影片
港铁铜锣湾站 B 出口, 步行约4分钟
继续阅读
开饭介绍
提供正宗泰国流水虾放题，设有20米长虾缸，可以即夹即烧，另外，还有多款海鲜选择，海鲜桶亦相当受欢迎。
继续阅读
营业时间
星期一至五
全日休息
星期六至日
12:00 - 23:45
以上资料只供参考，请与餐厅确认详情
食家推介
相关文章
泰.夯虾 (坚拿道西) (铜锣湾)铜锣湾坚拿道西10号冠景楼1楼1B号舖早排有段时间潮兴食泰国流水虾，J同K终于第一次黎啦！ 可能因为我地食早场12:00pm时段，开门无耐，所以好多野未settle好～铜锣湾店全部座位都系卡位，卡位旁边会有水缸，一坐低，店员同我地讲 「等阵先夹d虾俾你地烧」，然后简略同我地介绍「烧之前用夹将虾放入冰筒冻晕，然后就烧得～ 」🦐过嚟食之前J妹上网睇晒食评做功课，心谂「唔系话店员会教客人冻晕大头虾之后要剪虾须虾脚再烧既咩！？🤔」 ， 想问清楚之际，店员好快调转头系原地向收银同事大叫 「下一枱客话想转位㖞！佢哋坐边？」 然后无理我哋就走左……😳我哋见未有虾喺水缸，就出去拎熟食医肚先啦～ 可能刚开市关系，熟食热盘未放齐食物可以理解～ 熟食有 ：炒蚬、炒螺，惹味～海南鸡，肉质嫩滑但好生！炒大头虾，肉质梅～炒饭，正常，饭粒偏湿～ 蒸大头虾，唔错～肉质有弹性，唔梅～泰式虾片，香脆！入座后约20-25分钟，店员执完货同夹好虾后，就倒左堆生猛大头虾落水缸啦～大头虾本身虾膏多，但冇乜虾味～ 不过JK发现水缸内，蓝色爪个款大头虾，除左烧烤时会挣扎得劲d外，食落肉质亦会弹牙实净D！🦐建议主力夹呢种生猛又大只d，有蓝爪的大头虾！会好食d！另外，除左汉堡扒、鸡翼、串烧、丸类、菇 etc.呢类常见烧烤食材， 海鲜仲有鱿鱼、花甲、沙白、花螺、细带子、石蚝，自助烧烤食物都唔少，但味道同新鲜度麻麻～烧烤到中段，每位客人送一只鲍鱼仔 + 一只帆立贝！ 鲍鱼仔食落软腍！唔韧！估唔到唔错wo～📝 整体黎讲，觉得比较适合新鲜感 / 想任食大头虾的情侣或家庭～ 但如果一心谂住食新鲜烧海鲜的话，就可能未适合～店员虽然缺少少礼貌同说话大声，但服务态度唔算好差，同埋唔会赶忙咁催促你结帐～ 不过JK认为入座后要等20-25分钟才有虾放到水缸就要扣吓分～
继续阅读
系几得意嘅体验，不过首先系要带个唔惊虾嘅人陪你黎食！（又或者自己唔惊！）先讲讲食物体验！店名有个虾字，的确系虾最出色！啲虾又大又生猛，亦冇短缺嘅状况。烧黎食真系十分新鲜！仲爆虾膏出黎，好好食！除左虾之外，其实仲有好多其他食物同海鲜，如蚝、蚬、带子、鱿鱼等。不过都系摆系冰度比人夹嘅，当然新鲜程度同啲虾冇得比架啦。带子同蚝我觉得麻麻地，不过蚬我觉得系鲜甜嘅！其他非海鲜食物就正正路路咁冇乜特别，但冇牛。如果等唔切烧野食，其实仲有少许熟食嘅。不过摆系度煲左好耐嘅冬荫公虾我不建议食！啲虾明显不新鲜！可能系用翻死左系缸度冇人夹嘅虾黎整。另外有个不知名饭素粉丝咸到傻左。。。椰汁鸡汤姜味过重且唔够热，不过叫饮得落口嘅。而肉碎生菜我认为系OK嘅！（可能系唯一OK嘅熟食）服务体验方面，人手安排有点差。啱啱黎到系得一个人要应付成个场，所以我地都等左好耐先有得坐。但后来老板同其他员工黎到，服务好反好多。偷听到老板痛斥左安排人手个位同事，希望日后呢方面会有所改善！总结！都系几得意嘅体验，而啲虾亦真系非常好食！85折后都要人均320蚊系有啲贵，基本上系食个体验同食虾。有钱有时间的话都可一试嘅~
继续阅读
最近见好多朋友都食流水虾, 即兴问同事有无兴趣放工去,真系择日不如撞日, 即刻打去订位, 近近地拣左系公司附近嘅泰夯虾。一到步就见到水缸入面嘅大头虾向我招手随之有店员带位及细心讲解烧虾过程,用夹将虾夹进冰筒, 隔一次先拎出黎, 剪晒脚同须先烧,咁样只虾就唔会边烧边争扎同埋唔会烧到甩手甩脚。听完店员讲解我已经急不及待将虾处理…只只都好生猛, 夹上黎嘅时候要夹实,如果唔系轻则成面水, 重则走虾架喇!同时另一边箱同事已经冲左出去拎熟食同埋海鲜类及鸡翼类等等入黎烧.同埋饮品甜品都系任食任饮! 啤酒就另外收费~海鲜类极吸引, 有大大盘蚝任拎, 仲有大大只扇贝及多达几款嘅蚬见到店员不停Refill, 大大盘蚝咁拎出黎!!而熟食就有我最钟意嘅台湾肠, 炒粉丝, 仲有咖哩炒蟹同埋冬阴公OMG…惊喜仲有泰式凤爪同醉虾会不定时推出!!可能我手脚慢, 店员好想帮我剪虾同埋再三提醒我放多啲虾,食多啲!虽然烧都要过程, 但两小时嘅用餐时间对我黎讲刚好,最后数下虾头食左约37+只.....满意满意
继续阅读
回头食客，今次带🏀教练朋友过来试食， 一个唔喜好食海鲜嘅都赞不绝口，大头虾新鲜生猛，不断添加，鲍鱼、带子、蚬 ........ 上等货，冬阴功汤辣味+鲜味齐全，在等烧烤食物的时候有多款熟食供选择。 加上不同时段有不同优惠，下午5:00-7:30有7折更是一大卖点。元旦过后会再来帮衬。
继续阅读
不吐不快！！环境差、坐台细 、熟食普通、熟食虾肉质梅烂（你懂的)、海鲜烧物唔新鲜 、服务态度差、所为既流水虾更系无话可说 缸又细同格离又逼 夹虾水花弹到周身系食完一定打返篇劣评先顺返气少少 哈！坚冇下次!!!!
继续阅读