泰風味

营业中

休息中

一開舖試過幾次都覺得幾好，一做出名，啲人又串，份量又少。呢個價錢呢個質素呢個份量真係唔抵食，我覺得大家真係吹大咗，我決定以後都唔再，觀塘咁多好食過佢，大家又何苦浪費自己嘅quota呢？

瑞和街街市有幾間泰國菜餐廳 呢間我最鍾意 因為好味 服務好 又抵食！今次叫左3樣野食海南雞飯:雞油飯好香，而且粒粒分明，軟硬適中，雞肉嫩，特別配製既醬汁帶微酸辣，好夾！馬拉盞炒通菜，好惹味，偏鹹但多鑊氣，令人不斷咁食！必叫炸蝦餅: 炸得好脆口，但唔會好油，蝦膠都爽口，好味！店員服務好，又帶笑容！繼續支持呢種小店，價錢相宜，味道又好！

放工同朋友係觀塘行行下見到間泰野就入去trytry冬陰功金邊粉，我嗌左兩個餸，尤魚so，豬頸肉一定要食，好有驚喜！份量夠飽，不過個湯反而爭d, 雖然聞到好香，顏色都好夠，不過味道比較淡，無乜湯料，得一兩粒菇。50幾蚊，average la

官塘朋友請我食生日飯,她們話介紹官塘街市上面的泰國餐廳,當然要跟佢地去試啦.街市上面是大排檔的環境, 但好在有冷氣.朋友落完ORDER, 一邊吹水一邊等食飯.螄蚶配辣醬螄蚶本身有腥味, 再加埋紅色的液體,唔係好多人接受到.但我和朋友一於好少理, 照食!紅色的辣醬剛好可辟除果種味.很快就清左了.泰式鹽燒鰂魚朋友強烈推介這個鰂魚.這是餐廳即叫即燒, 需時半個鐘.上枱時, 看到鰂魚表面又啡又黑的鹽.才知道真係要燒咁耐.表面魚鱗還在, 而魚肚放著香茅蔥之類的香料.翻開堅硬的魚皮/魚鱗, 露出白色的魚肉.魚肉又嫩又滑呢.原來鰂魚是保留魚鱗直接燒,剛好把魚肉的原汁原味封存起來.所以流出的油份, 就是魚自身的油份!如果唔夠鹹, 可沾一下啡色鹽巴.咖哩茄子配包包茄子經過油泡.咖哩偏甜, 唔辣, 有點似馬拉咖哩.用來點蒜蓉包包一流.另外還點了泰式鳳爪及其他飲品.這天星期日, 原本是<武側天>大結局.可是餐廳的電視壞左,只聽到隔離餐廳的電視,不斷repeat果首<驚天動地>的歌,同埋<武側天>對白.只有耳聽, 未能目睹大結局!唯一的不足……………..

今日係復活節第一日, 又係我大假既第一日! 咁開心梗係出街食下飯啦!老公成日話觀塘街市有間好好食既泰國菜, 但都冇帶我去食, 咁擇日不如撞日, 就今日啦, 仲帶埋6299一齊去!4個人, 夠晒飽!!不過, 可能真係即刻整關係, 上菜比較慢囉! 但唔緊要啦! 好野食係要等喇!我地都會再黎食既!

在介紹這間泰式小店之前, 不得不再三提醒各位食家如閣下有「潔癖」或是「追求衛生」, 請返回上一頁環境由於呢間泰式小店位於熟食中心入面,環境同衛生都絕對比出面大部份既餐廳都要差現場雖然冇冷氣, 但好彩仲有大大把既牛角扇為大家降溫所以夏天去真係要有個心理準備 服務其實細細間既店舖, 店員都好好笑容咁招待同埋都有推介到D好食既菜式, 唔錯唔錯 食物呢個串燒豬牛雞要分開講講豬 同 雞: 呢個真係好好味牛就真係麻麻地另外其實仲有叫個泰式拼盤但呢個真係炸出黎唔多好味同埋有D黑左... 所以冇影到相所以真係唔推介抵食其實呢度價錢真係幾公道, 甚至可以話係都算便宜因為2個人食左6個菜, 仲要飲左兩支啤酒埋單都係$300左右如果係其他店舖度食, 真係只係食到4個菜同埋食物既份量都比想像中大份...所以真係食到我肚滿腸肥 總結:絕對值得再食, 因為經濟又實惠, 而且味道唔錯但係可能要等暑天過左先再去

話說今天跟朋友的朋友去發掘apm以外觀塘，上山看夕陽。落山之後大家都餓得發慌，團長就推薦了這間位處瑞和街街市樓上的泰國餐廳。餐廳格局跟一般的熟食中心不大分別，令人印象深刻的是一坐下店員就送上每人一杯凍咸青檸水，它的酸甜咸令人十分開胃，剛行完山的我們立刻如獲至寶，大口大口喝。上菜時，最先來的是冬蔭功，材料十足，香味、辣度、濃度和濃在我吃過的泰國餐廳屬中上，既開胃及暖胃，作為第一道菜簡直一流。接著的是馬拉盞炒通菜及小食拼盤。前者略嫌不夠濃味，而且可能因為通菜不當造的原因，味道只屬一般；後者難得夠熱，似是即叫即做，不過味道只是中規中矩。再來的是生菜包跟木瓜沙律。生菜包算是不俗，上枱的都是完整一片的生菜，而且肉碎不乾身也不會太多汁。有吃過生菜包的朋友都知道太多汁的話會很狼狽，太乾又不好吃，這裡的則剛好。至於沙律，個人覺得挺好吃，木瓜爽口，剛好可以清新一下其他菜色的油膩，不過有些朋友就認為太辣了。我們還叫了紅、綠咖喱和薄餅。薄餅是那種印度薄餅，有幾層的，口感鬆脆，看來油油的，不過配上咖喱則剛好。咖喱味道討好但不特別，可以一試。另外，我們還點了菠蘿炒飯和乾炒牛河，兩者味道都很一般，不推薦。十人吃飯