泰.夯蝦 (已結業)

一間任飲任食，新鮮流水蝦主題既bbq，可以一試。先講環境，有啲枱係喺蝦缸隔離，唔使出去就可以夾到大頭蝦。但我坐的就要出去大缸度自己夾蝦返去燒。 個人覺得環境唔算乾淨，而坐得都比較迫。食物方面，除咗新鮮既流水蝦外，有生蠔，鮑魚，扇貝同蜆，可放鍚紙盆加牛油或蒜蓉去焗。但蠔同扇貝感覺唔太衛生，一大堆就咁放喺度，如果多啲冰，感覺會好啲。其他bbq肉類都正常水準。 有驚喜方面係個冬陰公湯，味道好，酸度調得適中，而大大隻大頭蝦喺入面，真係飲咗幾碗。仲有啲熟小食提供。飲品就正常罐裝紙包都有。3百幾蚊，質素其實都差唔多符合價錢。

第三次到荃灣泰夯蝦，因為住附近位置都算方便，但可惜越做越差。入座後開始出去拎嘢食，但幾乎全部食客都同時間出去夾蝦、拎飲品、拎醬料，以致外面非常擠逼，再加上員工人數，太多人了，非常不方便。海鮮種類少了很多，只有蜆、扇貝、魷魚、生蠔，飲品種類亦少了很多。最差仍然是抽風系統，韓式抽氣管完全沒有作用，每枱燒烤時油煙全都湧出來，全間店彌漫一層油煙，非常刺眼。我地一行人食咗一個鐘，6點左右太澀眼捱唔住，對眼好痛，提早結賬離開。唔會再有下次了，另一間佐敦燒蝦不論食物質素、環境都比泰夯蝦好得多。

依間餐廳個放題好特別阿～～～就係放題夾蝦，你可以自己喺出面夾蝦再拎返位自己燒黎食！！大人細路仔都有得玩！🦐🦐簡直係有得食有得玩！♥️🙆🏻‍♀️間餐廳有幾個位都係擺流水蝦，佢地會比個冰桶你出去都夾蝦，所以啲蝦好鮮味好好食👍其他嘢都係自助式咁樣出去拎，仲有熟食可以拎，例如泰式炒麵, 炒飯，炸物個d!!!!仲可以即叫即整泰式湯麵！🍜Like and share 社交平台 page仲有蟹送！又有得玩又有得食仲要放題無限食！！！仲有職員會間唔中過嚟幫你整下嘢食，見你整得唔好既話🤫🙈

生日想帶埋屋企人食特別d 嘅嘢，搵到呢間即夾流水蝦嘅放題，啱哂一家人食，除咗大頭蝦，每人會送一客鮑魚，重有其他海鮮、肉類、丸類、蔬菜，重有熟食，性價比真係幾高！係OpenRice 訂$388一位全單7折，生日優惠（4位成人其中1位10月生日者半價）。— — — — — — — — — — — — — — — — — — — 任食海鮮：主角流水蝦，見到佢地係水到游下游下，隻隻都好生猛，店員會比一個冰桶，夾好嘅蝦可以先放入冰桶，d 蝦暈左之後可以剪蝦鬚然後就燒得喇！不得不讚一讚d 蝦真係好新鮮，食落真係好爽口彈牙，正😋😋其他任食海鮮重有蠔、扇貝、蜆等等— — — — — — — — — — — — — — — — — — — 其他任食食物：肉類、丸類、蔬菜雞翼、牛仔骨、一般丸類、腸仔、鴨胸肉、午餐肉等等，牛仔骨幾好食😋蔬菜方面，最中意燒菠蘿🍍重有飲品、雪糕🍦任食，雪糕有一種（見圖），有唔同味！— — — — — — — — — — — — — — — — — — — 整體來講，蝦係好高質，而且其他任食嘅食材都唔錯，性價比幾高！幾適合一大班人聚會。不過食嘅時候到處煙霧彌漫，記住要著返件唔介意

