影片
系公司收到外卖单先认识泰莱厨房，记得第一次系叫阿华田猪手饭，我Whatsapp落单果阵仲问佢: 阿华田付伏唔伏咖? 姐姐答我好食咖~~ 笑死，点知，又真系唔伏，味道好正常，猪手入味又够淋，唔会话好大阵阿华田味，汁捞饭系好食既。第二次叫海南鸡饭，好味! 所以叫左几次，食厌左之后，见到佢新外卖单有酸辣粉? 唔系食泰国野咩?? 又即管试试佢，呀又几好味㖞真系，我通常系叫牛丸/墨丸酸辣粉，第一次收到外卖打开，喂? 8粒牛丸?? 唔知以为老板错手渌多左，点知第二次叫都系咁多粒，$58 唔错唔错。有次唔知送外卖果个系唔系老细，佢讲左句，得闲又试下我地啲牛腩呀，好食咖~ OK，咁我又谂住试下佢啦，估唔到系 好好食 !! 萝卜劲入味，我相信你睇相都Feel到，腩好淋，系我钟意既质感，汁好浓，送饭一流。我想讲，连佢个配菜，即系个堆椰菜我都觉得好好食，甜甜地，总之好好食，系我钟意食既味道。冇谂过一间小店，So far 我试左几样都系好食，冇一样系伏或者难食既，睇黎出品有啲保证! 暂时佢个萝卜牛腩饭系我首选，希望老细得闲又出啲新野比人试下。呢间外卖变左我饭堂了，非常推介!!
继续阅读
位于荔枝角的一间泰色茶餐厅，餐厅坐位不多，装修简陋，但食物质素不底，价钱合理。点了海南鸡饭+冻柠檬梳打， 海南鸡十足份量， 调味酱汁几好，鸡肉嫩滑， 不错。这间餐厅选择也多，中午时段虽然排队。
继续阅读
公司附近的泰国小店，要落场试吓先，点了香叶肉碎煎蛋饭，都好有镬气，捞饭一流无得输，下次可以叫佢加多辣度，无骨海南鸡饭（配上清汤），饭粒分明而且油饭甘香好食，鸡肉够嫩滑，点鸡酱汁香辣开胃，另外可加$10 一人份量的泰式鸡脚，酸酸甜甜的，除咗饭，佢哋仲有冬阴功汤粉面，冬阴功汤底浓郁，酸辣度适中，海南鸡份量也不少，主食点餐饮另加$8包括椰汁冰，洛神花冰………..午餐时段又可以多个选择啦，非常就脚, 看来我又多一个开餐饭堂了
继续阅读