泰 (瓊華中心)

营业中

休息中

雖然啱啱先食完泰國嘢，但朋友約到唯有赴會吧！餐廳落腳瓊華係就係好方便，但價錢小貴，食物質素正常不太出色，難以喺眾多出色的泰國餐廳突圍。刺身$118]小貴，擺盤一般，都算新鮮一致認為唔夠辣，比較普通Again 唔夠辣，失望呢個酥化好食，可惜咖喱唔夠辣正常發揮，有8件食物，魚餅蝦餅春卷雞翼串燒So far都坐得舒服既，但呢個價錢可以食好啲😗

見呢間咁多好評，一路都好想試咁岩今日得閒，終於有機會試下啦！點知好失望🥲平日3點嚟到，得一枱客，野食嚟左無耐侍應姐姐就叫我埋左張單先，但下午茶去到5點半，咁快要埋單😳埋完單呀姐同同事講:埋哂單，落埸啦～之後餐廳就無哂侍應😅講番食物，嗌左個香茅雞翼湯河$68個香茅雞翼其實唔差，炸得好脆又夠味。凍奶茶係要自己落糖水個種，普普通通。但個粉真係🫠個湯好淡，係超級淡！河粉好厚，完全食唔落口，唔知佢哋正價餐牌係咪都係比呢啲質素個客食🫠$68完全係比個三隻雞翼仲有一路食，張枱一路有烏蠅喺度飛吓飛吓，食食吓仲爬咗喺我大髀🤢結果食完幾隻雞翼，碗粉食咗兩啖就走咗。或者晚市可能好食，但第一次食嘅朋友唔好揀下午茶嚟試，會好失望。

2023年4月21日，朋友生日飯訂左里間，1930去到食晚飯，叫左白咖哩牛，得3～4舊牛，仲要牛肉韌，生蝦，可接受，馬拉盞通菜，略為鹹咗啲，泰式蝦金邊粉，得2隻蝦，泰式沙嗲串（豬牛），都可以，香酥溥餅，以上食物黎曬，等左15分鐘，問員工話未話溥餅未到，佢話幫我睇吓，終於等左10分先到，得3塊，仲要有一塊燶左d攞，金吉柚子檸檬梳打水，只係飲到小小小酸味既梳打水味，唔知係米金吉好貴，所以只落得小小小 ，埋單＄1035，，真心，唔好食，下次唔會再黎

坐位好舒適，地方寬敞，十分適合朋友聚會聊天。服務員態度很好，非常周到。串燒：（豬、牛）每顆肉都偏大粒而且有肉汁，配合醬汁更好吃，是沙嗲醬，不會油膩，加上少許花生碎。烏頭：這個湯底偏向清淡，配菜有蕃茄、墨魚仔、菇、青口，墨魚仔特別爽脆，沒有又韌又霉，感覺新鮮。烏頭魚肉多，我們三個人女生吃都夠食。呢個芒果糯米飯，飯係即日煮、即時「筆」出嚟，是熱的，而且煙韌軟糯。椰漿濃厚椰子味而不會甜。可惜芒果差少少，未夠熟。

好耐無食過水準咁差的泰國菜，要記錄一下。環境：不錯，假期的午飯時間，仍有大量空枱，不用坐到密質質食物：完全不合格，估計是廚師們全部外遊不在港，求其搵個人來煮，全部食物都好overcooked泰式牛肉湯河粉：牛肉似低級雪藏牛肉，剛上枱見到已經知勁老勁鞋，只食了一塊便食唔落，河粉好厚唔好味，湯底係味精湯底，無肉味泰式無骨海南雞配油飯：正常，似阿媽煮的蒸雞，唔滑。雞皮太肥，無乜雞味，係雪藏雞。個湯同牛肉湯河粉的湯係一樣味泰式沙嗲串（豬及牛）：好老好鞋，趁後生有牙先食到，啲牙弱啲都食唔到總結：中大伏，唔明點解得咁少喊面食評，絕對唔會再去食

