泰金國

营业中

休息中

九龍城超夯泰國菜 之@lam_tgc 泰金國（九龍城）.作為小泰國嘅九龍城泰國餐廳真係非常之多但永遠都大排長龍嘅 就係呢間《泰金國》究竟佢咩原因咁多人排長龍都要揀佢呢？.1.泰式蝦餅 $78.好好味！我本身係個麻麻炸物嘅人但呢個我ok！無乜油炸嘅膩感.. 炸粉皮都唔算厚..入面嘅自己鮮蝦餡真係q彈又飽滿..好Juicy.. 好入味！卡路里一件 59kcal.2.燒牛肉 $88.呢個真係是日之最..牛肉份量真係好多好抵食..可以選擇5成 & 7成.. 我哋揀咗7成..肉質真係啖啖軟嫩.. 肥瘦適中..燒烤味好出.. 牛味滿分..真係好出色 & cp值好高一份626kcal 高達70P.3.菠蘿炒飯 $78.呢個價錢又係抵..味道又好.. 間唔中最驚食到好乾嘅炒飯.. 佢唔會..調味鹹度又啱啱好！正常質素！絕對唔伏！一份 792kcal.4.紅咖喱雞 $88.價錢依然cp值超高！老實講.. 咖哩嘅質感偏水有少少失望..但味道我覺得係ok嘅！辣度 & 咖哩香都有！雞幾入味 質感都算嫩口 一份 582kcal.4.蒜蓉包 $28.有咖哩點可以無蒜蓉包..又係一個cp值幾高嘅品項..大份 味道m

成日行九龍城見呢間泰國餐廳大排長龍，今日閒日放假一於試一試。雖然係閒日，6點已人頭湧湧要排隊，人齊先俾入。️⭐️泰式肉碎生菜包：豬肉瘦，泰式香料味濃，炒得乾爽香口，份量大，提供大量生菜足夠包曬成碟肉，唔似好多餐廳度住俾，抵俾個讚👍🏻👍🏻👍🏻⭐️泰式燒雞翼：大大隻炭燒味濃，熱辣辣上枱勁惹味，$18隻仲平過街邊檔😋😋😋😋⭐️泰式拼盤(小):-蝦餅大件彈牙😋😋😋-魚餅好味爽口唔油膩😋😋😋😋-炸雞卷相對一般⭐️芒果糯米飯：芒果清甜無渣，糯米熱住上，椰汁足夠浸晒成盒糯米，$45算平👍🏻👍🏻👍🏻👍🏻⭐️青檸梳打：味道正常唔會太甜食過九龍城好多泰國餐廳，以呢間最好食加抵食，兩個人食咁多嘢都只係三百蚊冇加一服務費，性價比極高，難怪大排長龍。

每次經過九龍城，經常見到這一間泰國菜館大排長龍，特別是食飯時間和星期六日。難得今日星期一去九龍城做嘢，下午四點幾見到這間泰國餐館竟然冇咩人。手機QR code掃code落單，非常方便。燒牛肉 $88燒到五成熟，每台必點，牛肉非常嫩滑，配上香辣泰式醬汁，更加醒胃。泰式燒豬頸肉沙律 $88豬頸肉分量很多，加上青檸汁，令到豬肉更加爽口，又適當地減去肥膩感。皮蛋炸蝦餅 $88鬆脆的蝦餅夾住皮蛋，點上酸甜泰式醬，口感很特別。泰式海鮮炒粉絲 $88粉絲爽口，海鮮比較簡單。泰式芒果沙冰 $38非常濃郁的芒果味道，新鮮芒果打成。九龍城泰國菜館林立，能夠在這裏打出名堂的確不容易，這間泰國菜館的侍應全是泰國姐姐，態度雖然不算十分熱情，但也是不過不失。價錢也是非常便宜，菜式味道質素不錯，份量也頗多，的確是值得有這麼多客人排隊的。

