泰.越.港 (已結業)

從來都無諗過係中環商業大廈立林既地方入面，都有一間價廉物美既泰越菜式。而MeKong泰.越.港坐落係嘉咸街小巷入面別有一番風格。而店入既面牆身既裝飾，亦充滿時代既味道，好似置身舊時香港咁。晚餐價錢亦算平，兩個人加埋都係300蚊左右埋單。 因為抱住貪心樣樣都想食下既心態，所以就無叫到套餐，反而叫左好幾種野去試，但全部都係同一個答案就係『 全部都無令我失望!』 每樣野都覺得好夠味，性價比高。咁多樣野食入面首選推廣泰式咖哩炒軟殼蟹加泰式黃金烙餅依個組合，烙餅加咖哩去食一定係最好味，一定唔可以錯過。

.依家暑假已經開始😋岩岩星期六日同男朋友去長洲渡假玩左2日坐返船出黎中環呢邊搵dinner食呢間泰菜之前都黎食過覺得幾好 今次一於再黎食晚餐！.Dinner set 有湯 主餐 小食 飲品 非常豐富 價錢仲十分合理香葉肉碎太陽蛋飯係我最愛 肉碎炒到好香 加上豆角粒 調味料 辣椒等等 好惹味 太陽蛋仲有流心效果 蛋黃撈埋一齊食真係好正🤤小食我揀左泰式酸辣無骨鳳爪酸酸甜甜好開胃口 仲要無骨 啖啖肉👍🏻配返杯龍眼冰😍好足料 清甜 好多龍眼果肉.男朋友就揀左越式生牛肉湯河 配 柚子梳打生牛肉肉質嫩滑 唔嚡口 想食熟少少牛肉既客人可以將牛肉浸係底 過一陣先食🤍湯底味道算清甜 不會死咸 飲2啖湯都無罪惡感😚

今日約咗兩位朋友食飯，佢就喺中環附近返工，為咗方便佢我哋就決定出中環食飯。咁啱我又想食泰菜。無意中比我發現到呢間泰菜餐廳，咁就決定拍板食呢間餐廳啦。餐廳面積唔算大，但係亦都唔會話坐得好迫夾。餐廳嘅裝修都好有特色。由於我遲到嘅關係。朋友已經決定食咩喇。例牌海南雞，雞肉肉質勁滑。雞皮同雞肉之間有一層啫喱。非常好食。泰式冬陰雞炒河，雞肉嘅數量算多，而且河粉炒到勁爽口。雞肉串燒同豬肉串燒，兩串串燒勁惹味，又唔會燒到過晒籠。炸蝦餅同泰式春卷，蝦餅勁大嚿，炸到脆卜卜。黃金烙餅，呢個餅配青咖喱嚟食可以和係一流。整體來講成餐飯都好出色，而且價錢都唔算貴，值得大家一試。

今日來到中環覓食，無意中發現左一間好抵食而且好食既泰國菜，仲抵過九龍城，真係無諗過中環都有平野食😆最抵食就係自選餐，$148選一主食+一副食，主食要左招牌海南雞，雞肉好嫩滑，而且仲係無骨，個自家製醬汁又好味😋，副食要左泰式青咖喱豬肉，入面有好多蔬菜，我鍾意佢有圓形既茄子仔，自選餐已包2飯+2湯，二人份量，我地唔要白飯加$48轉泰式冬陰雞炒河，河粉好有鑊氣，而且辣辣地好食，$48 追加左碟馬拉盞炒通菜，呢個係屋企好難炒得好食，一定要係出面泰國鋪食，叫套餐仲可以7折叫飲品，當然要叫返杯椰汁冰啦😍餐廳仲用上環保飲筒抵讚而且佢可以追加小食，重點係無限制，唔止追一款！！於是加左蝦餅、豬串燒、雞串燒、泰式春卷、泰式黃金烙餅，烙餅配青咖喱個汁簡直係絕配呀，串燒又燒得好惹味，蝦餅自家製夠厚身，呢間小鋪仲要無加一服務費，真心抵食呀