之前見好多人都話幾好，就諗住同屋企人試下，我地係10月1號去嘅，食5點到7點半。由頭開始講啦， 4:55上到去，門口勁多人排緊隊，跟住佢個門口位又勁窄，搞到全部人都塞死晒喺嗰度。都唔緊要啦，入到去坐靠窗邊卡位，窗台上面全部都係麈，同埋一啲食物嘅殘渣（蝦腳蝦鬚😥），見到都勁唔開胃。然之後出去夾蝦，超級多蝦反晒肚，應該係死左？不過有啲蝦都係好新鮮，所以還可以。同埋職員都有撈走死左嘅蝦。去到調味料區，調味料佢係放喺一個養金魚嘅魚缸上面，原本就應該幾靚嘅，但係我哋今日見到嗰兩條金魚係已經死咗同埋反晒肚，成件事變到勁核突，同埋好嘔心。飲品真係最差嘅，5點應該係晚市啱啱開始，但係個飲品櫃入面嘅嘢飲真係得幾包，就算後面啲職員有加返落去但係都完全唔凍，飲唔凍嘅嘢飲真係好難頂。其他熟食中規中矩。之前見好多評論啲人都話店員服務好好，但係唔知係咪因為我哋今日太多客人，所以成程都冇職員過嚟服務過我哋。不過都冇乜所謂☺️，自己整都有另一番風味。咁我哋交枱時間係7:15 ，咁大約7:00嘅時候就有職員過嚟提醒我哋仲有15分鐘，咁我哋就諗住快手咁燒埋剩低嘅嘢啦。當陣時網上邊仲有四隻蝦四個菠蘿，另外未燒嘅嘢仲有兩隻扇貝

這家店，留意在好耐流水蝦，好有泰國旅行感覺呀！終於，約好四人一齊來一位九月生日，有半價。燒物，最好係3-4個人去食兩個人會好忙，自助拎野食，又要燒哈。係個人經驗蝦都放在蝦缸，任夾的在自助區蝦缸和蝦缸邊的坐位蝦缸隔離可以坐著夾蝦，不用離座適合二人坐，亦有機會有水花有提供圍裙，最好穿上在夾蝦時，生猛的蝦會讓圍裙濕晒⋯⋯第一次來，侍應講解要把夾起的蝦放到冰筒整暈蝦蝦侍應們亦多次主動把蝦的頭尖位和蝦腳剪去準備讓我們燒蝦🤨這個很好，之後人多，自己剪是不容易的每位送一隻鮑魚，相中可見蝦是新鮮的，另外有幾款海鮮類蜆，烚，生蠔🦪，冰冰的肉類有燒野食系列雞翼，牛仔骨，薄五花肉，雞軟骨串，雞臀串，漢堡扒，芝士腸，雞肉腸等等瓜菜類秋葵，南瓜，粟米🌽，菇類熟食也有幾款有烏冬可以自己煮甜品有雪糕波波球多款味道可選整體一般燒蝦體驗一般其他燒物可以做得更好

因為之前食過「蝦xx」，所以又試吓呢間，簡單講，如果要比較嘅話，泰夯蝦除咗兩人都可以坐到四人卡位、濕紙巾可以自取任用外（坐到卡位），幾乎都輸哂。當日訂咗5點場，準時上到去，服務台前已擠滿食客，幸好當時是選擇行樓梯(1樓)，進場位置剛好係龍尾，否則就連電梯都出唔到。由於當時係啱啱行完山，所以攞枱後就第一時間去攞嘢飲，但估唔到嘅係，服務員呢個時候先開始將飲品放入雪櫃（除咗啤酒，因為要加錢）；自助海鮮吧種類少，魚毛都無條；醬料調味等等都係樽裝，集中放大廳一櫃面，全部泰文，幾乎個個食客都要估估吓係乜嘢料，又或者索性唔用走人；燒烤爐係用明火的，烤網與爐火幾乎零距離接觸，真係睇少眼都出事，其它嘅小問題或者大都會犯嘅就唔提喇，以上係純粹個人當時當地嘅經歷，未必每人都相同。

因朋友想試就去, 食物及飲品選擇小(海鮮只有蠔,兩種蜆,扇貝, 蝦及一種已切成一節節扁的東西; 牛仔骨及金沙骨都只見汁及夾剩的肉碎 ), 最特別是蝦即捉即燒(好彩凍暈才燒,否則感覺有D變態), 好大油煙味, 醬油俾咸同辣,所以燒完的食物又干又咸, 除非放牛油去燒, 以折後370一位, 環境中下, 又要自己燒到手軟, 寧願俾多小小已有豐富海鮮餐,  有人請都要諗過

入座安排混亂，完全冇人安排。要入到鋪面先再被通知要再出去排到。到排完隊可以入座，竟然安排兩張唔係可以係流水蝦旁既位，訂位已經講明要....果個大陸人接待員竟然話唔得...有人訂左...到出去拎汁兜...竟然可以一個都冇...指示又混亂，完全冇提示邊度可以拎到.....到開始食既時候竟然話頭頂個冷氣唔可以開咁大，會整熄個爐....天大笑話....焗爽拿....風扇都可以冇把.......完全冇諗話解決問題...垃圾!

