牛肉椰香味十足，海南雞肉質嫩滑，蠔仔蛋蠔仔肥美夠鑊氣又不油膩，馬拉盞肉碎茄子很有特色。見隣枱的串燒，蒜蓉包同酸辣鳳爪都很吸引，下次一定會試埋。長輩們很喜歡，之後應該會時常光顧，希望店主繼續努力再開分店至粉嶺就更方便他們了。