見到佢網上面咁多好評，放工就嚟同朋友齊試一試佢😂去到環境唔錯，當日仲好似滿座，但係冇諗過最後竟然係大中伏🥲首先，都讚下佢嘅甜品先，當日叫咗椰汁雪糕糯米飯，真係非常出色，熱嘅糯米飯同凍嘅椰子雪糕，配合異常好食👍不過當日仲叫咗豬肉生菜包、香葉肉碎炒飯心、馬拉盞炒通菜、蒜蓉包。絕對係我喺香港食過最伏嘅泰國菜⚡️豬肉碎生菜包好鹹好油，啲菜係肉眼見到俾啲油浸住咗，肉碎炒飯口感濕潤食落口好似BB飯咁😞真係超級失望。

話說呢間泰國菜館真係唔夠格，香港人食幾多泰國野可以比較，呢度嘅野食真係嚟緊搞笑，每樣野都難食到爆！我要喺度投訴佢哋嘅菜式，真係唔應該係咁劣質。首先，椰汁海鮮湯，湯汁好似好稀，椰香味好輕微，完全冇啲濃郁嘅味道，同埋裏面嘅海鮮質素都唔係好好，有啲令人覺得係好新鮮嘅，仲有啲係冇味嘅。整體黎講，呢碗湯似係白色既水，真係令人心灰意冷。至於炭燒豬頸肉，個賣相好似平時去燒烤店買嘅豬扒咁，但見到佢有啲碎開左係旁邊都覺得不妙。係食落去呢... 鞋口都唔緊要，佢係散開，我唔知佢地點樣可以整到啲豬肉可以咁樣散開。我用一隻筷子輕輕力篤下落去佢都一片片散開，令人唔敢想象佢係點煮熟嘅，仲會令人懷疑啲肉嘅成份唔對路，好似係唔新鮮嘅肉搞嚟。真係劣評。最後係青咖喱雞肉，又係一睇個樣都知出事，啲汁浪浪下稀到好似水咁。首先個青咖喱嘅咖哩味道真係好淡，同埋冇啲椰香味，啲香料味亦唔夠香，唯一食到就係有咸味同辣椒味，似係想用辣味補返佢無其他味咁。而啲雞肉質地都勁鞋，啃落去都有啲悶口，完全唔係雞肉嘅質感，真係令人失望至極。最正常叫做係生蝦同杯青檸梳打，不過啲蝦都直接放係冰上面，十零分鐘就已經融晒浸晒係水度有啲核突。青檸梳打就係一粒

不會光顧第二次，冇泰國味，兼性價比無敵底，兩個人食500幾。條魚泥腥味好重，糯米飯，好硬，硬得不得了。奶茶冇茶味，檸檬茶似水。魚餅冇味，全場最佳竟然喺雜菜⋯⋯無言。服務質數太一般。

如果你係炭燒豬頸肉嘅粉絲，就一定要試下呢度嘅炭燒豬頸肉啦！燒得剛好仲有淡淡嘅炭燒香味，搭配上啲特製醬汁，真係好美味！😋如果你鍾意啲清淡啲嘅食物，又想試下呢度嘅招牌菜，一定要試下海南雞啦！啲雞肉好嫩滑，好新鮮，食得出有雞味，再點埋香蔥、薑蓉，好正！😝我地仲叫左咖哩炒軟殻蟹啦軟殻蟹肉質鮮甜，再配上啲香辣嘅咖哩味，好開胃！🦀再叫左泰式鮮蝦炒金邊粉，炒得好香夠乾身，再配上啲鮮蝦好夾！😍最後再叫左個馬拉盞炒通菜，香口得黎又健康🌶️

今晚在旺角想吃泰菜，在openrice看到這間泰，見到食評多數是讚，所以就上來試下。點知食後大失所望，所有食物出品都好差，不但不新鮮，其中木瓜沙律呈豉油色，咬落好鹹！！！海南雞雞肉老，油飯硬！生菜包的豬肉沒味道！！！活蝦刺身就不過不失。泰式鮮蝦炒金邊粉也很差，粉硬，味太甜，蝦肉粗糙難食。可以講一句，我從未食過如此差的泰國菜，價錢不便宜，，忍不住馬上寫食評，提醒下各位。