咪睇中環商廈林立，名店滿街，買下o野食下飯就一定係高消費；其實呢個地方存在住好多橫街窄巷，近在咫尺，卻可以係個截然不同o既世界。o係呢d 小巷迷走，掃下攤檔執下平o野，發挖下新餐廳，都係一種樂趣！呢間東南亞餐廳位於嘉咸街，食完行番出皇后大道東都只係幾步路。晚餐$70 幾$80，已連湯、頭盤、餐飲同甜品，仲想點？餐湯似乎係胡椒豬肚湯，胡椒味重，亦都帶點甘甜。要讚一讚，佢呢d 頭盤雖然係跟餐，但都有成5 款可以揀，同埋份量唔細，直情可以當係side dish！迷你泰式酸辣無骨鳳爪酸甜爽口，開胃一流；泰國風味沙爹雞肉串燒(可以要豬肉都得) 有兩大串，蘸上惹味醬汁；而迷你泰式肉碎生菜包可以自己包下包下，有得食有得玩，不過要留意呢個d 肉粒本身比較辣~海南雞飯係餐廳o既招牌菜，當然要試下！Mekong 海南雞飯配油飯($85) 有住滑滑鮮嫩o既雞肉，起晒骨一啖一件夠過癮，佢另外附有一款蒜蓉酸辣醬，點埋就更加完美。配搭油飯，雞油之中仲有點香茅o既氣息。菠蘿海鮮炒飯($85) 係一大兜，裡裡外外都好足料，外面瀋上肉鬆同花生粒，裡面埋藏o左多隻大蝦同魷魚等等o既料，食完會讓十非常飽肚滿足~ 泰式乾炒河

係中環正正常常食個晚餐差唔多最平都要$200-$300啦, 講緊係每人朋友話唔洗架, 有間幾正宗, 幾好味既泰菜, 每人百頭就得咁梗係去見識下啦, D晚就同佢去食 位於中環嘉咸街, 其實係一條斜路行幾步就到, 其實都幾方便泰式春卷-$10我地叫左個二人SET再ADD ON加D小食, 首先黎到泰式春卷, 係好熱好脆口的, 而且入面放面唔同既料, 幾有口感豬肉串燒-$20平均$10串, 抵啦, 肉燒得好香, 但入面仲保留到肉汁, 加埋個沙嗲醬冇得輸迷李生菜包-$25話就話迷李, 但兩個人食都有三舊, 我覺得夠啦, 個肉碎炒得好香, D香料好吊味, 加埋生菜既清新口感, 我鐘意!例湯話就話係例湯, 但唔係中式港式果D, 係濃濃既泰式風味, 係有濃厚既胡椒味煮成既一個湯海南雞個SET既其中一個主菜, 雞好嫩, 而且好滑, 食D個真係諗起係泰國旅行既開心日子咖哩牛腩煲而另一個SET我地就揀左咖哩牛腩煲, 牛腩係有肉又有根, 口感豐富, 而且咖哩真係好好味, 好送飯餐係包兩個飯的, 我地一個係加三蚊升級做油飯, 襯雞好食好多, 而白飯當然係襯返咖哩啦另外叫D個SET可以七折叫野飯, 我叫左個泰式珍

