泰.夯蝦 (已結業)

睇到廣告荃灣開左流水蝦，就帶老婆去試下，點知一到門口，已經發覺裝修源用返上手韓燒。。。感覺算中下。。衛生，環境都差，成個場都好大煙，抽氣，通風好差，岩岩坐底，未食已經頂唔順要轉位個蝦缸亦比想象唔一樣，又細，位置又係廁所門口。食果陣，仲有班小朋友係度玩，夾到d蝦跌哂落地，又放返入去。食材方面，海鮮方面算新鮮。其他熟食望見都唔想食。冷盤（泰式鳳爪）睇見緊加唔敢食食物選擇少，飲品選擇都少。加上話新開試業，無酒類提供。唯一滿意係班前線基層員工，態度唔差，開口埋口都講唔好意思。至於班便服老闆級或管理層，就一般般。總括，如果要環境各樣有保證 建議去尖沙咀或銅鑼灣分店。

真係好好味😋咁嘅價錢自己去街市買都唔得，質量非常好。啲蝦隻隻都有膏。海鮮新鮮好味，醃好的肉類都非常好，尤其是五花肉（豬腩肉）麻辣雞翼及咖喱雞翼。好食到想買返屋企煮👏🏻👏🏻👏🏻雪糕是香港製造，食左3款，豆腐、椰子、芝麻，3款都好正👍🏻👍🏻員工服務都好好，會大推俾朋友👍🏻真心講現在2人一爐，又冇得做晚市，員工都不停加食物，所以我都唔碌卡，俾現金。希望老闆可以keep 住質素💪🏻💪🏻💪🏻