同朋友食個泰菜生日飯，喺openrice 見到啲相環境ok食物賣相都唔錯，決定訂位試一試。坐低咗睇好晒叫員工落單，佢話用code 落單，都ok喎夠快嘛，泰菜基本食物生蝦，冬蔭公，仲叫咗炸豬手炒金邊粉。生蝦好正常冇技巧，只係蝦唔夠凍。冬蔭公嚟到有啲細同埋用個酒精啫喱熱住，但想講本身個湯唔熱，同埋個啫喱好快燒晒，我同個朋友呆左。之後再嚟個炸豬手，賣相幾好，點知食落去唔脆內裡似係暖似番叮熱果種，咁既真係搞唔掂，唯有問吓位員工啦，佢話佢唔知喎就走咗，冇話跟進嘅！我唔係廚房，大佬你企得喺呢度我當然知啦！唔通我走入廚房問廚師咩！之後有個女員工走嚟問咩事，我就再講一次，佢話唔係番叮，或者幫你再整番熱。順便問可唔可以再俾蛋舊酒精啫喱整番熱個湯。等緊期間見到隔離枱係真人落單唔係自己電話落單😤。炒金邊粉嚟啦，嘩！又係暖嘅，一啲都唔似剛整好。唔會再食

星期六下午12:00去食，舖頭無乜人，原本以為伏，點知有驚喜！嗌咗炒金邊粉、豬頸肉撈檬、雞飯。仲跟餐嗌咗串燒（豬+牛）同炸春卷。 雞好滑！啲配醬好好味！塊豬頸肉好大塊好好食！又夠爽口！個串燒先真係最正！跟餐$2x/2 好抵食！每串啲肉都勁大粒！仲有少少蜜糖係面更加好食！但佢跟嘅沙嗲醬係花生醬嚟咁😂 個金邊粉就一般，唔係出面酸酸甜甜嗰啲。但春卷細細舊，都無乜特別，可以唔洗試😂坐窗門景觀開揚，啲位都闊，坐得唔錯！

今日晚上同阿女兩個撐枱腳，阿女話要食泰國菜，諗住近近地方便喺旺角。我哋叫咗一個紅咖喱雞肉，豬肉碎包生菜，烤餅同紅豆冰！點知紅咖喱雞無咖喱味，似食蕃茄汁加無味雞肉，似白烚咁嘅肉，汁同肉的味是分開的，仲要係鞋口的，簡直不合格，百幾蚊咁嘅貨色！椰汁紅豆冰，裏面冇紅豆，咁樣買50幾蚊一杯，洗唔洗咁慳成本吖！啲紅豆又唔係貴！烤餅烤得唔鬆脆，又唔乾身，仲有好多油喺面！仲差過喺超市買嗰啲！總括嚟講，下次一定唔會再幫襯，普通一間茶餐廳都好過佢！

今日天氣回暖，約咗朋友去旺角瓊華16樓Thaiology食泰國菜。好彩有book位，遲一步已經好多人排緊隊。餐廳環境熱鬧，好有氣氛！叫咗拼盤加兩隻燒大蝦，每款食物都可以試吓。燒大蝦上枱時熱辣辣，超級大隻，size有成隻手板咁大，蝦頭勁多膏，又多肉，真係回味無窮！其他串燒同炸物都唔錯👍🏻另外叫咗半隻海南雞，肉質好嫩，唔會嚡，煮得啱啱好，旁邊嘅醃青瓜都好出色！香葉肉碎炒飯，色香味俱全，份量夠大，我哋兩個人食唔晒！配埋杯菠蘿梳打特飲，真係好有泰國氣息😁

第二次光顧，今次是午餐，價錢很相宜，地方舒服，食物好有水準，招呼很週到，三兩知己閑談的最佳的地方。第一次是在晚餐時間，感覺都是一樣。兩餐都用用OpenRice訂位，很方便，又有折扣，好抵食。