幸運的一天！ 次次見到泰金國條龍都會自動放棄，反正目標只是燒牛肉，今日4:30去到果然無人，仲要本身佢哋星期三放假，突然又有開，所以更加無人，否則可能都要等。 原來佢哋無酒牌，但餐廳容許客人自己買酒。 兩人點了一碟5成熟既燒牛肉， 泰式咖喱炒雞，蒜蓉包，一杯菠蘿沙冰。 由於對燒牛肉充滿期望，第一口咬落去，感覺有不外如是，但越食越好食，個泰汁就間間都差唔多，主要燒得剛剛好！ 埋單前，友人仲誇張到叫多碟外賣！ 驚喜既係，泰式咖喱炒雞，就是黃咖喱！香濃蛋味好食，夠熱，D雞好多，是炸雞！ 加埋蒜蓉包，完美。 唔休做既服務，油淋淋既餐具，不過咁既價錢，唔好有要求！整體來講，都好食，但值唔值得排長龍同小H書既寶寶們爭食就見仁見智！

真係人氣爆燈嘅泰國菜，一個普通平日，竟然12點已經有人排隊等開門😱。『香茅鰂魚沙律』$188 🌟『泰式燒雞翼（4隻）』$72『燒牛肉』$88『泰式海鮮炒粉絲』$88『馬拉盞炒芥蘭』$78『泰式香草肉碎炒飯』$83⋯⋯先前都有share過部份食物，所以我唔再逐樣介紹；但經常都有嚟食嘅朋友，今次介紹咗我食「鯽魚沙律」超有驚喜；佢將鯽魚拆肉，炸香，再鋪喺沙律底，然後上面再有青木瓜沙律，上枱嘅時候，除咗我自己好驚訝個份量，連隔籬左右嘅食客都望住「嘩！」咗一聲；咁大份都係$188咋，大家可以試！。📍 泰金國 (九龍城)九龍城侯王道9號地下A號舖。大食時間：Sep 2023好味指數：🌕🌕🌕🌕🌕回味指數：🌕🌕🌕🌕🌕舒適指數：🌕🌕🌕🌑🌑係就係唔好坐㗎啦，大排檔格局，但佢好食丫嘛🤣

🥢燒牛肉（五成熟）💰$88必叫燒牛肉‼️燒牛肉一定要五成熟因為燒完出嚟嘅話，其實多數都係七成熟呢個程度嘅牛肉先係最嫰唔韌最重要係佢個醬汁🤤依個泰式醬汁有少少辣但係啲泰國香料味道好出完全可以帶出牛肉嘅鮮味每次嚟一定要食‼️🥢蝦醬炒飯 💰$78份量都夠大碟略嫌蝦醬味唔夠濃🥢燒雞翼 💰$38/兩隻即叫即燒嘅燒雞翼又係一定要食‼️肉嘅程度係燒得啱啱好，食落仲流緊汁雞翼皮冇濃略嫌💰$19一隻有啲貴🥢芒果沙冰 💰$38有得揀少甜，一定要叫少甜因為就算叫咗都會偏甜正常芒果味道，冇乜特別今次係5:50 pm過嚟泰金國食晚飯門口大概有八至九人等緊位星期四至二先俾你入去‼️因為我未齊人嘅關係，就喺門口等咗一陣只係隔咗10至15分已經多咗10至20人排隊所以如果你泰金國食飯嘅話一定要早啲嚟同埋預咗要排一陣隊😉只收現金💰

見你成日等位,今日諗住試吓你! 點知………. 伏伏伏。食物非常普通！職員態度非常惡劣！環境又迫，又熱！仲要限時75分鐘！我等你都等咗60分鐘啦！簡直係浪費時間！呢個價錢比起其他九龍城店鋪都係差唔多！但呢度d樓面絕對係服務非常差！香港多得有你呀

7個人去 入之前已經講左有兩個泊緊車 佢又比我入 坐低左又係咁問 到未 到未 到未 又話比人鬧又呢樣果樣….之後係咁話我地打尖 未齊人就夾硬入去坐。唔緊要啦香港咁靜 好多地方有野食，嘈左一輪就閃左…….佢最衰係佢比我地入去 又同等緊位既人聽我地打尖入左去。我都一頭霧水唔知佢咩事…你可以同我講幾耐未齊人就要走 但唔係咁核突囉不過呢間野以前就幾好既，不過d野食就真係差左好多 燒牛肉又鞋口 d野愈黎愈差 但比錢食餐飯都要比你插就幾好食都無用啦 無品都係遲早遇一單比人搞。