近排天氣熱辣辣，出一出街都成身大汗，攪到個人無晒胃口。有人話要帶我去食惹味的泰菜，原來睇中咗嘉咸街呢間「MeKong 泰.越.港」。餐牌除了有不少醒胃的頭盤、泰式咖喱、粉麵飯等之外，仲有越式湯粉、撈檬及泰式甜品等可供選擇。點咗兩個一人晚餐，另外再加咗碟炒菜。每客晚市套餐都會奉送餐湯、小食及熱飲。是日餐湯為泰式清雞湯，湯身熱辣辣，味道好清甜，內有適量冬瓜。小食揀咗泰式炸春卷 同 泰國風味沙爹豬肉串燒，春卷炸得極其脆口，內有紅蘿蔔絲和蔬菜絲等，配酸甜醬吃，好惹味。串燒即點即燒，香嫩肉串加上極濃花生味醬汁，簡直係完美配搭！Mekong 海南雞配油飯 ($85)：海南雞同油飯分開盛載，兩大碟，分量十足。雞件賣相唔錯，望落有油光，雞皮爽薄不肥，雞肉嫩滑富雞味。伴吃的泰式辣醬亦甚具風味，入口有新鮮辣椒的味道和層次。連油飯都好有水準，聞落香噴噴，粒粒分明帶油香，有咬口又不會過硬。另外呢碟雞肉泰式乾炒河 ($78) 口感亦一流，大大碟，分量不少，而且上桌時香味四溢，令人食慾大增。河粉炒得鑊氣十足，味道均勻，香而不辣，入口乾身不油，配上嫩滑的雞肉，更加滋味。馬拉盞炒通菜 ($68) 通菜色澤翠綠，炒得好

喺OpenRice見到MeKong泰.越.港做緊外賣自取$100平$60，即管就係OpenRice個Apps度手機訂了MeKong泰.越.港. 試落單啦, 因為可以剛剛好一百蚊多D,  $46 +  $55, 總共＄101，即係＄61兩份食物加兩杯飲品。12.24下單，12.00轉為可取，由士丹利街街頭行到盡頭...... 終於行到餐廳門口, 一到即可取的確方便!!  係中環其實都有平靚正既餐廳 依間泰國野好似都幾新而且好＂平＂食完之後，我嘅評論係.....其實不過不失Mekong海南雞配油飯 $46海南雞飯嘅辣醬汁味道唔錯更有風味，雞皮薄，雞睇落個樣都唔錯，去左骨，雞嘅肉質都幾嫩滑份量都OK，但味道偏淡，油飯個飯有加熱過但略為濕身!!泰式虎蝦炒金邊粉 $55虎蝦金邊粉份量好大兜，金邊粉炒得都幾乾，兩隻細細既鳳尾蝦好鮮甜但無膏，炒得好入味酸酸甜甜好開胃。泰式奶茶 正宗泰茶嘅餐廳，相比港式奶茶奶味同甜味都勁啲泰式檸檬茶其實無乜特別，可能用上青檸檬，其實無黃檸檬咁好飲

經朋友介紹話呢到有間隱世泰菜唔錯所以黎試下～店舖唔算好大好顯眼，但睇門口menu非常多食物種類揀。小食先叫左呢個泰式拼盤，熱辣辣即叫即炸好脆口，串燒個汁好好味，而且豬肉都好林身。食泰野真係一定要食通菜，叫左呢個馬拉盞通菜好濃味好好味，好夾口。呢個虎蝦金邊粉份量好大兜，隻虎蝦好鮮甜好大隻，炒得好入味酸酸甜甜好開胃。我好鐘意食泰式咖喱，因為泰式咖喱會加蛋漿無咁稀，配埋個薄餅黎食真係好好味，咖喱唔太辣仲有少少甜，d軟殼蟹沾滿哂咖喱汁好正。