為咗慶祝👩🏻重獲Metime唔係… 係趁👦🏻👧🏻剛開學未有功課做👨🏻帶我哋去 #夾蝦 我哋响OpenRice book 17:00-19:15時段有7折 😎一入到場職員就提供圍裙職員安排我哋坐中間 中間有小流水蝦缸 可以即夾即燒😆坐圍邊的枱就要到大蝦缸夾蝦 👦🏻👧🏻未坐低就已經就想拎起個夾嚟夾蝦😆 冷靜啲先～職員好仔細講比我哋知 夾到大蝦後就要即放入冰桶凍暈啲蝦先蝦暈咗後就剪走蝦鉗、蝦鬚、蝦腳 剪好就可以放上爐燒啦😋新鮮嘅蝦即燒即食 真係好味好多👩🏻👧🏻專揀蝦頭有橙色嘅膏嚟燒🤤果然有好多膏 肉又夠爽口彈牙 👧🏻👦🏻密密夾 👩🏻密密燒 👨🏻密密食隻隻蝦都好生猛 🦐 夾到👧🏻👦🏻好開心😆蝦場仲送上鮮鮑魚、扇貝燒起上嚟真係好鮮甜 👍🏻職員會幫手將鮑魚剪開方便食除左夾大頭蝦燒之外呢度仲🍳有得燒海鮮 - 蜆、生蠔、帶子、小蟶子蔬菜 - 大啡菇、翠玉瓜、南瓜、粟米、茄子、娃娃菜、新鮮菠蘿…肉類 - 雞翼、腸仔、多春魚、豬扒、魷魚…🍽有得食前菜 - 青木瓜沙津、酸辣鳯瓜…熟食 - 蝦片、芋丸、台灣腸、雜菜、炒麵、炸生蠔…甜品 - 椰汁糕、啫喱、西瓜、CoCoBerry雪糕🧃有得飲飲品 - 檸檬茶、菊

最近見到哩間有優惠七折就黎試下原來都幾多海鮮食，除左有自己夾既流水蝦之外，仲有聖子，蠔，蜆，帶子。如果唔敢夾蝦，職員都會幫你夾同教你剪蝦。入座仲送鮑魚。如果食厭左海鮮，仲有肉，蔬菜，雪糕，熟食揀，一定食得飽。野飲都係任飲的。

Book左平日中午流水蝦放題，原來近期星期一至四中午時段1200-1700可無限時任食7折左後成人每位$310，時間非常充足可以慢慢食慢慢歎，鐘意食大頭蝦、串燒同烤肉就一定要嚟試下，啲大頭蝦喺水缸源源不絕供應新鮮生猛，仲有帶子、生蠔同蜆任你燒，總之連埋飲品、小食、甜品包羅萬有集於一身，可以盡情咁食個痛快，另外喺社交平台分享同提前訂座仲有鮑魚送，店員服務都ok，唯一麻麻既地方就係現場人多夾蝦時啲水彈哂落地搞到行人通道濕立立，如果可改善返呢點就好了。

流水蝦超正，但冬陰功D蝦就唔掂！熱食和飲品的選擇較想像小。在晚上黃金時段7：30-10：00用大約$350的價錢食可以有好多其他選擇！但用二百多在其他時段食就可以接受。放醬料地方不夠，比較亂。放肉食雪櫃最好換部冇門。個雪櫃係大，是双們。但每次只可推開一边，搞到排晒大隊。因為厕所在後樓梯位置，一入到去見到大量垃圾堆塞。即時增加厭惡感。希望可以改善。另外最近有其他燒蝦餐廳會有鮑魚任食，希望你們將會有一樣的安排。

沒有甚麼服務可言，每個侍應都好忙亂咁。食到最尾先發現佢一直無俾紙巾和濕紙巾我哋。除了蝦，無乜好食，泰式甜品，嘩，未食過咁既味道，好特別，自問唔識欣賞。音樂好嘈，有必要開到咁大聲咩？D蝦正常，都新鮮，但其他食物真係⋯⋯

Openrice 見有7折就去試吓， 一行九人去試吓！1️⃣ 環境一入坐，座位是沾滿水， 沒有職員處理，要我哋自己用咗一包紙巾清潔🧽整體全個場都好污糟邋遢！2️⃣講到食物， 我們五點入座，食物種類很少，不是OpenRice上所看到的照片那麼多，飲品只得幾盒，罐裝只得兩種選擇！行到去凍肉個櫃，一大陣「噏味」， 聞到都唔開胃，隨意拿了六隻雞翼就算了！海鮮睇落完全唔新鮮， 唔敢食！炸物比較多選擇有5款， 但都是凍的，而且真的很難食！要讚的是可以自己煮通菜，熱狗爐上的腸仔還可叫美味！3️⃣服務： 他們服務很好，很樂意為客人服務！是這餐廳唯一可以稱讚的！總括： 希望餐廳可以搞好衛生，注意食物的水準