除左日式第二好就係泰國嘢小妹特別好泰國生菜包太耐無食真喺好掛住問下我男朋友哩個美食字典佢話有次搭車經過九龍城見到有檔泰國菜排隊轉幾個彎不如今日人少少好“朝聖”一下出發去到當然唔少得排隊環節粗咯估計都排咗30分鐘非繁忙時段仲要星期四睇完menu我哋決定叫四個最穩陣嘅作品「炒金邊粉」味道尚算可以,不過我唔好澱粉,所以無乜太大感覺「生菜包」好新鮮,分量好足而且啲肉碎有特別加咗調味.感覺同出面啲好唔同「燒牛肉」成餐飯靈魂所在，我覺得佢啲燒牛肉同出面牛扒水準差唔多.絕對算得上有驚喜肉質鮮嫩，好有咬口，紅紅哋咁樣望落好吸引「酸辣鳳爪」唔算特別出色,可能有燒牛肉“泰出息”嘅出現.無咩令到我有特別記憶點成餐飯埋單420+ 整體嚟講確實喺好食不過如果要排一個鐘 我未必會繼續排而家聽聞延遲營業時間去到十二點真喺想食寧願搏佢夜晚嚟無咁多人味道：🌟🌟🌟🌟🌟環境：🌟🌟🌟服務：🌟🌟🌟性價比：🌟🌟🌟🌟📍 泰金國 (九龍城)九龍城侯王道9號地下A號舖

太太最好的泰國餐廳, 講左好多次, 終於黎食。有勞太太排隊一小時, 我收工過到黎岩岩好入得。聽聞以前係人手落單, 因為有限時75分鐘, 只可以落一次單, 冇得加單。但依家升級左QR code自己落, 唔夠食就可以加單, 又或者落住先又好, 唔洗咁緊張話一定要一次過叫齊。上菜速度快, 唔洗幾耐啲野就齊晒。4個人, 叫左生蝦, 冬陰公湯, 醉貓海鮮炒金邊粉, 烤牛肉, 同燒鰂魚, 外加三杯沙冰。除左個冬陰公湯太咸之外, 其他野真係好食。依家好後悔冇叫烤雞亦同烤豬頸肉。可以一戰。

今日同同事去泰金國食午飯，午飯時間非常多人，我們等了20分鐘才被安排入座。我們用了QR code落單，我點了冬蔭功肉碎湯河，附送忌廉。冬蔭功湯底香濃惹味，辣味十足，整體不錯。我聽到周圍的食客好多都點了燒牛肉，下次再來會試試。

✨泰式乾炒豬肉金邊粉有豬/牛/雞三選一，我地揀咗豬肉🐷反而三碟之中 金邊粉最好食🫢🤩佢炒得好有鑊氣，好有鹹香，食唔停口！粉係幼身，但唔會痴埋一舊舊咁。而豬肉都有唔少舊，硬度適中，亦有適當嘅調味，碎炒蛋幾好食。✨馬拉盞炒通菜喂..呢個貨不對辦嘅，同手機落單嗰張圖唔一樣，我仲預佢係冇咁多辣汁，以為係普通蒜炒通菜。加左啲辣汁係開胃少少，味道特別啲，不過我覺得唔加應該會更好食(●°u°●)​ ✨燒牛肉佢製作時間約15mins㗎～真係燒得好香，以為去食燒和牛😂😂呢款生牛肉其實食落好香和牛嗰種燒味，有幾細舊偏肥。最可惜嘅係佢真係超級難咬😭😭韌到傻。。最鍾意佢嘅特製辣醬！唔會好辣，好有泰式風味。✨泰式芒果沙冰食咁多味精嘢辣嘢都需要飲凍嘢解一解😋呢一種相對冇平時飲嗰啲芒果沙冰濃芒果味，但又飲得出唔係芒果醬嗰種味