係中環其實都有平靚正既餐廳 依間泰國野好似都幾新開既 夜晚2人餐有兩湯兩餸兩飯都係$148跟餐飲品有7折 揀左杯龍眼冰($20) 落單嗰陣話要少 甜落單個哥哥仔話冇得少甜 不過叫我放心唔會好甜... 飲落又真係ok喎! 係清甜唔係死甜仲有好多粒龍眼肉食添!加$48可以用白飯轉炒飯/炒 揀左每次食泰國野必食既炒金邊粉 以為份量應該少過單點既 點知都唔細碟 夠兩個人食~ 有兩隻細細既鳳尾蝦 金邊粉炒得都幾乾身 幾岩我口味👍🏻黃咖哩牛腩煲 - 用煲上keep住熱辣辣 牛腩炆得淋得黎幾有牛味 仲要有好多舊!! 仲有幾大舊牛筋 反而比較有咬口 我就懶得咬🙈 雖然都有好淋既薯仔撈汁 不過都忍唔住加左份泰式黃金烙餅 ($12/4塊) 點咖哩食🤤 泰式豬脾 - 豬髀份量都幾多 肉夠淋同入味 另上個泰式汁酸酸地中和下食咁多肉既膩 二人餐以外仲嗌左沙爹豬肉同雞肉 ($20/份) 肉唔乾身 沙嗲汁幾濃 所以無另上汁都夠 最後埋單個陣送左兩件甜品 一層層既 好似椰汁糕同椰汁啫喱咁 幾得意喎耐唔耐聽到廚房講一兩句泰文 應該係泰國主廚😆🙏🏼

📍MeKong泰.越.港 (中環)中環嘉咸街7號地舖Set for two自選餐👍$148主食：泰式豬脾(例牌)副食：泰式黃咖喱牛腩煲豬脾勁腍，軟綿綿，好入味，一定要加特製醬汁，酸酸甜甜，特別開胃。黃咖喱牛腩煲，我個人超級鍾意，必食推介。牛腩夠多，牛筋亦都多，配上黃咖喱，好惹味，真係撈飯一流😎泰式冬陰雞炒河無要白飯，另外加咗$48升級轉炒河。即叫即炒，超有鑊氣，而且有少少辣，辣得都幾過癮🌶焗法式蒜蓉包Add on加$10自選。蒜蓉味再重啲，效果更佳👍泰式三色冰+泰式黑糖珍珠奶茶🧋跟餐叫飲品，正價七折。大概$20一杯，價錢合理，整體唔算太甜，味道都唔錯😊跟餐會送是日餐湯，味道就比較普通。

第一次試，係因為Openrice 食評唔錯兼外賣自取有65折，但食完之後，我同阿sir嘅評論只得一個字＂平＂。🥢泰國風味沙嗲豬肉串燒(3串) $48⭐️唔似新鮮豬肉，口感奇怪又無豬肉味，沙嗲醬又少又唔濃又唔花生🥢泰式虎蝦炒金邊粉 $142⭐️金邊粉似乾炒咁，一啲汁都無，返到屋企黐到成嚿嘢咁，虎蝦迷你蝦頭又無膏，收呢個價食水太深🥢泰式咖喱炒軟殻蟹 $130⭐️⭐️咖喱汁唔辣但幾香，軟殼蟹太細隻無肉又無膏🥢泰式椰汁雞湯 $94⭐️⭐️⭐️⭐️椰汁香濃幼滑少辣，飲得出有香茅、檸檬葉同薑味，超好味，雞肉滑溜份量又多，必試推介🥢焗法式蒜蓉包(5件) $36⭐️⭐️⭐️雖然凍咗啲，但仍然香脆可口，蒜蓉牛油香味十足，蘸咖喱汁一流二人共消費：$240 (foodpanda 自取價)

今晚屋企無飯開，就乘少少機約咗老友短聚，佢話就我，就揀咗晌番中環食，小弟一收工就可以過到嚟。佢話想食泰國嘢，就揀咗間小店「泰潮」，因為食過兩次外賣，真喺幾唔錯。但過到去，原來已經轉咗名「MeKong」（泰.越.港），但睇落好似只喺轉咗個招牌，鋪面格局跟以前喺一樣。反正嚟到，我哋對食嘢又唔喺高要求，隨遇而安啦！咪睇個鋪面細細，入到去，成個鋪位都幾深，雖然喺小店，目測所見都大概有40個位左右。間隔晒膠板、一般防疫都做得妥妥當當，加上晚市人流較少，客人亦識各自走位，所以，用餐都感覺安心。雖然裝修就簡簡單單，勝在夠乾淨企理，但兩邊牆貼上香港晚上街景，又用「魚檔」常見嘅燈罩，睇起嚟比較有香港地道特色，所以，似一家地道茶記，多過一間泰越菜館，哈哈。打開餐牌第一頁，就喺個一人晚餐，亦喺睇勻散點、二人餐，呢個一人套餐最划算，又可以試得嘢多。套餐包餐湯、小食、飲品及甜品，共10款選擇，定價都哋$73-$85，而飲品亦可加錢升級。便就介紹埋佢哋嘅散點餐牌，同樣選擇多多，由頭盤、沙律、湯品、咖喱、飯麵、檬粉、主菜、蔬菜、甜品，到各式飲品，都一應俱全，從定價所見，尤其以中區而言，更屬於經濟實惠。此外，上面都提