放假休閒地由北角搭船去九龍城，九龍城太多選擇但最後都係揀返泰金國。因為太掛住佢地個燒牛肉同燒雞翼😋😋今次5點幾已經去到排隊，最後都排左差唔多一個鐘先有得食。今次叫左1️⃣燒雞翼：雖然雞全翼食落比較麻煩，但燒全翼先可以保留到燒雞翼既肉汁。💟2️⃣燒牛肉：燒牛肉要半生熟 當然今次都係好好味牛肉燒得恰到好處👍3️⃣白灼螄蚶：唔算太多地方有得食，見到即時要試下。肉質鮮甜同埋洗得好乾淨。抵讚👏4️⃣泰式海鮮遊船河：湯底有特色同平時船麵唔同。5️⃣馬拉盞炒通菜：炒得好香而且唔會太咸👍

特意帶兩老到九龍城第一泰國餐廳試試佢！六點排隊 排左差唔多一個鐘大熱天時 完全無阻大家想食泰國野既意欲 條隊愈排愈長 我地八點左右食完仲見到大隊！ 一入餐廳坐低就叫飲品食泰國野必叫椰青！上菜速度好快！ 但唔好預有服務落單都係全自動～泰式海鮮沙律 $88- 有啲青口，蝦，肉碎， 酸酸辣辣，做開胃菜幾好 ！蒜蓉包 $28- 外脆內軟～用爐燒係唔同啲！- 點咖哩好食！- 蒜蓉味道同其他泰國餐廳既都差唔多～明爐烏頭 $188- 比我揀多次我會係冬天先會再叫火爐魚- 首先大家都坐到好迫，雖然餐廳有冷氣 都係一身汗 - 加上條魚原來都幾辣，事先唔知道咁辣 😆泰式濕炒海鮮河 $88- 比起金邊粉，我地比較喜歡濕河- 圖中所見海鮮無太多 - 有啲似菜遠肉片炒河，廣東濕牛河的經典之一馬拉盞炒通菜 $78- 超多汁，夠味唔太鹹！最緊要食完唔口渴！同埋超大碟～ 唔係小菜幾條！抵食！泰式咖哩炒青口 $158- 點蒜蓉包真係好好食！ 呢個比起明爐烏頭/海鮮沙律真係一啲都唔算辣 ！- 青口新鮮程度正常發揮！泰式拼盤（小） $108 - 四個人黎講好似叫得太多野食，如果揀一個SKIP我會揀呢個拼盤 。- 唔係太突出

#港女覓食到九龍城今次同4位友人去食下泰國菜，我地揀左餐廳泰金國去朝聖下！餐廳12點開門，我地12:07pm去到已經有人龍要排隊，排咗一個鐘先有得食🫠值得一話係佢所有野食真係熱辣辣上枱，但你要去食嘅話就真係要有心理準備要排隊😂基本上餐廳全部菜式都係即叫即整，耐心等候下就會有得食架啦。✨泰式拼盤 $148入面有蝦餅、魚餅、炸雞卷、皮蛋炸蝦餅，全部新鮮即炸熱辣辣，魚餅香茅味好香好食，而炸物啲粉唔會太厚。✨泰式炒金邊粉 $68第一碟上嘅菜式，所以覺得特別好食，繼續係熱辣辣上枱，欣賞佢金邊粉唔會痴埋一嚿，而個汁甜甜地岩岩好，蝦仁食到冇雪味。✨馬拉盞炒通菜 $78個馬拉盞嘅蝦味好出，唔會太辣~✨泰式冬蔭公 (細) $98酸酸甜甜好開胃，唔會覺得係用粉溝出黎，食落真材實料!✨泰式肉碎生菜包 $88肉碎好香，岩岩入口以為唔太辣，點知啲辣係後勁先出，但可以接受夠惹味。✨燒牛肉 $88啲牛肉燒得有啲過左火候食落有啲韌，有啲失望；但佢個汁調得好惹味，點埋就可以提升肉嘅味道。✨泰式菠蘿沙冰(少甜) $35最遲上嘅一杯嘢飲，因為佢沙冰真係逐杯整；菠蘿味好味，飲落唔會覺得係用糖漿假嘢整，係飲得出有真水果菠蘿味