又黎到星期五嘅晚上~放工又係同朋友食返餐好嘅時候☺️由士丹利街街頭行到盡頭終於行到餐廳門口餐廳位於內街小巷裏面🏘平日未必會經過見到設計係好簡單泰國平民飯堂樣唔知係咪樓底偏矮顯得餐廳好細但其實可以容納差不多30人枱與枱之間都唔會好迫好近到睇menu嘅時候選擇困難症又發作😆3個人決定乜都order一餐！泰式奶茶 $22又一間飲到正宗泰茶嘅餐廳相比港式奶茶奶味同甜味都勁啲依樣亦都係我中意飲泰茶嘅原因😍紅豆冰 $28最怕冰融溝淡成杯野飲好彩成杯紅豆冰味道好濃~唔會飲到冰水味🍹泰式肉碎生菜包 $58肉碎…超！野！味！同時亦超辣😂只能食到10小嘅我一邊講好味 一邊辣到嗌救命~生菜新鮮冇爛葉做開胃菜一流!海南雞飯配油飯 $62無骨嘅海南雞每舊肉都幾嫩滑皮同肉中間唔會夾住啲油啫喱食落口唔會油淋淋🤭配上有飯香嘅油飯一流~泰式黃咖哩(豬肉) $55豬肉片又多又大稍微有啲鞋咖哩汁小小小小辣易入口🤣配菜亦都唔好忽視特別係索晒咖哩汁嘅薯仔粒另外order左泰式黃金烙餅 $30就好似印度薄餅咁撈埋啲汁一齊食(舔舔脷~😋泰式炸蝦餅 $60每舊都大大件蝦肉炸完仲好彈牙~中間唔會有空氣啖啖都係肉相當出色💯冬陰功海鮮湯 $

過去一年，Staycation變左香港人嘅常態，冇得出國就住下酒店當渡假，Easter有五日紅日我地都book左3日2夜Staycation，不過想慳一日三餐就要自己解決。其中一晚我地就黎左Me.Kong，貪佢個晚市6折連紅日都有，仲要唔洗加一超抵食。龍眼冰($28) - 都幾多龍眼，唔會太甜夠冰凍，用黎解辣就最啱。泰式辣椒膏炒虎蝦($198) - 雖然要兩舊水一碟，不過6折左其實都係大約$120，而且入面有五大隻虎蝦，除返開都唔算貴。虎蝦肉實好結實彈牙，辣椒膏香香辣辣好惹味，用黎配白飯就正！燒豬頸肉配扎肉撈檬($58) - 豬頸肉同扎肉份量都幾多，完全遮晒下面啲檬粉，豬頸肉燒得幾靚仔，邊位燶燶地，但中間啲肉又唔會太乾。檬粉好彈口，加埋酸汁食好開胃。椰汁西米糕/椰汁千層糕/泰式大菜糕($32) - 原本想叫椰汁西米糕，不過店員話因為得返一件，所以可以搭埋千層糕同大菜糕俾我地，一樣價錢可以食晒三款又冇所謂。我最鍾意千層糕，因為最彈口，同埋好香椰汁味。總結，Me.Kong野食唔差，本身都走大眾化價錢，六折後更加抵食，就算搭多兩個站黎食都抵。